👿⛓ចាហ្វាយព្រៃផ្សៃ⛓🥀

Part 18

@ពេលព្រឹកម៉ោង 7: 31 នាទី...

        នៅក្នុងសួនច្បារសម្បូរទៅដោយផ្កាចម្រុះពណ៌គ្រប់ប្រភេទជាច្រើនបានដុះរីកស្កុះស្គាយជាទីគាប់ចិត្តរបស់រាងតូច ថេយ៉ុងឱ្យបញ្ចេញស្នាមញញឹមស្រស់ស្រាយបានធូស្បើយពីអារម្មណ៍កើតទុក្ខ រាងតូចចេះតែស្រោចទឹកផ្តល់សំណើមដល់ផ្កាទាំងនោះជារឿយៗពីមួយកន្លែងទៅមួយកន្លែង កម្លោះតូចរូបនេះបានបេជ្ញាក្នុងចិត្តថានិងស្រោចផ្កាទាំងអស់នេះឱ្យអស់ ក្នុងចិត្តហាក់ចម្លែកនិងឆ្ងល់ក្នុងពេលតែមួយដែលរយៈពេលបីថ្ងៃមកនេះគេមិនបានឃើញណាគីចាំធ្វើបាបទម្លាក់កំហុសដាក់ខ្លួនដូចកាលពីលើកមុន តែយ៉ាងណាក៏សប្បាយចិត្តដែលបីថ្ងៃនេះគេមិនបានឈីខ្លួនទៀត ចំណែកឯជុងហ្គុកក៏មិនបានមកផ្ទះជាញឹកញាប់ ព្រោះតែជាប់រវល់មើលការងារដកខ្លួនមិនបាន

      ថេយ៉ុងឈប់ឈរស្ងៀមមួយកន្លែងនៅពេលដែលបានឃើញសួនផ្កាកុលាបចម្រុះពណ៌ជាច្រើនដែលខ្លួនមិនធ្លាប់បានដឹងពីមុនថានៅក្រោយភូមិគ្រឹះនេះមាន ក្លិនក្រអូមរសាយតាមកម្លាំងវាយោ ថេយ៉ុងបិទភ្នែកដកដង្ហើមវែងៗស្រូបយកក្លិនក្រអូម ជញ្ចើមជ្រួញចូលគ្នាពេលដែលបើកភ្នែកមកបានសម្លឹងចុងកន្ទុយភ្នែកប្រទាក់និងផ្ទះតូចល្មមមួយដែលនៅមិនឆ្ងាយពីកន្លែងដែលគេឈរ ថេយ៉ុងទម្លាក់ទុយោទឹកបិទយកទៅទុកកន្លែងដើមហើយដើរសម្តៅទៅរកផ្ទះមួយនោះ រាងតូចដើរលបៗថ្នមៗមិនឱ្យប្រហែស គេចង់ដឹងណាស់ថានៅក្នុងផ្ទះតូចមួយនោះមានលាក់ទុកអ្វីសំខានទៅទើបដល់ថ្នាក់មានកូនចៅត្រូវនៅឈរយាមកាមបែបនេះ

        ថេយ៉ុងរត់ទៅពួននៅក្រោយដើមឈើធំមួយដែលនៅក្បែផ្ទះនោះ ព្រោះតែមានសម្លេងសម្រិបជើងដើរមកពីក្រោយ ទឹកមុខកំណាចរបស់ជុងហ្គុកនិងយុនជាចំណិតចូលទៅក្នុងផ្ទះតូចនោះ ចំណែកកូនចៅពីរនាក់នោះក៏បានចូលទៅតាមពីក្រោយដូចគ្នា

      លុះពេលពួកគេចូលទៅក្នុងបាត់ថេយ៉ុងចេញពីក្រោយដើមឈើដើរលបទៅជិតផ្ទះតូចក៏ឃើញមានចន្លោះប្រហោងតូចមួយដែលអាចឱ្យគេមើលបានសម្បិតត្រឹមចន្លោះប្រហោងតូចមួយនិងគឺមិនអាចធ្វើឱ្យខាងក្នុងមានពន្លឺបាននោះទេ