TUAI ARI AKU? -NO PROBLEM-

TUSUN 12 - ATUR UNGKUP PAPA

TUSUN 12

TUAI ARI AKU?
-NO PROBLEM-

GENRE: PENGERINDU ( LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

BA ONE CAFE PAGI NYA.

Kasim lalu nukangka pintu penama ba One Cafe nya. Mata iya pan lalu gining-gining ti deka ngiga endur duduk. Enda mukai-mukai, dia dih endur duduk tak nadai puang siti laban pagi nya mayuh amat orang datai ngirup kia.

Tang ba siti mija pagi nya bisi siku indu dipeda Kasim benung duduk kediri ti nadai orang enggau iya betunga mua. Nama agi dih, laban Kasim ke enda jugau, dia dih iya lalu ngelawa mija endur indu nya duduk tadi. Datai ba mija nya, dia dih Kasim berasai tekenyit bendar. Nemu nya Rose ti benung duduk kediri nya tadi.

"Excuse me. Ulih Uncle duduk ba ditu?" Tanya Kasim ti lalu merening mua tudah Rose.

Rose ti benung kiruh meda telefon nya tadi pan tekenyit sepengudah ninga munyi nyawa ti kala didinga iya ngelama tu. Dia dih Rose lalu nengkadah malik ke atas ti deka nemu sapa bagi orang ti nyapa iya nya tadi.

"Eh! Uncle.. Patut asaika ngelala munyi nyawa ti bejaku nya tadi. Bah! Duduk mih Uncle." Saut Rose lalu iya nunjukka jari iya ngagai siti bangku ti puang ba depan endur iya duduk nya tadi.

"Are you sure Rose? Enda patut nadai orang duduk ba endur bangku tu. Boyfriend?" Kasim lalu tuchum sepengudah bejaku munyi nya.

"Haha. Nadai boyfriend tu Uncle. Duduk mih. Siku aku aja tadi. Eee.. Malu-malu Uncle tu ku aku. Hehe." Tundi tudah Rose ba Kasim.

"Nadai Uncle malu dih. Ni nemu.. Engka tak bisi boyfriend mih. Enda alah tak kuyu ba mua Uncle tu kena bukut legi. Hehe."

"Haha. Uncle so funny. Tang nya mih Uncle. Aku benung nguji deka ngiarka diri ari boyfriend lama aku suba. Kami duai empai lam udah putus pengerindu. Iya ngayahka aku. Bisi indu bukai iya nya Uncle. Tunang iya ku iya. Aku tu nama ba mata iya sepengelama 5 taun udah begulai? Kaban pia? Huhuhu.. Asa amat-amat ati aku ba ditu Uncle. Bula madah aku enda pedis ati enggau lelaki baka iya nya. Bulaka danji. Udu nipu mudi. Errrmmm.."

"Endun.. Eh! Rose.. Uncle minta ampun amat-amat laban enda nemu cherita nya. Enti Uncle nemu tadi, enda Uncle deka nanya kini penunga boyfriend nuan nya. Sorry Rose."

"Enda ngawa Uncle. Rose udah teleba enggau penguji baka tu. Eh, Uncle enda kereja sehari tu?"

"Kereja.. Peda Rose dih, sigat enda Uncle ngena gari baka tu? Haha." Lalu Kasim murus-murus baju sereta niktai (Necktie) iya udah nya.

"Eee.. Sigat Uncle. Nice one. Rindu meda Uncle ngena gari baka tu. Smart amat. Baka orang umur agi biak. Hehe. Eh! Ulih Rose nanya siti pekara ba Uncle? Tang Uncle anang nganu Rose aaa.."

****

BA AWAK TI SAMA. (BA RUMAH KASIM)

"Anisa.. Anisa.. Bisi ba bilik nuan?" Tanya Alvin sambil jari iya ngetuk pintu penama bilik tinduk Anisa.

"Bisi. Tama mih." Saut Anisa ti benung gali sambil iya macha bup cherita (Novel)

Ninga Anisa nyaut munyi nya, dia dih Alvin lalu nukangka pintu bilik tinduk Anisa. Alvin pan lalu tama udah nya. Iya datai lalu duduk ba sukut ujung katil Anisa.

"Nama utai dih Alvin?" Tanya Anisa tang mata iya lalu enda malik ngagai Alvin. Laban iya benung kiruh macha bup cherita nya tadi.

"Nanyaka Papa. Bisi meda iya tadi?"

"Papa? Errrmmm.. Baka selama mih Papa nya. Tumu pagi udah nurun ngagai opis iya. Nama dih?"

"Nadai. Semina nanya aja. Eh! Aku bisi atur ti manah aaa.. Ungkup Papa siku aja tu.."

"Atur nama nya Alvin?"

****

BA AWAK TI SAMA. (BA ONE CAFE)

"Bini? Nadai agi bini aku Rose." Pia ku saut Kasim enggau mua sinu iya.

"Tak bula-bula Uncle tu. Enda patut gamal sigat tuai baka Uncle tu nadai bini. Ehemmm.." Pia ku Rose ti nundi tudah Kasim udah nya.

"Amat nadai bini mih Uncle nuan tu. Deka nemu cherita?"

"Errrmmm.. Mesti aku deka nemu cherita ti ke bendar iya Uncle. Padahka dia mih Uncle."

"Hahaha. Tang sebedau nusi cherita nya, ulih Uncle belanja ai pagi tu kini?"

"Alaa.. Uncle tu ku aku. Malu aku dibelanja Uncle ai belama. Kemaya mih aku tu deka belanja Uncle ai nih? Ni alah Uncle belama belanja. Legi ambis duit Uncle. Hehe."

"Small matter aja nya Rose. Uncle sigi deka belanja Rose ga. Anytime. Anywhere. Ila Rose belanja Uncle ga. Ingat, ukai diatu. Please accept my offer.."

"Au mih Uncle. Enti baka nya, aku nitih aja enggau nama ai ti diudar Uncle. Ulih?"

"Okay Rose. Nganti ditu dulu au. Uncle deka ngudar ai ba kaunter din."

"Au mih Uncle."

Kasim lalu angkat ari endur iya duduk nya tadi ti deka ngelawa kaunter endur ngudar ai.

****

BA AWAK TI SAMA (BA RUMAH KASIM)

"Atur ti chukup manah nya Anisa. Lama udah aku berundingka nya. Tang nya mih, aku takut semua nya enggaika enda nyadi ila. Huhuhu." Pia ku Alvin ti ngansak sesemak agi ngagai Anisa.

Ninga Alvin ti beamat-amat deka nusi nya, dia dih Anisa lalu ngengkahka bup cherita ti dibacha iya nya tadi ba tisi.

"Amat nuan Alvin?"

"Amat nama nya? Bedau ambis agi utai dipadah aku tu. Udah padah iya amat ga."

"Eh! Salah. Salah. Padah dia mih. Aku deka mih ninga atur ari nuan nya. Ni nemu engka tak amat manah kini ba Papa tua nya."

"Okay. Okay. Baka tu iya Anisa. Aku deka ngasuh Papa tua nya ngiga bini baru. Nya aja atur ti manah ba dalam runding aku tu diatu. Keni dih? Ulih kini?"

"Bebini baru? Amat nuan tu Alvin? Enda ngigau nuan tu? Hello Alvin.." Sambil nya Anisa ngepai-ngepaika jari iya ba mua Alvin.

"Ah! Mata kami kena achuk legi. Ngigau nama maya hari tu aaa.. Ish! Iya tu ku aku. Amat mih tu.. Kati aku deka bula dih? Bebini baru mih. Nama dih? Anisa enggai meda Papa tua nya lantang ati baka dulu suba pia?"

"Ish! Sengapa Alvin tu. Mesti mih aku deka meda Papa nya lantang ati. Sapa anak enggai meda Papa diri empu lantang ati? Agi pan Papa jauh udah berubah ati diatu sekumbang Mama udah lelang 5 taun ti udah lalu."

"Aaa.. Nemu ga nuan nih.. Enti kenya manah agi tua berandau enggau Papa malam legi ba senentang pekara tu. Nuan deka tauka enggai?"

"Ulih aja aku tu Alvin. Tang.."

"Tang nama nya Anisa? Anang madahka aku nuan enggai enggau aku ngatur semua tu. Huhuhu."

"Ish! Kia ga runding iya tu ku aku."

"Hehe.. Sorry Anisa. Nama dih?"

"Enti tua ngasuh Papa ngiga bini baru, sapa indu ti ulih nyadika ganti Mama tua nya ila dih Alvin?"

-BETAMPUNG-