មួយខែក្រោយមក...
ការប្រឡងបញ្ចប់ឆ្នាំក៏បានមកដល់ ដែលគឺជាការវាស់ស្ទង់នូវកម្រិតចំណេះដឹងរបស់សិស្សានុសិស្សគ្រប់គ្នា ក្រោយពីការខិតខំប្រឹងប្រែងសិក្សាអស់រយៈជិតមួយឆ្នាំកន្លងមកនេះ។
ការប្រឡងគឺប្រព្រឹត្តិឡេីងនៅកកនិងរយៈពេលបីថ្ងៃពេញ ដោយនៅក្នុងមួយថ្ងៃៗគឺ ការប្រឡងចាប់ផ្ដើមឡេីងពីម៉ោង 8:00ព្រឹក-11:00ព្រឹក និងពេលរសៀលពីម៉ោង1:00PM-5:00PM ក្រោយពេលប្រឡងចប់ សាលានឹងប្រកាសអំពីលទ្ធផលនៃការសិក្សាប្រចាំឆ្នាំ ហេីយសិស្សម្នាក់ៗនឹងទទួលបានការឈប់សម្រាករយៈពេលបីខែពិត មុននឹងឈានទៅដល់បវេសនកាលថ្មីនៃឆ្នាំថ្មី ដែលសិស្សទាំងអស់ត្រូវឡេីងថ្នាក់នោះ។
លោកនាយកថ្មីអង្គុយនៅក្នុងការិយាល័យផ្ទាល់ខ្លួន ភ្នែកសម្លឹងមេីលទៅកាន់ក្រដាសឯកសារដែលជាលទ្ធផលសិក្សាប្រចាំឆ្នាំរបស់សិស្សនៃថ្នាក់នីមួយៗ គាត់ក្រលេកភ្នែកចុងឡេីង ដេីម្បីរកក្រដាសលទ្ធផលប្រឡងរបស់ថ្នាក់ទី 10-A ព្រោះថ្នាក់មួយនេះទាក់ទងចំណាប់អារម្មណ៍របស់គាត់ជាងគេ ពិសេសគឺសិស្សប្រុសស្រីចំនួនបួននាក់នោះ។
«មួយថ្នាក់ជាប់ទាំងអស់? តេីវាអាចកេីតឡេីងយ៉ាងម៉េចរួច? អត់ទេ? មិនមែនជាការពិតឡេីយ...» គាត់បេីកភ្នែកធំៗ ការភ្ញាក់ផ្អេីស។
នៅពេលដែលគាត់ចូលមកកាន់តំណែងនាពេលពីរខែកន្លងមកនេះ គាត់បានបញ្ឃប់នូវទង្វើក៏ដូចជាសកម្មភាពផ្សេងៗដែលពុករលួយនិងការសុីសំណូកសូនប៉ាន់អស់រលីងហេីយ ហេីយក៏ដាក់ពង្រីកលេីវិន័យសាលា និងការបង្រៀនផ្សេងៗរបស់អ្នកគ្រូលោកគ្រូ និងពិសេសបានផ្លាស់ប្ដូរនូវគ្រូៗមួយចំនួនធំទៀត។ ដូច្នេះគាត់បានធានាទុកនៅក្នុងចិត្តយ៉ាងច្បាស់១០០% ថាអ្នកដែលចេះគឺជាប់ អ្នកដែលមិនចេះគឺធ្លាក់។
'ហេីយម៉េចក៏សិស្សនៅក្នុងថ្នាក់ដែលគេចាត់ទុកថាគឺជា «The Worst Class Of Generation» ដូចជាថ្នាក់10-A នេះដែលប្រមូលផ្តុំទៅដោយ សិស្សមិនដែលរៀន មិនស្តាប់គ្រូ គិតតែសប្បាយ Rich Kid អាងតែអំណាចនិងទឹកប្រាក់ ហេីយល្បិចកលគ្រប់បឬបយ៉ាងដេីម្បីតែផលប្រយោជន៍ផ្ទាស់ខ្លួន អាចប្រឡងជាប់ នៅពេលដែលស្ថានការប្រែប្រួល ១៨០ដឺក្រេអីចឹង?'
លោកនាយកនោះគិតនៅក្នុងចិត្តទាំងមិនយល់ ទោះបីជាគាត់មិនព្រមឬមិនពេញចិត្តចំពោះថ្នាក់មួយនេះ យ៉ាងណាក៏ដោយ ក៏គាត់ត្រូវតែបោះត្រា និងសុីញ៉េលេីឯកសារលទ្ធផលរបស់ថ្នាក់មួយនេះដោយគ្មានជម្រើសអ្វីច្រេីនដែរ ព្រោះគាត់មិនអាចរកហេតុផលឬមានភស្តុតាងអ្វីមកចាប់កន្ទុយរបស់សិស្សនៅក្នុងថ្នាក់10-A មួយនេះបាន។
'សមស្របនឹងរហស្សនាម«The Worst Class Of Generationមែន'
YOU ARE READING
The Perfect Classmate (Season I)
Short Storyគ្រប់គ្នានិយាយថា ពេលវេលាដែលសប្បាយបំផុតនៅក្នុងជិវិតគឺ ជាពេលរៀនវិទ្យាល័យ...វាប្រហែលជាពិតហេីយ! គូម៉ូ ជីហ្គូគូគឺជាសិស្សស្រីដែលស្ងៀមស្ងាត់ មោឃៗមិនចេះមាត់ករនៅតែជាមួយទូរសព្ទ24ម៉ោង បែបជាក្លាយជាសិស្សក្នុងថ្នាក់ទី10-A...
