حبهن عظيم

33

* تسريع احداث *
في صباح يوم جديد في بيت البنات
صحيت ليل ع صوت تليفونها
ليل بنوم : اي ي يوسف
يوسف : معلش ي ليل بابا مصمم يجيلك من بدري ويعتبر ماشفش النوم
ليل وهي بتتاوب : طب انتوا فين
يوسف : قدامي ساعه وربع بالكتير وهبقي عندك
ليل بصت ف الفون : يعني ع 9 ونص تمام ي يوسف وانا هفوق واستناك توصل بالسلامه ي چو
يوسف : تسلمي ي ليل باي
قفلت ليل : هو يوم باين من أوله وقامت اتوضت وصلت وخرجت لقت لانا قاعده ع السفره
ليل : صباح الخير ي لانش
لانا : صباح الحلويات صحي حور بقي عشان نقررها قبل ما تنزلي عشان تحكي مره واحده
ليل : لا انا قاعده اصل عمي العزيز جاي
لانا بعصبية : البجح دا جاي لي ها عاوز اي تاني يقتل القتيل ويمشي ف جنازته
خرجت حور من اوضتها : اهدي ي خمسه شعله صباح النور ي عيوني صباح الخير ي داده
داده سعاد : صباح الخير ي بنات دقايق والفطار يكون جاهز
جرس الباب رن
حور وليل ف وقت واحد : افتحي الباب ي لانا
لانا : هو انا بنت الداده ماتقوموا انتوا
ليل ضربتها ع دماغها : حسني ملافظك ي جاموسه حلال فيكي وتين قومي افتحي
ليل بنرفذه : قايمه ربنا ع الظالم
حور : قعدت جمب ليل وخدتها ف حضنها اي ي ليلي مالك بقي
ليل: احكيلي انتي الاول
قطع كلامهم صوت لانا العالي
ليل : قومي نشوف بنت المجانين دي
خرجوا لاقوا رحيم ووتين ع الباب
حور بفرحه جريت عليها : اي المفاجاه القمر دي والله وحشاني والبيت وحش من غيرك
ليل : حضنتها مقولتيش انك جايه لي
وتين : اخوكي اللي قالي مقولش شوفيه هو بقي
ليل : لا وانتي اميره اووي وبتسمعي الكلام 
وتين بابتسامه سذاجه : الداده فين ي داده
داده سعاد بحب : حمدالله على سلامتك ي بنتي والله كنتي وحشاني عامله حس ف البيت برضو
لانا : طب هنقف ع الباب يالا ندخل الجيران سمعوا بينا
حور: ايوه طبعا تعالي ي رحيم وكلم احمد يجي بالمره نفطر سوا
رحيم : تمام هكلمه اهو
ودخلوا البنات لموا بعض ف اوضه حور
لانا : كل واحده ف عنيها كلام عاوزه تقوله هاا بقي
كلهم بصوا لبعض وضحكوا
لانا : هااا بقي احكوا قولي انتي ي وتين عشان كنتي غايبه عننا
وتين : دا ظلم والله بس ماشي
انا مش عارفه اقول اي ويمكن كلامي ميبقاش طبيعي بس حاسه اني بداءت احب رحيم عنيه بتشدني كده بحس معاه بأمان وحنيه بحسه محتويني فاهمني من ساعه قرايه الفاتحه بنتكلم علطول بيفهمني من قبل ما اتكلم عاوز يبقي معايا ف كل خطوه حساه فاهمني مش اللي محتاجه لسه افهمه واللي مفرحني اكتر أن تحسوه مننا كده مش محتاجه اعرفوا عليكم ولا ترتحوله اهم حاجه عندي انكوا تكونوا مرتاحين طبعا اه احنا اخوات اووي😂😂 بس كده وهو اللي صمم ياخدني بدري ونفطر سوا ويجبني نقضي يوم سوا كلنا يعني وكده
ليل : اخويا بقي وكده
لانا : يختي اتوكسي
حور : بما انك اتسحبتي من لسانك قولي انتي بقي مالك مش عجباني من امبارح
ليل : انا حساكي بتزوغي بس وماله ي ستي خلصت من زي زفت ف البنك طلعلي سي الاستاذ سليم هو مش لزج كده ولا بيدخل ف اللي ملوش فيه بطريقه تنرفز بس تحسيه لا دا ميتحسش كائن غريب ب ميت حال ف وقت واحد يبقي هادي ومره واحده يتعصب يزعق ويتأسف يضحك ويكشر يسكت يسكت ويرميله كلمتين زي السم
لانا : بيغير منك يعني اكمنك اخت احمد ورحيم وهو الشركه من زمان وانتي لسه جديده واخدتي مكانه ف الشركه
ليل بسرعه : لا لا خالص هو شخص كويس جدا وطيب وكفايه الموقف اللي عمله معايا هو وباباه وانقذ الشركه قبل كده
حور : طب احكيلي موقف مثلا عشان منظلموش
ليل : مش لدرجه الظلم ي حور بس مثلا عندك كان بيسال كتير ع اللي بيني وبين احمد ورحيم ف الاول لاوعت بعد كده لقيت نفسي بقوله مع أن مش طبعي ابرر وانتوا عارفين كده كذا موقف ع الحال دا امبارح بقي ودا اللي حرق دمي اكتر كنت بكلم يوسف ف الفون وطلعت برا المكتب عادي اخلص ي ختي كلام والاقي اللي ف ضهري زي الحيطه بيقولي اي قطعت عليكي وصله الغرام
وبدأت تتعصب : شخص مهزء انا يتقلي كده ي حور
لانا : اهدي ي بنتي شويه انا شايفه الحوار دا مش يستاهل كل دا ولا ي بنات
حور : طب انا عاوزه اقول حاجه بس بامانه متردده
وتين : قولي ي حور
حور : حساها غيره
لانا : كفك والنعمه انا قولت كده
حور : اي بتبصيلي كده لي أنا بقول وجهه نظر ما تسمعينا صوتك ي وتين
وتين : انا بقول نسيب الايام توريني فيها اي المهم دا بس اللي مضايقك انا حاسه ان ورا عصبيتك حاجه تانيه
ليل : اه بصراحه عمري ما نافقت حد اللي بكرهه اقوله ف وشك بكرهك واللي احبه يبان ف عيني أحبه عمي صعبان عليا بس مش قادره اتجاهل كل الايام السوده اللي مريت بيها ورميته ف المدرسه وبعد نزولي مصر اه يوسف مقصرش معايا والحق يتقال بس عمي لو كان لقاني جنيه كان حطني ف جيبه هو ومراته اللي منها اقول اي بس ميجوزش عليها غير الرحمه وهو جاي كمان نصايه ولا حاجه وبصراحه خايفه من رد فعلي بس انا كده اللي ف قلبي ع لساني اعمل اي
حور : بصي ي ليل خليكي ع طبعتك وانا واثقه انك هتعملي اللي يرضيكي ويريحك وانتي مش النوع اللي يأذي ع حساب راحته
وتين : دا راي انا كمان ويا خبر بفلوس بعد شويه يبقي ببلاش
لانا : مي توو ها ي حور يالا عشان ناكل
حور : انا بقي وسكتت شويه
لانا : انتي نمتي ولا اي
وتين ضربتها ع رأسها : اخرسي تعالي ف حضني واحكي
جريت حور ونامت ف حضنها : مبسوطه وخايفه بشوف ف عين زين حب مشفتوش ف حياتي عارف عني كل حاجه بيعرف امتي يفرحني وازاي يمتص غضبي هو كويس وبصراحه يتحب ومنكرش دا بس بس انا خايفه
وتين ضمتها اكتر : خايفه من اي بس ي حوري طلما هو كويس
حور بدموع : خايفه نكمل خايفه من بعيد هو دلوقت كويس ولنفرض سنه سنتين تلاته ي ستي خلفنا وحد فينا طلع مش قد المسؤوليه لي نظلم طرف جديد لي
واكملت ببكاء :  نبقي انانين مش بنفكر غير ف نفسنا لي نجيب حد ع الدنيا ونرميه
ليل راحت جمبها وبدأت تطبطب عليها : هششش اهدي ي حبيبتي اولا صوابعك مش زي بعضها وانتي فهماني ثانيا في حاجه بتقول فاقد الشئ يعطيه وانتي مش كده ولا دي شخصيتك انتي معانا مش بتسبينا ما بالك بقي حته منك انتي عمرك ما هتكوني وحشه ي حوري انتي هتبقي أعظم ام صدقيني
لانا : وبعدين كمان زين شخص يثق فيه هو اللي مربي أخته حتي من قبل ما باباه ومامته يتوفوا يعني شخص مسؤل غير كده انتي قولتي شوفتي حبه ليكي ف عينه يعني هيتمني يبقي اب ومش من اي حد لا منك متخليش تجربه وحشه عدت علي حياتك تدمر كل اللي جاي ي حور صدقيني انتي مش هتلاقي حد تأمني ع نفسك معاه زي زين بجد اسمعي ريتال وهي بتتكلم عنه لو متعرفيهوش هتحبيه
حور مسحت دموعها : انا بحبكوا اووي والله انا فعلا مليش غيركم
وتين فتحت ايديها : هاتوا حضن يا ولاد
جريوا كلهم ع وتين وحضنوها : ربنا يخلينا لبعض
داده سعاد بصوت عالي : يالا ي بنات احمد جه اهو
وتين قامت بسرعه ووقعتهم كلهم : زمان الاكل برد
ليل وقعت ع ضهرها : ي شيخه كشفت راسي ودعيت عليكي
حور بضحك شدت أيدها : يالا ي لانا نطلع نفطر
لانا : صحيح ي بت ي حور عندي ليكي خبر ب حبه فلوس حلوين
وصلوا ع السفره
حور : صباح الخير يا ابو حميد
احمد : صباح النور ي حبيبه اخوكي صباح الخير ي بنات وانتي ي وتين الكلب ولا كأني بايت ف حضنك
رحيم بغضب : ما تظبط ي جدع
احمد : نيتك قذره
حور : احم اهدوا ي شباب كنتي قولتي ي لانش عندك خبر
لانا : بعد لانش دي انا ممكن مقولش علفكري
حور بضحك : لا ي عيله دا انتي ف قلبي متقوليش كده هاا قولي
لانا وهي بتحط الاكل ف بوقها وتبلع براحه : عيد ميلاد زين
حور بنفاذ صبر : هاا ماله
لانا : يوم عيد ميلادك
حور : يعني وسكتت شويه وضربت رأسها ااااه
احمد : اي ي بنتي
حور : ازاي مأخدتش بالي يعني بعد كام يوم انا بعد اللي هو عمله امبارح لازم اجيب هديه كويسه
لانا وهي بتاكل : ياس
ليل : متشليش هم قبلها ننزل سوا لسه فاضل كام يوم يعني يالا نفطر بقي كويس عمي ع وصول
احمد : مقولتيش يعني
ليل : عادي هو جاي يتكلم خلونا نفطر ع رواقه
رحيم : متاكده أنه جاي يتكلم بس
وتين : ي خبر ب فلوس
حور : والنبي اقعدي بقي انتي وأخبارك دي ف حته
احمد مال ع كتف حور : معيطه لي ي حوريتي
حور : مفيش ي عيوني انا بخير بس عشان منمتش كويس كنت سهرانه برا مع زين
احمد : ماشي هعديها
وسمعوا الجرس بيرن
ليل ف سرها : اهدي اهدي كده
بصوت : معلش ي داده افتحي الباب
داده سعاد : حاضر ي بنتي
داده سعاد فتحت الباب : مين حضرتك
يوسف : انا يوسف ابن عم ليل وهي عارفه اني جايه
داده سعاد : طب اتفضلوا ثواني هندهلها
ليل : انا هنا ي داده اتفضل ي يوسف
يوسف بص ل باباه : تعالي ي بابا
قعد يوسف جمب باباه قدام ليل : خير ي عمي
جلال : بصي ي بنتي انا عارف ان كلامي مش هيغير كل اللي عملته بس ربنا بيسامح وربنا يعلم أن مفيش ف نيتي ليكي دلوقت غير كل خير انا عارف ان طلبي دا لمؤخذه ف الكلمه ابان بجح بس انا بجد نفسي تسامحيني انا ومرات عمك هي دلوقت بين ايدين ربنا وانا عرفت من يوسف أنه رجعلك حقك كله وشوفي انتي عاوزه اي تاني وانا اعملهولك
ليل ببرود : خلصت
جلال بص ل يوسف
يوسف حاول ينقذ الموقف : بابا يعني ي ليل
ليل : من غير مبررات ي يوسف انا كنت حابه اسمع منه هو
جلال : اه ي بنتي خلصت انا دي بس امنيتي ف الدنيا عشان لما اقابل وجهه كريم واقابل ابوكي اقوله اني ف الاخر استسمحتك وجايلك وانا كلي ندم
ليل بتفكير : بص انا عارفه انك ندمان بس انا مش هقدر انسي بس كفايه وقفتك دي قدامي مش هقولك صفيالك عشان مكدبش عليك بس عاوزه اسامحك بس للاسف مش بنسي بس نسيب الاول تداوي جروحنا وربنا كبير
جلال بفرحه : ربنا يفرح قلبك ي بنتي ويطمنك
ليل بحب بتحاول تشيل كل الذكريات الوحشه من دماغها وبدأت تصدع : طب بما اننا هنبدا صفحه جديده احب اعرفك ع اخواتي ثواني هندهلهم وخرجت م الاوضه
ليل : حور ادخلوا ل عمي اتعرفوا عليه وانا هروح اوضتي وراجعه بس متسبيهوش لوحدهم
حور : حاضر يالا ندخل و انتي ي وتين قولي للداده  تجيب القهوه ع هناك وتيجي تضايفهم
ليل دخلت اوضتها وقفلت عليها وطلعت صوره قديمه من الدولاب ل باباها ومامتها : انت لما جيتلي امبارح ف الحلم ودا عشان مبيحصلش كتير انا مرضتش انزل كلامك ف الارض بس انا مش بأيدي اسامحه ف يوم وليله كده وانتي كمان ي ست ماما الطيبه اوقات كترها يأذي ف زمانا دا لو شافوك طيب يدوسوا عليك ربنا يرحمكم وباست الصوره وحطتها مكانها وخرجت لهم
__________
بعد ما نخلص قرايه في نجمه تحت متنسوش تدوسوا عليها😂🤷❤️