حبهن عظيم

13

لانا خبطت ف رحيم ف كانت هتقع مسكها ووتين واقفه بتبصلهم مخدتش بالها أن احمد قرب منها مسكها من شعرها
فاقت من سرحانها ع ايد احمد اللي مسكها
احمد بضحك : وقعتي ي شابه ولا حدش سما عليكي
وتين ف دنيا تانيه بس بتحاول تجاريه : اسمالله عليا ي اخويا اوعي ايدك دي اكمني ست وحدنيه ومنكسره هتيجي عليا
راح رحيم عن أحمد وفك أيده من شعرها : اي هتعمل عقلك بعقلها انت الكبير ي جدع
وتين : اي عقلها دي شايفني عامله قطتين وماسك مصاصه
رحيم بسرحان وهو بيتخيلها : طب والله هتبقي مسخره
وتين عضته ف أيده : غلس
رحيم : ي بنت العضاضه طب كده هجدد وضوءي ولا اي
وتين بغيظ : لي عضه كلب
رحيم : عضه غزال ي غزال
احمد ضربه ع قفاه : اصطبح
رحيم وهو بيحط أيده ع قفاه : روح ي اخويا اتوضي عشان نصلي
كلهم اتوضي وطلعوا الصاله
احمد وقف أمام ورحيم وراه والاربع بنات وريتال والداده وراهم خلص صلي بيهم والجرس رن طلعت حور جري تفتح الباب
فتحت الباب
___________
عند سوزان بتكلم ساعي شغال ف مبني المخابرات
سوزان : بص ي اسمك اي انت
....: محسوبك صابر
سوزان : وات ايڤر المهم هتعرف تجبلي الفايل بتاع القضيه اللي ف مكتب العقيد مازن
صابر : والله هي حاجه مش سهله
سوزان بخيبه امل : يعني مش هتعرف
صابر بسرعه : لا لا هعرف انا بس بقول أنها مش حاجه سهله بس عشان عيونك نعملها بس تشوفيني انتي بقي وكلك ذوق
سوزان بفهم : اللي انت عاوزه
صابر : 40000
سوزان : بس دا كتير اووي
صابر بحزن : والله دا يادوب حق العمليه
سوزان فهمت أن الفلوس ع قد اللي هيعمله فكرت ف مراد وقالت ف سرها مش مشكله اهم حاجه مراد يبقي مبسوط
سوزان : خلاص ي صابر هات الورق ومش هنختلف المهم تلحق قبل ما يرجعوا وتاخد بالك
صابر : من عنيا ي ست البنات
__________
في مكان ما
راجل 1 : ها نفذت
راجل 2 بارتباك : والله ي باشا يعني
راجل 1: انت هتنقطني ي زفت انطق
راجل 2: والله انا بقالي كام يوم مراقبها مرحتش المكتب ومش بتنزل لوحدها ابدا ومش عارف
راجل 1 قاطعه : عارف اي وزفت اي ع دماغك انا اللي غلطان اني اعتمدت ع حد انا كل دقيقه بتمر عليا هنا انا اللي بدفع تمنها ي شويه اغبيه حتت بت عيله لا راحت ولا جت تسجني انا
راجل 2: ي باشا اهدي شويه
راجل 1: اهدي اي وزفت اي انا لو شوفت حد غيرك يخلص الموضوع دا تقول ع بنتك ومراتك ي رحمن ي رحيم
راجل 2 بخوف : خلاص ي باشا انا هتصرف
راجل 1 : لو منزلتش لو وصلت انك تتهجم عليها اعملها المهم الزفت الملف يختفي تولع فيه مش عاوز الدبان الازرق يعرفله طريق
راجل 2 : عنيه ليك ي باشا
راجل 1 : يكش تنفذ عشان انا زهقت وقفل ف وشه
راجل 2: حتي وهو جوا السجن جبروت والله لولا الحوجه لكن بلغت عنك انا بنفسي
___________
عند مراد بيفكر يوقع زين ف مازن ازاي ولازم يجيب الورق قدامه يوم واحد بعد نزوله م التدريب ولازم يتصرف ف اقرب وقت
_لازم كل حاجه تبقي ف مكانها الصح انا أولي بمكانك
= متنكرش ان الكل بيحبه ولي جمايل عند الكل
- بس برضو لي أعداء كتير والف من يكرهله الخير ويتمناله الشر
=انت شوفت منه اي وحش
- وشوفت اي منه خير انا اكبر منه انا اللي المفروض ابقي الليدر مهمات المفروض تبقي ليا هو ياخدها اللواء نشأت واللي قبله دايما حطينه فوقينا لي مبقاش انا مكانه انا برضو تعبت ع ما وصلت للمكانه دي
=وهو اكيد مخدهاش من مفيش
ضرب الحيطه بقبضه أيده وقام غسل وشه وبص ف المرايا يا انا ي انت ي زين
_____________
ف فيلا السويسي
بابا مازن ( ابراهيم ) : مازن مكلمكيش ي رجاء
والده مازن (رجاء) : لا والله ي حج
ابراهيم بحزن : طب رني عليه تاني
مسكت رجاء التليفون وقالت بحزن : مش بيجمع بحاول من الصبح والله ي حج انت بس استريح وانا هحاول تاني
ابراهيم بتعب : طب هو فين
رجاء : قالي عنده شغل كام يوم بس محددش مؤمريه ولا اي
ابراهيم : كان فيها اي م الاول لو ريح قلبي ودخل اداره اعمال ومسك كل حاجه من بعدي
رجاء : دا حلمه طول عمره وانت عارف هو احنا حيلتنا غيره عشان نغصبه ع حاجه هو مش عاوزها
ابراهيم بحزن: انتي كمان شيفاها غصبانيه انا معنديش غيره عاوزه يشل كل حاجه من بعدي يعني انا كنت بشتغل وبتعب عشان مين مش عشانه هو يعني كل دا يروح ف التراب
رجاء : ربنا يديك طولت العمر ي حج وتفرح بيه بس انت عارف هو من صغره بيحب يشتغل ويعمل اسم ل نفسه ميبقاش مجرد نسخه منك وبعدين ماهو مشاءلله راجل ملو هدومه وعقيد ف المخابرات يعني مطلعش مايل زي شوبان اليومين دول
ابراهيم بتعب : انا فرحان بيه والله وخلاص مش عاوز ازعله يعمل اللي هو عاوزه المهم مموتش وهو زعلان مني
رجاء بدموع : بعد الشر عليك ي اخويا إنشاءالله اللي يكرهه هو احنا لينا سند غيرك دي شده وهتزول انشاءلله وتفرح بيه وب عياله كمان
ابراهيم :  الجاي م العمر مش قد اللي راح حاولي بس توصليله ولو معرفتيش كلمي زين أو أخته اساليهم عليه انا عاوز اطمن عليه واكلمه
رجاء : ارتاح انت بس وانا هعملك كل اللي انت عاوزه
______________
ف مكتب المحاماه بتاع حور
استاذ مهاب رن جرس المكتب
سالي باحترام : ايوه ي استاذ مهاب
استاذ مهاب : كلميلي حور وقوللها تيجي تسلم ملف القضيه اللي معاه ودا أمر
سالي باستغراب : بس حضرتك هي تعتبر خلصت القضيه دي
استاذ مهاب بتعب : ما انا عارف للاسف وعارف أن دماغها ناشفه بس مش هسمحلها تتضر كلميها وقوليلي قالتلك اي بس بسرعه ي سالي ياريت دلوقت
سالي : تحت امرك ي فندم وخرجت من كتبها ترن ع حور مره اتنين تلاته مفيش رد
دخلت المكتب تاني
سالي : استاذ مهاب انا رنيت مش بترد
استاذ مهاب : خليكي وراها هي المفروض هتيجي النهارده الاجازه كانت امبارح بس !؟
سالي : ايوه ي فندم يعني ممكن زمنها ع وصول
استاذ مهاب : ماشي ي سالي وياريت اول ما توصل تدخلي
سالي : حاضر ي فندم تؤمر بحاجه تاني
استاذ مهاب : اه ياريت فنجان القهوه بتاعي
سالي : حاضر ي فندم وتخرج م المكتب
___________
ف مبني المخابرات يوصل زين ويدخل الكل يستغرب يروح للواء نشأت يخبط
اللواء نشأت باستغراب : ادخل
زين باحترام : انا اسف ي فندم اني قطعت التدريب ونزلت
اللواء نشأت بتساؤل : في اي ي زين خير اي اللي خلاك تقطع التدريب مش هتنازل أنها تكون حاجه ضروري
زين باحترام : هما حاجتين منهم حاجه بالنسبه للشغل ضروري
اللواء نشأت : احب اعرفهم
زين : في ملف مهم سايبه هنا ف المبني وجاي اخده بخصوص اخر قضيه مسكتها وكمان بصراحه عشان ريتال اختي
اللواء نشأت بنظره شامله : ماشي ي زين ياريت ع بكره الصبح تكون ف مركز التدريب
زين : شكرا ي فندم
وراح ع مكتب مازن بيدخل يلاقي حد ف المكتب وبيدور ف الورق
زين بهدوء : بتدور ع اي انا ممكن اساعدك
الساعي (صابر ) بخوف شديد وتوتر : انا انا ي فندم
زين لف قدام المكتب وقعد بهدوء : ها ي صابر بتدور ع اي وانا اساعدك
صابر ببكاء : والله ي فندم غصب عني انا عمري ما مديت ايدي ع حاجه ولا عملت حاجه حرام بس بس بنتي لازم تعمل عمليه غاليه ومش معايا فلوسها ف وسكت
زين بنفس الهدوء : ها اقعد واحكيلي
صابر : من كام يوم ي باشا جت واحده صغيره هنا قالت إنها خطيبه المقدم مراد وعاوزاه الكلام دا يوم ما روحتوا التدريب ف استغربت ازاي خطيبته وازاي متعرفش المهم قولتلها انكوا طلعتوا تدريب مع أن عارف ان النمله لو اتحركت هنا مينفعش نقول اتحركت يمين ولا شمال بس ساعتها كنت لسه راجع م المستشفي ببنتي ومش مركز ف المهم قالتلي عوزاك ف خدمه وليك القرشين اللي تعوزهم وادتني الكرت بتاعها عشان اكلمها
امبارح بليل كلمتها وقالتلي عاوزه ملف بآخر قضيه ف مكتب مازن باشا وقالتلي رقم القضيه عشان متلغبطش ف اي ملف تاني وطلبت منها مبلغ العمليه بس دا كل اللي حصل بس وأكمل ببكاء وحياه بنتي عندي ما بايدي حاجه
زين قام من مكانه وقعد قدامه : عارف اللي عملته دا اسمه اي اقولك انا اسمها خيانه ف حق البلد عقوبتها اعدام
صابر بتوتر : ابوس ايدك ي باشا والله ما بايدي
زين قعده ع الكرسي بتفكير : هتعمل اللي هقولك عليه وتبقي شاهد ف القضيه
صابر مسح دموعه : اللي سيادتك تشوفه ي باشا
زين قام قعد ع المكتب : وطلع ملف وغير شويه ورق واداه ل صابر
صابر باستغراب : اي دا ي باشا
زين : هتاخد الملف دا وتديه ل سوزان وتكمل كل عادي وبنتك انا هعالجها لو مش ع نفقه الدوله ع حسابي احسن من انك تعملها عمليه بفلوس حرام ولا اي
صابر بفرح : ربنا يخليك يا باشا انا اسف والله والله ما كنت اقصد أضر حد
زين بتفاهم : اتفضل وياريت محدش يعرف اني نزلت م التدريب
صابر : طبعا ي فندم
وخرج م المكتب وراح يكمل شغله
زين ظبط شويه ورق وحطهم ف ملف واحد ونزل ركب عربيته
_________
حور بارتباك وعيون ف لحظه بقت بحر دموع وخوف طلعت تجري ووقفت ورا احمد وليل
حور بصوت متقطع : ب با با لا لا م مش ععاوززه اررجع
بهاء : مكنتش اعرف اني بخوف كده
ليل : خير ي بهاء باشا
بهاء : انتي مين انتي
ليل ببرود : انا صاحبت المخروبه اللي حضرتك دخلتها من غير احم ولا دستور دي
بهاء ببرود مماثل : جاي اخد بنتي وماشي
احمد : معلش بنتك مين انت ملكش بنات هنا
بهاء : امال اللي متحاميه فيك دي مين
احمد : دي بنتي انا دي بنتي اللي كنت راميها ف مدرسه داخلي ومتعرفش عنها حاجه لدرجه أنها لو ماتت كنت ممكن متعرفش دي بنتي اللي كنت بسهر بالليالي قلقان عليها دي بنتي اللي كبرتها بايدي وبقت   قدامي اشطر محاميه وحققت حلمها دي بنتي اللي لما بتتعب بسهر جنبها دي بنتي اللي بحس بحزنها ف سكوتها
وبصوت عالي مليان غضب : انت مجرد اب بالاسم ولو اقدر اشيلك هشيلك ومش هتردد لحظه انت اب مهمل جشع فكرت في مراتك وعشان مكنتش بتخلف رميت بنتك بنتك اللي كنت بترميها ف اوضه بالايام والليالي اوضه حيوانات متقدرش تقعد فيها لا بنتك اي بقي جاي تسال عليها دلوقت لي
بهاء سقف بايديه : لا مشهد هايل بصراحه بس كل دا ميخصنيش انا جاي اخد حور ايا كان الصله اللي بنا انا المسؤل عنها وجاي عشان ارجعها معايا امريكا واجوزها كمان
.....: بس ازاي هتجوزها وهي متجوزه والمسؤل عنها جوزها مش انت حتي لو كنت ابوها
_________
مننساش الفوت والكومنت بقي