တီဗွီဖန်သားပြင်ထက်တွင်ပေါ်နေသော လူသတ်သမားမှာ လယ်သမားတွေကိုင်စပါးရိတ်တဲ့အခါမှာ အသုံးပြုသောတံစဥ်ကြီးကို ကိုင်ထား၍ အိမ်ပေါ်ထပ်သို့တစ်လှမ်းချင်းလှမ်းနေဟန်ရှိသည် ။
ကုဋေကုဋာထက်မြက်တစ်ယောက် ထိုလူသတ်ကားကိုမမှိတ်မသုန်နှင့် ဒုတိယထပ်ဧည့်ခန်းထဲတွင်မီးပိတ်၍ထိုင်ကြည့်နေခြင်းဖြစ်သည် ။
လူသတ်သမားသည် တံစဥ်ကြီးကိုကိုင်လျက် နံရံတစ်လျှောက်သို့ပါ ခြစ်ချလိုက်လေသည် ။
မျက်လုံးဝိုင်းဝိုင်းလေးတွေက ဂနာမငြိမ်ဘဲ ကုဋေကုဋာထက်မြက်သည် စိတ်ဝင်စားစွာကြည့်နေမိသည် ။
"အားးးးးး"
"ကုဋာ ... ဘာဖြစ်တာလဲ ?"
ဖခင်ဖြစ်သူ၏ အသံထွက်လာမှ ကုဋေကုဋာတစ်ယောက်ခေါင်းလေးထောင်လာသည် ။
"ဟာ ... Daddy ဗျာ၊ ရှေ့ကနေ မတ်မတ်ကြီးလာရပ်မှတော့ ကျွန်တော်လန့်သွားတာပေါ့ဗျ၊ ဟာဗျာ ..."
ထိုအခါမှဦးကုဋေမြတ်သူလည်း ပြုံးမိသွားသည် ။
"အချိန်လင့်နေပြီ ... အိပ်တော့လေ ။ ဒီအချိန်ကြီး ဒီလိုကြည့်နေမှ ဟိုကတကယ်ရောက်လာမှာ .. "
ကုဋေကုဋာထက်မြက်တစ်ယောက်မျက်စောင်းလေးသာထိုးလိုက်သည် ။
"Daddy ကိုကျေနပ်နေတာမဟုတ်ဘူး ။ ကျွန်တော့်ကိုအချိုလာမသတ်နဲ့ ။ အိပ်စေချင်တာမလား အိုခေ ... အိပ်မယ် ။ ကြိုပြောဦးမယ် ... အဲ့ဒီမိန်းမကိုအိမ်ခေါ်လာခဲ့ရင် ကျွန်တော်ဒီအိမ်ပေါ်ကနေဆင်းမယ်၊ မနေဘူး ။"
ကျောခိုင်း၍ထွက်သွားပြီဖြစ်သော ကုဋေကုဋာထက်မြက်၏ နောက်ကျောပြင်အားကြည့်ကာ ဦးကုဋေမြတ်သူသက်ပြင်းသာအကြိမ်ကြိမ်ချနေမိသည် ။
"ချစ်သက်မြတ်ထူးရေ ... မင်းရဲ့သမီးကတော့ မင်းနဲ့တစ်ပုံစံထဲပဲ ... အကြောတင်းလေး ။"
° ကုဋေကုဋာထက်နှင်းဆီ °
KING စားသောက်ဆိုင်ထဲတွင် ကုဋေကုဋာထက်မြက်နှင့်အတူ စစ်လျှမ်းပါအတူထိုင်နေသည် ။
ငယ်ပေါင်းကြီးဖော်သူငယ်ချင်းပေမို့ တစ်ယောက်အကြောင်းတစ်ယောက်နားလည်ထားသည် ။
أنت تقرأ
ကုဋေကုဋာထက်နှင်းဆီ || 𝑹𝒐𝒔𝒆
أدب المراهقينငယ်ရွယ်ပြီးထက်မြက်လှတဲ့ ကောင်မလေးနှစ်ယောက်ကြားက မာနအားပြိုင်မှုတွေနဲ့အတူ ရရှိခဲ့တဲ့ခံစားချက်တချို့၊ နူးညံ့လှတဲ့ချစ်ခြင်းမေတ္တာအကြောင်းကိုရေးဖွဲ့ထားတဲ့သာမန်ဇာတ်လမ်းလေး တစ်ပုဒ်ပါပဲ ။ • ကုဋေကုဋာထက်မြက် x ကျော့နှင်းဆီ • Start Date >>> { 27.1.2021 } End...
