روايه سعوديه " أنا أحببتكَ أولاً "

بارت ٥١

وطلعت مسسسرعه وفتحت الباب شوي وطلت براسها تتأكد هو تركي صدق ولا يمزحووون
ثم فتحته بشكل أوسع ليدخل
وهي تقول بإبتسامه واسعه :حيااااك
ابتسم تركي : الله يحيييك
أشرت بيدها : تفضل

ومشت امامه توصله للمجلس وتركي مشى خلفها يراقبها ويراقب شعرها الطويل كيف يتمايل معها  وقفت عند الباب وهو دخل المجلس
وقالت : خذ راحتك دقايق وجايه

إلى الآن الرسميه واخذه حيز بينهم ما كأنهم قبل اسبوع كانوا بحرب وهواش ...!!!

راحت سهى ركض للمطبخ تطلع كأس للعصير ومويه لكن سقط الكأس من يدها وانكسر من كثر توترها .! ف ضربت نفسها وهي تخشى ان يصل الصوت إليه

جات سهام : شصار
سهى بطلب : سهام الفزعه تركي بالمجلس .. وانا احس اني متوتره تعالي جهزي الضيافه
سهام وهي تطلع كأس و تسكب فيه عصير : يارب لطفك ...   ثم اردفت وهي تطالع سهى إلي تتحرك بالمطبخ بدون هدف : و شفيك ي ختي اثقلي لا تحسسينه انك ميته عليه .. وما صدقتي جاء ..!

سهى وهي ما تقدر تظهر عكس إلي جواتها لأنها فرحانه وبتطييير من الفرح انه جاء و حتى إذا سيطرت ع نفسها .. ف عيونها راح تفضحهااا ف ما اهتمت لكلام سهام .. وهي تحط يدها ع قلبهااا وتغمض عيونها وتسحب أكسجين بقوه ثم تفتح عيونها التي تلمع بإحساس السعاده  وتقول : اااه ي سهام اسكتي بس قلبي بيوقف من الفررررحه
سهام حركت راسها بيأس وناولتها الصحن و به العصير و المويه .. لتاخذه سهى بإبتسامه وهي تقولها : و لا تنسين القهوه و شاي و الحلا .. شوي وارجع لها
سهام : و بعدددد
سهى اعطتها بوسه بالهواء واختفت للمجلس

اما عند تركي الي يوم سمع صوت انكسار الكأس ابتسم على رباشتها ..!

دقائق و دخلت سهى وشعور الفرحه امتلكها قدوم تركي يعني عمها محمد وافق ع رجعتهم و أعطى تركي الضوء الأخضر  وهي رفع عنها الحرج ..!!

و حست روحها و كأنها بيوم النظره اول مره يكون تركي عندهم .. حطت الي بيدها قدامه و جلست جنبه وهي تقول بترحيب : نورت بيتنا
تركي ابتسم : منور بأصحابه

ابتسمت سهى بخجل ولم تستطيع أن تخبئ شعورها وسعادتها بجيته لها ف شتت نظرها و رفعت يدها اليسار لترجع شعرها وراء اذنها بحرج ثم أشرت لصحن: تفضل

انتبه تركي للأسوار الذي مازال في يدها وخجلها الواضح وتناول العصير يشرب ثم قال يحرجها : ليه مستحيه كأنك اول مره تشوفيني !!
سهى هنا افتشلت انه لاحظ خجلها وضحكت وغطت وجهها بيدها وهي تقول : مدررري
تركي جاته الضحكه : ههههههه ما عرفتك
سحب يدها الي ع وجهها ومسكها بيده وهو يحس ببروتها .. وسهى لفت وجهها ما تدري ايش صاير لها اليوم !! يمكن لأن هذا مو تركي السابق هذا تركي الي حبته فعلاً قدامها هذا الي قلبها له 

تركي وهو يضغط على يدها : سهى ايش فيك .. ناظري فيني

لفت له وهي تسحب هواء تبغى تتنفس وتحس راح تبكي من قوة الشعور كيف بعد كل الي مرت فيه يتحقق حلمها
تركي : لا الوضع مو طبيعي
تنهدت بسعاده و دمعه فرح نزلت لكنها مسحتها بسرعه وهي تبتسم وتقول: لا عشان مو مصدقه الي يصير
تركي وهو يضع يده على خدها : لا صدقي كل شي راح يتغير