في فجر يوم جديد بعد وصول يوسف وجلال للفيوم
يوسف صحي الفجر وراح اوضه باباه
يوسف : بابا بابا ي بابا
جلال لا رد
يوسف حط أيده ع قلبه لقي النبض ضعيف خالص يعتبر مش موجود بقي محتار مش عارف يعمل اي خرج م البيت خبط ع البيت اللي جمبه
يوسف بينهج بدموع : لو سمحت انا معرفش حد هنا وبابا تعبان جدا محتاج دكتور ضروري لو تعرف حد
عم صلاح : ابني دكتور ثواني اصحيه
يوسف : بسرعه الله يخليك
عم صلاح : حاضر حاضر
بعد دقيقتين رجع يوسف والدكتور للبيت
يوسف اتفضل الاوضه هنا
دخل حط ايده ع شريان ف أيده وحاول يسمع النبض حاول يشوف في نفس ولا لا ملقاش بص ل يوسف
دكتور نادر : انا اسف جدا البقاء لله
يوسف بدموع : لا والنبي اتاكد انا ممكن اوديه مستشفي لا انا ممكن ارجعه امريكا اعمل بس حاجه دلوقت انعشه اتصرف
دكتور نادر عينه دمعت : والله لو بايدي حاجه مش هستني وحرام تبهدله ف طريق ومستشفي وهو خلاص يعني روحه طلعت
حط أيده ع كتف يوسف : دي امانه شد حيلك
وقع يوسف ع الكرسي : دا اختبار صعب اووي يارب مكنش ليا غيرهم خدتهم الاتنين يارب صعب والله
دكتور نادر راح غطا وش جلال : وحد الله تعالي اطلع برا وانا هكلم ابويا ونتصرف ونعمل كل حاجه عشان انت متعرفش حاجه هنا
يوسف : ونعم بالله
__________
ف بيت البنات والكل نايم صحي الكل ع صرخه مكنش صوت حد غير ليل الكل راح ع اوضتها
وتين راحت حضنتها : اعوذ بالله من الشيطان الرجيم اهدي اهدي دا كابوس
حور : شربيها ي وتين خدي مايه اهي
لانا قعدت جمبها تمسح ع جبينها : اهدي ي ليل اهدي دا كابوس
داده سعاد : شوفي حرارتها كده ي وتين
وتين : مش سخنه ي داده كويسه
ليل بتنهيده : قلبي
حور : اطلب دكتور
ليل : لا يوسف كلمي يوسف
وتين : يوسف اي دلوقت بس احنا الفجر ي ليلي نامي دلوقت والصبح نرن عليه مش هنقلق الناس ف نومها وهو زمانه واصل من كام ساعه
لانا : مش كان بات احسن م الشحططه دي نامي ي ليل دلوقت
ليل : حور يوسف وعمي بابا جالي رني عليه والنبي
حور : حاضر ي حبيبتي حاضر اهدي بس هات الفون من جمبك ي وتين
وتين : خدي اهو
رنت حور ع يوسف مره مردش
حور : مش بيرد زمانه نايم ي ليل وتعبان م السواقه
ليل قامت من ع السرير
حور : رايحه فين ي ليل
ليل : هلبس وانزل الفيوم
داده سعاد : ي بنتي يهديكي ربنا سفر اي دلوقت
ليل : لا دلوقت انا قلبي واجعني بابا مش بيجي غير عشان يقولي حاجه والمره دي جه اخد وانا قلبي واجعني ي جماعه حسوا والنبي
وتين : انا فهماكي والله بس نستني ساعتين النهار يطلع واكلم رحيم يوديكي
ليل : ولا دقيقه واحده
حور : خلاص البسي ي ليل وانا هاجي معاكي
داده سعاد : انتي هتعومي ع عومها ي ليل وبعدين انتي دلوقت متجوزه ي بنتي ودي اصول مينفعش تسافري من غير إذن جوزك
حور : هكلمه ي داده وهصحي احمد يجي معانا
لانا : من باب أولي خدي رحيم اهو اخوه ليل عشان لو بعد الشر في حاجه
وتين : وانا هرن تاني ع يوسف يارب يرد ويطمنا
حور : ماشي أخرجوا دلوقت وانا هلبس وهطلع لبس ليل وكلمي رحيم ي وتين
لانا : متنسيش تكلمي زين
حور : حاضر حاضر
______
ف البيت عند رحيم رن تليفون برقم ليل
رحيم قام مفزوع من نومه
رحيم : الو ليل انتي بخير
وتين : انا وتين ي رحيم
رحيم : انتوا بخير حد حصله حاجه
وتين : متقلقش احنا بخير بس ليل حلمت بكابوس ومصممه تروح دلوقت الفيوم معلش البس بسرعه وتعالي بس سوق ع مهلك والنبي مش ناقصين كوارث
رحيم بص ف الساعه : هبت منها دي ولا اي سفر اي دلوقت
وتين : والله عملنا كل حاجه عشان نقعدها مفيش أنجز وقت بقي وتعالي
رحيم : حاضر باي دلوقت
________
ليل وحور خلصوا لبس رنت حور ع زين
زين بنوم : الو
حور : معلش ي زين بصحيك م النوم
زين قام اتعدل وفاق : خير ي حبيبتي في اي انتي كويسه
حور : انا كويسه الحمدلله بس حصل ظرف طارئ وليل لازم تسافر الفيوم دلوقت ف انا هسافر معاها ورحيم كمان معانا
زين : ظرف اي دا دلوقت خير يارب
حور : احم بصراحه يعني ليل حلمت حلم وحش
زين : نعم ي عنيا
حور : اي انت بتقول اي
زين : بقولك استهدي بالله واتغطي وغطيها وناموا
حور : انا بتكلم بجد والله يوسف بنرن ومش بيرد وليل عمر احساسها ما طلع غلط
زين : يبقي استني اجي معاكي
حور : هو انا رايحه اتفسح ي زين
زين : هي كلمه واحده مش هتنيها
حور : اوف طيب ياريت بسرعه متتاخرش
زين : ع ما البس يكون الاوبر وصل عشان مصحيش مازن ومناخدش عربيتين
حور : تمام هستناك يكون رحيم وصل
زين : باي
________
عند يوسف ف البيت شغله القراءن والبلد كلها عرفت
دكتور نادر : ندفنه دلوقت ولا نستني الضهر ي يوسف
يوسف يحاول التماسك : لا إكرام الميت دفنه وانا شايف أن في ناس كتير موجوده والنهار طلع يندفن احسن
عم صلاح : دا راي انا كمان ي بني والبلد كلها صاحيه اهي
يوسف : اللي حضرتك تشوفه
عم صلاح :كلم ي نادر ي بني الدفان وظبط كل حاجه
نادر : حاضر ي بابا
عم صلاح : هو انت ملكش أهل ي بني
يوسف : مليش غير بنت عمي وهي ف اسكندريه وليا عمتي بس معرفش عنها حاجه ووالدتي لسه متوفيه من كام يوم تقريبا كان مستعجل أنه يروح لها
عم صلاح : ربنا يرحمهم ودا عمره ي بني
يوسف : ونعم بالله
وبعد ساعات تم الدفن والعزا
= وصلت ليل الفيوم بعد كام ساعه
حور : ليل احنا طوعناكي وجينا واحنا منعرفش البيت فين
ليل : اكيد قاعدين ف بيتنا القديم هوصفلك الطريق ي رحيم
رحيم : حاضر ي ليل
وصلوا لقوا عزا ليل غمضت عينها واتنفست بسرعه ونزلت م العربيه دخلت لقت يوسف واقف قدامها جريت عليه حضنته ف وسط دهشة الناس
ليل بدموع : انت كويس صح لي العزا عزا مين متقولش عمي
حور : اهدي ي ليل احنا ف وسط رجاله
يوسف بدموع: كان حاسس كان عاوزك تسامحيه عشان كان ماشي ي ليل
ليل بدموع : مسمحاه والله
يوسف : انتي جيتي لي وازاي
زين : حور خدي ليل وادخلو عند الحريم واحنا هنفهم يوسف الوقفه دي وحشه
حور : حاضر يالا ي حبيبتي
رحيم : البقاء لله ي يوسف
زين : البقيه ف حياتك شد حيلك
يوسف : الشده ع لله بس هي ليل اي جابها وشكلها تعبانه
رحيم : بيقولوا حلمت بكابوس فضلت تصرخ ومن بعدها صممت تيجي لما انت مردتش ع الفون
يوسف : دماغي مكنتش فيا والله
زين : ولا يهمك ربنا يصبرك
يوسف : يارب
________
وصلت دولت اسكندريه بعد ما الراجل راح الفيلا الصبح وطلعها منها بس طلبت منه يسيب العفش فتره ووافق وراحت ع عنوان مكتب المحاماه اللي نيڤين بعتتها لي
دولت للسكرتيره : لو سمحتي استاذ مهاب موجود
السكرتيره : ايوه ي فندم مين حضرتك
دولت : انا دولت البرهامي كنت محتاج اقابله
السكرتيره : في معاد مسبق
دولت : للاسف لا بس انا جايه ف قضيه مهمه ومستعجله وكمان انا م القاهره
السكرتيره : طب اتفضلي اقعدي ثواني بس
دخلت السكرتيره وقالت للاستاذ مهاب وقالها تدخلها
السكرتيره : اتفضلي ي فندم
دخلت دولت وقعدت
استاذ مهاب : تشربي اي
دولت : ولا حاجه بجد ميرسي انا فعلا مستعجله
مهاب : تمام فنجان قهوتي
السكرتيره : حاضر ي فندم وخرجت
استاذ مهاب : خير
دولت : انا مش عارفه اقول اي لحضرتك بس بوضوح واختصار انا كنت عامله توكيل ل حد وهو سحب يعتبر كل رصيدي اللي ف البنك دا غير أن كان في ثقه عمياء بينا مضاني ع ورق بيع الفيلا بتاعي وهو هاجر بعدها
استاذ مهاب : والله هو للاسف حضرتك مش مدياني فرصه اتكلم بس انا كنت هقولها تمشيكي من برا بس هي قالت انك جايه من القاهره مخصوص بس انا للاسف حاليا المكتب كله مشغول كل محامي معاه كذا قضيه مش هيعرف يمسك قضيتك وانا كمان للاسف مش فاضي
دولت : لا بجد بليز انا هتصرف ف الأتعاب
مهاب : أتعاب اي حضرتك انتي فهمتي غلط بس بجد انا معنديش محامي يقدر يمسكلك قضيتك بس ممكن ارشحلك حد ومن تلامذتي
دولت : الحقني بيه
خرج مهاب كرت من درج المكتب وحطه قدامه
اخدت دولت الكرت وبتقرا لقت :.......
__________
مفيش دلع اكتر من كده والله مننساش الڤوت بقي💙💙
أنت تقرأ
حبهن عظيم
Vampireالاختيار دايما بيبقى فيه حاجات مبنقدرش نختارها زى العيلة والاهل بس فيه هما كل واحدة اختارت لنفسها عيلة عشان يبقو اهل وسند لبعض يقفو سوا ف كل حاجة فالحلو قبل الوحش وفالحب بيساعدو بعض حتى لو كل واحد عندها مشكلة♥️
