روايه سعوديه " أنا أحببتكَ أولاً "

بارت ٥٧

بعد دقائق نزلوا وما شافوها
وسألت سمر وحده منهم : لو سمحتي وين سهى زوجة الدكتور تركي
روان انغااااااضت
وريهام ردت : قصدك طليقته .. واشرت ع روان :
و هاذي هي زوجته
روان ناظرت لهم بغرور

و هم فتحوا عيونهم وتركوا المكان
سمر وهي مو مستوعبه: بنااات مو مصدقه كيف ذيك الكياته ولطااافه طلقهاا حسيت بغبنه وانا مالي دخل !!!
هديل : حرااام والله
نوف : هذا النصيب الله يرزقهااا بلي يستاهلها والله انها تستاهل كل خير
.
.
.
.
.
.
.
.
.
.
.
.
.
.
.
.
.
.
.
ومرت الشهور  ..!
وهذه هي سهى تجلس ع الدرج و تبكي
غدير : ي ليل ع كل درجتين بتجلسين وتبكين
سهى تمسح دموعها و تأخذ نفس : مو قادره ي غدير مو قادره ارحموووووني انتي وسهام
سهام تنزل الدرجات من فوق : الدكتوره تقول لازم تحركين حتى تسهل ولادتك تراك مطوفه عن تاسع بيومين
سهى ببكاء : ياررررب رحمتك
و مدت يدهااا وساعدوها ع الوقوف
وطلعت معاهم باقي الدرجات بطلعت الروح
يقال سهام وغدير يسوا لها رياضة صعود و نزول الدرج لتسهل ولادتها التي تأخرت عن وقتهاا ..!!!

وسهى بالبدايه تحمست معاهم ونزلت درج العماره
من الدور إلي شقتهم فيه إلى الدور إلي تحته
بس يوم جات تطلع ماعاد قدرت وانهارت بكاء
وصار بكل كم درجه تجلس وتأخذ نفس و تبكي  .!!

وصلوا فوق ورجعوا لشقه
وسهى وجهها احمر جداً والعرق يتصبب منها كأنها
بذلت مجهوووود كبير وتنفس بصعوبه وتبكي بتعب
وامها اول ما شافتها .. هاوشت سهام وغدير لا عاد يتعبونهاا كذا وهي طاقتها ع قدهااا .. !!

بالأساس سهى لو مو خايفه من حكايه انها مطوفه كان ما طلعت معاهم لكنها خايفه من كل حاجه هذا التأخير و الولاده و الوساوس تحاصرهااا
سهام تبرر لأمها : يمه كلها والله عشر درجات بس
سهى وهي باقي تبكي و كان تشوفها أكثر من عشر : لا والله أكثررر
غدير : اللحين وراء انتي تبكين !؟
سهى انفجرت تبكي أكثر ونوبات البكاء هذه تزورها كثيراً  : لأن كل الي تسونه معي ما ينفع  ... ثم أشرت ع بطنهاا : اناااا راح اموووووت بسببه
غدير حزنت عليهاا ووقفت وجلست جنبها وضمتهاا
: لا تقولين كذا و صدقيني ما راح يصير لك شي بس انتي تتوهمين

ام سهى : سهى ي بنتي كم مره اقولك انسي هالأفكار وخليك مؤمنه ان الله لطيف خبير و عالم بحالك وادعيه ييسر ولادتك و يهونهااا مو ترددي هالكلام

مسحت سهى دموعهااا  وهزت راسها : أن شاءالله

وسهام جابت لها عصير وهي تقول : اشربي عصير
و روقي و خلي افلام الدراما عنك  ... واردفت يقال تخفف عنهاا : ثم لو صدق ع اوهامك بتموتين بالولاده يعني بتصيرين زي الشهداء تدرين إلي تموت وهي تولد شهيده منزلتهااا عاليه مع أهل الجنه

ام سهى فتحت عيوووونهااا من سهام إلي دايم ما تجيب العيد بكلامهاا : الله أكبر عليك ي سهااام
وحذفتها بريموووت وسهام انحاشت عنه قبل يوصلهاا : عندك كلام زين ولا سكري فمك .. وسهى حبيبتي بإذن الله بتولد و تقوم بالسلامه .. و الله يطول بعمرها ويخليها لنااا