Ma Soeur, une Rivale

10

🌸🌺MA SOEUR UNE RIVALE🌺🌸

🌺Ep.10🌺

⭕⭕Écrit par: Stanylla Beaubrun(StanyLova)

🌸💮🌺Episode 10🌺🌸💮

Sherlie voye zyel li wè Christelle ki al frape pòt lakay li a, li tou kite Julio li al kotel. Byen jwenn, byen kontre.

Sherlie: ma pase kotew Julio...male!

Julio sekwe tèt li epil ale.

Sherlie: bonsoir...kiyès ou bezwen?

Christelle: salut! Jerry pa la svp?

Sherlie: kiyès kap mande pou li? Mpa bay mennaj mwen dwa pou fanm antre vinn wèl la non. Menm siw te antre la yon fwa deja ou ka pa antre de fwa wi...

Christelle: Oh!

Sherlie: epaw sezi? Bon...kilè nap sispann mache nan dèyè nèg moun? E nan konsa nap mouri an wi...

Christelle: mpat konnen si se pretem te pretel non. Jerry pa moun pou sa, li patap janm ranmase jan de dekole tankouw yo.

Jerry tap soti sou lakou a li ouvri baryè a li wè Christelle, li fèl antre e yo chita nan lakou a.
Sherlie antre epil chita nan yon kwen lap gade li fè kòmsil pa wè yo.

Christelle: kòmanw ye bb?

Jerry: anfom. Komanw te fè konnen mla?

Christelle: mkonnen jou sa yo ou pa konn rete ta lopital lan.

Jerry: hummm ok!

Christelle: saw genyen ou frèt konsa?

Jerry: anyen non. Bonw pa vinn chofem?

Christelle bese tèt li

Christelle: on bagay mte vinn pale avèw wi cheri. Se enpotan!

Jerry: map tandew...

Christelle: oh avant tout...kiyès tidam sa?

Jerry gade Christelle

Jerry: se pa enpòtan. Dim saw ap dim nan!

Christelle: mbezwen on ti kòb bb poum ka regle yon bagay urgent stp.

Jerry: sa gen kat jou depim te baw yn anvlòp wi.

Christelle: wi...men...ou konnen!

Jerry: mpa konn anyen. Mte gen yon kesyon pou ou wi. Ou gen moun ou nan hôtel oasis?

Christelle sezi e li kòmanse swe

Christelle: mpa konn kote sa non. Kibòl ye?

Jerry: mpanse kesyonm nan ta dwe reponn pa yon wi ou yon non!

Christelle: mpa gen moun la non bb. Ou konnenm pa renmen al nan hôtel. Mpa renmen jan de kote sa yo.

Jerry: epoutan yo dim ou al la souvan. Mgen moun kap travay anndan wi.

Jerry komanse ap imajine sal ta dil poul eseye fèl pale.

Jerry: lòtrejou ou te ale. Ou pa wèm te fè ekspre mpa relew nan rès jounen an? Mkonnen Christelle. Mkonnen! Dim ak kiyès ou te ye!

Christelle kòmanse grate kòl, li fache.

Christelle: mpa renmen jan de test sa yo non Jerry. Pa fèm bagay konsa. Banm ale, piskem mandew kòb prete wap vinn derespektem. Male...

Jerry kenbel

Jerry: mpoko finn pale avèw Christelle. Saw genyen ou nerveuse konsa?

Christelle: msezi wèw kap derespektem Jerry. Se pa tout jwèt pouw fè avèm. Mpa renmen sa...kitem al lakay mwen.