روايه سعوديه " أنا أحببتكَ أولاً "

بارت ٩

سهى🖋️
بعد ما شافتني الممرضه بمكتب تركي صرت ماعاد اروح وخايفه لكن ما تبت!! يومين ورجعت حليمة لعادتها القديمه
ورحت ازور ابوي ثم طلعت.. وبدون ما احس بنفسي لقيت اني واقفه قدام قسم تركي.. بصراحه احيانآ ما افهم نفسي واحس تصرفاتي غريبه و بدون وعي وتفكير !!
صح انا اعرف نفسي عاطفيه وحالمه بزيادة ولا اقدر اتحكم بمشاعر الي جالسه تسيرني بس خايفه من نهاية الأمور!! حاولت اني اخرص هالخوف هالوقت
وتقدمت اليوم لعند الممرضات بالأستقبال
وانا ناوية اعرف عن تركي اكثر
وقفت ادور بنظري الي اسمها سمر
و عرفتها من عيونها ورحت لعندها : مرحبا سمر
رفعت نظرها لي وقالت بتساؤل :اي خدمه
تنفست ببطئ: ما عرفتيني
دققت فيني و كأنها تذكرت وقالت بصوت عالي شوي: خطيبة الدكتور تركي
اخترعت وناظرت وراء والحمدالله ما احد فيه ورجعت و ناظرت فيها: تكفين وطي صوتك
ولمحت الممرضات الثنتين الي معها مركزين فينا.. ياربي من لقافتهم بس قلت وانا امثل البراءة والخوف: ي بنات انا جيت هنا وهو ما يعرف حتى اعرف عنه اكثر وأسال.
و جبتها لي الي اسمها نوف من الاخر: ان كان تسألي عن الاخلاق ف ابشرك الأخلاق زفت
دقتها الي جنبها واسمها هديل: ما عليك منها هو بس تعامله لك عليه
سمر اشرت لي:حياك ادخلي هنا
ابتسمت بفرح انهم عطوني وجه و دخلت عندهم وجلست و اتعرفت عليهم و اخذنا ع بعض.. خاصه انا اجتماعيه درجة اولى. لكن حسيت من سوالفهم عن تركي ان صعب التعامل!! بصراحه انا اخر عهد لي بتركي واحنا اطفال و مدري عن شخصيته حاليآ
خفت شوي لكن فرحت وإطمنت انه ما يعطيهم وجه احسن شي!! فجاءة فجائتني سمر: افتحي الغطاء مافيه احد
عارفه ايش وراء طلبها فقلت بتصريف كاذب: لا ي قلبي ما اقدر اخاف تركي يشوفني ويعرفني!! ووقفت: عن اذنكم ي بنات تاخرت
والتفت على سمر: ممكن رقمك اذا ما عندك مانع
سمر: ابشري و كتب رقمها ع قصاصه صغيرة واعطني
شكرتها وطلعت
وضحكت على نفسي فوق الكذبه
اوريهم وجهي ههههههه يازينهم وهم مصدقين

اليوم الثاني
سمعت من امي اني صالح وابوه جاين يزورا ابوي..جاتني ام ركب اسم صالح صار يسبب لي رعب !! و ما رحت وجلست بالشقه لحالي افكر و خايفه وش بيصير بعد ما يطلع ابوي من مستشفى.
رجعوا امي واخواتي وسألتهم بلهفه: وش صار
قالت سهام بسخريه: مالك غير صالح
امي: ابوك فهموهم انه تصرفك طايش كان خوف ودلع بنات والولد باين يبيك
سكت و وقفت لو قلت كلمة اللحين
الكل راح يسفل فيني !! ودي اطيعهم بس قلبي مو راضي احس موووتي لو تزوجت غير تركي..رجعت غرفتي و بحثت عن رقم اخت صالح وارسلت لها رساله واضحه
(تكفين بلغي اخوك مافيه بينا نصيب والله يوفقه مع غيري)
و بعد ما ارسلت لأخت صالح
قمت اتوضأ و اصلي وادعي الله
(اللهم اجعل تركي من نصيبي) دعائي الدائم
وفتحت دفتري الي فيه كل ذكرياتي من بدايات حبي لتركي ليومنا هذا وانا اسجل فيه مشاعري وامنياتي و احلامي.. وافرغ فيه احزاني!! ومسجله كل صغيره وكبيرة عن تركي وش يحب؟ وش يكره؟ وين يروح؟ وين يجي؟ من اصدقاءة؟ ومن زملاءة؟ متى يروح الكوفي؟ ومتى يروح الجيم؟ ومتى يسافر؟
ولاحظت اصدقاءة ٢ اسمائهم مهند و نايف
كمان علاقته قوية بعمي عادل واكثر اوقاته معه!! عمي عادل هو اصغر أعمامي عمره 33
و الصراحه هو عمنا بالأسم لانه مو زي عمي محمد علاقة فينا قويه و لا زي عمتي نورة علاقتها فينا سطحيه هو الوحيد الي احس انه يكره ابوي ويكرهنا قلبه اسود مثل قلب امه!! اذكر اذا كنا موجودين مع بنات العايله في اي مناسبه يدخل ويسلم و يسولف ويضحك معاهم.. واحنا يسحب علينا بس ما نزعل لأن اساسآ ما نعتبره عمنا ولا نفكر نهتم لأمره اخر مرة شفناه يمكن قبل 4 سنوات المهم اني كتبت ادق تفاصيل تركي إلي لاحضتها وهو ينشر يومياته!! وحسيت برغبه جامحه اني ارسل له
رحت للواتس وجلست اتامل رقمه
وكتب له بلهفه: كيفك
رد: من معي
رجف قلبي: انا وحده تعرفك
تركي:تعرفيني؟
باصابع مترجفه:ايوه
تركي :طيب مين
وقفت واحس ريقي نشف كأنه قدامي
و افكر مين مين؟؟ وتذكرت كلام الممرضات
والي فهمته عن تركي انه صعب التعامل وما يعطي اي احد وجه..لكككن بس لقيتها
رديت بتسرع :انا روان
مدري ليه قلت اني روان بس يمكن حبيت الدور وعشت الكذبه و حبيت شعور اني خطيبته لو بالكذب!! ما هتميت ان صدقني او كذبني لو هو يكلم روان راح يعرف اني اكذب واقصاه يعطني بلوك ..لو ما يكلمها..ماراح يعرف اني اكذب
رد تركي بعد دقائق وكأنه مستغرب :روان؟؟ رديت عشان يتأكد اكثر ويصدق اني روان: ايوه.. وكملت بكذب: وبصراحه من يوم المزرعه وقت صدمت فيك وانت ما رحت عن بالي ف حبيت ابادر وارسلك
تركي تذكر الموقف و تاكد انها روان بس ما حب قصة انها ترسل له في هاذي الفترة كان مخطط تعارفهم يكون بعد الملكه وما حب جرائتها انها ترسل وتبادر ما توقعها كذا خفيفه ومتسرعه.. ف رد ببرود: طيب ايش الفايده من الي يصير اللحين
انصدمت من رده ف احد يقول كذا لخطيبته : عشان نتعرف على بعض اكثر
تركي: مو الافضل يكون بعد الملكه
بتبرير: لا الافضل هالوقت حتى لو ما اتفقنا نقدر نبعد
تركي مارد
بمحاولة:جرب وش بتخسر
برجاء: ارجوووك وافق
تركي بتفكير ملكتهم مو بعيده بعد شهر او شهرين لكذا راح يعطيها على جوها: موافق دام يفرق معاك الموضوع
صرخت بفرحه: يفرق وكثييير
تركي: عن اذنك اللحين بنام
بإبتسامه: نوم العوافي
.
.
اليوم الثاني
كان هذا اليوم لسهى مثل العيد!
وازدهرت الحياة في عينيها من جديد
ابدأته برساله صباحيه لتركي
الذي لم يرد عليها..لكنها لم تهتم ف هي متعوده على تهميش تركي!
لكن لم تتوقع انه يتعامل كذلك مع خطيبته
وفي ليل كررت المحاولة برسالة اطمئنان
التي وصلت لتركي الجالس مع عائلتة
نظر لثواني لرسالة وانزل الجوال.
وهو يفكر لم يرى ابوه اليوم لم يعد ابوه كالسابق لقد تغير في تعامله معه ولا يشاركهم المكان اذا وجد هو !
هل هو حقآ مازال متضايق من امر خطوبته
تنهد وواقف: عن اذنكم انا رايح للشباب بالكوفي
الجدة بتساؤل: عادل معاكم
تركي: قال بيروح
الجدة: قله وراء ما يجي يسلم علي ولا خايف من العقربه حرمته
تركي ابتسم على جنب ف مشاكل جدته وزوجة عادل لا تنتهي.و يرا موقف عمه سلبي و المفروض يخلي زوجته تحترم امه غصب عنها.
طلع للكوفي
لقي عمه عادل و مهند
جلس معاهم وكان باله مو معاهم
مره يفكر بروان ومره في ابوه
تكلم عادل: ياهو نحن هنا.وين عقلك
مسح تركي على شعره: عقلي مع الوالد
عادل: محمد شفيه
تركي: متغير علي! عشان موضوع بنت العم
عادل: ي تركي انت اخترت الصح ترا مع احترامي لابوك بس واضح انه بدا يخرف
تركي اعطاه نظرة
عادل :لا تناظرني كذا و ذا الصدق تعرف قبل يومين جمعنا انا و نوره ويقول لنا نعيد تقسيم الورث ونطلع نصيب منصور الي حرمه منه ابوي يعني طول هالسنين ما فكر
وجاي اللحين يقول ظلمنا منصور
مهند بتدخل: طيب هو ليه ما ورث مثلكم
حكى له عادل السالفه
مهند بتفكير: هاذي وصية ابوكم انتم وش بيدكم؟
عادل: يقول حتى لو وصية ما تجوز
وخاصه منصور ما معاه اولاد وكلهم بنات
ويلزمه يأمن مستقبلهم ولا ما كفاه كذا
ويبي تركي يتزوج وحده منهم
مهند: طيب حلو وهذا اخوك ي عادل مافيها شي لو وقفت جنبه
عادل: اقول ي المصلح الاجتماعي نقطنا بسكوتك وانا هالانسان ما اعتبر اخ لي!! ويحل مشاكله هو بناته بعيد عنا
تركي بتسأؤل: طيب عمتي نورة ايش قالت
عادل: ابد اعتذرت لأن مشاركه بالاموال في مشاريع اذا جات الارباح ترد خبر
تركي بتفكير: اجل شكل ابوي بيروح ورثنا عليهم
عادل بضحكه:الله يعوض عليكم خير
تركي يفكر: لا ي حبيبي كلمتين لجدتي
وتقلب عاليها واطيها
.
بعد ساعتين رجع للبيت
وطلع لغرفته واخذ شور وبدل لبسه
وفتح جواله ورد على الرقم الي خزنه بحرف R
مساء النور
ثواني وردت عليه بلهفه
هلا والله..مسائك سعادة..كيفك
و بدأ الاخذ والعطا بينهم وخلال اسبوع
تعود عليها مع ذلك تركي مازال فضآ معها
ف طلب منها عدم كثرت الأرسال
وانه طول يومه يكون مشغول
ولا يستطيع قضاء وقت طويل على الجوال

عند سهى
التي كل يوم يصدمها تركي بشخصيته !!

.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
   ودمتم بخير