حبهن عظيم

3

.....: اي نسيتي صوت ابوكي زي ما بتنسي مواعيدك
حور طلعت تجري عليه واتعلقت ف رقبته : وحشتني والله
احمد : ما هو واضح تليفونك مقفول لي
حور تخبط ايديها ع راسها : وانا اقول المنبه مرنش لي
وتشده من أيده وتقعده ع الكرسي وتقعد جمبه
حور : معلش بقي متعوضه بكره اخد اجازه ونقضي اليوم كلنا سوا ولا اي ي بنات
البنات كانوا طلعوا ع صوتها كلهم ف صوت واحد بضحك : كده طبعا
داده سعاد : اقعدوا ي ولاد وربع ساعه ويكون العشا جاهز
احمد : لا عشا اي بقي انا جعان نوم مره تانيه
وتين : روحي انتي ي داده حضري العشا محدش يقول للأكل لا
الكل ضحك وقعدوا مع بعض اتعشوا
لانا : نتفرج ع فيلم بقي
وتين بصراخ : كارتون شركه المرعبين المحدوده الجزء التاني نزل
كلهم بصوا نحيتها
احمد : دا لانا محدش سمع صوتها انتي مكانك ف الحضانه فعلا
وتين : نينينينيني
لانا بضحك : لاحظ أن كلامك جارح
ليل : خلصونا رعب ولا رومانسي
لانا وحور ف صوت واحد: رومانسي
ليل : يبقي رعب تعالي ي وتين نحضر فشار وحاجات لزوم القاعده
وتين : بينا ع المطبخ ي كبيره
بعد 3 الساعات احمد بيبص ف الساعه لقاها 2 وكلهم ناموا قام غطاهم كلهم وقفل الشاشه واخد مفاتيحه ونزل
____________
عند زين سهران بيفكر هيعمل اي مش عاوز يسيب ريتال لوحدها حاول يقولها وهما بياكلوا بس عارف انها بتخاف تقعد لوحدها وعندها فوبيا من الضلمه اخر مره سابها لوحدها والكهربا فصلت البواب أنقذها ف مرضاش يقولها لحد اخر الاسبوع وكان لسه هيروح ف النوم الفون رن اتنهد بيأس
زين : تخيل لو كنت نايم وصحتني
مازن : عيب عليك احنا مش صحاب من امبارح قولي لقيت حل
زين : لسه والله بفكر
مازن : مفيش غير انك تسيبها عند خالتك بقي
زين : ما انت عارف مش بترتاح مع بنت خالتي وبصراحه ياسمينا طول عمرها شايفه نفسها
صوتك برا انت فين كده لسه مروحتش
مازن بتنهيده يأس : قولت اتاخر ع قد ما اقدر ع ما يكون الباشا نام
زين : طب وبعدين ي مازن هتفضل كده حاول تمشي امورك
مازن : انا مش عيل صغير عشان يخطبوله غصب عنه ولا انا بنت قطر الجواز هيفوتني هو مش خايف عليا هو اهم حاجه عنده البيزنس ولولا أنه تعب انا كنت سيبتله الفيلا باللي فيها
زين : سيبها ع لله وإنشاء لله هتتحل
مازن : ونعم بالله انا وصلت اسيبك بقي عشان تنام
زين : تصبح ع خير ي صاحبي
مازن : وانت من اهل الخير
__________
عند البنات
حور بتحلم حلم وحش قاموا كلهم جريوا عليها حور بنفس متقطع : رراج راجع
وبعياط وتبص ل ليل : جاي تاني
ليل حضنتها وتتبطب عليها : اهدي ي حبيبتي احنا سوا ومفيش حاجه اهدي كل حاجه تمام وطول ما احنا مع بعض متخافيش من حاجه
كانت الداده صحيت ع صوتها : راحت المطبخ عملتلها كوبايه لمون
راحت الداده عند وتين : اسمالله عليكي ي بنتي خدي شربيها ي وتين
وتين : اشربي ي حور عشان دمك اشربي انتي جسمك كله بقي ازرق
بدأت حور بهدوء تشرب وجسمها بدأ يسترخي ونامت ف حضن ليل مكانها
ليل بصوت واطي : يالا كل واحده ع اوضتها وهي كده كده ساعتين وهتصحي
لانا : هو في حد هيعرف ينام تاني دا انا قطعت الخلف
وتين : خلف اي ي اوزعه انتي دا انتي بتحطي دماغك بتسافري
لانا بصوت بدأ يعلا : دا اللي هو انا مش
الداده قطعتها : يابنات بطلوا مناقره ف بعض وكل واحده ع اوضتها
لانا ووتين والداده كل واحده دخل اوضتها
ليل فضلت تطبطب ع حور وتهمس محدش هيقربلك ولا هيقربلي كل حاجه هتبقي بخير ومش هنرجع زي الاول مش بعد سنين نرجع للصفر تاني كل حاجه هتبقي بخير طول ما احنا ف ايد بعض
عند أحمد روح بيته وبيكلم رحيم
احمد بهزار : ي جدع دا انا قولت السفريه المره دي مطوله دا حتي أمريكا كلها بنات حلوه هات اي واحده وتعالي
رحيم بصوت حزين : ياريت كنت اعرف اجيب اي واحده بنحت ف الصخر ع الفاضي ياريت في امل لو واحد ف الميه
احمد : ما انا قولتلك ميت مره اساعدك
رحيم : لو في حاجه تقدر تعملها كنت هخليك تعملها انا مسبتش حته مدورتش فيها
احمد : سيبها لله ي صاحبي انت روحت
رحيم : لا انا رجعت ع الفيوم هاجي ع الصبح
احمد : طب بقولك اي انا وحور البنات هنقضي اليوم بكره بقالي كتير مخرجتهاش تعالي معانا
رحيم : خليها مره تانيه عشان انا مش ف المود وعاوز اروح الشركه اخلص حاجات
احمد : تولع الشركه انا رئيس مجلس الإدارة وبقولك بكره اجازه
رحيم بضحك : تولع اه اراك توزع من مال امك
احمد : ايوه هو دا صاحبي سيبها ع لله هرن عليك الصبح
رحيم : تصبح ع خير
_________
في صباح يوم جديد عند زين ف البيت
ريتال بتخبط ع الباب جامد : إبيه اصحي ي أبيه
زين بخضه وماسك وشه بايده: توته انتي كويسه ي حبيبتي مالك ف اي
ريتال بضحكه : انا كويسه ي أبيه انت مالك بقي قلبك رهيف كده لي دا انت وحش المخابرات مش كده يعني
زين قام وطلع يجري وراها : بقي كده طب انا هعرفك تعالي ي بت ومسكها وشالها ع ضهره زي شوال البطاطس
ريتال بنفس متقطع من كتر الضحك :برئ ي بيه
زين بغضب مصطنع : بقي انا قلبي رهيف
ريتال : انا اقصد قلبك قلب خصايه حنين يعني
زين بضحك وبيرميها ع السرير : جت تكحلها عمتها يالا ي بت اعمليلي فنجان قهوه ع ما اخد دوش والبس واصلي يالا برا
ريتال طلعت جري وبصوت واطي : بيموت فيا ميقدرش يعيش من غيري
زين : سامعك ي جزمه اخلصي
___________
عند أحمد صحي م النوم وصلي وبيشرب قهوه وهو بيلبس وبيرن ع رحيم وفاتح الاسبيكر
رحيم بنوم : مش قولت تولع الشركه بتصحيني لي
احمد : الباشا ناسي أنه لسه هيجي م الفيوم صحصح كده واخلص وتعالي
رحيم : تمام اقفل بقي عشان الحق اقوم
احمد : باي ي اخويا
وحط فنجان القهوه ع التسريحه وبص ل نفسه ف المرايه والله انا قمر وضحك ونزل قابل عم دسوقي البواب
احمد بوجهه بشوش : صباح الخير ي راجل ي بركه بقولك اي
عم دسوقي : اؤمرني ي باشا
احمد : ي عم دسوقي حرام عليك بقالي كام سنه قاعد هنا وكل يوم بقولك انا زي ابنك بلاش باشا دي المهم
عم دسوقي بضحك : قول ي بني
احمد : عاوز حد ينفضلي الشقه من بعد ما البت صفيه اتجوزت بقالي اسبوعين الشقه تضرب تقلب انا لولا الدراي كلين مكنتش هلاقي لبس
عم دسوقي : من عنيا ي بني
احمد : طب المفتاح معاك اهو بس هات حد امين انت عارف محدش بيدخل الشقه دي
عم دسوقي : حاضر ي بني
احمد : سلام بقي ي راجل ي بركه وركب عربيه وف طريقه ل بيت حور والبنات
____________
عند البنات صحيت وتين
وتين : ي لولا ي حوريتي اصحوا الساعه 10
صحيت حور وفتحت عينيها : صباح الخير
ليل : صباح النور انتي بخير ي حور
حور : الحمدلله
وتين بضحك : ايوه ي ختي صبحوا ومسوا واطمنوا ع بعد وانا محدش فكر ياخدني للدكتور عشان اشوف ضهري اللي انكسر دا
حور بخضه : ماله ضهرك انتي كويسه
ليل بنفاذ صبر : سيبك منها دي ب سبع ترواح هي بس امبارح وقعت من ع الكنبه زرع بصل
وتين : ماشي ي ختي انا نازله الحضانه عندي حاجات مهمه هخلصها
حور : مش هتقضي معانا اليوم
وتين : هخلص كام حاجه ونتقابل
ليل قاطعتهم : هقوم اخد دوش واصلي وانتي كمان يالا روحي خدي دوش وشوفي داده تحضر الفطار وتصحي لانا عشان الجريده
لانا : بتجيبوا ف سيرتي لي
ليل : اسيبكوا انا بقي عشان اشوف اللي ورايا عشان افضي
حور : فين الداده ي لانا
لانا : بتحضر الفطار
حور بصوت عالي : متنسيش القهوه ي داده وراحت ع اوضتها
_________
ف مبني المخابرات وصل مازن وسأل ع زين عرف أنه لسه موصلش بص ف ساعته لقاها عشره الا ربع اتنهد وراح ع مكتبه بعد ما دخل وطلب قهوه الباب خبط فكره الساعي قاعد وباصص للحيطه وضهره للباب مازن : ادخل وحط القهوه
مراد بصوت مليئ بالحقد : معلش بقي انا مش الساعي
مازن بتأفف : خير ي مراد اي اللي رماك عليا
مراد بضيق : معلش بقي ي باشا محتاج ملف اخر قضيه
مازن : ملف ملف اي ااااه تقصد القضيه اللي انسحبت منك لا للاسف هي مع الوحش مش معايا انت عارف ان كان معايا قضيه تانيه
مراد : بس انا من حقي
مازن بصوت عالي وغضب : بلا حقي بلا حقك انا محترمك عشان المكان اللي احنا فيه لا اكتر ولا اقل حاول تبعد عن طريق زين عشان محدش هيتصدرلك غيري امين
مراد بخبث ف سره : يبقي انت اللي بداءت استحمل قرصه التعبان بقي
مراد : تمام ي سياده العقيد
مازن : كنت ناقص حرقه دم ع الصبح دخل زين ف نفس الوقت
زين : اي ي بني صوتك جايب اخر الدنيا
مازن : مفيش حاجه اقعد
زين : لا انا رايح ل للواء نشأت
مازن : هتقوله
زين : لا هطلب .........

__________
بعد ما نخلص قرايه البارت ممكن ندوس ع النجمه اللي تحت دي 😌💜