တချို့အရေးမပါတဲ့အရာတွေအတွက်
ကိုယ့်ကိုယ်ကိုယ်ပေးစပ်ခဲ့ရတာဟာ
မတန်ခဲ့ဘူး ... ။
° ကုဋေကုဋာထက်နှင်းဆီ °
"Mommy ... မသွားပါနဲ့ ။"
လက်ထဲတွက်ကစားစရာဘိုမရုပ်ကလေးအားကိုင်ကာ မိခင်၏လက်အားဆွဲနေသော ကောင်မလေးငယ်ငယ် ။
"ကုဋာ ... သမီးကို Mommy ပြောမယ် ။ သမီးပျော့ညံ့နေလို့မရဘူး ... Mommy ထွက်သွားရင်သမီးအတွက်သမီးပဲရှိလိမ့်မယ် ။ သမီးရဲ့ Daddy ကလည်း အချိန်ပြည့်သမီးအတွက်ရှိနေမှာမဟုတ်ဘူး ။ လက်ထဲကဘိုမရုပ်ကိုချလိုက်ပါ ... သမီးလုံးဝပျော့ညံ့လို့မရဘူး ... ဒီနေ့ကစလို့ စိတ်ဓာတ်မာမာနေထိုင်ပါ ။ Mommy ထွက်သွားရတာလည်း ဘယ်သူ့ပယောဂမှမပါပါဘူး ။ သမီးကို Mommy အရမ်းချစ်တယ်နော် ကုဋာ ... ။"
ထိုစကားတွေကိုသာဆိုလာပါသော မိခင်အားကြည့်ကာ ကုဋေကုဋာထက်မြက်တစ်ယောက်နားမလည်နိုင်ခဲ့ ။ ၁၀ နှစ်အရွယ်ကလေးတစ်ယောက်ဟာ သူ့အရွယ်မှာ မိခင်ရင်ခွင်ထဲ၌သာရှိနေသင့်သည်မဟုတ်ပါလား ... ။
"Mommy ... မီးမီးကိုမထားခဲ့ပါနဲ့ ။"
ထိုစကားကိုအထပ်ထပ်ပြောဆိုကာနေခဲ့သော်လည်း မိခင်ဖြစ်သူကတော့ ကုဋေကုဋာထက်မြက်အားကျောခိုင်းသွားလေတော့သည် ။
ရင်ခွင်ပိုက်အရွယ်ကလေးတစ်ယောက်၏ မိခင်အားလွမ်းဆွတ်မှုသည် တစ်စနှင့်တစ်စတိုးပွားလာခဲ့သည် ။
သို့ရာတွင်မူ မိခင်ကတော့ပြန်မရောက်လာခဲ့ပါ ။
မာထန်ပြတ်သားရဲရင့်သော ကောင်မလေးသည် ဤသို့သောဒဏ်များကိုခံခဲ့ရလေသည် ။
တခြားသောကလေးတွေပျော်နေချိန် ကုဋေကုဋာထက်မြက်တစ်ယောက်ကတော့ ငိုင်နေသည်ကများခဲ့သည် ။ အချိန်မပေးနိုင်သော ဖခင်ကြောင့်လည်း ဘဝကိုစိတ်နာလာလေသည် ။
ဤသို့ဖြင့် မာနခဲလေးသာဖြစ်လာခဲ့ပါတော့၏။
° ကုဋေကုဋာထက်နှင်းဆီ °
အတွေးများဟာ လူကိုပင်ပန်းစေသည် ။
ဖြတ်ကျော်လာသည့်နေ့ရက်များတွင် ကုဋာ့အတွက်ပူလောင်မှုတွေသာများခဲ့သည် ။
ESTÁS LEYENDO
ကုဋေကုဋာထက်နှင်းဆီ || 𝑹𝒐𝒔𝒆
Novela Juvenilငယ်ရွယ်ပြီးထက်မြက်လှတဲ့ ကောင်မလေးနှစ်ယောက်ကြားက မာနအားပြိုင်မှုတွေနဲ့အတူ ရရှိခဲ့တဲ့ခံစားချက်တချို့၊ နူးညံ့လှတဲ့ချစ်ခြင်းမေတ္တာအကြောင်းကိုရေးဖွဲ့ထားတဲ့သာမန်ဇာတ်လမ်းလေး တစ်ပုဒ်ပါပဲ ။ • ကုဋေကုဋာထက်မြက် x ကျော့နှင်းဆီ • Start Date >>> { 27.1.2021 } End...
