ព្រឹកឡេីងនាថ្ងៃបន្ទាប់...
ពន្លឺព្រះអាទិត្យចាំងចូលតាមបង្គួច ធ្វើឲ្យសាគូរ៉ាយកដៃញីភ្នែកខ្លួនឯង ហេីយក៏សម្ងំដេកបន្តទៀត បន្តិចក្រោយមក នាងមានអារម្មណ៍ថាប្លែកៗ ទាំងកន្លែងកំពុងគេង និងខ្លួនប្រាណ។
សាគូរ៉ាបេីកភ្នែកឡេីងឃេីញថានាងកំពុងតែដេកស្រាតននលគកនៅលេីគ្រែដេកជាមួយនឹងមនុស្សប្រុសម្នាក់ដែលនាងស្គាល់ច្បាស់ គឺអាវ៉ូម៉ា។
«នេះ...នេះឯងធ្វើស្អីយេីង?» សាគូរ៉ាស្រែកផ្អេីសបន្តិច រួចលេីកជេីងធាក់អាវ៉ូម៉ារហូតដល់ធ្លាក់ពីលេីគ្រែ ហេីយក៏ត្រូវស្រែកថ្ងួចថ្ងូរក្នុងចិត្តយ៉ាងឈឺចាប់ត្រង់ចន្លោះកណ្ដាលជេីង។
«ស្ងាត់វេីយ! យេីងកំពុងដេក!» អាវ៉ូម៉ានិយាយដោយងេីបពីដេកកណ្ដាល។
«ស្ងាត់យ៉ាងម៉េច យប់មិញឯងធ្វើស្អីដាក់យេីងខ្លះហា៎!» សាគូរ៉ាជំទាលបែកបន្ទប់ហេីយលេីកអំពូលដែលនៅក្បែរនោះគប់ក្បាលអាវ៉ូម៉ាមួយទំហឹង។
«អូ៎យ...ឈឺ» អាវ៉ូម៉ាងេីបឡេីងពីលេីឥដ្ឋ ហេីយយកដៃស្ទាបក្បាលដែលបែកចេញឈាមរបស់គេ។
«ឯងចេះឈឺដែរឬ? អាចង្រៃ!»
សាគូរ៉ាស្រែកដោយខឹងចិត្ត ដោយខឹងនឹងខ្លួនឯងផង និងអ្នកដែលរំលោភនាងនោះផងដែរ។ យប់មិញនាងត្រឹមចាំថា ខ្លួនឯងបេីកទ្វារចូលមកក្នុងបន្ទប់របស់យូមិដេីម្បីយកកាបូបនោះឲ្យនាង ហេីយក៏ងងឹតមុខហេីយមិនដឹងថាមានរឿងអ្វីកេីតឡេីងតទៅទៀត រហូតដល់ព្រឹកឡេីងនាងក៏ឃេីញខ្លួនឯងក្នុងសភាពអាក្រាតដែលអាចនិយាយ១០០% ថាត្រូវគេរំលោភ។
«ស្តាប់! យេីងឲ្យច្បាស់...យេីងក៏ចាញ់បោកគេដែរវេីយ!» អាវ៉ូម៉ារអ៊ូឡេីង។
«ចាញ់បោកស្អី? ឯងលូកលាន់យេីងតាំងពីនៅក្នុងរោងកុន មកដល់ក្លឹប ហេីយថាចាញ់បោក? ល្បិចឯងច្បាស់ណាស់!» សាគូរ៉ាជំទាលរករឿង។
«នាងក៏ឲ្យដៃដែរវេីយ!»
អាវ៉ូម៉ាស្រែក ព្រោះសាគូរ៉ាមិនមាត់មិនករហេីយធ្វើឫកពាដូចមានសេចក្តីសុខណាស់ ទេីបគេបន្តសកម្មភាពលូកលាន់នាងនៅចំណែកមុខអាបីនាក់នោះ ទាំងមិនចង់សូម្បីតែបន្តិច ព្រោះស្រីៗដូចសាគូរ៉ាមិនមែនជាប្រភេទស្រីដែលគេស្រឡាញ់ឡេីយ។
«បិទមាត់ឆ្កែរបស់ឯងទៅ!» នាងស្រែកគំហក ហេីយក៏ទ្រហោយំដោយអោបដៃនិងក្បាលជង្គង់នៅលេីគ្រែ។ នាងមិនមែនយំដោយសារតែស្តាយព្រហ្មចារីឡេីយ គឺនាងយំព្រោះតែការឈឺចាប់ ដោយគិតថាយូមិគឺជាអ្នកធ្វើបាបនាង ទាំងយូមិជាមិត្តភ័ក្តិតែម្នាក់គត់ដែលនាងទុកចិត្តផងនោះ ប្រហែលជានៅថ្ងៃដែលនាងនៅជាមួយស៊ូហូនោះធ្វើឲ្យយូមិខឹង ព្រោះនាងឃេីញយូមិធ្វេីខ្លូនចម្លែកៗ ដល់ស្អែកឡេីងងពេលនាងសួរ យូមិប្រាប់ថាមិនសូវស្រួលខ្លួន ទេីបនាងមិនដេញដោល ម្យ៉ាងគិតថាគ្រាន់តែការគិតច្រេីនរបស់ខ្លួន ព្រោះយូមិមានមីនហូជាសង្សារទៅហេីយនោះ។
មួយសន្ទុះក្រោយ ដោយសាមីខ្លួនទាំងសងខាងមិនមាត់កររកគ្នា អាវ៉ូម៉ាក៏បេីកមាត់និយាយ។
«នាងចង់ដឹងថានរណាគឺជា អ្នកនៅពីក្រោយខ្នងទេ?»
«នរណា? យូមិ?» នាងយំយែកសួរដោយសម្លេងតឹង។
«ណូ! លីលីគឺជាអ្នកធ្វេី នាងលួងលោមឲ្យយេីងផឹកស្រាជំនួសនាង ប្រហែលនៅក្នុងនោះមានថ្នាំសណ្តំ ហេីយនាងប្រហែលជាត្រូវថ្នាំដែរតាមមេីលទៅត្រូវទេ? !» អាវ៉ូម៉ានិយាយអ្វីតាមស៊ូហូប្រាប់គេ។
«ពេលដែល សាគូរ៉ានាងដឹងខ្លួនឡេីង ប្រាប់ថាលីលីប្រេីល្បិចលួងលោមនឹងដាក់ថ្នាំឯងឲ្យដេកជាមួយនាងទៅ...ឯងនឹងរួចខ្លួនហេីយ!» នេះគឺជាអ្វីដែលស៊ូហូប្រាប់កាលពីម្សិលមិញ និងយកលុយ១០លានយ៉េនមកឲ្យគេដល់ផ្ទះ។
«មែនឬ?»
សាគូរ៉ាសួរដោយឈប់យំយែក នឹងជ្រួយចិញ្ចេីមចូលគ្នាដោយកំហឹង។
«លីលី...ស្រីចង្រៃ» នាងព្រុសពាក្យអសុរោះចេញពីមាត់របស់ខ្លួន។
ទោះបីជាខឹងយ៉ាងណាក៏នាងមិនអាចធ្វើអ្វីដាក់មនុស្សដែលមានឥទ្ធិពលក្នុងថ្នាក់ដូចជាលីលីបានឡេីយ។
«លីលី...យេីងនឹងដឹងគ្នាជាមិនខាន!»
សាគូរ៉ានិយាយដោយកំហឹងក្នុងទ្រូងដោយមិនដឹងថានោះគឺជាអន្ទាក់។
YOU ARE READING
The Perfect Classmate (Season I)
Short Storyគ្រប់គ្នានិយាយថា ពេលវេលាដែលសប្បាយបំផុតនៅក្នុងជិវិតគឺ ជាពេលរៀនវិទ្យាល័យ...វាប្រហែលជាពិតហេីយ! គូម៉ូ ជីហ្គូគូគឺជាសិស្សស្រីដែលស្ងៀមស្ងាត់ មោឃៗមិនចេះមាត់ករនៅតែជាមួយទូរសព្ទ24ម៉ោង បែបជាក្លាយជាសិស្សក្នុងថ្នាក់ទី10-A...
