ليل : انا خلال عشر دقايق هتكون استقالتي ع مكتب حضرتك
وبصوت يكاد مسموع بجنب إذن سامح : اصل مبقدرش اقعد في مكان في زباله
واكملت بابتسامه صفر : معلش اصل عندي حساسيه
المدير بصوت عالي: كل واحد ع مكتبه
راح سامح ع مكتبه وهو بيتوعد ل ليل باشد انتقام
وليل بتكتب استقالتها وذهب للمدير خبطت
المدير : ادخل
ليل باحترام : بعد اذن حضرتك ممكن تمضي ع استقالتي
وبندم انا اسفه جدا ع اللي حصل بس مش اسفه ع القلمين اللي ادتهومله
المدير بابتسامه واحترام : انا عارفك كويس ومكنتش احب انك تقدمي استقالتك ممكن تاخدي اجازه حتي
ليل : معلش انا كده هيبقي مرتاحه اكتر
المدير : اللي تشوفيه ي ليل ومضي ع الاستقاله
طلعت ليل م المكتب عدت ع مكتبها اخدت كل حاجتها وبصت ل سامح بقرف ومشيت ركبت العربيه وفضلت تلف بيها
___________
عند وتين راحت الحضانه وبدل ما تتدخل مكتبها قررت تعدي ع الفصول تشوف الاطفال لقت الاطفال كلها بتلعب مع بعض وبنت واحده قاعده ف جمب ف راحت قعدت جمبها : القمر زعلان لي بس
ماري بدموع وصوت باكي : مش بيح بيحبوا يل يلعبوا مع معايا
وتين اخدتها قاعدتها ع رجليها وطبطبت عليهاومسحت دموعها : لي بس ي ماري بتقولي كده مين زعلك شاوريلي عليه
ماري : كك كلهم ممش بيحح بيحبوني
وتين اخدتها واستاذنت من المس المسؤوله عن الفصل وراحت بيها مكتبها غسلتها وشها وجابتلها عصير وقعدت ع الكرسي وقعدتها ع المكتب : قولي بقي ي مرمر مين زعلك وقالك أنهم مش بيحبوكي
ماري : سيف ي مس وتين بيقولي عشان ربنا مش بيحبك احنا مش بنحبك ومش هنلعب معاكي هو انا وحشه وربنا مش بيحبني
وبداءت ف البكاء مره تانيه : طب هو عرف منين سال ربنا يعني
وتين بتفكير مسكت جهاز الاتصال بتاع الحضانه : مس يارا لو سمحتي من تاني فصل ابعتيلي سيف بعد عشر دقايق
ورجعت بصت ل ماري : بص ي ماري سيف غلطان وانا هخليه يعتذرلك ماشي وانتي مش تزعلي وتلعبي وانا هخليهم كلهم يلعبوا معاكي ولو محدش لعب هلعب معاكي انا
وتين بهزار : انفع ولا منفعش
ماري حضنتها وباستها : انا بحبك ي مس وتين
وتين بحب : وانا كمان ي حبيبتي
الباب خبط نزلتها وقامت فتحت الباب يالا روحي ع الكلاس بتاعك وكلي اكلك كله
وبصت ل سيف اللي لقته مركز مع ماري : تعالي ي سيف اقعد
قعد سيف باحترام : نعم ي مس
وتين : انت عندك كام سنه
سيف : 6 سنين
وتين : عندك اخوات
سيف : ايوه اختي تمارا عندها 4 سنين
وتين بحكمه : يعني زي ماري
سيف بتسرع : لا طبعا مش زيها
وتين بحب : لي ي حبيبي مش زيها
سيف : عشان احنا مسلمين هي مش مسلمه هي مسيحيه
وتين : انت بتحفظ قراءن ي سيف
سيف : اه طبعا وبصلي كمان
وتين بحب : شاطر ي حبيبي انك بتصلي بس مش شاطر ف حاجه تانيه
سيف : حاجه اي
وتين : ربنا ي سيف بيحسنا ع المعامله الحسنه وفي احاديث نبويه شريفه بتأكد دا
وسيدنا محمد صلي الله عليه وسلم
رد سيف : عليه الصلاه والسلام
وتين : كان عنده جار مش مسلم كان كل يوم الرسول يصحي يصلي الفجر يلاقي جاره دا حاطط قاذورات قدام بابه كل يوم لا راح ضربه ولا عمله حاجه جه ف يوم وملقاش قاذورات قلق ع جاره وبرغم أنه كان بيأذيه راحله بيته يطمن عليه احنا اكيد مش هنكون احسن من نبينا
سيف بيسمع بتركيز : بس انا كنت اقصد
وتين : بص ي سيف انت مش بتقرا ف القراءن ف ايه بتقول لكم دينكم وليا دين
ماري لسه صغيره وطلعت لقت أهلها مسيحين هي مش هتعترض
انت اتولدت لقيت باباك مسلم كان ممكن انت تبقي مكانها كنت تحب أن الناس تبعد عنك كده
سيف هز رأسه وحط وشه ف الارض بندم : سوري ي مس وتين
وتين قامت وقعدت قدامه : انا اهم حاجه عندي انك تبقي فاهم انت راجل ولازم تفكر قبل ما تتصرف ولو المفروض تعتذر لحد هي ماري
سيف وقف باحترام : حاضر ي مس
وتين بحب : يالا روح الكلاس بتاعك ومتنساش تصالح ماري
وطلع سيف وفتحت وتين كاميرات المراقبه شافت سيف راح عند ماري وقعد جمبها وبعد كده باس راسها ومسك ايديها وقعد معاها يلعب
ابتسمت وتين ومسكت ورق قدامها بعد عشر دقايق حست انها مصدعه حطت الورق ف الخزنه وقفلت مكتبها وركبت عربيتها وروحت ع البيت
___________
عند زين بعد ما خلص شغل بيكلم ريتال ف الفون
زين : انتي فين ي توته
ريتال : بلم حاجتي وهنزل م الجريده اهو
زين : طب استني هاجي اخدك
ريتال : الله الله اي الحب دا كله متقولش انك هتاخدني تغديني برا
زين بضحك : لا ي ست ريتال انتي بترسمي ع الغالي عاوزه تقعدي تتغدي مع زين الشرقاوي
ريتال : اي منطولش ولا اي
زين بضحك : لا ي ختي تطولي يالا انا قربت اوصل اهو
ريتال : ماشي ي أبيه سلام ولمت حاجتها ونزلت وقفت دقيقه وكان زين قدام ريتال : اهلا ب زين الرجال اللي هيغديني برا
زين بضحك : ع اساس أنها أول مره اركبي اركبي
ريتال : طب والعربيه
زين : امري لله هجيبك بكره معايا وانا رايح الشغل
ريتال سقفت بايديها : يالا بينا ي كبير
______________
عند حور ف البيت كانت روحت واخدت شور وصلت وبتغير هدومها عشان يخرجوا
ف نفس الوقت ف أسفل العماره رحيم بيكلم احمد ف الفون ي بني انا وصلت اهو بس مكنتش لاقي ركنه
نزلت وتين من عربيتها : بتدور ف شنطتها ع شفره الاسانسير
ورحيم بيتكلم ف الفون وبيبص يمين وشمال : ي بني مش لاقي حد لا بواب ولا سفرجي
وهو بيدير خبط ف وتين
وتين بغضب : اي ي حيطه انت مش تفتح
رحيم تليفونه وقع ف بيبص للأرض ورجع بصلها بغضب : انا اللي افتح ماشيه حاطه وشك ف الشنطه
ف بصتله ورجعت بصت للأرض وقالت بتعالي : انا ممكن ادفعلك حقه ع فكره
رحيم : اجري ي شاطره العبي بعيد ووطي اخد الفون
وتين : كنت هعتذرلك بس خساره فيك وسبيته وركبت الاسانسير
رحيم بضحك : خدي ي بت طب طلعيني معاكي
وتين بابتسامه حاولت تداريها : لا اطلع ع السلم بقي
وقف رحيم لقي البواب وراه : خير ي سعاده البيه اؤمرني
رحيم : لا خير اي بقي بقولك ي عم الحج ما تطلعني لحسن الشمس كلت دماغي
البواب : هتطلع عند مين ولمؤخذه ف السؤال
رحيم :الدور الأخير
البواب باستفهام : بس دي شجه كلها ابنته
رحيم بنفاذ صبر ف سره : انا عارف أنه يوم مش عاوز يعدي
وقال : طالع لاحمد العادلي
البواب : اه ي باشا اتفضل ولمؤخذه اصل دول ولايه وجاعدين لوحدهم
رحيم : ولا يهمك
طلع ورن الجرس
احمد فتح له : اي ي بني سنه عشان تطلع
رحيم : اسكت والنبي احنا كنا اتقابلنا برا ارحم
احمد : لي بس هتلاقي عم حسنين حقق معاك بس انا اللي قايله كده
رحيم : ياريتها جت ع قد كده
وحكاله اللي حصل
احمد بضحك : طب الفون جراله حاجه
رحيم : فون اي ي متخلف انت كمان
احمد : طب تفطر ع ما ليل ووتين يخلصوا لبس
رحيم : لا بس ياريت فنجان قهوه
احمد بصوت عالي : داده معلش فنجان قهوه مظبوط
داده سعاد : من عنيا ي بني
__________
عند وتين ف الاوضه بتسرح شعرها وسرحت
وتين : ما انتي برضو اللي غلطانه ماشيه حطاه وشك ف الارض
_ وهو اسمالله عليه اعمي عنده عنين مش شايفني بيهم وهو قد الحيطه كده
=خلاص بقي انا كنت هعتذرله بس هي جت كده
_ يالا كده كده مش هشوفه تاني
وخلصت شعرها وهي طالعه لقت حور خلصت لبس ولانا قاعده مع الداده ف المطبخ
حور هروح انادي ل لانا وانتي رني ع ليل
وتين : ماشي وراحت ع الليفنج تقعد مع احمد
اول ما دخلت : اي ي جدع انت اللي جابك هنا
رحيم : انتي اي اللي جابك هنا
وتين : دا بيتي انا اللي المفروض أسألك
رحيم : اي ي احمد انتي جايبني تهزقني
احمد بصوت عالي : باااااس انت وهي وانتوا تعرفوا منين
رحيم : دي البت الغبيه اللي خبططني
وتين : برضو هيقول غبيه
خرجت حور : اي بس ي وتين صوتك عالي لي
بصت ل رحيم أحمد قال : رحيم صاحبي وشريكي حاولت اعرفك عليه مليون مره بس هو مبيقعدش ف مصر شهر ع بعضه
حور باحترام: اهلا بحضرتك وبصت ل وتين : رنيتي ع اختك
وتين ضربت رأسها بكف ايديها : اوبس نسيت
حور بصوت عالي : يالا ي لانا ننزل ونرن عليها تيجي
ونزلوا كلهم م البيت راحوا ع مطعم كبير عشان يتغدوا سوا
وحور كل شويه ترن علي ليل ومش بترد وقلقانه
احمد : اي بس ي حوري ف اي
حور بقلق : ليل مش بترد ي احمد هو اي اللي حصل وخلاها تنزل
احمد بتفكير : كانت قاعده ع الفطار سرحانه وبعد كده قالت هخلص حاجه وارجع
حور : ربنا يستر
أنت تقرأ
حبهن عظيم
Vampireالاختيار دايما بيبقى فيه حاجات مبنقدرش نختارها زى العيلة والاهل بس فيه هما كل واحدة اختارت لنفسها عيلة عشان يبقو اهل وسند لبعض يقفو سوا ف كل حاجة فالحلو قبل الوحش وفالحب بيساعدو بعض حتى لو كل واحد عندها مشكلة♥️
