روايه سعوديه " أنا أحببتكَ أولاً "

بارت ٣٩

تركي : النيه غياب لكن زوجتي تعبت وجبتها هنا
مهند بسخريه: نمبر.. ون ولا تو
تركي اعطاه نظره وقال : ورطتي الثانيه
المهم مهند ابي اسوي لها اشعه لراسها
مهند : سلامات
تركي : جاتها ضربه براسها ي خي من بعدها.. ماهي طبيعيه؟
مهند: شلووون
تركي: لا تكلم لا تاكل لا تشرب لا تفاعل
ولا تعبر يعني خارج التغطيه
مهند بتفكير : شوف إصابات الراس ما تسبب هالأشياء الي ذكرتها هاذي الإشياء يرجع لها سبب نفسي بس انا ما افهم بالأمور النفسيه كثير ف باعطيك رقم دكتور نفسي شاطر وانت اشرح له حالتها
تركي جلس يفكر: سبب نفسي !!
اي نعم يعرف ومتأكد انه اثر عليها نفسيآ
وتراكمات الضغط والكبت والخوف خلتها توصل للأنهيار..!! بس الي اللحين وش سببه يبي يوصل للمسمى الطبي لذي الحاله؟؟
حتى يعرف يتعامل معهااا
اخذ رقم الدكتور من مهند وشكره.. واعتبرها بتكون الخطوه ثانيه بعد ما يطمن من الأشاعه ان مافيها شي !!
لفاجئه سؤال مهند: اللحين مين مسؤول عن حالتها
تكلم تركي: اكيد انا
مهند بضحكه: خير انت قسمك العظام
مو مخ واعصاب هناك موجودين احمد و بندر
تركي ما يدري ليه قال: مهند ماعليه لو بأخالف هالمره قوانين مستشفى بس انا بشرف ع حالتها.. او ملفها يسجل باسم اي دكتور من القسم هناك.. لكن ما يدخل عليها غيري
مهند بنظره:اوووه وصرنا نغار وعلى مين
مو ذي الي قلت متزوجها تصفية حسابات
تركي ما اهتم لكلام مهند وارجع طلبه انه مو بسبب الغيره.. لكن مايبي سهى تتكلم لأحد عن سبب الي فيها : مو ذي القصة..بس هي زوحتي وانا اعرف فيها
مهند ضرب ع كتفه : طيب ي عم بنمشيها لك هالمرة بس لا نشوفك كثير هناك
.
.
.
.
.
اليوم الثاني

سهى🖋️
من امس صابره على شغل تركي
تحليل دم ..فحص..اشاعه .. ابر
طقت روووحي... ابي اطلع؟؟
صح ارتحت هنا يوم شعرت بوجود ناس حولي
و خف عندي شعوري بالخوف بعد ما بعدت عن ذيك الشقه.. بس تعبت !!

تركي🖋
شفت كل النتائج وفحوصات والحمدالله سليمه بس نقص بسيط بالدم يعني الدعوه نفسيه جلست افكر بحل .. كلمت الدكتور  وشرحت له ايش صار لها وكأني شخص غريب و مساعد لها الأن و مو انا السبب..
و من ضمن كلامه فهمت انها حاله اكتئاب تصيب شخص بعد ما يتعرض الشخص لصدمه نفسيه او يفرض عليه وضع رافضه او تتعرض حياته للخطر..!! وين وصلنااا ي سسسهى؟؟
وانا اخطئت اني فردت عضلاتي قدام الشخص الغلط ولا هي جتني هينه .. لينه.. سهله.. ماتستحق اوصلها هالمواصيل!!!
وش كان على عيوني حتى اشوفها
خبيثه!! و هي كانت اوضح لي من شمس
وعيونها كانت كتاب مفتوح لي
طيب ي سهى راح نبدأ من جديد
وبطريقه ثانيه..طريقه تليق فيك ؟؟
خليني اللحين اضمن سكوتها
ابوي و ابوها بكره يوصلوا
وابوي من ذاك اليوم و سؤاله عنها كثير
وشاك بالوضع صرفته انها كانت بتقوله
انها ما تبي تروح بيتنا و بعدها صار لنا
حادث بسيط حتى ما يستغرب بعدين الي براسها!
حطيت ملفها بدرج مكتبي الأخير
هالدرج بنهايه راح اسميه بأسمها
فيه كل شي يخصها المناديل المكتوب فيها و جوالهاا و ملفها الطبي.
وقفت ورحت لغرفتها ودخلت وهي جالسه ع سرير بصمت..جلست قدامها
وقلت اجس نبضها : سهى ابوك راجع بكرة
ما اعطتني اي رد فعل ي خي شي يقهر لما انسان تعرف انه بطبعه مرح فجاءه يصير قدامك جامد
قلت وانا ابي اضمن بقائها معي ع الأقل فترة حتى احقق الي براسي وبنفس الوقت كنت صادق في بعض الي اقوله: سهى انا غلطت بحقك كثير وعارف ذا الشي وانا متندم قد شعر راسي على سويته فيك.. انسي الي فات وخلينا نفتح صفحه جديده
ناظرت لي وبالاخص لعيوني وكانت عيونها فاقده الشي الي احبه فيها .. خاليه من اي مشاعر لا ذيك النظرة الغريبه و لا عتب ولا لوم و حتى بريق عيونها اختفى ..
لدرجه خلتني اقول لها بدون ما احس:
غمضي عيونك
ما غمضتها لكن اشاحت بوجهها عني ..!
نسيت كل شي افكر فيه .. وضميتها.. ودي تتكلم..؟ وتقول شنو فيها..؟ نفس الشي مافيه اي احساس كانت جامده
بعدت عنها ع فتحت الباب و دخول وحده من ممرضات.. وقفت وطلعت من الغرفه وفكرت اسوي اي شي يرضيها..؟؟
.
.
.
سهى 🖋️
ما قدرت اسامحه ولا اناقشه ولا اقول له شي .. مو قادرة اتقبله .. جرح قلبي باقي ما تعافيت منه ..
وصدمتي فيه كبيره ..!
اول ما ابتعد عني وقت دخول الممرضه
رجعت انسدحت وانا متضايقه من كل شي حولي.. فجائني سؤال الممرضه الملقوفه : شنو يقرب لك الدكتور تركي
ما رديت عليها ولا انا ناقصه أسئلتها
حتى قالت وكأنها تجاوب نفسها :
شكلك حبيبته .. اغضبتني كلمتها شنو حبيبته
مدري وش نطقني وانا بعز حالتي ذي وقلت بقهر : لا زوجته
ردت بضحكه : لا ترقعينها لو زوجته وين دبلتك.. شفت بيده دبله!!
انكسر قلبي من كلامها و رجعتني لذكريات صح انا ولا شي حلو من الي يتمنوه البنات صار لي معاه
مع اني انسانه بسيطه وافرح بالاشياء
البسيطه المعبرة بغض النظر عن قيمتها
لكن ما فكر يقدم لي اي شي او يفرحني !!
بس يستمتع بحرق قلبي وهو يقدم كل شي لروان
و استوعبت اللحين وفهمت انه ما عمره شافني أو فكر فيني مثل ما فكرت فيه و عرفت ليه ندم بعد ذيك الليله لأنه للأسف ما شافني زوجه وللأسف كنت الغبيه إلى سلمته نفسي بسهوله لأني قلبي يحبه..!!
تنهدت بحزن وانا احبس دموعي بعيوني و سكت وماعاد رديت ع البنت وانا اتأمل اصابعي زودت جروحي الله يهديها.. خلتني اوصل لقرار؟؟
.
.
.
تركي 🖋️
الساعة 4 والنصف عصرآ
رجعت للمستشفى شريت لها باقة ورد اصفر
و سوارة ذهب واصناف شوكليت إلي تحبها 
بصراحه كل يوم انصدم من نفسي اني حافظ
سهى وش تحب؟ وش تكره؟ 
وصلت واتجهت للقسم ودخلت غرفتهاا
غريبه ماهي موجوده حطيت الاغراض ع سرير ..ولفيت بنظري ع الغرفه وانتظرت كم دقيقه يمكنها بالحمام
لكن مضى الوقت ولا طلعت
اتجهت للحمام ودقيت الباب : سهى
مافي رد
فتحت الباب و كان فاضي ...!!
وين راااااااااااااحت؟
.
.
.
.
.
.
طلع تركي مثل المجنون من غرفتها .. ويصرخ وينادي ع ممرضة المناوبه.. وينهااا...؟؟ وجااات..
و قال وهو يحاول يتمالك اعصابه.. و يأشر على غرفة سهى : المريضه الي هنا وين؟؟
الممرضه افنان بخوف بلعت ريقها وهي تقول : ما ادري.. هي والله كانت موجوده بالغرفه
رد تركي بعصبيه : و ماهي موجوده اللحين بسسسرعه تروحي طلعيها لو من تحت الأرض ولا بتتحملي المسوؤليه كامله !!!
ناظرت له بخوف وهي متاكده انها تركتها وهي نايمه .. ثم طلعت من عندها.. بس الغريب انها شلون طلعت وما احد لاحظ خروجها من القسم. ايوه صح اكيد وقت زيارة المرضى.. وما أحد بيلاحظ خروجها مع زحمة الزوار
وجاءت بتقول بتبرير : بس انا...
قاطعها تركي بعصبيه: بلا كثرت كلام.. تححححركي ونادي الأمن
انتفضت الممرضه من صراخه وراحت وهي
خايفه تكون ورطت نفسها بشي!!
.
.
.
قبل ساعه
سكتت سهى وهي تأمل اصابعها بحزن ثم نطقت يوم شافت ممرضه بتخرج : لو سمحتي
الممرضه: هلا
سهى:  ممكن جوالك برسل لأختي تجيب لي اغراض محتاجتها و جوالي مو معي!!
ناظرت الممرضه لها بصمت ثم طلعت جوالها وقالت: تفضلي
سهى اخذت الجوال بهدوء و بخوف وترقب لا يجي تركي.. وارسلت لرقم الي حافظته ( انا بنفس المكان الي إلتقينا فيه اول مره.. انتظرك.. الله يخليك.. تعالي ساعدني وخذني من هالمكان بسرعه .. سهى )
ثم مسحت الرساله واعطت البنت جوالها
واستلقت ع سرير وغمضت عيونهااا..!!
.
.
.
الوقت الحالي
افنان نادت الامن وبدأ البحث في الاقسام
وهي متوتره ان المريضه غادرت سريرها وقت مناوبتها واكيد استخدمت جوالها.. واتفقت مع احد.. واللحين بطيح سالفه براسها !!!
راحت عند زميلاتها: ي بنات انا طحت في ورطه
هديل: خير شصار
افنان: البنت الي جابها دكتور تركي اختفت و مشكله قبلها استخدمت جوالي
سمر : اساسآ هالبنت امرها غريب و الدكتور تركي عندها اغلب الوقت وفوقه صمتها
افنان : بلاك ماتدري طلعت ع قولتها زوجته
سمر : والله اني كنت حاسه .. بعدين تذكرون البنت الي جات مره تسال عنه وقالت انها خطيبته.. احس انها نفس البنت بس ذيك اسمها روان وذي شفت بملف مكتوب سهى
الممرضه : المشكله مو هنا اللحين .. مشكله انها اختفت مدري هربت ؟؟!!
سمر: بعذرها لو هربت ولا ايش خلا ذيك الكياته زوجه لذا المتكبر
هديل بتحذير لافنان: المهم انتي اسكتي ولا تتكلمي انها استخدمت جوالك..!!
افنان بخوف : الله يخارجني