روايه سعوديه " أنا أحببتكَ أولاً "

بارت ١٨

طلعوا اهلي لقاعة الزواج
و جلسنا وقت انا وغدير ساكتين
حتى نطقت غدير: سهى
ناظرت لها وحسيت تعبتها معي من جد وجودها بحياتي هالفترة نعمه قلت وانا امسك يدها: تدري غدير اني احمد الله إنك بحياتي من دونك مدري وش كان بصير لي سبحان الله يسخر ناس لناس.
ابتسمت غدير وهي تربت على يدي وتخللت اصابعنا بعض :  والله اعتبرك اختي الي ما جابتها امي وشايله هم انكم راجعين لديرتكم
تنهدت بضيق ودموعي على طرف عيني. اهتزت شفايفي بدايه لموجة بكاء
و غدير سبقت و حطت يدها ع فمي : مو قلنا الليله مافي بكى !!
مسحت دموعي بسرعه وقلت : مافي دموع خلاص
ووقفت وقلت بتصريف:بروح اجيب شي نشربه وراجعه
وطلعت للمطبخ و جلست دقيقتين ابكي
عجزت اكتم هالليله صعبه والله صعبه
ثم غسلت وجهي و فتحت ثلاجه
واخذت عصير بارد لغدير
و اتجهت للغرفه و ناولتها العصير
واخذت شنطتي من دولابي وجبتها
وفتحتها وطلعت ورقه مطويه بعنايه
بصراحه عمي اخطأ الاختيار انا مو من النوع الي يكتم السر
وناظرت في غدير وقلت: تدري ايش هاذي
غدير: ايش
فتحت الورقه ومديتها لها: اقريها
غدير اخذت تقرها : مافهمت شي
قلت بإبتسامه اغير الجو الكئيب
وانا ارفع قلاب بجامتي بحركه غرور :
احم الي قدامك صارت مليونيره
غدير بإستغراب : شلوووون
و حكيت السالفه
غدير جلست تناظر لي بصدمه وصمت
سألتها:شفيك
وقالت : ي ختي انتي تطلعي من مصيبه تدخلي في مصيبه
قلت بيأس: خليها ع ربك.. وكملت بتفكير :تدري بديت احس ان نهايتي قريبه
وباموت و اهلي يورثوني او بالاصح يورثوا حلال ابوي الي مفروض يورثه من جدي سلمان.. و فقعت ضحك من الفكرة: ههههههههه لفه طويله من جد
غدير تجاري افكاري وخربت عليه  بتفكيرها : لو تزوجتي صالح هو الي راح يورثك
طلعت عيوني: والله ما يورث ريال هالسربوت و يصرفها ع شرب
و جلست افكر: شكل لازم اكتب كل ما املك من الاموال تتحول باسم امي بسوي زي جدي سلمان لما حرم ابوي ههههههه
طلعت العقد وانا اناظر في عيون غدير : ما عندي احد اثق فيه غيرك خليه عندك وبمزحه: وباسجل وصيتي عليه
غدير : عشتي الدور
بسخريه: مدري ليه حاسه بموت ع يد ابوي ي صالح او اني بنتحر
غذير : سلاااامات شصار بعقلك
ضحكت: ي بنت هاذي احتمالات مستقبليه ههههههههه
غدير : ي سخفك لا تتفاولي على نفسك
ابتسمت لها
غدير بتساؤل:طيب مو انتي بعد لازم يكون معاك نسخه كمان
سهى بتفكير: انا ما اظمن نفسي! حاسه راح انكشف
غدير :تدري انك سامجه
نظرت لها وانا اضحك وانا احس كل شوي اضحك بلا سبب ابي اخفي حزني عن غدير
بنهايه ضحكت واخر ضحكتي انفجرت  ابكي عجزت اخفي اكثر وانهرت وضمتني غدير وانا اجهش بالبكاء.
.
.
زواج تركي

تم الزوج وكان فخم و راقي بكل تفاصيله.. لم تغفل روان عن اي شي.. وجعلت منها لليله من الليالي التي تحكى من روعتها .. وجاء وقت الزفه ودخل تركي مع ابو روان واخوها نايف.. وكانت روان كالملكه بفستانها الابيض و ابهرت الحضور بجمالها و تقدم تركي بوسامته وابتسامه هادئه.. و قبل راسها وسط مباركات الجميع
. .
ابو تركي لم يشارك تركي الكثير من تفاصيل هذه الليله مع انه ولده الوحيد والبكر لكن مازال غير راضي عنه!! حتى عندما طلب منه تركي مشاركته دخول الزفه رفض بحجة انه متعب!! وجلس مع اخوه منصور وبعض الضيوف.. عادل مر من امامهم
ناده محمد وهو ملاحظ تجاهله لمنصور
تقدم عندهم : هلا محمد
محمد همس له: وراك ما سلمت على منصور وتحمدت له بسلامه
عادل ببرود: مو ضروري
ومشى تاركهم
منصور الي حس قال: خله على راحته ي محمد
محمد: الله يصلح الحال
. .
في صالة الافراح
غادروا تركي وروان
بعد توصيات نايف له
وتركي يأشر على عيونه : في عيوني
. . .
وانتهى هذا اليوم بأكمله بما يحمل
من افراح للبعض و احزان للبعض
.
.
.
و خلال الاسبوع غادر
تركي وروان تركيا لشهر العسل
وغادر منصور وبناته لديرتهم
. . . .
سهى🖋️
بعد اسبوع من زواج تركي رجعنا لديرة اول ما دخلت بيتنا.. أستنشقت الهواء بعمق  وانا ابي ادخل اكبر كميه لصدري ..
هنا ارضي هنا مكاني هنا حياتي !! حلقت فوووق بطموحاتي وطحت على راسي..
لفيت بنظري ع بيتنا يا الله وحشني حوشنا  الصغير و الغرف والمطبخ وكل شي.. خلاص تركي راح.. وبأحاول اعتبره صفحه من عمري وانقضت تعذبت نفسيآ من هالحب!! و لازم ارضى بنصيبي .. اشفيه صالح هو يمكن لو ترك الشرب و التدخين كان اموره تزين و يمكن معي يتغير ..جالسه اقنع حالي.. .
المهم بدينا انا وخواتي نقسم الشغل وكل وحده راحت تنظف مكان و تنفض الغبار وتراب.. اخر شي وصلنا للحوش المعدوم تراب واوراق شجر
وقفت ويدي ع ظهري وانا مشمره بجامتي لركبه واصرخ ع سحر الي تمسح بحركة البطيئه و ثقييييله..!! دق الباب بإزعاج وراء بعض تركت المسحه
وقلت لسهام تكمل وفتحت الباب الإ هم بزران الحارة تلاميذي وتلميذاتي وكلهم ع بعض عددهم 7.. بفرحه : ابله سسسهى رجعتي ..
ي خي ما احد معطيني قيمه بحياة غيرهم هالبزران.. فرحت مره بشوفتهم .. ضمتني طفله : نحبك لا تروحين
ابتسمت للطافه وقلت: وانا احبكم كلكم بشروني بس نحجتوا
قالوا بصوت واحد: ايوووه
قلت بفرحه : اجل بكره تعالوا عندي لكم مفاجاءة.. وكل واحد يقول لأمه تجي معاه
راحوا مبسوطين
وانا رجعت اكمل شغل واحاول قد ما اقدر ما افكر بتركي!! وانسسسساه للأبد واعيش بسلااام..
.
.
اليوم الثاني
عملت كيكه شوكلاته.. كبيرة وزينتها بالفرواله.. لبست فستان ملون وكشخت وفتحت شعري الطويل .. واحتلفت فيهم مع امهاتهم ومضى اليوم ضحك و سوالف و لمه !! فرحت بفرحت الصغار و بفرحه امي اكثر
الي احسها مبسوطه ان رجعت زي اول
فعلآ الحياة ما تحتاج كثير حتى نعيش بسعاده لان السعاده الي تصنعها لغيرك ترجع لك... حاولت قدر ما اقدر ارجع سهى الاوليه
المفعمه بالحماس ونشاط والحياة و الايجابيه. . .
تذكرت غدير
الي اعطيتها الجوال وكرت الرقم وقلت لها
توصله لتركي بإي طريقه خلاص مالي حاجه باشياء تذكرني فيه
.
.
عند تركي و روان رجعوا لشقتهم و عاشوا حياتهم مثل اي متزوجين في بداية زواجهم تبادل اهتمامات محاولة تقارب الأفكار مع بعض الأختلافات لكن مشت حياتهم بهدوء و نظام

و مضى شهر
قرروا تركي وعمه عادل ونورة الاجتماع
في منزل ابو تركي للاتفاق بشان اراضي مخطط(50) لقد تأخروا كثيرآ عن البدء بمشروعهم . .
دخل تركي والقى السلام
رد ابوه وجدته وامه وعمته نورة
دقائق ودخل عادل
وجلس معاهم
بدأ تركي بالكلام:يبه احنا جاين ونبيك في موضوع بصراحه انا و عمي عادل ناوين نسوي مشروع كبير ومافيه مكان مناسب له غير اراضي مخطط 50 لانها على كذا شارع عام و جنبها جميع الخدمات
ف بعد اذنكم انت وعمتي نوره انا عمي عادل نبي نشتري نصيبكم
عادل كمل: وطبعآ بسعر السوق الا اذا تبون ترعونا طبعآ ما نقول لا
نورة : انا ما عندي مشكله ما عندي حاجه ع الارض واحتاج هالفترة مبلغ سيوله للمشاريع
ابو تركي سكت من وين طلعوا بقصه هالمشروع ما عمره تركي ذكره له والاراضي اللحين باسم سهى .
وقال بتصريف : الاراضي طلعت عليها مشاكل وتحتاج لجان وموافقه قبل تقسيمها
عادل : وليه ما خبرتونا من بدري قبل نخسر ع  المقاولين و المهندسين على فاضي
تركي بتسأول: وكم يحتاج الموضوع وقت
ابو تركي : الله العالم.. ووقف عن اذنكم بروح انام
سكتوا كلهم مستغربين عادل وتركي متوقفه مصالحهم ع الاراضي
ونورة تحتاج سيوله والجدة ماعندها مشكله لانها من اول متنازله عن نصيبها لعيالها . .
تركي هنا حس ان وراء ابوه شي وسحب عمه عادل وطلعوا وقفوا عند سيارة وتركي يدينه ع خصرة ويفكر
وعادل مرتكي ومقهور وطلع سجارة يفرغ قهره: والحل اللحين
تركي زفر بضيق: اسمع عمي انا حاس ان ابوي وراه شي
عادل اعتدل بوقفته : ليه
وحكى له تركي الي شافه يوم عرسه
عادل بتفكير : ليش يروح المحكمه و بيوم الكل مشغول فيه..اكيد وراه سالفه.. اسمع مالنا غير المحامي ابو فهد ناخذ منه العلم.. بكرة تعال نلتقي عنده ساعه 9 ونعرف وضع  الارضي صدق عليها مشاكل ولا ابوك يصرفنا .....!!

.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
   ودمتم بخير