Mending a Ruptured Heart (Bons Amis Series #3)

Kabanata 13

"O, bakit hindi ka pumasok?"

Bungad sa 'kin ni Ciara pagkauwi niya sa condo. Naabutan niya ako sa sofa na kumakain ng chocolates. Kanina pa ako nakarating umaga galing sa Ilocos pero hindi pa rin ako pumasok buong araw para magpahinga.

Pumasok si Ciara sa kwarto niya para ilapag ang gamit niya habang ako naman ay sinasadyang hindi pansinin ang mga notifications sa phone ko. Kanina pa 'ko minemessage ni Veron pero hindi ko siya sinasagot. Bakit ko sasagutin?! Manigas siya riyan. Friends lang naman kami, e!

Pinagkaabalahan ko na lang 'yung pagdedesign ng plates ko buong araw at nag-aral ako para sa make-up quiz dahil nga hindi ako pumasok kanina.

"Kanina pa 'yang phone mo, ah. Hindi mo sasagutin?" Pansin ni Ciara habang kumakain kami. Nakapatong kasi ang phone ko sa lamesa at hindi ko pa rin binubuksan 'yon.

Napabuntong-hininga ako at tinignan 'yung laman ng screen. Parang bumilis pintig ng puso ko sa binabasa ko. Nalungkot ako bigla dahil ang dami pala niyang message sa 'kin.

mveroncastel:

Good morning.

mveroncastel:

Are you home na ba?

mveroncastel:

Avi?

mveroncastel:

I'm here at your school.

mveroncastel:

Where are you?

mveroncastel:

I'll be waiting for you.

mveroncastel:

Hey, I'm getting worried.

mveroncastel:

Are you okay?

Napasapo ako sa noo ko at nag-type ng irereply. Ang sabi ko lang ay nakauwi na 'ko at okay lang ako. Sabi ko rin na umuwi na siya at pinatay ko na ulit ang phone ko. Nakakainis naman! Gustong gusto ko siya kausapin pero naiinis pa rin ako sa mga pinagsasasabi ni Angel. Ito ang mahirap kapag walang label! Hindi mo alam paniniwalaan mo dahil wala ka namang pinanghahawakan.

Kinabukasan hanggang Friday ay hindi kami nagkita ni Veron. Kapag sinasabi niyang pupunta siya, ang sasabihin ko may gagawin ako o may pupuntahan ako. Hindi ko na rin alam ang ginagawa ko at gusto ko na lang maiyak dahil miss ko na talaga siya.

Hindi pa nakatulong 'yung nakikita ko sa IG stories nila Atticus na gumagala sila kasama si Angel tapos palagi pa silang magkatabi. Ang hirap naman ng ganito! Gusto ko siya pero ayoko naman magpakatanga. Alam ko na 'yung mga ganyang tipo ng lalaki, e! Mga tipong igho-ghost ako kapag nagkamabutihan na sila ulit ng totoong gusto niya, ganoon.

"May ipapasa pa 'ko next week, Ysabelle!" Reklamo ko nang bumisita sa condo 'tong si Ysabelle at inaaya kaming lumabas.