روايه سعوديه " أنا أحببتكَ أولاً "

بارت ١٦

تركي🖋️
باقي على زواجي اسبوعين حاولت ان اتاقلم مع روان ولم أبرر لها ما حدث واكتفيت بصمت.. وكان التواصل بينا منتظم وفي اوقات محدده و سؤال عن الأحوال و الأتفاقات من اجل تحضيرات الزفاف.. مع محاولة لكسر الحواجز بينا لكن..!!
مازالت نار الغضب والقهر و الحقد تشتعل بصدري، الى اي مدى كنت بنظر تلك الفتاه ساذج وغبي حتى تتلاعب بي وبمشاعري!! كيف تخدعني وتستغفلني وتستغلني!! جعلتني ارى خبثها في بنات حواء جميعهم، جعلتني مثل مجنون ابحث عن شي مجهول، جعلتني افقد شعور الفرحه والسعادة بهذا الزواج جعلتني لا اعلم هل انا اعيش حلم او واقع، جعلتني ابحث عنها في روان ولا اجدها، نعم روان جميله وهي الأنثى التي بها كل الصفات التي يحلم بها كل رجل، لكن الاخرى كانت الانثى النقيض ، و استطاعت ان تشغلني بها حبآ ف كرهآ ف حقدآ
. .
كان الفرق بينهما شاسع جدآ
والفرق بين حالي قبل شهر
وحالي الأن كبير
ضعت في متاهة المقارنات بينهم
ف الاهتمامات و النقاشات بينهم مختلفه تمامآ
تلك كانت تتحدث عن الأشياء
وروان تتحدث عن الأحداث
روان تصف بشكل اوسع
وتلك الاخرى بشكل اعمق
حتى الاذواق مختلفه
فقد ذهبت مع روان معي لشقه
ولم تحب ألوان الجدران الفاتحه
ولا الاثاث بألوان المبهجه
ف روان تحب الكلاسكيه الغامقه لم اخبرها انه من ذوق الاخرى و وعدتها بتغير بعد اشهر من زواج نظرآ لميزانيتي
.
.
نفض تركي راسة وهو تعب من التفكير والمقارنات في كل شي!! لماذا عبثت بحياته هكذا لو لم تفعل ذلك كان من الممكن ان يكون هو الأن مقتنع بروان تمامآ . .
صحي من افكارة على اتصال عمة عادل: تركي وينك تاخرت ما خلصت دوامك انت!؟ ضرب راسه فقد نسي موعده مع عمه عادل ونظر لساعه وقد انتهى الدوام من اكثر من نصف ساعه!! وقف مستعجلآ فهو وعمة عادل على موعد مع مقاولين و منهدسين للوقوف على مشروعهم الجديد بشراكه بينهم.. وطلع من مكتبه.. متجه لوسط الرياض جهة مخطط (50) هي مجموعة أراضي ورثوها.. ولم يتم تقسيمها بينهم للأن لكن كان الاتفاق بين عادل وتركي ان يشتري تركي نصيب ابيه و عادل نصيبه وفوقه يشتري نصيب اخته نورة حتى يقوموا بإنشاء اكبر مركز صحي للعلاج الطبيعي
وطبعآ تركي بمجهوده وعادل بمال
.
.
خلال اسبوع تم الاتفاق والرسم الكروكي ودراسة الجدوال باقي فقد شراء الاراضي من الورثه..!

. .
سهى🖋️
وصلنا للاسبوع الاخير قبل زواج تركي بأيام كنت ومازالت اعيش بمرارة اقتراب الايام.. لا اعلم لماذا تمنيت ان يحدث شي في هذا الكون ك فيضان، زلزال، بركان او ان تتوقف الكرة الأرضيه عن دوران..!! اي شي يجعل هذا الزواج يلغى او يتأجل.. رن جرس الشقه..و قطع تفكيري واستغربت الساعة تشير الى 9 صباحآ  وسمعت نداء ابي: سهى
وكنت الوحيده المستيقظه ك عادتي كل  صباح.. خرجت من الغرفه و كنت رافعه شعري بأهمال ولابسه بجامه كحليه
طلعت لاجد عمي محمد امامي بإبتسامته المعتاده.
وتقدمت انا بإبتسامه باهته وقبلت راسه
وامسك يدي لأجلس بجانبه ليسألني عن حالي و هو مستغرب من ذبولي واخبرته اني بخير وهذه مجرد ازمه صحيه
ليقطع ابي الحوار : سهي جيبي القهوه لعمك
وقفت متجه للمطبخ وبدات اعد القهوه
وانا اسمع ناقشهم الغريب
دقائق وخرجت و قدمت لهم القهوه
ثم قالي ابي بأمر و كأنه لا يريد أن اعرف ما يتحدثوا عنه : سهى روحي داخل 
و لفيت بأروح
لكن تكلم عمي محمد سريعا : لا خلي سهى هنا
بنتك الكبيره ولازم تعرف كل شي
ابوي بعصبيه: محمد شي ماضي وتقفل لا تنبش فيه
عمي : لا ما تقفل انا ما انام الليل من الهم والتفكير.. لك حق في الورث ولك حق تعيش و تعيش بناتك عيشه كريمه
ابوي بقهر: الي حرمني من حلاله وهو عايش ما ابي منه شي وهو ميت !!! واذا معزم خذ نصيبي وتصدق به عنه
عمي محمد بإنفعال بسيط هو يلقي نظره علي : ما تحتاج له غيرك يحتاج بناتك باقي قدامهم مستقبل
منصور: الله يغنينا
عمي بإصرار: اسمع ي منصور انا جيت هنا وبصفتي الوكيل عن الورثه.. كتبت فله و مجموعة اراضي بمخطط(50) بوسط الرياض باسمك
انا وخواني اخذنا نصيبنا من الاراضي
باقي حقك وهالاراضي باقي ما تقسمت تساوي نصيبك.
ومد لمنصور الظرف منصور تأمله لدقائق
ومحمد يستحثه بنظراته يأخذه
مد منصور يده و اخد منه الظرف و بغضب قطعه بقوه ورمى القصاصات على الارض
شهقت سهى و محمد كتم غيضه!!
وقال منصور بحزم : ي محمد انا راضي بعيشي
و لا تفتح النار علينا و لا تخسر اهلك عشاني
ووقف بتعب : عن اذنك بروح ارتاح وشقه طبعآ شقتك منت غريب!
تنهد محمد بتعب من منصور اخوه وعناده
ورجع نظرة لسهى الساكته المصدومه.. محمد اشر لها تجي جنبه.. وقفت سهى وراحت لعمها
محمد بهدوء مخيف : بنتي سهى الي باقوله لك اللحين ابيه بيكون بينا سر.. تمام
بلعت ريقي بخوف: خير عمي شفيه
طلع ظرف ثاني: كنت متوقع ان ابوك راح يرفض.. منصور اخوي واعرفه راسه يابس. لكذا عملت نقل ملكيه نسختين واحد باسم ابوك..واحد باسمك
وقفت بفزع: لا ي عمي ارجوك لا تدخلني بذي الامور.. والله ابوي يذبحني
عمي: ي بنتي ابوك اخذته عزت النفس و علوم الاولين.. لكن انتم وش ذنبكم..؟ هالعقد احتفظي فيه ولا احد يعرف عنه شي حتى ابوك.. و ان اخذ الله امانتي او امانة ابوك.. او جارت عليكم الأيام طلعيه هذا راح يعزكم عن الحاجه لأي مخلوق
وجعني بطني و دق قلبي بقووه من خطورة الموضوع بنبرة بكاء: ارجوك عمي لا والله خايييفه
عمي مسك يدي: اضمني حقك وحق خواتك. قدامكم ايام الله العالم وش فيها
وجلست افكر وانا ساكته فعلآ احنا عيشتنا صعبه وتمر ايام ما يكون عندنا ريال و مطبخنا فاضي و نصبر حالنا بالقليل
واللحين مع مرض ابوي راح يزيد الوضع سو وابوي همه اللحين يزوجنا ويفتك من همنا.
شفت عمي وقف بيطلع: تم ي سهى
رديت متردده: لكن
عمي محمد: بدون لكن ي سهى انا واثق انك  قد هالشي ف توكلي على الله ووافقي و يوم الاثنين صباح راح اكلم ابوك اني راح اخذك انتي وخواتك مع ريهام للكوفير عشان عرس تركي. بنزلهم ونروح انا وانتي للمحكمه نوثق العقد وتوقعي بس خذي هويتك معاك.
دق قلبي من بين الايام كلها ما اختار عمي
الأ يوم زواج تركي نروح للمحكمه.. طبعآ هو لانه عارف ان ابوي ما يخلينا نروح مكان مع احد..ف لقي عذر شغلة الكوفير
.
قدر عمي يشغل بالي هالايام بهالموضوع
ف إختلطت عندي كل الامور حزني على تركي و زواجه.خوفي من ابوي. رهبتي من موضوع الورث.رجوعنا لديره وملكتي ع صالح. التوتر وصل عندي لأقصاه
لدرجة كنت اعاني ارق طير النوم من عيوني وراسي بينفجر من هالهموم
وبكره يوم مقتلي بكره زواج تركي الي ما راح احضره!  ما نمت الليل وجلست اصلي و ادعي الله يخفف عني.
وجاء الصباح
وكنت محتاجه يكون معي جوالي لكنه الرقم مفصول تذكرت شريحه تركي
طلعتها بإستخدمها اليوم بس
حطيتها بجوالي و شغلته
وطلعت لصاله بخوف
انتظرنا عمي محمد وجاء
ونزلنا وشفت ريهام جالسه قدام
قلبت عيوني من كرهي لها
وركبنا ما حسيت الا بسهام تقول
:سهى يلا وصلنا
ناظرت لها بدون رد
رد عني عمي: سهى ابيها بنجيب كم شغله وراجعين
سهام: طيب
و راحو وانا جالسه افرك يديني من توتر وانفاسي مضطربه عمي:اسمعي ي بنتي والله الي بيصير اللحين بمصلحتكم
ابوك ما عنده اولاد لكن انا اشوفك بمية ولد وبتحفظي حقك وحق خواتك والسر بينا ما يعرف فيه غير محامي الشركه.

.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
   ودمتم بخير