روايه سعوديه " أنا أحببتكَ أولاً "

بارت ٢٣

.
.
.
محمد بتفكير هو ما أرتاح لصالح و بس بنفس الوقت مو مرتاح لأبنه تركي و قراره الغريب و بهذا الوقت !! لكن يضل تركي الأفضل لسهى وعنده ثقه بأن تركي ما راح يأذي بنت عمه.. و لو عرف سهى صح هو الي راح يحميها ويوقف معها .. لكن هو اللحين متأثر بعمه عادل .
محمد بهدوء : ماراح اكذب عليك و اقولك اني ما اتمنى هالشي.. بالعكس سهى عندي غاليه مثل ريهام اختك.. و ما ابيها تروح للغريب.. ومن زمان ابيها زوجه لك.. مع ان ظرفك اللحين يختلف .. متزوج! لكن واثق انك ما راح تظلم بنتك عمك وبتعدل بينهم وانا بوقف معاك بكل شي اهم شي عندي انك تعز بنت عمك وتعاملها بما يرضي الله ولا تحط المال والحلال بينكم وتعتبر هالزواج صفقه
تركي ولا شي من كلام ابوه دخل راسه بس سايره و هو يقول: لا تشيل هم
محمد: الله يوفقك.. اللحين اكلم عمك منصور ونروح عندهم بعد المغرب
تركي: تمام.. بس يبه لو صار نصيب عندي طلب بأملك عليها واخذها ما ابي عرس وكلام فاضي
محمد: لا تسبق الاحداث خلنا نشوف رائيهم بالاول وبعدين نتفق على باقي الأمور
تركي: على خير .. ووقف وقال : وشي ثاني يبه ما ابي احد يعرف بموضوع حتى يتم.. مو ناقصين من اللحين وجع راس و يمكن مايصير شي.
محمد أيد رائي تركي وخاصه الكل هنا بيعارض هالزواج . .
تركي🖋️
طلعت من عند ابوي وقلت لروان: يلا روان مشينا..وصلتها الشقه.. ورحت لعند عمي عادل وخبرته بالي براسي
الي انصدم عادل: شلووون؟؟
سكت ماعندي جواب
رجع يتأكد: من جدك
هزيت راسي وانا ارفع كوب الكافي واشرب
عادل : ي رجال مالك ثلاث شهور متزوج!! وبتزوج الثانيه؟ ومين سهى بنت منصور !!
قلت افهمه : راح اشرح لروان الوضع.. يعني مو معقول ي عمي اشوف شغلنا وحلالنا يروح لغيرنا واحنا ما نتحرك.. وابوي واقف بينا وبينهم .. لكن لو تزوجتها اقدر اتصرف ونصفي حسابتنا معها
عادل ابتسم : تصدق والله انك جبتها.. وبتختصر علينا كثير
تركي بوعيد: و كثير بعد .. وبأطلع من عيونها القديم والجديد . .
المساء ساعه 8 ونص
مشينا انا وابوي لبيت عمي منصور .. وانا حاس بإستغراب من نفسي هذا اسرع قرار اخذته بحياتي ويمكن اصعبهااا لأن عارف رفض الكل لهاذي البنت!! و انا اولهم رافضها لكن عشان انفذ الي براسي لازم اتنازل . .
واللحين جالسين بصالة بيتهم الي واضح من جدرانها و اثاثها المستوى المتدني لعيشتهم..واسمع ابوي يطلبها..وانا مستاء من حالي..انها بتكون زوجتي.. وبتكون بعد روان..الي هي ما تسوى ظفرها.

تكلم ابوي منحرج.. نخطبها وهي بتملك بعد يومين: والله ي منصور مو عارفين من وين ندخل بالموضوع!! منصور: خير ي ابو تركي
محمد: ي خوي احنا جاين ونبي بنتك سهى لولدي لتركي.
منصور بإستغراب سكت للحظات متفاجئ
ثم اردف: بس ي خوي البنت بعد بكرة ملكتها على صالح و اعطينا الناس كلمه وماهي حلوه في حقنا نغيرها
محمد بإقناع: عارف تأخرنا كثير بس والله ما بغينا بنتنا تروح للغريب.. وخاصه هالولد انا سألت عنه ي منصور مشاكله كثير وحاله ميسور.. ليه ترمي بنتك له..و ولد عمها موجود ويبيها و بيعزها
منصور بتردد وهو يناظر تركي ويمازحه بنصيحه : وانت ي ولدي فيك شده لحرمتين تراك بتتعب
تركي بنفسه من ناحية روان ضامن ماراح اتعب بس ناحية بنتك الله العالم
قال وبكذب: لا تشيل هم ي عمي وان شاء الله ما بتعب دام بعدل بينهم.
منصور من جد مستحي يرفض طلب محمد وبنفس وقت اعطى صالح كلمة لكن لو جاء للحق حتى لو تركي متزوج يبقى الافضل لسهى وراح يضمن لها حياة كريمه
وبما انه اساسآ ما اخذ رائي سهى بصالح نفس الشي كرره اللحين بتركي وقال: والله ي محمد ما يطاوعني قلبي ارد لك طلب.. واعتبروا البنت بينتكم وتم طلبكم
تركي ابتسم بنصر
محمد بفرح: تسلم ي ابو سهى..والله انك كفو
ثم كملوا حوارهم واتفقوا على بعض الأمور قبل سفر منصور ومحمد.. منها يرجعوا اهل منصور لرياض ولنفس شقتهم.. و يملكوا لتركي وسهى وانها بتكمل دراستها و اللحين مافيه شي يمنع دام انها مع زوجها
والبنات راح ينقل ملفاتهم لرياض وثم سالفه العرس والأمور ثانيه.. لما يرجعوا يتفقوا عليها
وتكلم تركي:بس بعد اذنك ي عم بنملك وباخذها لبيتي
منصور: الله ييسر لكم ي ولدي
وغادروا
. .
سهى🖋️
خفت من سمعت ان عمي محمد وتركي جو.. توقعت عشان الورث.. طول الوقت وانا ع عصابي..اتخيل يطلع ابوي ويلعن خيري.. انتفضت لما سمعت نداء ابوي بصوت عالي: سسسسهى
طاح قلبي..وطلعت وانا اتشهد..حتى جلس ابوي عند امي على كرسي بالحوش
وقفت عندهم: سم يبه
ونطق ابوي: ي بنتي خلاص مافيه بينكم انتم وصالح نصيب وبنعتذر لناس
ماقلت ليه بالعكس شهقت من الفرحه.. يعني ابوي ما عرف!! وكمان مافيه صالح!! مدري شلون نسيت نفسي وصرخخخخت من الفرحه وانا انط..
طلعوا خواتي ع فرحتي: وش صاير
قلت:أبشررركم خلاص تفركشت خطبتنا انا وصالح كلللووووش
ما حسيت غير بحصى حذفها ابوي وصابت ركبتي
مسحت ع ركبتي متوجعه: ااااي شفييييك يبه..خلني اعبر عن فرحتي
ابوي بعصبيه: اهجججدي ي بنت
.
شعور الفرحه الي كأنك عصفور و تحررت من القفص وبطير بسما..جالسه احسه.. حاولت اضبط نفسي و جلست ع طوبه قريبه و انا حاطه يد تحت دقني و شاقه الأبتسامه: طيب طيب خلاص بأعقل
كمل ابوي: لكن فيه واحد ثاني خطبك
بهت وتدريجيآ انطفت ابتسامتي ماصدقت افتك من صالح خلاص ما ابي زواج ابغى اشوف مستقبلي
قالت امي: ومن هو
ابوي كمل وانا مركزه معه: تركي ولد اخوي محمد
دق قلبي دقه قووويه حسيت انقبضت عضلة قلبي منها.. و وجعني بطني وبردت اطرافي من صدمه وقلت بهمس : مين
قال ابوي مترسل: جهزي نفسك ملكتك نهاية الاسبوع و بتروحي معاه والعرس لما نرجع وشوفي الجامعه الي سجلك عمك محمد فيها ورتبي امورك عشان تكملي دراستك..
.
لا كذاااا كثيييير احس تجمدت من صدمه وعيوني حتى ما رمشت.. ابي احد يجي يضربني حتى اصحى من هالحلم .. انتقلت لعالم ثااااني من قوة الشعور .. فقدت تركيزي وعقلي وحواسي .. السعاده الي تجي وراء بعض تشلك .. فسخ خطوبتي من صالح.. بتزوج تركي. باكمل دراستي.. ماحسيت بروحي الا لما طحت من فوق الطوبه الي جالسه عليها وسهام تضرب فيني : بسم الله سهى وش صار لك
توي استوعبت اني طحت من أثر ضرب سهام لخدي و لكتفي حتى ارجع لوعي.
رجعت نظري لعيون امي وابوي الخايفه و خواتي المستغربين
و رديت بفهاوه : هاااه..
امي : الله يصلحك ي منصور فجعت البنت
سحر جيبي لأختك مويه
و وقفت بهدووء وانا انفض بجامتي وامشي للغرفه بعدم استياعب.. وجلست ع سرير.. لحقتني سحر بالمويه وبدون سابق انذار سكبتها فوق راسي انتفضت مخترعه وانا امسح المويه الي ع وجهي
وناظرت في سحر وقلت : سحر تركي خطبني.. خطبني انا.. بتزوج تركي
سحر: ياربي ما عرفنا انتي فرحانه و لا زعلانه
رديت وعيوني تدمع من الفرحه : بطير من الفرح
مو مصدقه... كيف تحققت كل امنياتي بوقت واحد
سهام الواقفه عند الباب و دخلت و قفلت باب الغرفه وهي عندها كلام : من جدك فرحانه بتزوجي واحد متزوج.. وش حدك عليه
رجعتني سهام للواقع شوي.. صح متزوج.. ما يهم.. رديت بصراحه : احببببه و انا الي حبيته قبلها ..و بنيت احلامي معاه.. مو مستعده اهدمها عشان اي احد في دنيا..
كملت سهام : طيب و ناسيه اهله
رميت ظهري ع سرير : ما يهموووني.. و لو فيه مليون عله انا ابيه
ومسكت جوالي وارسلت لغدير (  بتزوج تركي )
ثواني ودقت وتحسب اني امزح . . . .

تركي
واحنا راجعين في طريق.. كان واضح على ابوي فرحته بذا الزواج.. وحدد لها مهر كبير ما تستاهله ..واقترح عليه مبدئيآ.. اسكن وحدة بالشقه ووحده بجناح عند أهلي.. وانا بصراحه مالي نيه.. سهى مو في الحسبه انه يكون لها بيت و لا مكان.. و اساسآ شقتي كبيرة... حاليآ ابي الامور تمشي خاصه لما ينتشر الخبر.. انا شايل هم روان اللحين كيف راح تقتنع و شلون راح ابرر لها. ما ابي اخسرها وعشان مين؟ عشان سهى ..لكن هي مسألة وقت بس..!!!!