حبهن عظيم

9

عند زين ف المعسكر واقف فريقه قدامه بصوت عالي : زي ما انتوا عارفين مش اي حد بيوصل لمكانكوا دا انتوا لازم تبقوا عارفين انتوا شايلين مسؤوليه اي وتحت تدريب مين انتوا مع وحش المخابرات دلوقت الكل هيروح ينام بكره التجمع من الساعه 6 الصبح 6 ودقيقه هتتحاسب هنا الاكل الوقت التدريب كل حاجه بمعاد خلصت كلامي كل واحد يتفضل ع مكان نومه خرج م المكان لقي مازن
زين : اي ي مازن رايح فين
مازن : كنت جايلك
زين : خير
مازن : ادهم بيقولي مراد وراه حاجه وانا كمان حاسس بكده
زين : نسيب اللي ورانا وندور وراه بص ي مازن انت عارف انا معنديش اغلي من ريتال طول ما انا مطمن عليها خلاص
مازن ف سره : وانا معنديش اغلي منك وهعمل اي حاجه المهم تكون ف امان وبصوت : كلمت ريتال
زين : مفيش هنا شبكه للاسف هحاول انام دلوقت وهصحي قبل التدريب احاول اتحرك ف المكان اجيب شبكه
مازن : طب يالا ي صاحبي ننام
وصل مكان نومه : تصبح ع خير
زين : وانت من اهل الخير
____________
عند ليل وسليم الساعه بقت 5 وهما بيشتغلوا
سليم : انسه ليل كفايه لحد كده الساعه بقت 5 انتي هنا م الضهر
ليل فردت ضهرها ع الكرسي : محستش بالوقت ولمت شويه ملفات
ليل : تمام ي استاذ سليم انا هاخد ال 3 صفقات دول وهراجعهم وبرضو ننجز وقت
سليم : وانا برضو هحاول اخد معايا حاجه
ليل : تمام وسابته ومشيت
وصلت عند عربيتها  حست بدوخه جامده وصداع وقفت تسند ضهرها ع العربيه شافها سليم الان الجراش كان فاضي مفيش غيرها
سليم : انسه ليل انسه ليل
ليل فتحت عينيها بهدوء : ايوه
سليم : شكلك تعبانه تحبي اوصلك
ليل : لا شكرا
سليم : بس انتي باين عليكي مش هتقدري
ليل قاطعته : ما قولتلك خلاص شكرا هو حوار وخدت نفس متشكره ي سيدي هقدر اروح لوحدي وركبت العربيه ومشيت
سليم ف سره : مالها دي كل دقيقه بحال وانا مالي يكش تولع
ورجع بسرعه قال : لا حرام تولع هي لسانها متبري منها بس شكلها طيبه وركب عربيته وروح
استوب  سليم الخولي : 26 سنه محاسب من مستوي اجتماعي كويس جدا باباه صاحب مستشفيات الحياه ومامته دكتوره جراحه عامه وعنده أختين تؤام 20 سنه ( ساره و يارا )

وصفه : قمحي البشره وجسمه رياضي عينه عسلي وشعره بني وعنده دقن خفيفه
__________
عند البنات ف البيت ريتال قاعده مع لانا
ريتال : كفايه ي لانا برطمه ما انتي بصراحه غلطانه دا انا لو نزلت كده أبيه زين يعلقني
لانا : بقولك اي متجلطنيش انتي كمان انتي وأبيه زين بتاعك دا صحيح انتي بتقوليله أبيه زين لي الفرق بينكوا مش كتير
ريتال : أبيه زين والله دا ما فيه ف حنيته كفايه أنه كان هيضر ف شغله كذا مره بسببي ورافض الجواز لحد ما يطمن عليا و  يستي معرفش انا من صغري بقوله أبيه وبعدين تحسيه لي هيبه كده تخليكي غصب عنك تحترميه
لانا قعدت قدامه : والنبي عاوزه واحد كرزما زيه كده يحبني ويموت فيا ويتشقلط كده يعمل شقلبظات عشان ابصله بس ي حسره عيني عليا هلاقيه فين دا
ريتال بضحك : احنا ممكن نقوم ناكل ونفكر ع رواقه ندور ف الناس اللي حوالينا
لانا بتفكير : فكره برضو بينا ع المطبخ
ريتال بضحك : هبله والله
__________
عند حور نايمه ع السرير عماله تتقلب مش عارفه تنام قامت قعدت وتهمس ل نفسها : وبعدين بقي لما انتي عاوزه تنامي مش بتنامي لي ولا هو لازم كل يوم وجع الدماغ دا ومدت ايديها فتحت الكومودينو اللي جمبها وطلعت نوت بوك صغيره محفور عليها اسمها ابتسمت بحب تفتكر المناسبه بتاعتها
فلاش باك
ف امريكا تاني مره احمد قابلها
احمد : انا جبتلك حاجه كده تفضل ذكري مني عشان لو مش اتقابلنا تاني
حور : يعني انت مش هتنزلني مصر وتنزل معايا
احمد بضحك : طموحه انتي اووي وبعدين ي ستي خلصي ثانوي وسبيها ع الله
حور : ونعم بالله
احمد خرج من ورا ضهره نوت بوك محفور عليها بالانجليزي اسم حور
حور بفرحه حضنه النوت : الله حلوه اوووي هملاها كتابه
احمد بسرعه : لا مش هتكتبي فيها اي حاجه غير الحاجه اللي تزعلك أو الحاجات المهمه بس عشان لو في حاجه مزعلاكي متشليش ف نفسك واعتبري النوت دي انا واحكيلي اتفقنا
حور : اتفقنا
___________
نهايه فلاش باك
فتحت النوت وكتبت فيها عارفه اني بقالي كتير هجراكي ويمكن تكوني زهقتي مش بجيلك غير ف المشاكل بس زي صاحبك بس انا بحبكوا والله وبحب اخواتي كلهم دول اللي طلعت بيهم لا اب ولا ام ولا اخ اه لو سمعني احمد هياكلني وسرحت فلاش باك
بعد ما حور وليل جابوا الورق وحطوا مكانه الورق المزور ف المطار واقف يوسف معاهم خد بالك منهم ي احمد وحاول مش تسيبهم الا لما تطمن عليهم وانا هحاول اطمن عليكم
احمد : متخافش انت متعرفش هما غاليين عندي ازاي يالا ي بنات عشان الطياره هتطلع سلموا ع يوسف ووركبوا الطياره ف الطياره
حور ل احمد : مكنش لازم تتعب نفسك وتنزل معانا انت شغلك هناك
احمد : انتي عارفه بعد ما ماما ماتت قعدتي ف امريكا مبقاش ليها لازمه انتي عارفه انا رجعت شركه من شركات بابا وبتواصل مع واحد صاحبي من فتره وهنفتحها هنا وبالمره ابقي جمبك انتي وليل
حور بنفس طويل :ربنا يخليك لينا
بعد عده ساعات وصلوا مطار القاهره
حور بفرحه : اخيرا هشوف ماما
ليل : انا قلبي مقبوض
احمد : متخافيش ي ليل احنا كده كده مش هتنزل الفيوم ف محدش هيعرف بوجودك
ليل : لا لا انا مش خايفه ع نفسي انا بس قلبي مقبوض من حاجه تانيه
احمد : طب يالا ي بنات فاكره ي حور عنوان الفيلا بتاعت مامتك اه طبعا
ركبوا تاكسي من قدام المطار وقالت له العنوان وصلوا اول ما البواب شافها شبهه عليها : حوريه
حوريه بفرحه : ايوه ي عم عبدو انا حوريه
عم عبده ف سره : اي اللي رجعك بس
بصوت : ازيك ي حبيبتي
ليل : احنا هنقضيها سلمات
حور : ماما فين ي عمو
عم عبدو : ادخلي جوا ي بنتي وبص لاحمد مين حضرتك
احمد : انا اخو ليل صاحبه حوريه وجايين نوصلها واطمن أنها دخلت ل مامتها
عم عبدو : اه طب اتفضلوا
حور دخلت الفيلا بصوت عالي : ي ماما ي ديدي ي ديدي
نزل واحد ف سن 35 سنه من ع السلم :  اي الدوشه دي انتوا مين ودخلتوا هنا ازاي
ليل : دخلنا م الباب
حور : انت مين وماما فين
عادل : مامت مين
دولت نزلت من ع السلم : اي ي حبيبي بس ف اي
عادل : تعالي شوفي مين
دولت بصدمه : انتي اي اللي جابك هنا
حور بتحاول تفوق وتستوعب : انتي بتقولي اي انتي اكيد مصدومه م المفاجاه صح
دولت بكرهه بسيط : لا بتكلم بجد مش ابوكي خدك اي اللي رماكي عليا تاني
حور ببكاء : رماني انتي ازاي تقولي كده
دولت : بقول كده من قهرتي ع الكام سنه اللي عيشتهم مع واحد وانا مغصوبه عليه بقول كده ع شبابي اللي راح هدر فيكي وف تربيتك وانا دافنه نفسي بالحيا بس خلاص
حور بصوت مبحوح من البكاء: خلاص اي
دولت بصت ل عادل لقته مركز مع حور وبيبصلها بنظره اعجاب قالت بغيظ : شوفي انتي عاوزه كام وخديهم معاكي يومين  تظبطي امورك وزي الشاطره زي ما جيتي ترجعي بتبص لاحمد وليل
ليل حطت أيدها ع كتفها وقالت بقوه : وع اي اليومين دول اكتبي شيك بمبلغ وتسيبلك البيت وتمشي حالا
حور بصتلها وبتهز رأسها ليل بصتلها بمعني احنا سوا اطمني
دولت بتبص ل عادل اللي مش شايل عينه من عليها ودخلت المكتب وكتبت شيك ب 10000 وادتهولها بتمد ايديها ليها مدت ليل ايديها وضحكت بصوت وقالت : ودا اي دا تعمل بيهم اي لا ي دولت هانم مكنتش اعرف انك بخيله كده دي بنتك برضو
رد عادل : سبيها ي حبيبتي هي ممكن تعيش معانا
هنا ودولت مقدرتش تستحمل كتبت شيك بربع مليون جنيه وادتهولها ليل بصت للشيك برضا : كده ممكن اهو وبصتلها بقرف وشدت حور من ايديها ومشيت وكل دا تعتبر حور مغيبه مش حاسه بحاجه امها رمتها ودفعت تمنها اب بايع ام بايعه يكفي بهذا القدر .
نهايه فلاش باك
فاقت من ذكرياتها بسبب دموعها قامت حطت النوت بوك مكانها واتوضت وصلت
_________
عند رحيم ف البيت رحيم عايش لوحده وهو يعتبر مش بيقعد ف مكان فتره طويله
رحيم واقف ف البلكونه وماسك فنجان القهوه يفتكر ليل اول ما دخلت المكتب وقلبه دق جامد يغمض عينه ويحاول يفتكرها ومره واحده يشوف وتين ف يبتسم ويفتح عينه : اي الهبل دا اتنين مره واحده لا واخوات صاحبي فوق ي رحيم مالك
= مش عارف بس احساسي ب ليل مختلف
- دي واحده اول مره تشوفها احساس اي
= ما وتين اول مره اشوفها
- مشاءلله احنا بقينا بنقارن بينهم
= ممكن اتشديت ل حور عشان لون عينيها نفس لون عين ماما الله يرحمها
- في فرق بين اتشديت وبينك احساسك دا انت قلبك كان هيطلع من مكانك
= باس بقي
رحيم بصوت : وحشتيني اووي ي ماما ربنا يرحمه
__________
ف مكان تاني حد بيتكلم ف الفون بصوت واطي
الراجل 1 : عملت اي
راجل 2 : معرفتش ي باشا
راجل 1 : غبي غبي مشغل شويه نسوان
راجل 2: ي باشا والله النهارده كنا هنجيبه بس هي خدته معاها وروحت
راجل 1: تتصرف حتي لو هتموتها ف حادثه والورق يتاخد منها أو تموت ونخلص ومنلقيش حد ينط مكانها يمسك القضيه
راجل 2: امرك ي باشا حاضر
راجل 1 : يارب تخلص بدل ما اخلص انا الدنيا من وشك وقفل ف وشه
_____________
عند ليل روحت ودخلت اوضتها ع طول واترمت ع السرير بتعب مسكت دماغها م الصداع وقامت خدت مسكن ونامت بهدومها
عند حور خلصت صلاه ومش عارفه تنام طلعت تبص ع البنات لقت لانا وريتال وداده سعاد ف المطبخ
ووتين ف الليڤنج بتتفرج ع الكارتون وبتاكل فشار ضحكت على شكلها وراحت عند ليل الاوضه لقتها نايمه بعرض السرير
حور : ليل ي ليل نايمه كده لي يحبيبتي
ليل : مصدعه مش قادره
حور : طب قومي كلي وخدي مسكن
ليل بتعب : خدت سبيني بس انام شويه
حور : ماشي ي حبيبتي وقفلت الباب وطلعت برا تقعد مع وتين
حور بتمد ايديها تاخد فشار وتين بصتلها مدت ايديها تاني ضربتها ع ايديها
حور : اي ي جاموسه ايدك تقيله
وتين : قولت مليون مره محدش ياكل من طبقي صح ولا غلط
حور بغضب وتحرك أيدها التانيه ع الايد اللي انضربت : يعني طبق الملك فاروق ضاربه ف صوابعك
وتين برقه : بقولك اي ي حوري
حور باستغراب : ي حول لله ي رب قولي ي وتين
وتين بتسرع : هو مين رحيم دا
حور بنظره تساؤل واستغراب : اشمعنا
وتين خدت بالها أنها اتسرعت بصت تاني للتليفزيون : ها لا عادي بس شكله مش غريب عليا
حور بنفس : لا مفتكرش احمد بيقولي أنه مبيقعدش  هنا شهرين ع بعض بيحب السفر كده دا غير أنه عنده شركه ف روسيا ويعيني بيدور ع اخت ليه معهوش غير صوره ليها وهي 3 سنين وصيه مامته
وتين بتساؤل : طب وباباه فين
حور : متوفي انتي شاغله بالك لي ولا فضولك واكلك ف دا كمان
وتين رجعت تاكل فشار : اه حاجه زي كده روحي بقي شوفيهم بقالهم ساعه بيعملوا اي ف المطبخ
حور : خيبه سوده لا تكون ناويه تأكلي تاني
وتين : هو انا كلت اولاني غير الفطار والغدا والكاب كيك والفشار دا روحي بس بقي متقفيش قدامي كده
حور بتضرب كف أيدها ف بعض : صبرني ي رب وراحت ع المطبخ
__________

ف امريكا
سماح : ها ي جلال وصلت لايه
جلال بنظره غريبه : البت في مصر
يوسف بدهشه : اي انت عرفت ازاي وحاول يلحق نفسه : بس دي نزلت امتي وازاي
جلال : مش عارف دا اللي هيجنني وبص ل مراته كده هنضطر ننزل مصر
سماح : بعد الزمن دا كله المفعوصه دي تمشينا يا مين يلايمني عليها بس
يوسف : طب وهتعمل اي هننزل ندور ف مصر حته حته
جلال : لا ليا معارفي هيدورا عليها ف اسرع وقت وننزل تكتب عليها أو من غير ما تكتب عليها حتي تمضيها ع تنازل بكل حاجه
يوسف بصلهم بغضب وسابهم وقام
جلال : اي أصله دا
عند يوسف ف الاوضه نام ع سريره وغمض عينه
فلاش باك
يوم نتيجه حور وليل النتيجه ظهرت ليل جابت 89 ٪
وحور جابت 87٪
احمد ويوسف : مبروك ي بنات
الله يبارك فيكوا
يوسف : بكره الصبح هسحب الملف بتاعك وهحاول احطه انا مع أوراقك هي ف المكتب وابدل الورق عشان نلحق نطلعلك باسبور واستحملي اليومين دول وعشان خاطري ي ليل حاولي تتجنبيهم وبص ل حور عرفتي هتعملي اي
حور بسخريه : يارب بس مشرفش ف اوضه المخزن
احمد بحب : حور عشان خاطر حلمك عشان خاطر مامتك حاولي تسمعي كلامهم يومين بس اوعدك
حور : حاضر
وتاني يوم يوسف جاب الورق وبدله وعند حور واقفه مستنياهم عند بوابه الفيلا الخلفيه ومعاها ورق مخبياه ف البالطوا شافت يوسف فرحت ادتله الورق بسرعه
يوسف بصوت واطي : بكره ف نفس الوقت هسيبلك ورقه هنا بالمعاد اللي المفروض تطلعي بيه م البيت وسكت لحظه انتي كويسه
حور : اه امشي انت دلوقت قبل ما حد يشوفك
رجعت حور اوضتها
وراح يوسف لاحمد خلصوا الورق باسرع ما يمكن وحجزوا الطياره بعد بيومين الساعه 6 الصبح  عشان تعرف حور تطلع م البيت
___________
رجوع من فلاش باك
يوسف بصوت مخنوق : كان لازم حد يقف جمبهم الظلم آخرته وحشه