حبهن عظيم

4

ف مكان بعيد كل البعد عن مصر
....: ها ي جلال لقيت بنت اخوك ولا لسه
جلال : اعمل اي يعني البت فص ملح ودابت اجيبها منين
سماح : بقولك اي بقالك حوالي أربع سنين ع نفس الموال اعمل اي اعمل اي لما مش انت اللي تعمل مين اللي يعمل
جلال : ي حبيبتي استهدي بالله وكل حاجه هتتحل
سماح : انا عملت كل حاجه عشانك عشان الورث ميطلعش برا أيدينا تزوير وزورت بعد اللي قدامي واللي ورايا وجينا امريكا من حوالي اكتر من 8 سنين وبدانا م الصفر و قولت معلش ف الاخر هنجوزها ل يوسف وتبقي كل حاجه لينا
بصوت مملوء بالغضب : حتت مفعوصه لا راحت ولا جت هتمشينا ع كيفها
جلال : خلاص ي حبيبتي هدي اعصابك وانا لو طولت اجيبها من تحت الارض هجيبها
دخل يوسف ابنهم ف نفس الوقت :  ماذا حدث
جلال : والنبي ي اخويا وحياه ابوك كلمني عربي مش ناقصه عوجه لسان
سماح : خليك كده طلع اللي فيك ف الواد بدل ما تدور ع الشملوله بنت اخوك
يوسف ف سره : مش هنخلص م الحوار دا بقي ربنا يستر ومفيش حاجه تتكشف
جلال : انا سيبلكوا البيت وماشي دي مبقتش عيشه
سماح بدموع تماسيح : ماشي ي جلال كاسر نفسي كده علطول
يوسف بهدوء: ي ماما اهدي مش كده وكل اللي انتي عوزاه هنعمله ماشي ي حبيبتي
سماح : هو انا ليا مين غيرك ي حبيبي اعتمد عليه يوسف عشان خاطر امك دور ع بنت عمك تاني لحد ما تجيبها
يوسف ف سره  : دا ربنا رحمها منكوا
يوسف : حاضر ي ماما انا هدخل استريح انا شويه
استتتوب
جلال : عم ليل 62 سنه بس ميبانش عليه الكبر كان شريك بابا ليل  بنسب بسيطه ف كل المشاريع بتاعتهم اللي ف مصر كانوا من الفيوم وعندهم مزارع وارضي كتير جدا ولما بابا ليل توفي كتب كل حاجه ل بنته وخلي مامتها واصي عليها
سماح : مرات عمي ليل انتهازيه جدا جشعه تحب المال اكتر من نفسها بتكرره ليل بسبب مامتها آلانها دايما احسن منها عندها 51 سنه
يوسف : ابن عم ليل عنده 34 سنه خاطب بس مامته مستنيه رجوع ليل عشان تجوزهاله حتي لو كان اتجوز صاحب شركه برمجه بيعتبر ليل زي أخته وبيحاول يراضي أهله من غير مشاكل
وصفه / قمحي البشره جسمه رياضي شعره اسود وعيونه بني غامق ولديها غمازاتين وتفاحه ادم بارزه
___________
ف مكان تاني ف امريكا
رجل 1 : ماذا فعلت
رجل 2 : لم اصل إلي شئ
رجل 1: يجب عليك التصرف في اقرب وقت انت الذي يخسر الكثير إن لم تتصرف
رجل 2 : اعلم اعلم ولكن لم يكن بيدي شئ ولم افعله
رجل 1: ابذل قصاري جهدك
رجل 2 : سأفعل ما بوسعي
رجل 1: نلتقي مساءا
____________
نرجع تاني عند البنات
حور اخدت دوش وصلت وطلعت ماسكه الفون وماشيه بسرعه خبطت ف حد بترفع رأسه لقته احمد
حور بتتكلم بسرعه : ابو حميد ليك وحشه والله بص ولا ليك عليا  حلفان انا هطير ع المكتب استاذ مهاب عاوزني عشر دقايق القهوه ي داده وهرجعلك هوا تكون فطرت وشربت قهوتك
داده سعاد : ي بنتي خدي نفسك هي الدنيا طارت يقطع الشغل ع شرب القهوه صحتك ي ضنايا ما تقول حاجه ي بني 
احمد : اقول اي بس ي داده دماغها انشف من الحجر
داده سعاد : ع رايك هروح احضرلك الفطار وتفطر مع ليل ولانا
بصوت مسموع : تعالوا ي بنات ساعدوني
حور بنظره اطفال بريئه : وحياتك ي ابوحميد عشر دقايق وسابت فنجان القهوه وطلعت تجري ع الباب
احمد ضحك وقعد قدام التليفزيون يرن ع رحيم
رحيم : ي بني انا امي الله يرحمها لو كانت عايشه مكنتش هتهتم بيا كده
احمد : كويس انك لاقي حد يعبرك قولي قدامك قد اي
رحيم :  اديني ساعه وهتلاقيني ف وشك اجيلك الشقه ولا فين
احمد : لا لا هبعتلك لوكيشن شقه حور انت مجتش قبل كده
رحيم : انا فاكر المهم باي عشان داخل ع لجنه وقفل
احمد بصوت عالي : الفطار ي داده انا جعت
_____________
لانا واقفه ف المطبخ بتقطع الخيار والهاند فري ف ودنها بتكلم ريتال
لانا : هيكون في اي يعني
ريتال : مش عارفه والله حاسه ان في حاجه شاغله تفكيره  اي هي مش عارفه
لانا : ممكن قضيه مهمه
ريتال : أبيه م النوع اللي بيدخل البيت يرمي البدله الميري برا جوا البيت حاجه وبرا حاجه
لانا : خلاص يا خبر بفلوس بكره يبقي ببلاش
ريتال : ع رايك يعني مش هتيجي النهارده الجريده
لانا : لا حور عاوزين نحتفل معاها باول قضيه تكسبها كانت مسكاها لوحدها
ريتال : خلاص ماشي ي ستي وانا هسلملك الموضوع وهغطي عليكي لاحسن رئيس التحرير بيعزك اووي وضحكت
لانا بضحك : اه طبعا واي معزه
احمد من وراها : دي معزه مش معزه بقالك ساعه بتقطعي الخيار ي صغيره
لانا : طب باي ي توته
ريتال بضحك : باي ي صغيره
لانا بضيق : هتبطلوا تقولولي صغيره امتي
احمد وهو بياكل م الخيار : لما تكبري
ضربته ع أيده : متاكلش م الخيار اللي قطعته بقي عاوز قطع ل نفسك
احمد : خدي ي بت ي صغيره وطلع يجري وراها
داده سعاد : ي بنتي اكبري بقي
احمد بضحك : قولها مفكره نفسها كبيره
ريتال دبدبت ف الارض برجليها وراحت قعدت ع السفره : بايخ اووي
ضحك احمد والدنيا
وليل قاعده سرحانه
داده سعاد : اي اللي واخد عقلك ي بنتي
ليل فاقت من شردوها : لا ي حبيبتي ولا حاجه انا هقوم اروح البنك استأذن واجي تكون حور وصلت
داده سعاد : مش هتفطري
ليل : مش جعانه بالف هنا ليكوا
------------
نرجع ل زين ومازن
مازن : هتطلب اي سمعني
زين : زي ما سمعت هطلب يقسم فريقي عليكوا بالتساوي
مازن : زين انت عاوز تشلني انت بتقدم ل مراد فرصه ع طبق من دهب انت واخد الأوائل وطول عمر فريقك بيبقي رقم واحد عاوز تفرقه
زين : مفيش قدامي حل تاني انا من اخر مره ريتال كانت هتروح مني وحمدت ربنا أن المعسكر كان قريب دلوقت أقل حاجه 4 ساعات فرق المسافه
مازن بتفكير : لو ينفع هقولك هاتها عندي البيت بس اخاف ابويا يشبط فيها ويقولك يتجوزها
زين ضحك مازن قاله روح بس قول للواء نشأت ع موضوع الفون يسمحلك بيه وربنا يحلها فاضل 3 ايام نفكر فيهم ليوم المعسكر
زين بتفكير : انت شايف كده
مازن : ايوه ي صاحبي
طلع زين من مكتب مازن راح مكتب اللواء نشأت خبط ٣ خبطات
اللواء نشأت : ادخل ي زين
زين بضحك : نفسي اعرف بتعرف منين
اللواء نشأت : دا حسي الأمني عيب تسأل السؤال دا خير تعالي اقعد
زين : بصراحه انت عارف ان مش بحب اتخطي القواعد والقوانين بس انا مش هقدر اطلع معسكر التمرين
اللواء نشأت : اي الكلام الفارغ دا دا امر مفيهوش نقاش
زين : ي فندم اسمعني انا مش هقدر اسيب ريتال وحضرتك عارف في حل ضعيف اني استخدم الفون لو حضرتك تسمحلي الان مش هقدر اقعد الفتره دي كلها من غير ما اطمن عليها
اللواء نشأت : ماشي ي زين قبل المعسكر هيبقي معاك اذن
زين وقف : شكرا ي فندم وخرج م المكتب وراح مكتبه يخلص شغل معاه
_______
وصلت حور المكتب
السكرتيره سالي : مبروك ي حور
حور بابتسامه : الله يبارك فيكي استاذ مهاب موجود ايوه بس معاه عميل استنيه هنا لو مش معاكي شغل
قعدت حور : لا انا جيه وماشيه هاخد اجازه بقيت اليوم
سالي بضحك : ايوه ي عم مين قدك
حوريه بهزار : دا حسد ولا قر
سالي بهزار  : لا لا انا مش ب قر انا بحسد بس
حوريه بضحك : لو كان كده ماشي
واتفتح باب المكتب وخرج واحد حور لما شافته قلبها اتقبض حاولت تشبهه عليه بس مجمعتش فاقت ع صوت سالي ادخلي لاستاذ مهاب مستنيكي
دخلت حور واقفه ساكته لسه بتحاول تفتكر مين الشخص دا
دخلت حور واقفه ساكته لسه بتحاول تفتكر مين الشخص دا
استاذ مهاب : اقعدي ي حور
حور قعدت : خير ي استاذ مهاب
استاذ مهاب : خير ي ستي بصي في قضيه جتلي اول امبارح بصراحه كنت بفكر اديها ل شريف زميلك بس حسيت محدش هيكسبها غيرك هي ملخبطه شويه بس انتي قدها
حور بنفس عالي : اللي حضرتك تشوفه ومدت ايديها تاخد الفايل
قاطعها مهاب : بس مش دا اللي عاوزك فيه انا عارف انك جايه تاخدي النهارده اجازه
حور : امال اي
استاذ مهاب : حسين الجمال
حور بصوت منخفض يكاد يكون مسموع بتكرر الاسم كذا مره : ااه افتكر مش دا اللي .......
_______
عند ليل وصلت البنك متأخر الأنها كانت ناويه متروحش اصلا
سامح بسماذجه :صباح الفراوله ي فراوله
ليل عدت ف سرها من واحد ل خمسه وتجاهلته ومشيت
سامح : هو الجميل جاي متأخر كان سهران ناموسيته كحلي لا كحلي اي نقول حمرا بيضا قشطه زي القشطه
ليل ف سرها اهدي متطلعيش غضبك فيه اهدي ومسكت الورق اللي قدامها وحاولت تخلي تركيزها كله فيه
سامح ابتدأ يتضايق من تجاهلها لي وقال لازم ياخد خطوه
قام سامح وقف قدام المكتب بتاعها وحط أيده ع ايديها : هو الجميل مش معبرنا لي
ليل بخضه سحبت ايديها وبصوت عالي : انت اتجننت ازاي تسمح لنفسك تمسك ايدي كده
سامح بنفاذ صبر : اي انتي هتعملي فيها الخضره الشريفه عليا كلكو زي بعض شوفي هتعوزي كام ومش هنختلف
عند هذا القدر ويكفي ليل بغضب ضربته بالقلم ع وشه وبصوت عالي كل اللي ف البنك سمعه لما تتكلم مع ليل الشاويش تعرف انت بتكلم مين مش حته عيل زيك اللي يقلل مني دا انا احطك تحت رجلي
سامح بغضب ف الاول مره حد يمد أيده عليه ومين واحده مسكها من دراعها وبصوت أشبه فحيح الأفاعي : هتندمي وحياتك عندي لاندمك ع القلم دا
ليل شدت ايديها من أيده جامد وزقته وضربته للمره التانيه : مش ليل الشاويش اللي تتهدد وكده بقوا اتنين مش واحد
دخل مدير البنك بصوت عالي : اي دا انتوا ف بنك محترم مش ف الشارع انتوا الاتنين هتتجازوا
ليل : انا خلال عشر دقايق هتكون استقالتي ع مكتب حضرتك
___________