ف امريكا رجع يوسف البيت بعد ما غير معاد السفر
جلال : ها هننزل امتي
يوسف : اول طياره نازله مصر بعد يومين كان في واحده طلعت فجر النهارده
سماح : وماله هنستني يومين كمان بجمله اللي استنناه قام يوسف
سماح : رايح فين ي يوسف
يوسف : رايح اقابل خطيبتي بقالي كتير مشفتهاش واعرفها اني نازل مصر
سماح : هو انت مش هتسيبها
يوسف بنفاذ صبر : واسيبها لي وهي كويسه
سماح : اعملوا اللي انتوا عاوزينه انا اصلا محدش بيسمعلي كلمه هنا
يوسف خد مفاتيحه وتليفونه : انا خارج
________
عند البنات
رحيم : هو سليم مفيش غيره
ليل : لا طبعا سليم اي بتاع اي ادخله ف حياتي وممكن اسببله مشاكل
احمد بهدوء : لي لا دا امين جدا كان ممكن وقت الاختلاس اللي حصل ف الشركه مينبهش رحيم أو أقل حاجه كان ممكن ينصص معاه لكن هو عنده امانه وبعيد كل البعد عننا
حور : ليل مفيش وقت هنجيب واحد تاني منين
ليل بتفكير : اللي تشوفوه اعملوا انا هدخل انام
حور بصت لاحمد : معاد الجلسه بكره
احمد بتنهيده : ع خير انشاء لله صحيح عملتي اي ف موضوع اختلاس الشركه
حور : خلاص قدمت الورق والجلسه الشهر الجاي بس كده كده الحكم معروف
احمد : ماشي ي حبيبتي ادخلي ارتاحي شويه وانا هنزل انا ورحيم نروح
حور : ماشي ي ابو حميد تصبحوا ع خير
________
في فجر يوم جديد في مبني المخابرات
زين اجمع الفريق كله وقال بصوت عالي : هنتحرك كمان دقيقتين وهنفذ الخطه لو حد فينا اتصاب أو حتي مات الباقي يكمل محدش يقف لازم حق سيف يرجع وعلي حسب المعلومات الراجل الكبير هيبقي موجود لازم نجيبه بالتوفيق ي شباب
وبدأ الكل يتحرك تجاه المكان
________
صحيت ريتال مفزوعه وفضلت تعيط
لانا بفزع : اعوذ بالله من الشيطان الرجيم في اي ريتال
ريتال : أبيه انا قلبي واجعني
لانا : ي حبيبتي ما هو ف التدريب
ريتال : لا حاسه في حاجه هتحصل عاوزه زين
لانا : طب تعالي مرت عليه كانت حور صاحيه بتراجع القضيه وسمعت صوت عياط راحت بسرعه ع اوضه لانا
حور راحت حضنت ريتال :في اي ي توته بس
ريتال ببكاء : أبيه زين في حاجه
حور حست بنغزه ف قلبها : حاجه زي اي يعني متقوليش كده هتلاقيه كابوس ولا حاجه وإنشاء لله يكون كويس
ريتال : مش عارفه والفون مقفول
لانا : ي بنتي ما انتي عارفه مفيش شبكه
حور : قومي ي ريتال اتوضي وصلي ي حبيبتي وإنشاء لله يكون ب خير
قامت ريتال وبصت حور ل لانا واتنهدت : انا هروح اوضتي وانتي لو حصل حاجه عرفيني وخرجت ع اوضتها وفضلت تفكر في زين لحد ما نامت شويه
_______
صحي رحيم م النوم لبس وراح الشركه بدري وطلب م السكرتيره رقم سليم اللي ماسك الحسابات
السكرتيره : تمام ي فندم دقايق واجيبه لحضرتك تحب اجبلك حاجه تانيه
رحيم : ياريت فنجان قهوه
السكرتيره : تمام ي فندم وخرجت وبعد دقائق رجعت بالرقم والقهوه ادتهومله وخرجت
رحيم رن ع سليم
رحيم : الو سليم الخولي
سليم : ايوه انا مين
رحيم : انا رحيم
سليم بمقاطعة : رئيس مجلس إدارة الشركة
رحيم بضحك : اه ي سيدي ومعلش لو صحيتك م النوم
سليم : لا ابدا ي بشمهندس انا كنت بلبس ونازل الشركه
رحيم : كويس اووي كنت محتاجك ف أمر شخصي بس
سليم : خير
رحيم : خير انشاء الله بس لو تقدر تيجي بدري شويه يبقي كويس عشان نلحق نتكلم
سليم : تمام ي بشمهندس مسافه السكه وقفل وخلص لبس وخرجت من اوضته
مامت سليم : صباح الخير ي حبيبي ع فين مش هتفطر
سليم : لا ي حبيبتي رحيم صاحب الشركه عاوزني ف أمر شخصي ف عاوزني بدري
بابا سليم : خير ي بني
سليم : والله ي بابا ما اعرف ي خبر ب فلوس بعد شويه يبقي ببلاش وباس ايد باباه وراس مامته وبص لاخواته التؤام باي ي قرود
يارا اخت سليم : الدلع كله ل سليم واحنا ولاد البطه السوده
ساره : اه يعيني علينا لقينا ع باب جامع
يارا : والنبي ما حصلنا باب جامع دا ع باب المعبد اليهودي
باباهم بضحك : بطلوا غلبه ومشاكسه ف مامتكم انا رايح المستشفي وخرج
يارا : هو انتي قاعدلنا ف البيت النهارده ولا اي ي ست الكل
مامتها : اه ي ست يارا عندك مانع
يارا : لا ابدا دا انا كنت بفكر ندخل المطبخ نعك شويه
مامتها : شويه بس عشان حاسه بارهاق
يارا : وماله هروح اخلص شويه حاجات ورايا وكلهم طلعوا اوضهم
_________
وصل زين والفريق للمكان اللي هيتم في تسليم البضاعة وبعد دقايق بدأ التسليم وقتها ادي زين الاشاره عشان الكل يتحرك وفضل ضرب نار حوالي ربع ساعه دخل زين المكان بيدور ع الشخص دا وساب مراد مكانه وراح هو كمان عشان عاوز هو اللي يقبض عليه عشان يبقي احسن من زين
دخل زين المكان شاف واحد معاه اتنين حراس
زين بهدوء : الاتنين دول مش هينفعوك ياريت من غير مقاومه تطلع معانا
الشخص المجهول بص الاتنين اللي قدامه ف قربوا من زين وضربوا ضربهم جامد دخل ف نفس الوقت مراد وفضل يضرب مع زين لحد ما وقعوا ع الأرض
زين : شفت بقي يالا زي الشاطر كده اتفضل معانا
المجهول طلع مسدس : برصاصتين اخلص عليكوا سبوني أخرج
زين : مفيش غير حلين الحل الاول يتطلع معانا بالذوق والتاني ع جثتي
اتحرك الشخص وبحركه سريعه مسك مراد وحط السلاح ع دماغه : سبني اتحرك ولا هفرتك دماغه
مراد ببرود وحركات مدروسه حاول تشتيته: فرتك بس بسرعه عشان كده كده شويه وهتلاقي المكان دا كله محاصر هو انا مقولتلكش كل الناس اللي برا يا اتصفوا ي اتقبض عليهم وعشان
قاطعه كلامه حركت زين وضربه ف رجله ف وقع وفك مراد نفسه ووقفوا حواليه
مراد : انا ممكن اموتك ونخلص بس هما عوزينك حي
زين : دا كله ملوش لزوم وقرب منه وضربه بوكس ورا التاني لحد ما وقع تاني ع الأرض قام وضرب زين حاول مراد التدخل لكن زين منعه
بعد ضرب دام عدت دقايق اخد المجهول المسدس وضغط ع الزناد باتجاه مراد ولكن ف لحظه وقف زين مكانه واخد الطلقه ف نفس الوقت دخلت باقي القوات المكان ومسك مراد الرجل وسلمه ل ادهم ورجع بسرعه ل زين : زين انت كويس
زين بتعب : كويس
دخل مازن بسرعه : زين زين وبص ل مراد بغضب وضربه ف وشه انت عملت اي انا هموتك واخلص منك ومن شرك
زين بتعب : هو ملوش دعوه ريتال ريتال ي مازن لو حصلي حاجه امانه ف رقبتك واغمي عليه
مازن بصوت عالي : اسعاااااف
________
نزلت حور م البيت وهي حاسه بوجع ف قلبها مش عارفه اي سببه وراحت ع المحكمه علطول وبعد دقائق بداءت الجلسه قامت حور وقفت مكانها : سيدي القاضي اسمح لي ببعض الوقت أن اقص لك كيف يتم دخول هذه المواد داخل مصر وبعد ما حكت له كل شئ وصلت إليه وقدمت المستندات وكل حاجه واكملت : فلم يكن حسين نصار الا وجهه لدخول هذه المواد ل مصر ف يوجد شخص آخر وراءه لكنني لم اصل إليه واحب ان اضيف شئ اخر وحكت له أنه حاول يموتها وسرق الملف وقدمت رقم المحضر اللي عملته
القاضي وجهه كلامه ل حسين : تحب تقول حاجه دافع عن نفسك ساعد نفسك دي اخر فرصه ليك
حسين بوجهه خالي من الحياه ف سره : ازاي عايشه مستحيل مستحيل اموت لوحدي بس لو خرجت هما هيقتلوني
فاق ع صوت القاضي : دي اخر فرصه عندك
حسين برعب : ممدوح المنشاوي
القاضي : مين دا
وفجاه جت رصاصه من اخر القاعه ف نص دماغه بالظبط ووقع مات وف لحظه أصبحت القاعه رأسا ع عقب وحور ف ذهول من اللي حصل
القاضي خبط وبصوت عالي : سكوووت
الكل سكت وحاول الظباط أنهم يلاقوا الشخص اللي عمل كده لكن اختفي
نطق القاضي : لم تغلق القضيه وجاري البحث عن ممدوح المنشاوي رفعت الجلسه وخرج الكل
ف وقت وصول احمد اخد حور وروح بيها ع البيت وهي ف حاله سكوت تام
_______
وصل سليم عند رحيم الشركه ووصل عند السكرتيره
سليم : ياريت تبلغي المهندس رحيم اني برا
السكرتيره : اتفضل هو مستني حضرتك
دخل سليم : صباح الخير ي فندم خير
رحيم : طب اقعد الاول وإنشاء لله خير ي سيدي
سليم : اتفضل سامعك
رحيم باختصار : بص ي سيدي دلوقت الأمر أن في مشكله عائليه وانا هقولك عشان يبقي عندك فكره عم ليل اللي هي اختي عاوز منها ورثها اللي هو اراضي ف الفيوم وشويه مبالغ متجيش حاجه جمب الأراضي ف احنا فكرنا أنها تتنازل عن حقها ل حد يكون امين ويكون بعيد عننا عشان الموضوع يبان عادي مجرد بيع عشان فلوس ف بصراحه انت اول واحد جه ف بالي واتمنى انت متخيبش ظني الآن مفيش وقت نشوف غيرك
سليم بتفكير : انا معنديش مانع اساعد بس انا عندي حل احسن
رحيم : اي هو
سليم : انا والدي عنده مجموعه مستشفيات ممكن اقوله وهو مش هيرفض ويبان البيع عادي بحيث لو حصل حاجه وعمها وصلنا بابا يقول إنه ناوي يفتح فرع جديد للمستشفي ف محافظه جديده اللي هي الفيوم
رحيم بضحك : لا والله دماغك حلوه ي واد ي سليم
سليم بضحك : طب امتي هنخلص الورق
رحيم : دلوقت لو تحب
سليم : طب اديني وقت اكلم والدي وافهمه كل حاجه وارد عليك
رحيم : ابقي شاكر ليك جدا ي سليم مش عارف اقولك اي والله
سليم : متقولش حاجه مش مستهله استأذن انا بقي وخرج راح مكتبه يكلم باباه
_______
أنت تقرأ
حبهن عظيم
Vampireالاختيار دايما بيبقى فيه حاجات مبنقدرش نختارها زى العيلة والاهل بس فيه هما كل واحدة اختارت لنفسها عيلة عشان يبقو اهل وسند لبعض يقفو سوا ف كل حاجة فالحلو قبل الوحش وفالحب بيساعدو بعض حتى لو كل واحد عندها مشكلة♥️
