ခြံထဲဝင်လာရာတစ်လျှောက်တွင် ဖခင်၏ကားအားတွေ့လိုက်ရသည် ။
"ဟက် ... စောသားပဲ ။"
အိမ်ထဲဝင်ဝင်ချင်း ကုဋေကုဋာတစ်ယောက် ဒေါ်သိန်းနှင့်တိုးသည် ။
"ကုဋာ ... သမီးကို သူဌေးက ပြန်ရောက်ရင်သူ့စာကြည့်ခန်းထဲဝင်လာဖို့ မှာထားတယ် ။"
ကုဋေကုဋာတစ်ယောက် ခေါင်းပဲညိတ်ပြလိုက်ကာ အပေါ်ထပ်အိပ်ခန်းရှိရာသို့တန်းတက်သွားလိုက်သည် ။
အခန်းထဲရောက်သည်နှင့် လွယ်အိတ်ကိုပစ်ချကာ ရေချိုးခန်းထဲတန်းဝင်ခဲ့လိုက်သည် ။
ရေချိုးနေစဥ်တစ်လျှောက်တွင်လည်း အတွေးများနေခဲ့သည် ။
"တို့က မင်းအပေါ်ပါလွှမ်းမိုးမှာ၊ မယုံမရှိနဲ့ အတတ်လေး ။"
ထိုစကားကိုသာကြားယောင်မိပြီး ကုဋေကုဋာစိတ်မငြိမ်ဖြစ်လာသည် ။
အဆမတန်ခုန်နေသော ရင်နှင့်အတူ တစ်စို့စို့ခံစားမှု ။
ရင်ခုန်နေသည်လား ? မျိုးတူမိန်းမတစ်ယောက်ပေါ်မှာလေ ။
အတွေးတွေအား ရပ်တန့်ပစ်လိုက်ကာ ရေမြန်မြန်ချိုးပြီးသာ အခန်းထဲသို့ပြန်ထွက်လာခဲ့လိုက်သည်။
"ကျော့နှင်းဆီ ... မင်းက ကဝေလား ?"
ထိုစကားကို ခပ်တိုးတိုးသာရေရွတ်ကာ အဝတ်အစားအမြန်ဝတ်ကာ ခေါင်းကိုပါရေပြောင်အောင်သုတ်မိသည် ။
မှန်တင်ခုံရှိမှန်တွင်ပေါ်နေသော သူ၏ပုံရိပ်အား ကုဋေကုဋာအသေအချာစိုက်ကြည့်နေမိသည် ။
ဖြူစွတ်၍ဝင်းဝါသောအသားအရည်နှင့် ရိုးရှင်းသောမျက်နှာထား၊ နှုတ်ခမ်းဖူးဖူးလေးကတော့ လှပသေသပ်စွာ ။
ခြုံငုံကြည့်လျှင် ကုဋေကုဋာထက်မြက်သည်လည်း မိန်းမလှလေးပါပင် ။
တအောင့်အကြာမှာတော့ မှန်တင်ခုံဘေးရှိဂီတာအားယူလိုက်ကာ ဂီတာကြိုးကိုညှိလိုက်သည် ။
ညှိလို့အပြီးမှာတော့ ဝရံတာထွက်ကာ အသင့်ရှိသောကြိမ်ကုလားထိုင်၌ဝင်ထိုင်လိုက်ပြီး သီချင်းကိုစတင်အော်ညည်းတော့သည် ။
🎵 မင်းအသံလေးတွေဖိတ်ခေါ်နေ
ငါ့ရင်ထဲမူးရစ်စေခဲ့ ...
YOU ARE READING
ကုဋေကုဋာထက်နှင်းဆီ || 𝑹𝒐𝒔𝒆
Teen Fictionငယ်ရွယ်ပြီးထက်မြက်လှတဲ့ ကောင်မလေးနှစ်ယောက်ကြားက မာနအားပြိုင်မှုတွေနဲ့အတူ ရရှိခဲ့တဲ့ခံစားချက်တချို့၊ နူးညံ့လှတဲ့ချစ်ခြင်းမေတ္တာအကြောင်းကိုရေးဖွဲ့ထားတဲ့သာမန်ဇာတ်လမ်းလေး တစ်ပုဒ်ပါပဲ ။ • ကုဋေကုဋာထက်မြက် x ကျော့နှင်းဆီ • Start Date >>> { 27.1.2021 } End...
