روايه سعوديه " أنا أحببتكَ أولاً "

بارت ١٩

واليوم التالي
عند المحامي ابو فهد
عادل: ي ابو فهد احنا جاين عندك اليوم
و نبي نعرف وش وضع ورثنا
ابو فهد: ورثكم تقسم بينكم من زمان
عادل: بس باقي مجموعة اراضي ما تقسمت
ابو فهد سكت: هاذي موضوعها عند ابو تركي
تركي: بس ابوي ما عطنا حل.. ومصالحنا متعطله عليها
ابو فهد: اسف اني بأقولكم تصرفوا نظر عن الاراضي
تركي بإستغراب: ليه
ابو فهد: لان مالكم نصيب فيها
عادل وقف وخبط بيده ع طاوله : شلووون مالنا نصيب تستهبل حضرتك
ابو فهد : رجاء احترم نفسك
تركي بطولة بال: ي عمي استهدي بلله خل نفهم
عادل بنفاذ صبر : تسمع وش يقول
تركي بتساؤل: ممكن توضح لنا اكثر
عادل بعصبيه: بتتكلم ولا والله بيني وبينكم المحاكم اذا ما طلع حقي
ابو فهد : كل شي تم بطريقه قانونيه ولا راح تلقى بالمحاكم فايدة
تركي : ي ابو فهد انت محامي وتعرف ان مافيه شي يتم من وراء الورثه بدون شورهم بغض النظر عن علاقتك في ابوي انت امانتك العملية تحتم عليك تخبرنا.. الاراضي انباعت ولا ايش؟؟ سكت ابو فهد يفكر
تركي بتساؤل: انسى الاراضي طيب مين البنت الي كانت معاكم بالمحكمه قبل شهر
رفع ابو فهد نطرة لتركي وقال بإستسلام: هي المالكة للاراضي حاليآ
طلعت عيون عادل وتركي : ايششش
ابو فهد سحب الدرج و طلع نسخه من الملكيه
ومد لهم الورقه.. سحبها عادل بسرعه وقال بإنفعال وهو يضرب الورقه: سوووواها محمد وسجلها باسم بنت الكلب منصور
تركي سحب الورقه وقرأ الاسم : سهى منصور سلمان ال...
ابو فهد: رجاء لا تصعدوا الامور والموضوع ما يعرفه.غيري انا وابو محمد و البنت.. حلو امركم بتفاهم وانتم بالاول والاخير اخوان لا يفسد بينكم الطمع والمال
خرجوا من مكتب المحامي وصدمه باقي تعتريهم مو مستوعبين كل شغلهم راح هباء منثور .. وطموحهم وافكارهم تبخرت واراضي تقدر بالملاين تكون من نصيب  سهى!!! . . .
طلعوا السيارة عادل بقهر: امسك الخط لديرة
تركي: اهدى ي عمي خلينا نفكر زين
عادل بقهر : هو بقى فيها تفكير !! الله ياخذ منصور وبنته ضيعوا تعبي
تركي يفكر : شوف الاراضي صارت لهم وماراح نقدر ناخذها منهم بالغصب
عادل: قلت من الاول هالمنصور ما امن له
خبيث جاء لمحمد بالحيله وانه مسكين ومريض و عنده بنات خايف عليهم وابوك ببساطه ضيع حلالنا.. سكت تركي وهو مقتنع بكلام عادل
. .
رجع شقته
و شاف روان جالسه على كنبه وتقرأ كتاب
جلس جنبها بصمت
روان رفعت نظرها وقالت بتساؤل: تركي شفيك.
تركي التفت لها: ابوي ي روان ضيع حلمي
روان: شلووون
تركي: طلع مسجل الاراضي الي ناوين نسوي عليه المركز بأسم بنت عمي منصور
روان بصدمه: لا تقوووول سهى
تركي هز راسه بغبنه: إلا هي
روان: اساسآ واضح انها مو هينه من كلام ريهام..وبتساؤل: بس غريبه باسم بنت عمك مو عمك
تركي: مدري بس شكله بيحمي عمي وحط بنته في الوجه
روان: واللحين شلون بترجعوا حقكم
تركي مسك راسه: والله مدري
روان مسحت على شعره برقه
تركي رفع راسه وضمها لصدره
وهو يحس بقهر وغبنه انه راح يخسر
أهم طموح وحلم بحياته هالمشروع
إلى جلس سنين يخطط له
.
.
.
.
.
اليوم الثاني
ابو محمد دري عنهم من ابو فهد
وخاف يروحوا لمنصور ويدري و تصير مشاكل..وسهى تضيع بينهم..وجلس يفكر بحل قبل تتطور الامور
.
.
.
.
.
عند سهى
الي تلت وتعجن و لا درت عن هوى دارهم  و الي تحاول ترجع للحياة شوي شوي ورجعت رقمها بس خلاص حذفت البرامج وخلت الي يفيدها..صارت تطبخ وتسوي طلبيات..خاصه انهم بإجازة صيف وما فيه تدريس..خلصت صنية الكيكه
واتصلت على جارتهم تقولها ان طلبها جاهز
ام بندر : والله ي بنتي سهى ضيوف هنا و بندر طلع ومدري وين راح
سهى: مو مشكله خالتي انا اجيبها لك
ام بندر : والله ما ودي اتعبك.. بس!
سهى: لا تعب ولا حاجه شويات واكون عندك
طلعت من مطبخ و راحت لبست عبايتها و الغطوه و شالت الكيكه وقال لأمها: يمه انا باوصل طلب لأم بندر وراجعه
امها: انتبهي لنفسك
. .
طلعت سهى وهي تمشي بين ممرات البيوت الشعبيه القديمه وحست بخطوات وراها وقفت وإلتفت مافيه احد ولفت بترجع تكمل طريقها وقلبها يرقع
وشهقت بخوف من الي طلع بوجهها
وقالت بصدمه: صالح
صالح بعربجيه: ايه صالح ي رمش عيوني
صالح الي ما تبينه!
جات بتروح يمين سد طريقها بتروح يسار سد طريقها تكلمت بعصبيه: وخر من طريقي لا اصرخ و ألم خلق الله
صالح: افاا وانا جاي اساعدك واشيل عنك
ناظرت فيه بقوه: ما احد طلب منك
صالح: اخ ي نظرة وقفت نبض الخفوق
دفيته ومشيت مسرعه ولفيت وكشيت عليه بيد وبنفسي اقول مالت بس مالت عليك انت وغزلك
قال بصوت عالي: اصبري بس اجمع مهرك وجاي لك
زفرت بضيق: ياصبر الأرض.
.
عند تركي بمكتبه
وصل له الحارس صندوق وطلع
استغرب وفتحه وكان الجوال
وكرت الرقم المفتوح كل شي موجود
حتى بقايا من رائحة عطرها
موجوده رجعته لذكريات
خلته يسحب الدرج الاخير بمكتبه
ويطلع مناديل وعليها تلك الكلمات لا يعلم لماذا لم يمزقها ويرميها بسلة النفايات.. دق الباب..وارجع المناديل مكانها
.
سمر وضعت بعض ملفات ع طاوله وخرجت
تناول كرت الرقم وهو ينظر كيف استخدمته
وارجعتة كانها لم تستخدمه..
لا يعلم لماذا احب يستخدم الرقم ولا يلغيه..
و فعلا طلع جوالة واخرج الشريحه
و ادخل الجديده تبع سهى!
دق اول شي على عادل
الي رد بنفس شينه نعم
تركي: شفيك منفس
عادل: من؟ تركي!!
تركي: بذاته
عادل: طفشتنا ترا كل يوم معاك رقم جديد
تركي: احب التغير
عادل: المهم شوف ترا ابوك مو ناوي يجيبها البر !
تركي: ليه وش صار
عادل بعصبيه: يقول لو مصرين ع مشروع نشتري الاراضي من بنت عمك.. شلوووون يعني نشتري حلالنا !!
تركي بصدمه: اييييش!! ي عمي الارض الوحدة تساوي ثلاث مليون يمكن.. كيف لو اشترينا الأرضي كلهاا راح نطلع الي ورانا وقدامنا
عادل: وهذا الي قاهرني هالخير يروح لهم
تركي بتفكير: اهدى ي عمي راح نلقى حل اصبر بس
عادل: نفذ صبري
تركي بتفكير: دقايق واكلمك
. . .
قفل من عمه ودق على ابوه من رقمه الجديد. !!
رن ورن ودقائق وصله صوت ابوه: هلا يبه سهى
شتم بنفسه هالسهى الي ذي اليومين اشغلت عقل الجميع و اسمها صاير يسمعه كثير: ودي اعرف وش مسويه لك هالسهى حتى تبيعنا هالبيعه
ابو تركي بإستغراب شديد كيف تركي
يكلمه من رقم سهى معقوله راح بيت عمه
تكلم بعصبيه : تركي وش موديك بيت عمك
لا يكون قلت لعمك منصور شي!!! والله ان سويتها ي تركي لتشوف مني شي ما يسرك
تركي بتعجب: يبه صل ع نبي.. شفيك؟
وش جاك!!! من قايل لك اني رحت يمهم؟
انا مارحت مكان و اكلمك من مكتبي
ابو محمد بإستغراب: بس هالرقم رقم سهى..ومسجلته لي سهى بنفسها..كيف صار عندك اللحين!!
تركي بنفسه قال شكل الوالد بدأ يضيع!! لكن بهت فجاءه لما رجعت بذاكرته للأحداث
ثامر.. الرقم ..المحكمه..والأراضي. البنت الي يدورها.. سهى و ابوه.. و كلام مهند: البنت قرببه منكم
يعني ذيك البنت هي بنت عمه الي ما يعرف الإ اسمها وصلة القرابه الي بينهم. . بس كيف ومتى وشلون وليه.. رجعه صوت ابوه من صدمته: تررركي. وين رحت..رد؟
تركي احمر وجهه من القهر وبلع ريقه وبإختناق رد:شوي واكلمك وأوضح لك. عندي مريض اللحين

قفل قبل الرد.. ووقف واخذ اغراضه ومشى
وهو مو مستوعب وطلع من المكتب
مهند شافه وبنداء : تركي وين؟ باقي وقت ع نهاية دوام
تركي ما رد عليه وطلع من مستشفى
وركب سيارة حس افكاره مشوشه ع تركيزه.. وهو تحت تاثير الصدمه اخر شي تطلع بنت عمه..!! الي ما عمره احد جاب طاريها بخير .. وش كان تبي منه..؟ حتى تدخل حياته بطريقه هاذي..! اساسآ كيف جائتها الجراءة تراسل رجال ما يحل لها و باسم خطيبته وتعيش الدور و تمثل الحب والعشق لأيش كان بتوصل !! يعني انا كنت من ضمن خططها و مكرها وتبي تاثر علي و توصل لعايلتنا والمال ..لكن خربت عليها بملكتي واختفت!..ولفت على ابوي وبثت سمها و الأعيبها عليه.. حتى يسرقون الحلال بحجه ورثهم.. فعلآ انسانه بدون اخلاق.. حقيرة.. بس وش أرتجي من بنت ماورها رجال يربونها و اكيد حياتها من رجال لرجال اذا انا ولد عمها ما سلمت منها لكن قالتها جدتي حالها زي جدتها الخبيثه
لكن والله لا اطلعها من عيونك ي بنت العم !!

.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
   ودمتم بخير