حبهن عظيم

17

ف المستشفي الكل وصل وليل ورحيم وداده سعاده ولانا وريتال
اول ما وصل رحيم الدكتور خرج
جري عليه بخضه ملحوظه : طمنا ي دكتور
الدكتور بعمليه : الخبطه قصرت اكتر ع الايد والمخ حصلها كسر ف الايد الشمال وحصلها نزيف ف المخ احنا حاولنا نوقفه والحمدلله سيطرنا ع الموقف وعلقتلها محاليل والمؤشرات الحيويه كويسه ممكن بعد 12 ساعه تبدأ تفوق الان الخبطه كانت جامده واول ما تفوق هنعمل اشعه ع المخ عشان وارد جدا يبقي في توابع للخبطه واتمني أن ميبقاش في توابع
ودلوقتي استأذن عشان اقفل التقرير عشان القضيه اللي حضرتكوا عملتوها
احمد بجمود : شكرا ي دكتور اتفضل
حور وليل قعدوا مره واحده ولانا بتعيط عياط هستيري وريتال حضناها ورحيم حس أن الدنيا بتلف بيه قعد وحط رأسه بين أيده
وداده سعاد : يارب الطف بيا يارب
احمد بجمود حاول استجماع طاقه : يالا الكل يروح وانا هبات معاها وجودنا كلنا ملوش لزوم هي كده كده مش هتفوق دلوقت وع الصبح كلكوا تيجوا ودا كلام مفيهوش نقاش
حور ببكاء : انا كان معايا فايل قضيه وقت الحادثه راح فين ي احمد
لانا بتمسح دموعها وتقوم من حضن ريتال وبصوت عالي : قضيه اي وشغل اي البعيده معندهاش دم  وتين جوا ربنا الاعلم بيها وانتي بتفكري ف الشغل
قاطعتها ممرضه : لو سمحتي انتي ف مستشفي مينفعش كده
حور بنظره عتاب ل لانا ورجعت لاحمد : الفايل فين ي احمد
احمد بتفكير : انا شيلت الفون والروب وشنطتك من ع الأرض مكنش فيه فايل انا متاكد
حور لمه شعرها بايديها بعصبيه وحطت ايديها ع وشها : ربنا ياخدني مني لله انا السبب انا السبب
ليل قامت وحضنتها : اهدي ي حوريه الجو مش ناقص توتر فيه اي وفهمينا
حور بصوت متقطع : طب فين تليفوني
احمد طلعه من جيبه لقت في اكتر من 20 مكالمه فائته من استاذ مهاب
رنت عليه ثانيه اتنين
استاذ مهاب : اي ي حور ي بنتي قلقتيني عليكي وبرن ع وتين مش بترد عشان اوصلك
حور : وتين عملت حادثه
استاذ مهاب بفرحه ممزوجه بالزعل : انتي اتكلمتي الحمدلله حادثه اي طمنيني
حور : الملف اتسرق وانا المقصوده بس وتين هي اللي خدت خبطه العربيه
استاذ مهاب : حرام عليكي ي حور قولتلك سلمي القضيه وانا مش عاوزها كله بسببي ربنا يسامحك ي بنتي
حور : انا مش هسكت انا كل ورقه بكتبها معايا منها نسخه تانيه حق وتين ف رقبتي كده لو كنت مصممه 1٪ عشان اكمل القضيه دلوقت بقت مليون ف الميه
استاذ مهاب بغضب : انا مش هستني لما يموتوكي
حور بهدوء والكل بيبصلها : انا عوزاك تسمعني بس بكره الصبح تبعت حد ع المحكمه يتنازل عن القضيه وهما مش هيلحقوا يجيبوا محامي ف يوم ف بالنسبه ليهم احنا انسحبنا وانا عملت محضر عشان كنت شاكه وهاخد رقم المحضر وهقدمه مع المستندات ومش هسيبه غير لما اخرب بيته ودا اخر كلام عندي
استاذ مهاب : عارف ان لو معملتش كده انتي هتعملي حاضر ي حور وخلينا مع بعض خطوه ب خطوه بس فين الورق التاني
حور بهدوء : ف الحضانه عند وتين
الكل بصلها وقفلت مع استاذ مهاب
احمد بهدوء ما قبل العاصفه : قوموا كلكوا لازم نتكلم بعيد عن هنا
حور اتوترت : ووتين
لانا : انا هقعد معاها انتوا صفوا مشاكلكوا لوحدكوا
احمد : لا انتي هتيجي معايا عشان اروحك انا مش هفضل  الم فيكوا وانت ي رحيم خليك هنا
رحيم ف عالم تاني بهدوء : ماشي
وكلهم نزلوا وركبوا العربيات ووصلوا البيت
اول احمد ما دخل رمي كل حاجه ف أيده وبصوت عالي : انا عاوز افهم كل حاجه
حور بتوتر حكت ليهم كل حاجه وأنها جالها تهديد مره عن طريق استاذ مهاب ومره ف مسدج بس مرضتش تقول ل مهاب حاجه
احمد بايد شد شعره وأيده التانيه ضغط عليها جامد لحد ما عروقه ظهرت : انا قايل اي وبص ليها هي وليل قايل مليون مره لو واحده داستع نمله تيجي تقولي لي ي حور انتي وليل مصممين تضربوا كلام بعرض الحيط وبصوت عالي جدا لي حد يقولي لي محدش فيكوا مقدر خوفي عليكي انتوا بناتي بفكر فيكوا قبل نفسي لا بس ازاي كل واحده مفكره نفسها دراكولا وعاوزه تحمي نفسها بنفسها
لانا بغضب : اي ي كبيره علطول شايفه نفسك فاهمه ومسؤله والمحاميه راحت المحاميه جت وتين مرميه ف المستشفي بسبب استهتارك دا ومخبيه كمان ياريتك قولتي لحد بلاش لانا عشان عيله انتي اي ي شيخه
ليل بصوت عالي : ف اي انت وهي ما مش فاضل غير تعلقولها المشنأه ما تهدوا شويه انتوا مش هتحبوا وتين اكتر منها ولو خبت عشان احنا مش هنعيش طول العمر نعمل المصيبه ونجري عليك نتخبي فيك اه انت أمانا وكل حاجه بس احنا كمان كبرنا ولازم كل واحده تعتمد ع نفسها وتشيل المسؤوليه
لانا بمقاطعه : يارتها شالتها لوحدها زمبها اي وتين ف كل دا
داداه سعاد : ي بنتي دا مقدر ومكتوب المفروض دلوقت تبقوا سوا عشان وتين مش تتخانقوا استهدي بالله ي بنتي دا انتوا كلكوا اخوات ف بعض ودا شيطان بنكوا قومي ي ضنايا اتوضي وصلي ركعتين لله بنيه شفا اختك وبصت ل ريتال خديها ي بنتي وادخلي ودخلت ريتال مع لانا وقامت سعاد دخلت المطبخ تعمل ل حور عصير عشان اعصابها
احمد بتوتر وعيون دامعه قعد تحت رجل حور : ي حور انا اسف انا للحظه لما شفت وتين وسمعتصرختك باسمها حسيت اني اتشليت انتي اكتر واحده عارفه غلاوتك عندي افديكي بروحي وتين ف مسؤوليتي من يوم ما عرفتها لو جرالها حاجه مش هستحمل كلكوا عندي زي بعض أنا خايف عليكوا كلكوا ودا اكتر وقت في مشاكلي ابوكي وعم ليل ووتين اللي مرميه ف المستشفي وقضيتك دا اه حكمه ربنا بس كتير ألم اي ولا اي اخد بالي من مين ولا مين ولا مين وقام قعد ع الكرسي وغمض عينه ورجع رأسه ل ورا
نطقت حور ببكاء: انا اسفه والله بس الراجل دا عامل فساد كبير ف البلد بيدخل هروين ومخدرات وحاجات اسوء من كده عن طريق شركات الادويه واخر حاجه عملها شحنه ادويه فاسده ومطلع تصريح بسلامه المنتج وانا لو سيبت القضيه محدش هياخدها يبقي انا اتضر ولا تشيل زنب كل واحد هيضر
داده سعاد مدت ايديها بكوبايه العصير وطبطبت عليها : خلاص ي حبيبتي متشيلش نفسك هم أكبر من طاقتك دا قدر ربنا وإنشاء لله وتين هتبقي كويسه
ليل بتأييد : خلاص بقي ي حور كفايه عياط عشان متدخليش ف انتكاسه تاني
احمد قام وحضنها وطبطب عليها : حقك عليا والله انا اسف اني زعقتلك وانتي صح وأنا فخور بيكي بس كنت مصدوم م اللي حصل وبرضو مينفعش تخبي عليا اي حاجه وبص ليها هي وليل
احمد هات ي ليل المصحف اللي جنبك جابته ليل
احمد : احلفوا ع المصحف حالا أن اي حاجه لو بسيطه تحكولي عليها نفذوا اللي قاله وحور لسه ف حضن احمد
احمد قال بهزار بسيط ل تلطيف الجو : اه لو زين باشا شافني حضنك كده دا كان هيبلعني ما تقولي حاجه ي ليل
ليل لاحظت شحوب وش حور : اه ي  بت ي حور فاتك انتي حته اكشن وأحمد العادلي بجلاله قدره ملزوق ف الحيطه من زين وبنبره مقلده ل زين : ايدك لو لفت ع مراتي تاني هتوحشك
احمد بارتباك مصطنع : زق حور اوعي ي ختي انا لسه شباب وخايف ع نفسي
ف نفسي الوقت الداده عند لانا ف الأوضه بتتكلم مع لانا
داده سعاد : مينفعش ي بنتي انتي عارفه غلاوتكوا كلكوا عند حور يالا اغزي الشيطان واطلعي اتأسفلها عشان تروحوا ل وتين كلكوا بكره سوا
ريتال بتأييد : صح يالانا يالا قومي بقي
وطلعوا سوا قعدت بين ليل وحور
لانا : متزعليش انا بس مخنوقه عشان وتين هي اه بتتخانق معايا علطول وكسرتني قبل كده مرتين وبخاف منها بس بحبها اووي وبحبكوا كلكوا
احمد : يالا روحوا ارتاحوا شويه وانا هروح اجيب القسيمه ي حور وهاجي تاني
حور بارتباك : خدني معاك اروح الحضانه عند وتين اجيب الورق
احمد باستسلام : امري لله يالا وبص للبنات وانتوا كلوا ومحدش ينزل
ليل : ماشي وانا هكلم رحيم اطمن ع وتين
_________
ف مكان تاني
حسين الدمنهوري : ها نفذت
اسامه : تمام ي باشا خدت الورق والبت عملت حادثه والورق ف ايدي اهو
حسين الدمنهوري : تصوره وانت بتحرقه وتبعتهولي حالا
اسامه : عنينا ليك ي باشا بس
حسين الدمنهوري : المبلغ اللي اتفقنا عليه بعد ما تبعتلي الفيديو تروح مكان هبعتهولك ف رساله وتاخد فلوسك
اسامه : تسلم ي باشا وبعد دقيقتين كان حرق الملف وبعتهوله وبعدها بعتله رساله بمكان مخزن مهجور
اسامه : حتي وانت جوا السجن ايدك طايله ماهو بسبب امثالك بقي في زيي وراح ع العنوان قابل واحد هناك
راجل : انت اللي مبعوتلك امانه
اسامه : ايوه محسوبك اسامه
راجل حط أيده ف جيبه وطلع مسدس وضربه ٣ طلقات ف صدره وبعد ما اتاكد أن مفيش نبض
زكريا : ايوه ي باشا تم
حسين الدمنهوري : اتاكد أنه مات وادفنه ف اي حته
زكريا : تمام ي باشا وقفل
حسين الدمنهوري بلا مبالاه: كان لازم يندفن معاك سرك يالا نصيبك ودا عمرك
__________
عند أحمد وحور ف العربيه
احمد بتساؤل : من امتي بتحطي ورق عند وتين
حور : بقالي ٣ شهور تقريبا مش عارفه جه ف بالي أن اخلي من كل حاجه نسخه احتياطي بس مسبهاش ف المخزن ولا البيت عشان متضعش ف وتين اقترحت عليا اني اسيبهم عندها ف خزنه مركز ذوي الاحتياجات دا امن مكان بتسيب فيه كل حاجتها
احمد بفهم : طب ما أكيد الخزنه دي بباسورد هنعمل اي
حور : هجرب واكيد مش هغلب
احمد : خلاص وصلنا خليكي ف العربيه هقابل واحد اجيب القسيمه وارجعلك
_______________
عند وتين ف المستشفي رحيم قاعد جمبها بعد ما الكل مشي مقدرش يفضل قاعد برا دخل لقاها جسمها متوصل باجهزه ومتعلقلها محاليل بصلها بنظره حزن
وجاب كرسي وقعد جنبها ومسك ايديها : لي ي وتين عاوزه تسيبني  انتي كمان لي كل ما احب حد يبعد عني عشان خاطري متسبينيش معرفش حبيتك امتي بس انا مش متخيله فكره انك تبقي مش معايا اول ما هتفوقي هطلب ايدك علطول مش هستني تضيعي مني
قطع كلامه دخول دكتور : مين حضرتك
رحيم : انا خطيبها
الدكتور : طب لو سمحت أخرج برا كده مينفعش هي اصلا مش حاسه ب حاجه
رحيم : بس مش انت الدكتور بتاعها
الدكتور بتفهم : احنا ورديات وبنسلم تقرير للدكتور التاني اللي هيمسك الحاله عشان يبقي عندنا وجهه نظر وبعدين دي قد بنتي انت بتغير ولا اي
رحيم باحراج : لا مقصدش ي دكتور
الدكتور : طب اتفضل أخرج وانا هطمنك عليها ولما قرب منها
الدكتور باستغراب : وتين
__________