فارس بحزن : انا مش عارفه اقولك اي ي يوسف بس شد حيلك ي صاحبي البقاء لله
جلال : ازاي ازاي دي كانت كويسه
فارس : ازمه قلبيه حاولنا ننعش القلب كذا مره مستجابش ووقف خالص ربنا يرحمها
يوسف مش بينطق غمض عيونه اللي مليانه دموع : أن لله وان اليه راجعون أن لله وان اليه راجعون
فارس بحزن : انا هخلصلك الإجراءات ولو عوزت اي حاجه كلمني
جلال : احنا هنرجع مصر امك لازم تندفن هناك وانا وصيتي اندفن جنبها ف بلدنا
يوسف بدموع : متقولش كده ي بابا ربنا يخليك ليا انا مليش غيرك
جلال بجمود يحاول تصنعه : كلم شركه الطيران
يوسف : حاضر وبعلاقاته حجز ف طياره بعد 7 ساعات
يوسف : دا وقت كويس عشان نلحق
جلال : وانا هروح البيت الم كل حاجه عشان مش عاوز ارجع هنا تاني وهرجع افتح بيتنا اللي ف الفيوم وانت براحتك
يوسف : هرجع معاك ي بابا بس محتاج اكلم خطيبتي الاول
جلال : ماشي خلص الإجراءات مع صاحبك وانا ساعه وراجع عشان نستلم وكمل بدموع جثتها وسابه ومشي
______
ف البيت عند البنات
حور : انتي متعرفيش احنا حبناكي ازاي والله
ريتال : وانا والله اعتبرتكوا اخواتي وبعدين أن شاءالله تتجوزي انتي وأبيه قريب وابقي ع قلبك ي ستي
حور بهزار : طب يالا ي ختي احمد زمانه نام ف العربيه
ونزلوا لاحمد
احمد : سنه عشان تلموا طقمين ياباي بجد
حور : اي ي بني مكنوش ربع ساعه
احمد : ربع اي
ريتال بضحك : ربع اي ي حور انتي هتكدبي دا ي دوب خمس دقايق
احمد بهزار : ساعه وربع بقوا من خمس دقائق ل ربع ساعه ي كفره يالا عشان لسه هدوم زين اللي هنبات فيها ل بكره
وركبوا العربيه ومشيوا
_________
عند مازن ف البيت ف اوضه زين
مازن : حاول بقي ترتاح شويه عشان نصايه وهتلاقي ست الكل جيبالك الاكل
زين : انا مش عارف اقولك اي والله
مازن : افضل لكلك ياما عشان الحجه رجاء تسمعك كلام ميعجبكش وبعدين دا انا لو مكانك انتهز الفرصه اكل بيتي ميه ميه وكمان كلام ف سرك دا هي ناويه تزغطك
زين باستغراب : تزغطني
مازن بصوت منخفض : اصل انا قولتها أن دمك اتصفي ف هي هتعوض بقي واستلقي وعدك
زين : دا انا اللي هاجي اصفي دمك دلوقت صحيح لما ريتال تيجي انا عاوز حور اتكلم معاها ف انزل استناهم بقي يالا من غير مطرود وخد الباب ف ايدك
مازن : احم انا حاسس اني بنكرش ف خد راحتك ي حبيب اخوك
وطلع وقفل باب الأوضه وراه
_________
ف فيلا دولت
دخلت بسرعه متعصبه
دولت : رامي ي رامي
رامي : اي ي ديدي ف اي
دولت : انت سحبت من حسابي 2 مليون
رامي ببرود : اه
دولت : بس انت اول مره تسحب مبلغ كبير كده وكمان مقولتليش
رامي بخبث : اي ي بيبي بس مش انتي اللي قولتي فلوسي فلوسك اي اللي جد بقي
دولت تحاول تهدي أعصابها : اللي جد ان انا حبيت افهم الفلوس دي بتروح فين عملت بيها اي انت واخد لحد دلوقت من حسابي 4 مليون ع فترات وامبارح سحبت اتنين مليون مره واحده في البنك بلغني
رامي بخبث : اووه البنك هو اللي حرق المفاجاه بتاعتي
دولت : مفاجاه اي دي
رامي : وانا لو قولتلك تبقي مفاجاه ي ديدي
دولت : لا بس برضو
رامي : بس اي انتي مش بتثقي فيا
دولت:هو انا عندي اغلي منك اثق فيه
رامي : حبيبتي ي ديدي انا دلوقت خارج اخلص شغل بس نازل القاهره وهرجع بليل اخدك نتعشي برا
دولت بهدوء : ماشي ي رامي
رامي : باي ي روحي
ف سره : هانت اووي
وسابها وخرج
__________
عند رحيم ف الشركه خبطت السكرتيره
رحيم : ادخل
دخلت السكرتيره : الورق دا عاوز يتمضي ي فندم
رحيم : طب سبيه هراجعه واطلبي سليم عاوزه
السكرتيره : تمام ي فندم حضرتك تؤمر بحاجه تاني
رحيم : لا شكرا
خرجت السكرتيره وطلبت سليم
ف مكتب سليم وليل
ليل : ايوه
السكرتيره : مستر رحيم طلب مني اقول ل استاذ سليم يروحله
ليل : تمام انا هبلغه
ليل بصت ل سليم : رحيم طلب يشوفك
سليم : انا لوحدي
ليل : ايوه
سليم :خير يارب
ليل حركت ايديها وبوقها بمعني معرفش : ي خبر ب فلوس لو روحت هيبقي ببلاش
سليم: ع رايك ولم الورق اللي قدامه وحطه قدامها كده الميزانيه الجديده بقت تمام لو حبه تراجعيها
ليل : لا خلاص طلما انت خلصتها
وخرج سليم راح مكتب رحيم
السكرتيره : اتفضل رحيم باشا مستنيك جوا
خبط سليم ودخل
سليم : خير ي فندم
رحيم : صلي على النبي ي سيدي
سليم : عليه افضل الصلاه والسلام
رحيم : تشرب اي الاول
سليم : ولا حاجه بس خير قلقتني
رحيم حط قدامه ورق : دا مشروع انا بفكر فيه من فتره من قبل ما انزل مصر عاوز اعمل فندق ف مرسي علم ممكن تبص عليه كده وتشوف ميزانيته تسمح أنه يتعمل دلوقت ولا لا
اخد سليم الورق وقلب فيه : هي من غير ما ابص هتكلف بس انا لسه مظبط ميزانيه جديده وأديتها ل ليل بس انا هشوف وارد عليك بس هي عمتا احنا لما عوضنا خساره المبلغ اللي كان اتسرق ف بالنظر كده ممكن نعمله بس انا برضو هشوف الاول واتاكد وارد عليك
رحيم : تمام ي سليم بس ياريت بسرعه
سليم : تمام ي بشمهندس
وخرج م المكتب راح ع مكتبه هو ليل
سليم : هو انتوا مش اخوات
ليل : ف اي
سليم : يلبسني انا الحوار دا لي انا مصدقت اخلص الميزانيه
ليل : فهمني بس حوار اي
سليم : اخوكي عاوز يعمل فندق ف مرسي علم وطلب مني اشوف الميزانيه تسمح ولا لا
ليل بتفكير : اولا مسموش اخوكي ثانيا احنا هنا ف شغل البيت حاجه والشركه حاجه ثالثا حلو حوار الفندق ف الوقت دا بالذات رابعا ودا الأهم هو طلب منك انت عشان انت هنا من سنين ف فاهم اكتر مني
سليم بهزار : خلاص خلاص طب تسمحيلي اعزمك ع الفطار ونرجع نكمل شغل لو مش هيضايقك
ليل بتفكير : انا ممكن استغلك عشان تعبت ماشي يالا
سليم : وماله استغلال استغلال مش وحش برضو
وخرجوا سوا
________
وصل احمد عند فيلا مازن بعد ساعتين ف بيت زين
احمد : متاكده ي ريتال إن دي الفيلا
ريتال : ايوه مكتوب اسم اونكل ابراهيم اهو
احمد : طب يالا انزلوا
حور : احنا هننزل لي
احمد : اولا عشان ادخل الشنط ثانيا عشان انا واخدها امانه من اخوها لازم اديهاله
ريتال بغيظ : هو انا كيس شيبسي
احمد : بس ي سكر
ريتال نزلت م العربيه استنت احمد فتح شنطه العربيه ونزلت شنطتين
جت تمسك الشنطه احمد مسكها معاها
ريتال بتوتر : ا.انا هشيل شنطتي هي خفيفه عمتا وانا هجرها مش هشيلها
احمد وهو باصص ف عينيها : معرفش لي بحب اعصبك
ريتال : انا هدخل انا وتعالوا ورايا
حور : اخلص ي اخويا ولم الدور شويه
احمد : قاطعه اللحظات وهادمه اللذات امشي قدامي
ووصلهم الباب ل جوا
مازن : اهلا بيك ي احمد اتفضل
احمد : يزيد فضلك بس لازم نمشي عشان لسه هنروح المكتب
مازن : عيب متقولش كده هو احنا بخلا ولا اي اشرب كوبايه مايه حتي
رجاء : اخص عليك ي مازن مايه اي امسك في يتغدا
وراحت سلمت ع ريتال : ازيك ي بنتي
ريتال : الحمدلله ي طنط بخير والله
مازن : دي حور ي ماما مرات زين ودا احمد اخوها
رجاء راحت سلمت عليها واخدتها بالحضن : الف مبروك ي بنتي دا انتي ف مقام مرات ابني
حور بحب : الله يبارك فيكي ي طنط
رجاء : يبقي متكسفونيش بقي خمس دقائق والأكل يتحط اهو حتي يبقي بنا عيش وملح
احمد : طب مره تانيه
مازن : تانيه وتالته اي بس انت هتشوف الاكل نفسك هتتفتح واصلا زين عاوز يتكلم مع حور تعالي انت بس نقعد ف الصالون لحد ما ريتال وحور يروحوا ل زين وشاور ل ريتال ع الأوضه
مازن بصوت عالي : يا سعيد سعيد
سعيد : اؤامرك ي بيه
مازن : خد الشنطه دي واحده دخلها اوضه زين والتانيه بتاعت الهانم دخلها اوضتها الاوضه اللي جنبها
سعيد : حاضر وشال الشنط
ريتال خبطت ع اوضه زين
زين : تعالي ي توته
ريتال : عرفت منين أن انا طيب
زين : دا انا حفظك تعالي
ريتال : لا انا قولت اطمنك عليا وهدومك اهي وانا هروح احط هدومي ف الدولاب واخد دوش سريع ونتقابل ع الغدا كمان عشر دقايق عشان انا جعانه وطلعت م الاوضه علطول
زين بضحك : مجنونه وبص ل حور ب حب : تعالي ي حور هتفضلي واقفه عندك
حور سابت الباب مفتوح شويه
زين : احلفلك ع مصحف اني جوزك اقفلي الباب مش هاكلك والله
حور بارتباك : مقصدش والله بس تعود
زين : مسك ايديها انتي متوتره لي طيب انتي خايفه مني
حور : مش عارفه بس مش خوف لما بشوفك برتبك بحس اني مش ع بعضي مع اني كنت معاك من كام ساعه معرفش لي
زين : دا حب دا ولا اي
حور بكسوف : مازن قالي انك عاوزني
زين : اه ي ستي روحتي المكتب ولا لسه
حور : لسه هنروح المفروض دلوقت بس طنط مامت مازن صممت نتغدي معاكوا ف مش هلحق
زين : خير ما فعلت والله انا كنت حابب اجي معاكي اشاركك فرحتك
حور : بجد انا موافقه جدا
زين : طب خلاص نروح بكره
حور بتفكير : بكره هتلاقي رحيم واقف فوق دماغنا من صباحيه ربنا عشان ننزل القاهره عشان يطلب ايد وتين بقولك اي انت مش جوزي ما تيجي معانا
زين بحب : حلوه جوزي دي
حور : يووه ي زين
زين : خلاص خلاص متقلبيش طماطم كده طب هقولك لو مثلا اجي اخدك قبلهم بشويه ونروح المكتب سوا نشوفه وافطر انا وانتي ونحصلهم اي رايك
حور : هشوف احمد واقو
زين : اي اي ي عيوني
حور : هشوف احمد هيقول اي
زين : انا جوزك والله بقولك اي ساعديني اقوم لاحسن انا هتشل
حور بضحك مسكت أيده وحاولت تقومه
حور : زين انت مش كبير وطويل بس لا وتقيل كمان
زين اتعمد يتقل جسمه : الله اكبر اي ي حور ي حبيبتي مش كده
حور : طب ساعدني طيب وبتشده وقعت ع السرير وهو وقع فوقيها
زين : بس اي القمر دا
حور : ززين مي..مينفعش لو سمحت اوعي
زين باصص ف عينيها : والله اللي بيحصل دا هو اللي مينفعش حور انا بحبك
مازن : يالا الاكل اوبا
زين اتعدل : ي حيوان هقولك كام مره عملوا اختراع اسمه تخبط ع الباب
مازن بضحك : لمؤخذه ي كبير بس يالا الاكل جاهز
حور مستخبيه ف ضهر زين
زين : اطلعي ي ختي
حور بصوت واطي وهي بتشب عشان تبقي جمب ودنه : عجبك كده اي شكلنا دلوقت
زين بنفس الهمس : اي مراتي وكنت هبوسها
حور ضربته ع كتفه : سافل
وصلوا ع السفره ونزلت ريتال
مازن : يالا ي ريتال مش محتاج اقولك البيت بيتك
ابراهيم : وتقول لي ماهو بيتها فعلا دا تمشيك وتقعد هي تعالي ي حبيبتي جمبي
ريتال : ربنا يخليك ي اونكل
رجاء : يالا ي ولاد كلوا وانت ي زين كل كويس عشان علاجك
ابراهيم : اخيرا هتشوفلها حد غيري تمشي وراه بالاكل والعلاج
الكل ضحك وقضوا اليوم سوا
________
تعويض عن الفصل اللي قبله عشان قصير ڤوت وكومنت برايكوا♥️♥️
أنت تقرأ
حبهن عظيم
Vampireالاختيار دايما بيبقى فيه حاجات مبنقدرش نختارها زى العيلة والاهل بس فيه هما كل واحدة اختارت لنفسها عيلة عشان يبقو اهل وسند لبعض يقفو سوا ف كل حاجة فالحلو قبل الوحش وفالحب بيساعدو بعض حتى لو كل واحد عندها مشكلة♥️
