TUAI ARI AKU? -NO PROBLEM-

TUSUN 11 - RESIA KUNSI

TUSUN 11

TUAI ARI AKU?
-NO PROBLEM-

GENRE: PENGERINDU ( LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

MALAM NYA BA RUMAH KASIM (BA BILIK TINDUK KASIM)

"Bebini baru nih.. Bisi amat ga jaku Mawar nya tadi. Calon bini? Sapa nih? Errrmmm.. Rose? Rose nih.. Nadai salah enti aku deka nguji bekaban enggau iya. Kaban aja pan. Enda lebih ari nya. Ish! Kasim.. Kasim.. Rose nya orang biak. Anang deka ngaga ulah nuan enggau iya."

BA AWAK TI SAMA (BA RUMAH MAWAR)

Rose maya nya benung nyinuk meda cherita Korea ba televisyen. Pemuas meda televisyen nya tadi, tuchum ga iya sambil nya murus-murus kening sereta kuyu iya. Mawar ti sama enggau iya meda televisyen nya tadi iran ati lebuhka meda ulah Rose baka nya.

"Oiii..! Nama gaga ulah nuan tuchum-tuchum baka nya Rose?" Tanya Mawar ti lalu nempik pah tudah Rose.

"Oiii..! Pedis nemu nuan! Ish! Aku ke tekenyit ngapa laban iya tu. Nadai nama-nama dih Mawar. Sigi rindu deka tuchum. Nama dih? Mali pia?" Timbal Rose udah nya.

"Nadai mali dih. Enda.. Meda ngelama tu aku enda kala meda nuan tuchum baka nya. Mesti tu bisi berita manah nih.. Naiii.. Padah dia mih. Berita manah mesti kunsi enggau aku. Tua kan sebilik diatu. Hehehe."

"Ehhh.. Sengapa nuan tu Mawar. Berita manah nama ga tu. Nadai berita manah. Siang tadi aku nurun ngagai tamu. Nya aja berita manah ari aku. Puas ati? Hehehe."

"Bula iya nya. Ah! Aku ngelala nuan nya Rose. Ari mit sampaika besai diatu tua begulai. Enda patut nadai berita manah. Mesti udah bulih pengawa nih. Gawa ba dini nuan? Kemaya nurun gawa?" Mawar lalu mansang semak agi ti deka duduk ngerimbai Rose udah nya.

"Mawar.. Berapa mayuh pengawa udah dipinta aku dua tiga hari tu tang nadai siti kompeni deka ngambi aku gawa. Nama pengurang aku ba mata sida iya Mawar? Huhuhu."

"Laaa.. Anang munyi nya Rose. Engka empai jereki nuan kini. Sabar mih Rose. Pegila lusa nguji ngiga baru ga. Anang leju ngiga pengawa Rose. Mit tauka besai kompeni nya, cherita dudi nya. Asal mih bulih pengawa ti meruan."

"Au mih Mawar. Nemu nuan? Eh! Enda ngawa. Enda nyadi aku deka madahka nuan. Hahaha."

"Nemu nama nya aaa..? Padah mih.."

"Eh.. Enda nyadi. Enda nyadi. Bye. Deka tama bilik dulu. Ka tinduk aku. Good night Mawar. Hehehe." Lalu Rose angkat ari bangku sofa udah nya.

Mawar ti agi nganti saut nya tadi lalu ditinggalka Rose pia aja.

"Alaaa.. Tadi madah deka nusi cherita. Dah nya madah deka tinduk. Errrmmm.. Enda ngawa nya Rose. Pegila aku nagih utang cherita nuan nya. Manah agi aku meda cherita Korea ba TV tu dulu. Mata tu empai ga ka tinduk. Tusah mata tu ku aku." Pia ku Mawar lalu iya ngambi Remote Televisyen ba atas mija udah nya.

BA BILIK TINDUK ROSE.

"Uncle.. Uncle.. Uncle.. Lantang ati aku lebuh begulai enggau nuan. Nyamai enggau berandau agi nya. Kemaya mih aku ulih betemu enggau Uncle nya baru nih..? Au mih. Tumu pagi pegila udah nganjung Mawar nurun kereja, aku deka ngelantangka ati ba One Cafe. Ni nemu engka Uncle nya bisi datai kia tumu pagi pegila. Hehehe." Pia ku Rose sambil iya tuchum lebuhka ngenang diri ti udah kala begulai berandau enggau Kasim ba One Cafe pagi tadi.

****

PAGI NYA BA DAPUR (RUMAH MAWAR)

"Wahhh.. Nyamai amat ruti tu. Gaga nuan empu tu Rose?" Tanya Mawar ti muji-muji ruti diempa iya pagi nya.

"Of course Mawar. Mesti nuan ngumbai ruti nya dibeli aku ba pasar nih.."

"Hehehe. Au. Ukai ruti pasar tu nih?"

"Ukai. Ukai. Ruti gaga aku empu. Tumu pagi tadi aku ngaga tu. Nuan agi tinduk maya aku ngaga ruti tu tadi. Pukul 5 pagi tadi aku dani au."

"Apu! Tumu amat nuan dani. By the way.. Terima kasih Rose laban udah kiruh ngaga ruti tu. Enti enda pia nadai kena tua ngirup pagi. Hehehe. Nemu nuan.. Aku deka nagih utang cherita malam tadi aaa.."

"Ehemmm.. Berasai bajik sis laban nya. Hahaha. Cherita nama tu?"

"Ngaga diri enda nemu iya tu. Bah! Please Rose.. There is no secret between us. Tua kan udah bedanji suba. Enda tau nyimpan resia ari pangan diri. Mesti padah tekala nya."

"Akaiii.. Iya tu ku aku. Au. Au. Au. Baka tu cherita iya. Pagi kemari ba One Cafe.."

5 minit udah nya.

"Uncle?" Tanya Mawar ti agi bengap-bengap enda nemu ulu ili cherita.

"Au. Uncle mih. Nuan nemu enda Mawar, Uncle nya chukup manah sereta mentas. Nyamai begulai berandau enggau iya au. Siti agi, Uncle nya udah belanja aku ai Choclate Milk Shake kemari. Nyadi, sehari tu aku deka belanja iya baru ga. Enda nyamai asai ati aku enti enda mayar pulai duit iya kemari."

"Eee.. Nama mimpi nuan tu tak ngenyit nemu deka begulai enggau lelaki tuai? Enda sakit nuan Rose?" Pia ku Mawar lalu negu kening tudah Rose.

"Ish! Sengapa Mawar tu ku aku. Uji nuan meri aku jaku peransang ngichaka kering sereta ransing agi ati tu deka betemu enggau Uncle nya. Nadai pengawa bukai pan, semina deka bekelala sereta bekaban enggau iya aja. Lebih ari nya engka enda pelaba aku. Enti ati tu ulih ditagang mih. Hehehe."

"Au ga.. Pama-pama iya tu ku aku. Baka ni nuan deka betemu enggau iya dih? Nuan udah telefon madahka iya tadi dih?"

"Telefon? Akaiii.. Enda ingat aku deka minta lumur telefon iya kemari. Keni enggau tu dih Mawar? Kada iya bisi ngelawa One Cafe legi dih?"

"Nihhh.. Ba nuan dih Rose. Jugau udu iya tu. Enda ngawa Rose. Anti aja iya ba One Cafe nya legi. Ni nemu engka iya bisi kia kini. Enti nadai, pulai ga. Hahaha."

"Eee.. Mawar tu. Anang madah munyi nya. Uji padah mih munyi tu kini. Confirm bisi iya legi ba One Cafe nya legi. Pechaya ngagai ati diri empu. Enda ke nyamai agi pending aku ninga leka jaku munyi nya. Huhuhu."

"Elehhh.. Lebih-lebih iya tu. Au. Au. Au. Bisi iya legi dih ba One Cafe nya. Danji nuan sanggup nganti penatai Uncle nuan nya. Ah! Udah nya.. Aram nurun tua. Legi enggaika laun aku datai ba opis din."

****

BA ONE CAFE.

Rose udah duduk nganti ba mija sambil nya iya ngirup ai Chocolate Milk Shake. Perening iya kiba, perening iya mega ba sepiak kanan. Lalu nadai ga Kasim tu datai tama ba endur nya.

"Dini mih Uncle Kasim tu. Lama amat aku udah nganti iya ba ditu. Lalu enda datai-datai. Kada ke bisi datai kitu iya legi dih? Huhuhu."

-BETAMPUNG-