ကျောင်းဝန်းထဲဝင်လာရာတစ်လျှောက်တွင် လူတော်တော်များများကကွက်ကြည့်၊ ကွက်ကြည့်လုပ်နေကြ၍ ကုဋေကုဋာထက်မြက်တစ်ယောက် နား၌တပ်ဆင်ထားသော Air-pod လေးအားဖြုတ်လိုက်ကာ အဘယ်အကြောင်းကြောင့် မိမိအားဤသို့ကြည့်နေကြသည်ကို တွေးကြည့်မိသည် ။
"ဟဲ့ သိလား၊ ငါတို့ကျောင်းအတွက်ရန်ပုံငွေကို အမြဲထောက်ပံ့ပေးနေတဲ့ သူ့အဖေအမတ်လောင်းဆိုတာလေ ... ခပ်ငယ်ငယ်ကောင်မလေးတစ်ယောက်နဲ့ပလူးပလဲနေပြီး KTV တစ်ခုထဲကထွက်လာတာကိုငါတွေ့လိုက်တယ်၊ ပြီးတော့ဟယ် မြင်မကောင်းရှုမကောင်းတွေလုပ်နေကြတာ"
"ဟယ် ... ဟုတ်လား၊ မထင်ရဘူးနော် သူ့မှာလည်း ခပ်ငယ်ငယ်သမီးပျိုလေးရှိနေတာကိုဟယ်"
ထိုစကားတွေကြောင့် ရပ်ပြီးနားထောင်နေသောကုဋေကုဋာထက်မြက်တစ်ယောက် ထိုနှစ်ယောက်၏ရှေ့တည့်တည့်သို့သွားကာ ဆက်ပြောဆိုသည့်သဘောဖြင့်မေးဆတ်ပြလိုက်သည် ။
"ဆက်ပြောကြလေ၊ ဘာလို့ငြိမ်သွားတာလဲ ?"
Freely ဆန်လှတဲ့ဒီဇိုင်းမျိုးနှင့်ကုဋေကုဋာထက်မြက်မှာ ရှင်းသန့်လှတဲ့မျက်နှာလေးနှင့်အတူ ဂုတ်ထောက်နေသောဆံပင်ပျော့ပျော့လေးများကိုပိုင်ဆိုင်ထားသည် ။
အသားအရည်ဖြူဥဥပေါ်တွင် သွေးကြောလေးများ ယှက်နွယ်နေသည်ကိုအတိုင်းသားမြင်နေရသည် ။ ဒုတိယနှစ်ကျောင်းသူတစ်ဦးဖြစ်ကာ အပေါင်းအသင်းမရှိသူတစ်ယောက်ဖြစ်သည် ။
"ဘာပြောရမှာလဲ ? နင်ကြားတဲ့အတိုင်းပဲလေ"
ရှေ့တည့်တည့်မှ နှစ်ယောက်ထဲကတစ်ယောက်က ပြောလာသည် ။
"ကုဋေကုဋာထက်မြက်ကဘယ်လိုလူမျိုးလဲဆိုတာ နင်တို့ကြားဖူးလား ?"
မဲ့ပြုံးတစ်ခုနှင့်မေးလိုက်သော မေးခွန်းမှာကြက်သီးထဖွယ်ရာ ။
"ကြားဖူးစရာမလိုသလို စိတ်လည်းမဝင်စားဘူး"
ထိုစကားကြောင့် ကုဋေကုဋာတစ်ယောက်ပြုံးလိုက်ကာ သူ့အရှေ့မှကောင်မလေးနှစ်ယောက်အား ခေါင်းကနေကိုင်ဆွဲကာ နှစ်ယောက်ကိုမျက်နှာချင်းဆိုင်အချင်းချင်း အရှိန်ဖြင့်ခေါင်းတိုက်ပေးလိုက်တော့သည် ။
YOU ARE READING
ကုဋေကုဋာထက်နှင်းဆီ || 𝑹𝒐𝒔𝒆
Teen Fictionငယ်ရွယ်ပြီးထက်မြက်လှတဲ့ ကောင်မလေးနှစ်ယောက်ကြားက မာနအားပြိုင်မှုတွေနဲ့အတူ ရရှိခဲ့တဲ့ခံစားချက်တချို့၊ နူးညံ့လှတဲ့ချစ်ခြင်းမေတ္တာအကြောင်းကိုရေးဖွဲ့ထားတဲ့သာမန်ဇာတ်လမ်းလေး တစ်ပုဒ်ပါပဲ ။ • ကုဋေကုဋာထက်မြက် x ကျော့နှင်းဆီ • Start Date >>> { 27.1.2021 } End...
