حبهن عظيم

8

تسريع احداث عدا 3 ايام وكل واحد بيروح شغله وليل بتحاول تضيع وقت وتنزل النادي أو تقف ف المطبخ شويه وهي بتحب الطبخ
____________
حور : صباح الخير ع الجميع
الكل : صباح النور
داده سعاد : اي ي حبيبتي مش هتفطري
حور : لا يدوب الحق اوصل المكتب صحيح ي لانا صاحبتك هتيجي امتي
لانا لسه هنتكلم الجرس رن : راحت فتحت بنت حلال مصفي
ضحكت ريتال وبتبص وراها
لانا باحراج : سوري مأخدتش بالي اتفضل
زين : ولا يهمك ومره تانيه انا اسف جدا لو هتقل عليكوا بس انا مش برتاح لما بسيبها لوحدها
جت حور ف الوقت دا : لا ي سياده العقيد متقولش كده دي ريتال زي اختنا
زين بحب : ربنا يخليكي ي انسه
حور : حوريه
طب اتفضل اشرب فنجان قهوه
زين : معلش مره تانيه
حور : انا نازله ي بنات سلام
وتين: خدي بالك من نفسك
البنات : باي
حور : ممكن تنزل معايا ف الاسانسير لو تحب بدل ما تنزل سلم
زين : اوكي عادي
حور كل شويه تشيل شعرها من ع خدها تحطها ورا ودنها وعشان مش طويله تطلع تاني كررت الحركه كذا مره وهي مركزه ف الفون ومش واخده بالها من اللي عينه شويه وهتاكلها اتفتحت الاسانسير وسابته وطلعت
زين فاق ل نفسه  وركب عربيته : اي دا استغفر الله العظيم اي ي زين انت عندك اخت بنت المفروض تغض البصر
- بس في انا مكنتش اقصد سرحت عادي يعني
= لا انت جاي واصريت تتطلع ريتال عشان هتموت وتشوفها مش عشان تطمن ع ريتال
- لا طبعا اهم حاجه ريتال
= ريتال مهمه بس متنكرش انك عينك كانت بتدور عليها
_ يووووه بقي
زين بينزل ازاز العربيه لقاها وقفه قدام عربيتها رافعه الكبوت بتاع العربيه ومتعصبه نزل زين م العربيه
زين : في حاجه ي انسه حوريه تحبي اساعدك
حور : العربيه باظت وانا مش عامله حسابي ومتاخره ف مستنيه تاكسي
زين ف سره فرصه : طب تحبي اوصلك
حوريه : لا لا ابدا مش حابه اعطلك دلوقت البواب يبان ويجبلي تاكسي
زين : لا عادي مفيش مشكله اتفضلي
حور تبص ف ساعتها : وتقول ف سرها امري لله تبصله وتبتسم : ماشي اوكي
زين :  اتفضلي ركبت جمبه
زين : هو انتي بتشتغلي اي رغم أنه عرف عنها كل حاجه
حور : محاميه
زين : عندك مكتب محاماه
حور بضحكه : يسمع منك ربنا قريب انشاءلله انا يدوب لسه متخرجه بس كنت بشتغل وانا بدرس من سنه أولي عشان كنت حابه الكليه
زين بابتسامه : ماشي ي ستي وصلنا
حور : معلش بقي دوشتك
زين : ولا يهمك ونزلت حور وراح هو  ع الشغل
__________
ف الشركه عند احمد ورحيم
رحيم بصوت عالي : ازاي يعني احنا هنا مش ف الشارع كل دول هيتحول للتحقيق حالا فلوس بمبالغ عاليه بتطير ف الهوا وانتوا نايمين حالا لو مجاش ع مكتبي تقرير بكل جنيه طلع محدش يلوم نفسه يالا كل واحد ع شغله
دخل احمد ف اي ي رحيم صوتك جايب اخر الشركه
رحيم قعد ع الكرسي : اخر مره عملت جرد امتي
احمد بتفكير : من 6 شهور
رحيم : زي ما شكيت ف اختلاس كبير ب مبالغ ضخمه طلعت بس مطلعتش
احمد قعد : لا فهمني
رحيم مسك فايل : بص كده دي اوقات بمبالغ بتتسحب مبتتدخلش ف مشاريع ودي وأوقات بتتتسحب فيها مبالغ اللي بيدخل منها ف مشاريع التلت بس والأستاذ اللي ماسك اداره الحسابات مختفي من 4 ايام وكانوا مفكرينه غايب والدنيا مطعتله ازاي ي احمد متخدش بالك من حاجه زي دي
احمد بهدوء اعصاب : العصبيه مش هترجع حاجه ممكن نهدي ونفكر
الباب خبط : دخل اربع موظفين اللي مسؤولين عن الحسابات بعد المدير كلهم خرجوا معادا واحد
سليم : ي فندم انا اللي بلغت حضرتك اللي حصل أنه كان بيحاول يعمل تشويش ع المبالغ اللي بتتسحب مع أن دا مش شغله لما شكيت ف الحوار مكنتش اقدر اتهمه بالباطل غير لما يبقي معايا دليل بقيت احاول اسال غ المبالغ اللي بتتسحب واشوف ف نفس الوقت المناقصات بيدفلعها كام الشهر اللي فات لقيت عجز ف الميزانيه برغم أن الميزانيه كانت مظبوطه واكتر من مظبوطه طلبت منه أننا نعمل جرد قبل ما يطلب مننا من احمد باشا هو رفض وكلفني بشغل تاني ودا كل الورق اللي جمعته
احمد : ماشي ي سليم شكرا وهحتاج شهادتك وكل الكلام دا تاني اتفضل
خرج سليم قعد احمد ورحيم يبصوا ف الورق رحيم : بتفكر في اي ي احمد
_ هرفع قضيه ممكن يكون جوا مصر لسه ونشوف هنتصرف ازاي
رحيم : لازم حد امين يمسك الحسابات م اللحظه دي
احمد مسك الفون
_________
عند ليل نايمه ف البيت
ليل بنوم : الو ايوه مين
احمد : اصحي ي ليل محتاجك
ليل قامت قعدت ع السرير : خير ي احمد في اي حور كويسه
احمد : كويسه متقلقيش انا محتاجك ف الشركه حالا ي ليل
ليل : حاضر اديني نص ساعه واكون عندك
احمد : ماشي مستنيكي
____________
عند زين ف الشغل دخل المكتب وطلب من فريقه يتجمع عشان السفر بعد نص ساعه دخل مازن : صباح الخير ي سياده العقيد متأخر 7 دقايق
زين بضحك : انا العقيد زين الشرقاوي اتاخر براحتي
مازن : الاه الاه دا احنا بنضحك ع الصبح خير يارب
زين بص ف ساعتها : قدامك عشر دقايق تجهز فريقك والاقيك قدامكي وسابه وراح ع مكتب اللواء نشأت
خبط وسمع الاذن ودخل : صباح الخير ي سياده اللواء
اللواء نشاءت : صباح الخير يا سياده العقيد جاهز
زين : اه ي فندم
اللواء نشاءت : تمام بعد 15 يوم مستني التقرير ع مكتبي
زين : تمام ي فندم وبص ف ساعته استأذن انا
اللواء نشأت : متنساش كل الفرق بمدربنهم تحت نظرك ي سياده العقيد
زين بانصراف : تمام ي فندم وخرج من مبني المخابرات هو وفريقه وباقي الفرق ل مكان التدريب وهو عباره عن مبني شبهه مهجوره في صحراء ومعاهم فريق طبي
________
عند حور قاعده ف مكتبها سرحت
_ بس غريبه انا مقولتش ع مكان المكتب وركبت ووصلني
= يمكن قولت وماخدتش بالي
_ لا مقولتش انا متاكده
= امال هو عرف منين
_ نسيب بقي شغلنا واللي ورانا ونقعد نفكر هو زين الرجال وصلك ازاي
= ابتسمت بس حلو زين الرجال
جت السكرتيره خبطت ع مكتبها
حور : ادخل
سالي : استاذ مهاب عاوزك
حور : حاضر استني اجي معاكي وشالت ورق حطته ف الدرج وطلعت معاها للمكتب حور خبطت
استاذ مهاب : ادخلي ي حور
حور : حضرتك طلبتني
استاذ مهاب : عاوز اقولك حاجه ي حور
حور  : قول حضرتك خير في قضيه جديده
استاذ مهاب : احم احم النهارده جالي تهديد ع مكتبي
حور باستغراب : تهديد لي ومن مين
استاذ مهاب : بتهدد بيكي مطلوب منك تسيبي قضيه الفساد العام اللي معاكي
حور بنبره حاده: لا طبعا انا عمري ما أتنازل عن قضيه وبعدين انا يعتبر خلصتها اخر جلسه كمان اسبوع استحاله
استاذ مهاب بنفاذ صبر : حور ي بنتي انتي عارفه انك غاليه عندي الناس دي مش بتهوش لوانا عادي اللي جاي ف العمر مش قد اللي راح انتي مش حمل ازيه
حور : انا مش هتنازل عن القضيه وبعد ازنك دا اخر كلام عندي وقام خرجتك م المكتب
__________
عند لانا وريتال ف البيت
ريتال : يالا ي لانا سنه بتلبسي خلصينا بقي
لانا : اي ي بنتي مش بظبط شعري
ريتال تبص للبسها بغير رضا :انتي هتنزلي كده
لانا : اه ويالا انجزي بقي
ف نفس الوقت طلعت وتين : صباح الخير ع الحلوين ع فين كده
لانا : صباح الفل ع الجريده مفيش كليه النهارده
وتين بنظره شامله : صباح الزفت ع دماغك اي اللي انتي لابساه دا ما تقلعي احسن
وصف لبس لانا لابسه جيت سلوبت لحد قبل الركبه جينز وتوب ابيض وعامله شعرها ديل حصان وكوتشي ابيض
لانا : وتين اطلعي من دماغي احنا ف الصيف والجو حر البس اي يعني
وتين بنفاذ صبر وصوت عالي : اه احنا ف الصيف ف الناس تقلع قسم بربي ي لانا لو مدخلتي حالا غيرتي المسخره دي ما انتي معتبه باب البيت ولا تشوفي الشارع غوري غيري
داده سعاد : ي بنات استهدوا بالله وانتي ي لانا اختك معاها حقك
لانا بغضب : وانا محدش هيمشي كلمته عليا
وتين ببرود اعصاب : يبقي مفيش نزول وطلعت التليفون وتين : الو ايوه ي يارا
يارا : ايوه ي مس وتين خير
وتين : خير ي حبيبتي بس الغي اجتماع النهارده بتاع أعضاء مركز ذوي الاحتياجات الخاصة  وبلغيهم وهيبقي بكره ف نفس المعاد
يارا : تمام حضرتك
وتين ببرود : وادي قاعده ي لانا ويا انا ي انتي
__________
راحت ليل الشركه اول ما دخلت سالت ع مكتب رئيس الاداره
عامل النظافه : ف الدور الأخير ي بنتي والاسانسير ع ايدك الشمال اخر الطرقه
ليل : تشكر وراحت نحيه الاسانسير وركبت وصلت عند السكرتيره
السكرتيره ميار : مين حضرتك وفين معاد مسبق
ليل : قولي لاحمد ليل برا
ميار بنظره شامله : اه اتفضلي مستنيكي
دخلت ليل : اي ي احمد ف اي
رحيم بصلها دقيقتين قلبه دق جامد ومبقاش سامع حاجه ومش شايف غيرها
احمد حكي لها كل حاجه : بس ي ستي وعاوز كل حاجه تحت ادارتك انتي وسليم هو باين عليه كويس ولا اي ي رحيم
احمد بصوت عالي : واد ي رحيم رحت فين
رحيم : اي اه معاك اهو
احمد : لا دا انت محتاج تفوق نطلب قهوه تاني
رحيم : ياريت عشان صدعت
احمد : نسيت اعرفكوا دي ليل اخت حور الرابعه انت مكنتش شوفتها يوم العزومه ودا رحيم شريكي ي ليل
رحيم وليل ف نفس الوقت : اهلا بيك/ي
احمد : اقعدي ي ليل ثواني هطلب سليم يوديكي مكتبك ويفهمك كل حاجه
ليل : ماشي ي احمد
طلب احمد سليم وراح المكتب
احمد : سليم دي انسه ليل هتمسك معاك الحسابات ودا مش وقت مؤقت دا من هنا ورايح وديها ع مكتب فؤاد الزفت وانت هتفضل معاها ف المكتب  حاولي عشر ايام لحد ما تظبطوا كل حاجه و يتعملك مكتب جنبها عشان اداره الحسابات هتمسكوها سوا وعاوز تظبيط جديد الميزانيه يبدأ م الصفر معلش ي ليل عارف ان هضغطك جامد الفتره دي بس لما هتشوفي كل حاجه هتعرفي أن الدنيا باظت
ليل : ولا يهمك ي بشمهندس
وبصت ل سليم : اتفضل ممكن نبدأ دلوقت عشان نستغل الوقت
سليم : تمام وراحوا ع المكتب
احمد : رحيم ف اي ي بني
رحيم بدون وعي : مش عارف احساس غريب
احمد : احساس اي ف اي
رحيم خد باله : ها لا مفيش فيم القهوه
احمد : زمانه جاي
_________
حور قاعده ف مكتبها مضايقه مش عارفه تركز لمت حاجتها وطلعت فايل القضيه م الدرج وقررت مش هتسيبه بعد كده ف المكتب لحد ما تخلص القضيه وطلبت اوبر بعد ربع ساعه استأذنت من استاذ مهاب تروح ونزلت ف طريقها وهي مروحه سندت ع الشباك وغمضت عينيها
فلاش باك
بعد اول مقابله لأحمد وحور بقي ف كل اجازه تطلع تلاقيه مستنيها برا وبقت مطمنه ليه وراحت شافت مامته ف اجازه م الإجازات وبعد سنه ف اخر اجازه ليها قبل ما ترجع مصر قاعد احمد ويوسف وليل وحور ف مطعم بيتغدوا
احمد : قررتوا اي
حور : انا خايفه مش من حاجه انا مش عاوزه ارجع الفيلا تانيه وغمضت عينيها وعيطت ليل مسكت ايديها : قولنا اي مش عاوزين عاوزين ننزل مصر وننسي كل حاجه وتحققي حلمك لازم شويه قوه ي حور مش هنعيش طول العمر كده
حور بنفس طويل : خلاص هعمل كده
احمد : حور الوقعه بفوره لازم تعرفي مكان الورق وتجبيه ف وقت واحد عاوز كل الورق اللي يخص تعليمك وكل حاجه وهتحطيه مكانه الورق المزور  وف ظرف يوم هكون مطلعلك الباسبور انتي وليل وع اول طياره هتنزلي مصر تروحي ل مامتك وانت ي يوسف تجيب كل الورق بتاع ليل عشان نخلص كله ف وقت واحد قبل ما باباك يكتشف دا ونفس الكلام هتحط الورق المزور وبص ل حور بحب : فاضل قد اي ي حوري وتخلصي امتحانات وتقعد قد اي وتطلع النتيجه عشان الملف يتسحب
حور : فاضل اسبوع وممكن اسبوع كمان والنتيجه تطلع
احمد : طب شدوا حيلكوا ي بنات مش هتنازل عن مجموع عالي يالا كلوا عشان ترجعوا
يوسف : ليل انتي عارفه انتي عندي اي عشان خاطري تاخدي بالك من نفسك وهحاول اتابعك من بعيد مش لازم تواصل عشان مش هبقي ضامن بس اعرفي اني دايما جمبك
_________
رجوع من فلاش باك
السواق:  وصلنا ي انسه
حور حسبته وطلعت واول ما دخلت لقت لانا ووتين بيتخانقوا
لانا : انتي ملكيش فيه
وتين : وماله
لانا : ي بنتي متبقيش بارده كده وخليني انزل
وتين : هو انا مسكاكي هل انا مساكي اوعي من قدامها ي ريتال لا تكون مش عارفه تتحرك منك والباب هناك اهو بس قسما بربي يا لانا لو نزلتي كده لاكسر عضمك ف بعضه مش ع اخر الزمن اختي تبقي عامله زي بنات الليل وهتبقي لا اختي ولا اعرفك
لانا دبدبت ف الارض : دي مبقتش عيشه دي دي حاجه تقرف
وتين بصوت عالي : وماله ي عيوني حضري ي داده الاكل خلينا ناكل
حور بهدوء : علفكري ممكن تنصحيها بأسلوب احسن من دا وهتسمع كلامك بدل ما تزعليها منك
وتين : تزعل ولا تتفلق دي مبتفهمش اصلا والله لو اتكلمتي من هنا ل بكره
حور بنفس طويل : ليل فين
داده سعاد : احمد طلبها ف الشركه ي بنتي
حور : ماشي ي داده انا هروح اخد دوش واصلي وانام ياريت محدش يصحيني سبوني اصحي لوحدي
وتين بهدوء : في حاجه
حور : لا ي حبيبتي ضغط شغل بس وسابتها ودخلت اوضتها
__________
ف امريكا
رجل 1: وصلت ل شئ
رجل 2 : انها في مصر لكن أين بالظبط لم اعلم ومصر لم تكن صغيره بالقدر الكافي لأتستطيع تحديد مكانها
رجل 1 : هذه مشكلتك تذكر كل يوم يمر انت من يخسر
رجل 2 وهو يشرب الخمر : لم انسي لكي اتذكر عطيني قليل من الوقت
رجل 1 : معاك 15 يوم لا غيرهم
رجل 2 بلع ريقه بصعوبه : لازم اجيبك من تحت طقطيق الأرض مش هخسر كل اللي حيلتي عشانك لازم اجيبك ي حوريه
__________
ياريت مننساش الفوت والكومنت 🥺♥️