TUAI ARI AKU? -NO PROBLEM-

TUSUN 4 - ROSE & KASIM

TUSUN 4

TUAI ARI AKU?
-NO PROBLEM-

GENRE: PENGERINDU (LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

BA RUMAH MAWAR.

Pagi nya, Rose empai lama udah tembu beradu bekenaka gari ti lawa-lawa. Ati Rose udah sedia deka nempuh penguji ba pengidup iya sehari nya. Rose pan lalu pansut ari bilik tinduk ti deka ngelawa mija makai.

"Morning sis. Tumu sis bepandukka pemakai pagi tu. Nama mimpi nih? Hehehe." Pia ku Rose nundi tudah Mawar ti enda kala-kala nyediaka pemakai maya tumu pagi.

"Ish! Iya tu ku aku. Nyediaka pemakai salah. Dani tumu pagi bepandukka pemakai pan salah. Udah tu legi nama enda mih utai dipadah iya salah. Errrrmmm.. Semua salah. Benchi sis nemu nuan." Saut Mawar lalu iya nguingka mua iya malik ketisi.

"Nya iya bulih. Pedis ati baru anak orang tu. Eh, nadai endar ga nya Mawar. Aku semina beduan nuan aja tadi. Okay, for this time aku deka belanja nuan makai tengah hari legi. Ka tauka enggai? Sekali aja offer ari aku tu. Hehehe."

"Enggai." Saut Mawar sambil iya tuchum-tuchum.

"Enggai pia? Au mih. Enti munyi nya manah agi aku ngemai sekuriti ba opis endur nuan gawa nya makai tengah hari legi."

"Ooo.. Udah nemu ka ngachau sekuriti ba dia iya diatu nih. Gerald nya, dini nuan ka nempayaka iya dih? Buai baka sampah pia. Nyamai endar enti baka nya. Manah agi beri ngagai aku."

"Gerald? Hahaha. No way Mawar. Gerald tetap lumur satu ba ati aku diatu. Nadai sapa-sapa ulih ngerampas ngambi iya ari aku. Hahaha!" Munyi ketawa Rose pagi nya nyau baka munyi ketawa orang jai ti belakun ba dalam cherita di televisyen sema jaku.

"Udah-udah. Bejaku. Bejaku ga. Utai dempa nya tembuka nuan magang au. Aku benung diet diatu. Hehehe. Bah! Aram mupuk nganjung aku gawa diatu. Peda nuan jam ba dinding nyin. Udah laun endar tua tu. Mati aku kena anu boss legi. Kumbai nuan enda mangah Tuan Kasim nya."

"Eh! Anang guai aaa. Aku agi benung makai tu. Enda patut deka ngelakka pinggai enggau mangkuk tu ba atas mija baka tu aja. Nganti aku udah tembu bebasu legi tua mupuk ngagai opis au." Saut Rose sambil nya mulut iya kunyap-kunyap makai ruti.

****

BA STAR MALL. (PAGI NYA SEPENGUDAH NGANJUNG MAWAR GAWA)

Rose benung bejalai kediri sambil nya mata iya merening utai ti bisi ba dia. Benung iya bejalai nya tadi, dia dih iya tepansaka kedai makai siti. Keterubah iya, enda mih Rose tu nemu bisi utai nyelaie nyadi ba dia.

Nyau lama ke lama iya meratika utai ba dia, enda mukai-mukai dia dih mata iya bisi tepedaka Gerald ti benung begulai makai enggau indu bukai. Maya nya, Gerald endang benung nyinuk besuap-suap makai enggau indu nya. Enda lama udah nya, dia dih Rose lalu tama ngagai kedai makai nya tadi.

"Honey! Sapa indu tu?!" Tanya Rose sambil nya jari iya nunjukka indu nya.

"Rose? Eh, Honey.. Nama pengawa nuan ba ditu?" Saut Gerald ti lalu ngeleka ke siduk enggau jerpang iya nya ba atas pinggai.

"Baby. Sapa indu tu? Euwww..." Pia ku indu ke enggau Gerald begulai makai nya tadi.

"Eh! Nuan nemu sapa Gerald tu?! Pangan aku nya okay! Anang nuan berani-berani deka ngerampas iya ari aku." Pia ku Rose nguji ngelaban tudah indu nya tadi.

"Ohhh.. Nuan pangan Gerald. Nuan nemu enda Gerald tu tunang aku? Hahaha. Hello! Nuan sapa deka nagang pengerindu kami duai tu." Indu nya lalu nyaut sereta angkat bediri ti deka ngelaban Rose.

"Ah! Enough both of you! I'm so sorry Honey." Pia ku Gerald madah ngagai Rose.

Laban ati Rose enda tan agi dikemulaka Gerald, dia dih iya lalu nyingkangka kaki ti deka pansut ari kedai makai nya. Enggau ati ti sinu iya ninggalka Gerald. Mata iya semampai mansutka ai mata ti labuh neritik ngemai seribu litan pemedis.

"Honey! Honey! Honey!" Pia ku Gerald ngangauka Rose.

Mimit nadai mih Rose tu malik. Anang ke nya, nikal pulaika belakang pan iya enda sanggup. Pending iya sengaja dipampul ngena jari ngichaka kangau ari Gerald nya tadi enda didinga. Berengkah ari nya api pemenchi ari ati Rose ba Gerald enda ulih dipadam agi.

"Stop it Baby! Kapa nuan deka ngagai indu baka iya nya. I'm still here Baby. Let's discuss about our relationship." Pia ku tunang Gerald nya ti lalu narit jari Gerald udah nya.

****

BA AWAK TI SAMA.

Runding Kasim benung charut ba opis iya. Nadai ngena siti pengawa digaga iya sehari nya. Gambar niang bini iya suah ditimpai lebuhka penusah datai nuntung pengidup iya. Ai kupi ba atas mija udah suah beganti. Tudah Mawar nyau sinu meda ulah Kasim baka nya.

Mawar sigi nemu ulah Kasim nya. Enti lebuh Kasim tu tusah ati, sigi mayuh ai kupi diirup iya. Sema jaku sampai dua tiga kali beganti gelas. Lelak tudah Mawar tu begagaka ai kupi. Tambah mega Kasim tu pedis deka dibai berandau laban iya enda tentu rindu enti pengidup ba rumah dibai tama ba dalam opis maya kereja.

Tang sekali tu, pengidup iya endang udah carik amat-amat. Enda nemu kini penunga tuju agi endur iya deka nyingkangka kaki. Pia mega nadai orang endur iya bepanggai mantaika sebana ati.

Biar iya sanggup napi penguji sereta nyimpan penusah ati kediri empu ari bekunsi becherita enggau orang bukai. Ati Kasim nyau enda tan agi enggau pengawa ba opis, dia dih iya lalu pansut ari opis tengah hari nya. Mawar nyau bengap-bengap meda ulah Kasim sehari nya. Deka iya nanya, tang ati iya enda kempang takut enggaika dianu Kasim.

****

BA ONE CAFE. (TENGAH HARI NYA)

Rose benung duduk kediri ti tegenung jauh ari runding ati iya. Ai kupi ti angat diudar iya nya tadi nyau chelap ngapa enda diirup.

"Sir, your order please." Pia ku tanya salah seiku ari orang ke gawa ba One Cafe nya.

"Coffee Milk Shake please. Less sugar." Pia ku Kasim ti benung berintai ba depan kaunter endur iya ngudar ai irup nya tadi.

"Alright sir."

Enda lama udah nya, ai ti diudar Kasim pan tembu digaga. Mata Kasim lalu gining-gining ti deka ngiga endur duduk. Dia dih iya lalu tepedeka siti palan endur duduk ti puang nadai orang duduk ba dia.

Nama agi dih, Kasim lalu beguai bejalai ngelawa palan endur duduk ti puang nya tadi. Benung iya mansang ngelawa endur duduk nya tadi, dia dih Rose lalu angkat ari mija. Enda mukai-mukai, dia dih Rose enggau Kasim sama bela belantak enggau pangan diri udah nya. Ai Coffee Milk Shake ti dipegai Kasim nya tadi ambis naya ngemasahka baju gawa iya.

-BETAMPUNG-