Mending a Ruptured Heart (Bons Amis Series #3)

Kabanata 18

"Hindi mo naman ako kailangan i-hatid!"

Kanina ko pa pinipilit si Veron na huwag na akong ihatid doon sa restaurant kung nasaan sila Mommy. Hindi pa 'ko ready ipakilala siya pagkatapos ng naranasan ko sa harap ng pamilya niya. Parang sobra na sa emosyon.

"I want to meet your parents, Avianna," pagpupumilit niya.

Bumuntong-hininga ako at huminto sa harapan ng Italian restaurant. Tumango ako at sinenyasan siyang sundan ako. Pagkapasok namin, nakita ko kaagad sila Mommy at Daddy na nakaupo doon sa may couch at may order nang pizza at pasta.

Kinakabahan akong lumapit. Ngumiti si Mommy sa 'kin nang makita ako pero nawala ang ngiti nang makita si Veron sa likod ko.

"Hi Mom." Bumeso ako sa kanya. "Dad..." At saka ako bumeso kay Daddy.

Nakatingin lang si Daddy kay Veron. Nang lingunin ko si Veron, tahimik lang siya at halatang kinakabahan. I had never seen him this nervous. He was always so composed and calm. Siya naman ang namilit kaya panindigan niya 'to!

"This is Veron, my boyfriend." Kinakabahan din ako nang ipakilala ko siya.

Halos mabuga ni Mommy ang iniinom dahil sa gulat. Mas kinabahan ako sa reaksyon niya. Kinuha niya ang tissue at pinunasan ang bibig niya. My dad did not give me a reaction so hindi ko alam kung anong iniisip niya. He was just staring at Veron, like a doctor examining him.

"Ang sabi mo magiikot-ikot ka lang. Saan ka naman nakahanap ng boyfriend sa New York, anak?" Kalmadong sabi ni Mommy.

I gave her a nervous smile. "Medyo matagal na po kami... Ngayon ko lang po siya ipapakilala."

"Take a seat." Seryosong tumikhim si Daddy.

Umusog si Mommy at tumabi kay Daddy para kaming dalawa ni Veron ang magkatabi sa tapat nila. Hindi makapagsalita si Mommy pero sinipa niya 'ko sa ilalim ng lamesa. Napatingin ako sa kanya. Tinaasan niya 'ko ng kilay.

"Where are you from?" Panimula ni Daddy.

"I'm from Manila, sir," Veron answered with respect.

"What are your plans?" Tumaas ang kilay ni Daddy.

Ako ang kinakabahan para kay Veron. Parang gusto kong ako na lang ang sumagot sa mga tanong ni Daddy. My dad was not that strict but it was the first time I introduced a boyfriend to them kaya hindi ko alam kung paano sila magrereact.

"I'm currently studying Civil Engineering. After I'll study again to legal management," pormal na sagot ni Veron.

"Engineer and lawyer, huh?" Dad nodded.

"Yes, Sir." Veron nodded.

"We might need you in the future." Dad chuckled which made Veron relax a bit.