𝐑𝐄𝐕𝐄𝐍𝐆𝐄 ( 𝐒𝐞𝐚𝐬𝐨𝐧-𝟏 ) ( 𝐂𝐨𝐦𝐩𝐥𝐞𝐭𝐞𝐝 )

Part- 21

[Unicode]
မိဖုရားခေါင်တို့နန်းစံရာ အဆောင်တော်။

ဇာမဏီနန်းဆောင်သည် မင်းအဆက်ဆက်၏ ချစ်မြတ်နိုးသော မိဖုရားတစ်ဦးတည်းသာ နေခွင့်ရှိသော နန်းဆောင်ဖြစ်၏။အိမ်ရှေ့စံမင်းသား၏ မိခင်ဖြစ်သူလျှင်တောင် မင်းကြီးချစ်မြတ်နိုးတော်မူမှ နေထိုင်ခွင့်ရတာဖြစ်၏။လက်ရှိ မယ်တော်ကြီးပင်လျှင် ယခုမင်းကြီးလက်ထက်မှ နေထိုင်ခွင့်ရတာဖြစ်၏။

အရင်မင်းကြီးလက်ထက်က ကွေ့ဖေးနန်းဆောင်၌သာ နေခွင့်ရခဲ့၏။မိဖုရားခေါင်ဖြစ်သော်ငြား မိဖုရားခေါင်နန်းဆောင်တွင် နေခွင့်မရခဲ့ပါပေ။

ယခုမူ နန်းဆက်ပင် မလွယ်ရသေးသော ကျန့်ကို မိဖုရားခေါင်နန်းဆောင်၌ နေခွင့်ပေးခဲ့၏။ထိုသတင်းသည် နန်းတော်တွင်သာမက တိုင်းပြည်အရပ်ရပ်ကိုပါ ဟိုးလေးတကျော်ဖြစ်စေခဲ့၏။

ရောက်ရာအရပ်၌ ကွေ့ဖေး၏သတင်းတို့သည် မွှေးပျံ့ပျံ့ဖြစ်နေခဲ့သည်။

အမတ်တို့သည် ကန့်ကွက်ချင်ပါသော်လည်း တိုင်းပြည်အသီးသီးတို့ကပင် ခစားလျက်ရှိသော နှစ်ပြည်ထောင်အာဏာရှင်ကို ထိပါးခြင်းသည် ခေါင်းပြတ်မည့်အရေးသာမို့ လက်လျှော့နေခဲ့၏။ထိုအရေးထက် မင်းကြီး၏ ချစ်သက်လျာကို ထိပါးဖို့အရေး အခွင့်မသာပါပေ။ရာဇဝတ်အိုးတုတ်နှင့် ထိုးစရာလား။

နျဲ့တိုင်းပြည်ရဲ့ အထောက်အပံ့၊ရီလင်ရဲ့ အင်အား၊လက်ရှိမင်းကြီးရဲ့ အာဏာတစ်ဝက်ပိုင်ဆိုင်ရုံမက တိုင်းပြည်အသီးသီးကို သံတမန်ရေးရာအရ ကျွမ်းကျင်စွာ သိမ်းသွင်းနိုင်သော ကွေ့ဖေးသည် လန်မင်းဆက်ထဲတွင် အာဏာအပြင်းဆုံး ဧကရီတစ်ပါးဖြစ်၏။နတ်နန်းဆရာရဲ့ အတွက်အချက်တွေ၊နက္ခတ်ရေးရာအမတ်ရဲ့ ဟောကြားချက်တွေ အရ အနာဂတ်မင်းလောင်းဝင်စားမဲ့ နန်းမိခင်တစ်ပါးကို အတိုင်းတိုင်းအပြည်ပြည်က လေးစားကြ၏။

တကယ်တော့ သူသည် အာဏာကို ဝန်းရံကာ ဆူးကဲ့သို့ ကာရံထားသူ နှင်းဆီနီပင် ဖြစ်လေသည််။

❤❤❤❤❤❤❤❤❤❤❤❤

ကျန့်သည် စားပွဲပေါ်ရှိ ရေနွေးကြမ်းကို ဖြေးဖြေးချင်း သောက်ကာ အတွေးနယ်ချဲ့နေလေ၏။မိန်စုဆိုသည့် နာမည်သည် မင်းကြီး၏အမေအရင်းဖြစ်သော မိန်ရှင်းဆိုသည့် နာမည်နှင့် လွန်စွာမှဆင်တူလှပေသည်။