حبهن عظيم

7

عند ريتال بتكلم لانا
ريتال : مش قولتلك في حاجه
لانا : طلع اي بقي عاوز يتجوز
ريتال : همك ع الجواز
لانا : هو في احسن من كده
ريتال : اخرسي ي به عشان افهمك
لانا : كلي إذن صاغيه ارغي
ريتال حكتلها كل حاجه : بس ي ستي ف هو مش عاوز يسيبني لوحده
لانا بهزر : ياختي نغه خايف عليكي
ريتال : اي ي ساقعه
لانا بنبره جاده : طب بقولك اي ي بت ي توته
ريتال : قولي ي ختي
لانا : تعالي اقعدي معانا اهو احنا بنات لوحدنا احمد بس بيجلنا يطمن علينا وخلاص
ريتال بتفكير: مفتكرش ابيه ممكن يوافق ولو قولت كده هيقولي روحي عند خالتك وانتي عارفه مش بطيق البت بنتها
لانا : ي ستي جربي بس وانشاء الله يوافق
ريتال بتفكير : طب سبيني اقلبها ف دماغي واقوله
لانا  بفرح: خلاص اشطا دي هتبقي احلي ١٥ يوم
ريتال بضحك : ماشي ي ختي يالا نروح نكمل مذاكره
لانا : ماشي ي روحي باي
______________
تحت بيت زين نزل لقي مازن ف العربيه مستنيه راح فتح الباب اللي قدام الدريكسيون
وقال بهزار : ياما اي الوش دا شايل طاجن ستك لي
مازن بهدوء : اركب
زين : لا اتحرك انت وانا هسوق
مازن باستسلام قعد ع الكرسي التاني وزين ركب : تعالي نروح نقعد قدام البحر الجو حلو
مازن : اي حاجه
زين ساب العربيه ع طريق ومشيوا راحوا يقعدوا قدام البحر
زين خد نفس طويل : بقالنا كتير مقعدناش القاعده دي
مازن بضحكه سخريه : تصدق مش بنيجي هنا غير ف المصايب
زين حط أيده ع كتف صاحبه : المهم اننا بنيجي سوا تعالي بقي احكيلي في اي
مازن بهدوء : عارف اني مبيتلويش دراعي المشكله أنه مفكر اني خايف ع الورث والفلوس والشركه عينه دمعت  انا والله خايف عليه هو بس مش هقدر انفذله طلبه لي اظلم واحده معايا عشان مجرد شراكه طب انا لو اتجوزتها من هنا وهو وسكت شويه بعد الشر بعد الشر مات يعني هتولع الشركه ومش الصفقه دي اللي هتوقفها ومحدش هيتظلم غيرها يبقي لي لي ادخل حياتي ف شغله وبعدين انا واحد حياتي ع كف عفريت ممكن اطلع مهمه مرجعش يبقي اي زمبها تترمل وهي صغيره او تطلق وسكت ثواني وقال بصوت عالي مليان غضب انا يقولي لحد ما ترجع وتقولي جوزهاني لانت ابني ولا اعرفك ومتفكرش ف مليم من ورثك ورث اي هيخليني اورثه بالحيا عشان صفقه وحط وشه بين أيديه وبصوت واطي انا تعبت
زين حط أيده ع كتفه : ارفع وشك اي يالا انشف كده معندناش رجاله بتقع
مازن : مش عارف هو بيعاملني كده لي من صغري دا انا وحيده امال لو عنده غيري لي دايما شايف نفسه بنك ليا بالرغم من اني من صغري بحب اعتمد ع نفسي
زين : طب ما تجرب ترضيه وترضي نفسك
مازن : بمعني
زين : انت مفيش واحده ف حياتك جرب تدي لنفسك فرصه وتديلها فرصه
مازن : دا لو مكنتش هي كمان مغصوبه وضحك بحزن ي خيبتي مازن السويسي اللي بيتهزله شنبات مغصوب ع جوازه
زين : جرب بس ي صاحبي اقعد معاها واتكلموا مش يمكن ترتاح محدش عارف الخير فين وحاول تراضي ابوك هو مش حمل زعل ولا عمليات تاني وعشان مامتك اللي بين ناريين دي يالا ي صاحبي قوم روح
مازن : لا هروح ابات ف اي فندق
زين : طب يالا قوم تعالي روح معايا
مازن : لا طبعا مش هينفع
زين : اخلص ي اخويا انا سايب البت توته لوحدها يالا
قاموا ومشيوا لحد العربيه ركبوا العربيه زين اخد تليفونه ورن ع ريتال
- ايوه ي أبيه
=اي ي حبيبتي انتي نمتي
- لا ي أبيه بذاكر في حاجه 
= لا انا بس بقولك انا جاي انا ومازن حضري عشا
- حاضر ي حبيبي
= سلام ي توته
_____________
وصل احمد الفيلا بتاعته ودخل رمي المفاتيح والتليفون جت مديره المنزل
صفيه : احضر لحضرتك العشا
احمد : لا ي صفيه شكرا انا بس في ظرف هيجيلي كمان ساعتين ياريت تبقي تجبيه ع اوضتي
صفيه : حاضر ي فندم
وطلع احمد اوضته اخد دوش وصلي وحاول ينام
فلاش باك
ف يوم وهو ف امريكا كان لسه متخرج وعنده شركه صغيره شركه بينه هو و 4 صحابه وطلع م الشغل مروح ع شقته شاف بنت واقفه لوحدها وباين عليها العياط راح وقف جمبها : ماذا حدث لماذا تبكي
......: _____
احمد : ماذا اسمك
.....: حوريه
احمد : طب بتعيطي لي
حور : انت مصري يعني ممكن ترجعني مصر
احمد : اه ي ستي انا مصري انتي هنا مع مين وعاوزه ترجعي مصر لي
حور بعين باكيه : انا هنا مع بابا بس انا لوحدي حتي يوم اجازتي نساني
احمد : انا ممكن افسحك وارجعك تاني
حور بارتباك : لا لا شكرا انا هستني هنا ممكن يجي
احمد : طب تسمحيلي استني معاكي
حور بتردد : اتفضل
عدا ساعه كمان ومحدش جه اي رايك اطلب اكل بلاش نتحرك من هنا وتحكيلي عن نفسك
حور : لا شكرا انا هرجع المدرسه تاني
احمد : يبقي مش عاوزه تأكلي معايا اقولك اجيبلك بيتزا
حور بلهفه : اوكي
احمد طلب أوردر ها ي ستي كلميني ع نفسك واي اللي جابك هنا
حور بتردد : عادي انا هنا ف المدرسه
احمد ضحك : لو خايف ممكن متحكيش هقعد اكل معاكي وامشي
حور حست انها مطمنه سكتت دقيقه
: انا حور الحسيني عندي 17 سنه عايشه هنا مع بابا وطنط فريال مراته بس هي مش بتحبني وخلت بابا يدخلني مدرسه داخليه اول الإجازات كان بيجيلي وبعد كده بدأ ميجيش ودي تالت اجازه ينسي يجي وبدأت ف البكاء مره اخري
احمد : طب متعيطيش شوفي انتي عاوزه اي وانا اعملهولك
حور مسحت دموعها بضهر ايديها : عاوزه ارجع مصر ل ماما
احمد بتفكير : هو صعب بس مش مستحيل الاكل وصل يالا ناكل وبعد كده نكمل كلام وهما بياكلوا حوريه : انت كمان احكيلي عن نفسك
احمد : انا ي ستي احمد العدلي عندي 23 سنه بابا مصري وماما امريكيه هو اتعرف عليها ف الجامعه وحبها وانا عندي 10 سنين نزلنا مصر بابا صاحب شركات العدلي جروب اللي ف مصر لو تسمعي عنها المهم بابايا توفي من سنتين اثر ازمه قلبيه كان ف الشغل وواخد صفقه كبيره حاطط فيها فلوسه كلها وراهن كل حاجه معدا الفيلا وكام شقه كده اصل بابا كان بيحب يستثمر فلوسه ف العقارات المهم بابا لما توفي ماما مقدرتش تقعد ف مصر بعد ما يعتبر خسرنا كل فلوسنا رجعنا ع امريكا وانا بدأت م الصفر وعملت شركه انا واصحابي بس 
حور بتساؤل : وفين مامتك
احمد : ف البيت اي رايك تتعرفي عليها
حور : أزاي
احمد : تيجي معايا تشوفيها وارجعك
حور بتردد : لا لا انا شويه وهرجع المدرسه
احمد : خلاص تيجي نتمشي قريب من هنا وهسيب العربيه وبالمره نجيب إيس كريم
حور : اوكي بتساؤل انت ملكش أصحاب
احمد : اكيد عندي بس انا مش بقرب من حد اووي يعني مجرد معارف  وانتي
حور : عندي هناصاحبه واحده اسمها ليل بس طيبه اووي اووي
احمد : وهي فين دلوقت
حور : يوسف ابن عمها جه اخدها عشان الاجازه
وبعد وقت طويل احمد : يالا ارجعك
حور : يالا
وصلها قدام المدرسه حور شكرته وقالت بتردد هو انا مش هشوفك تاني
احمد : لو عاوزه تشوفيني تاني ادعي ربنا نتقابل تاني
حور :هدعي علطول انا حبيتك اووي
باس راسها : يالا ادخلي تصبحي ع خير
______________
رجوع من فلاش باك
فاق من شروده ع خبط الباب
احمد : ادخل
صفيه : اتفضل حضرتك الظرف دا جه من شويه
احمد : ماشي ي صفيه شكرا
صفيه : العفو ي فندم
احمد بيفتح الظرف اما نشوف اي حكايتك
______________
عند حور وليل قاعدين سوا حاضنين بعض
ليل بصوت هادي : انا مش خايفه بس مش مرتاحه
حور : تفتكري لو حد منهم رجع هنعمل اي
ليل بغضب وصوت عالي : مش هسمح لحد يأذيكي
حور بابتسامه وحضنتها جامد : انا بحبك اووي والله
ليل بحب : يالا ننام سوا بلاش تروحي اوضتك
دخلوا اوضه ليل وهما نايمين
حور بضحكه فاكره اول مره اتقابلنا وضحكوا سوا
________
فلاش باك
ف امريكا ف مدرسه داخليه
حور مكنتش بتتعامل مع حد خالص وأوقات لما حد بيكلمها مكنتش بترد
اول يوم ف المدرسه ل ليل دخلت ف مكان النوم لقت في واحده بتضرب واحده والباقي واقف يتفرج راحت شدت البت من شعرها وفضلت تضربها
ليل بغيظ : حظك اني مضايقه ووقعتي تحت ايدي البت شكلها غلبانه اووي عملتلك اي ها كل دا ومش واخده بالها أنها بتتكلمي مصري مش انجليزي
حور بلهفه راحت حضنتها : انتي مصريه انا فرحانه اووي اخيرا لقيت حد اتكلم معاه عربي
ليل واقفه بجمود : اهدي شويه ابلعي ريقك وتعالي اعالجلك ايدك ووشك دول وبصت للبنت التانيه بقرف ووطت جمب ودنها وقالت : هذا اول انذار مني لكي أن لا تتطاولي مره اخري عليها واتمني أن يكون الأخير لكي لا تري مني وجهه آخر لا يعجبك بتاتا
وراحت شدت حور من ايديها وقعدتها ع السرير وسالت ع علبه اسعافات ف المكان وقعدت تعالج جروحها وحور ع وشها ابتسامه
ليل بجمود وكأن شئ لم يكن : شيفاكي من ساعه ما شيلتك من تحت أيدها الضحكه م الودن للودن واتعصبت مره تانيه بسرعه انتي ازاي اصلا تسكتلها أنها تضربك كده لازم تتعلمي تدافعي عن نفسك
حور بحب : اول حاجه شكرا تاني حاجه انا مبسوطه اووي انك هتبقي معايا تالت حاجه وقالت بتعالي انا كنت اقدر اعمل زيك كده واكسرها بس مش بحب المشاكل
ضحكت ليل : ماشي يالا ننام عشان انا تعبانه
حور بزعل مصطنع : انا لسه معرفش انتي مين واي اللي جابك هنا
ليل بنفاذ صبر : انا اسمي ليل يالا تصبحي ع خير
حور شدت الغطا : لا تصبحي ع خير اي اصحي كده احكيلي كل حاجه عندك
ليل بضحكه سخريه : مشاء لله عضلاتك مقويه قلبك يالا ي شاطره ع سريرك والصباح رباح يالا قومي
قامت ليل بنرفزه : ماشي تصبحي ع خير ورجعت بسرعه حضنتها وباستها
_____________
رجوع من فلاش باك لانا بتخبط ع الباب ليل وحور ف هستريه ضحك حوريه بضحك وصوت متقطع : ط طول عمرك ققادره
ليل بصتلها : ادخل ياللي بتخبط
لانا : اي صوتكوا عالي لي
حور : تعالي ي مفرقه الجماعات وهادمه اللذات
لانا : قولولي كنتوا بتقولوا اي
ليل : لا بقولكوا اي انتوا لسه هترغوا خدوا بعضكوا وبرا انا عاوزه انام
لانا بسرعه جريت جمبهم ع السرير وحضنت ليل : لا انا هنام معاكوا
دخلت وتين بسرعه ورمت نفسها ع السرير : اخواتي سوا ف سرير واحد خيانه اوعي كده شويه ي بت ي حور مالك واخده السرير كله كده لي
الكل بضحك : حور برضو اللي واخده السرير كله وناموا كلهم سوا
_________
عند زين رجع البيت هو ومازن سمع صوت م المطبخ دخل جاب هدوم من عنده ادخل غير وخد شاور تكون توته حطت الاكل
مازن بتردد : لا انا هروح احسن
زين بنفاذ صبر  : يالا  اخلص
دخل زين عند ريتال المطبخ
زين : اشطر شيف
ريتال بضحك : اشطر شيف يقطع خيار يالا تعالي رص الاكل
زين : بقي دي اخرتها يارتها طمرت فيكي العشره
ريتال بضحك : بلا عشره بلا تسعه يلا الاكل هيبرد
طلعوا الاكل ودخل زين غير هدومه وطلع هو ومازن عشان ياكلوا  هدوء تام ع الاكل ريتال قطعته
ريتال: أبيه انا كنت عاوزه اقولك حاجه
زين وهو بياكل : قولي ي توته
ريتال : هو يعني كنت عاوزه اقولك يعني لو ينفع
زين : هاتي م الاخر عشان خلقي ضيق
ريتال : م الاخر عاوزه اقضي الكام يوم بتوع المعسكر عند لانا صاحبتي وبصوت هادي لو ممكن يعني
زين : لا ي ريتال مش ممكن
مازن بصله : لي مش ممكن لو هما كويسين وتبقي كده ع الأقل اطمنت أنها مش لوحده
ريتال : قوله والنبي ي أبيه
مازن بضحك : انا كنت هقوله بس بعد أبيه دي لا اقعدي لوحدك
زين افتكر البنت اللي شافها مره في اشاره المرور ومره ف المطعم رد بهدوء : اديني عنوانهم وسبيني افكر
قامت بسرعه باسته : شكرا ي احلي أبيه
مازن بهزار : طب وانا ما انا اللي اقنعته
احمر وشها وقالت : استأذن انا بقي
زين : والاكل دا مين هيشيله
ريتال بسرعه دخلت الأوضه : البركه ف حضرتك ي أبيه
زين بضحك ل مازن : يالا ي اخويا نشيل الاكل ونعمل قهوه
مازن بضحك : اخرتها كده يالا وماله
_________________
ياريت ڤوت وكومنت برايكوا بليز 🥺♥️