TUAI ARI AKU? -NO PROBLEM-

TUSUN 10 - PENGARAP BARU

TUSUN 10

TUAI ARI AKU?
-NO PROBLEM-

GENRE: PENGERINDU (LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

BA DALAM KERITA TENGAH HARI NYA.

"Baka ni patung Alvin nya tau telih? Balat amat abi telih nya peda aku." Tanya Kasim ngagai Alvin ti nyau ensinat gamal tudah ngetatka pemedis.

"Salah aku nya Papa." Saut Alvin ti nundukka pala iya laban takut enggaika dianu Kasim mih nya.

"Salah Alvin? Nama utai ti salah nya Alvin? Uji padah terus terang enggau Papa. Baka ni semua utai tu tau nyadi?"

"Aaa.. Aku.. Terap tadi Papa. Kaki aku enda sengaja terindikka lubang ti bisi ba padang bul nya tadi. Nya ngasuh kaki aku tejelepi lalu pala patung teransar ba tanah. Huhuhu. Sorry Papa, my mistake."

"Pia. Nih.. Enda ke nyamai agi beterus terang baka nya enggau Papa. Eheeemmm. Pedis amat rekung Papa tu. Uhukkk!"

"Papa okay? Nyau tekul-tekul batuk nya."

"Papa okay aja tu Alvin. Engka kurang ngirup ai amat. Ingat Alvin. Datai ba rumah legi, Alvin terus mandi lalu belelak gali ba dalam bilik tinduk. Anang mindah bejalai kebukai. Ingatka jaku pesan Papa tu Alvin."

"Au mih Papa."

****

BA RUMAH KASIM.

Datai ba rumah, Kasim lalu ngiring anak iya Alvin nya niki nengah anak tangga ti deka ngelawa tingkat tiga endur bilik tinduk Alvin.

"Jimat Alvin. Singkang begadai-gadai nengah anak tangga nya." Pia Kasim sambil iya ngiring tudah Alvin.

"Au Papa. Pedis amat pala patung aku tu. Bepedi laban telih nya."

Datai ba tingkat tiga, dia dih Anisa lalu pansut ari bilik tinduk iya.

"Eh! Papa.. Nama gaga Alvin tu?" Tanya Anisa ba apai iya Kasim.

"Legi Anisa nanya ba Alvin empu. Papa berumban tu. Okay Alvin. Udah datai ba depan pintu penama bilik tinduk nuan tu."

"Au mih Papa." Pia ku Anisa enggau mua iya ti chukup silu sepengudah ninga saut ari Kasim munyi nya tadi.

"Aku okay aja tu Papa. Legi aku empu ngatur diri empu ba bilik tu." Pia ku Alvin lalu bejalai nyingkangka kaki iya ti kejingka dibai pala patung iya pedis kasakka telih nya tadi.

"Are sure Alvin?"

"I'm okay Papa."

"Au mih enti kenya. Enti bisi nama-nama legi, padah aja ba Anisa enggau Linya. Papa enda ulih lama ba rumah. Agi mayuh pengawa ba opis Papa din bedau tembu dikereja. Bah! Mupuk dulu Papa. Siti agi, Anisa ulih nulong Papa meda Alvin?"

"Au. Au. Au. Legi aku meda Alvin nya. Alai mih Papa nurun ngagai opis kin. Stress aku meda mua Papa baka nya. Ish!" Saut Anisa ti lalu tama ngagai bilik tinduk Alvin udah nya.

Tudah Kasim nyau bengap-bengap sepengudah ninga jaku ti kasar ari mulut Anisa nya tadi.

****

BA JAYA HOLDINGS.

Kasim empai lama udah datai ba dalam bilik opis iya. Dia dih iya lalu betungkat dagu sambil nya meratika komputer.

"Au. Au. Au. Legi aku meda Alvin nya. Alai mih Papa nurun ngagai opis kin. Stress aku meda Papa baka nya. Ish!" Jaku Anisa ti semampai diingatka Kasim sehari-hari nya.

"Nama reti jaku Anisa nya tadi nih? Nama kebuah iya stress meda aku? Nama salah ti udah digaga aku ngelama tu? Errrmmm.." Runding tudah Kasim nyau tusut laban nya.

Enda lama udah nya, dia dih Kasim lalu nekan lumur telefon opis ti deka ngangauka Mawar.

Randau Kasim enggau Mawar ba telefon opis.

Kasim: Hello, Mawar. Ulih nuan tama ngagai bilik opis aku diatu?

Mawar: Hello mega Tuan Kasim. Ulih Tuan. Udah tu legi aku tama kia. Nganti enda lama au. Nganti aku udah tembu ngatur Report File pasal projek baru nya.

Kasim: Okay Mawar.

Telefon opis lalu dileka diengkahka Kasim. Randau seduai iya Mawar pan lalu ngetu tekala nya.

****

BA RUMAH KASIM. (BILIK TINDUK ALVIN)

"Gali nuan Alvin. Anang mayuh engkebut. Legi makin balat abi telih ba pala patung nuan nya. Takut aku meda darah ba abi telih nya. Balat amat."

"Au mih Anisa. Ulih nuan enggau aku ba ditu enda lama? Bisi utai deka dikerandauka aku udah tu legi."

"Ulih aja tu Alvin. Nama utai nya dih?"

****

BA AWAK TI SAMA. (BA JAYA HOLDINGS)

"Aaa.. Mawar. Duduk ditu dulu nuan. Aku deka pansut enda lama." Pia ku Kasim madah ngagai Mawar enti empai lama udah tama ngagai bilik opis nya.

"Au mih Tuan Kasim." Saut Mawar ti agi bengap-bengap enda nemu utai.

Kasim lalu pansut enda lama ari bilik opis iya nya tadi.

Bisi 10 minit udah nya. Kasim pan datai lalu duduk ba bangku opis iya.

"Okay Mawar. Naka ni randau tua ngetu tadi?" Tanya Kasim ba Mawar.

"Aaa.. Ngigau Tuan Kasim tu pelaba aku. Lalu bedau berandau tua tu ari tadi."

"Eh! Amat ga nih. Minta ampun Mawar. Enda ingatka nya tadi. Ah! Pedis amat pala aku laban semua utai tu."

"Nama utai ti ngasuh nuan pedis pala nya Tuan Kasim?"

"Tusah. Tusah. Tusah. Aku enda nemu agi baka ni deka berundingka bala anak ba rumah din. Mawar nemu enda anak aku iya ke indu nya? Anisa nama iya. Errrmmm.. Selalu ngelaban jaku aku tu. Enda baka Alvin ti semampai mendingka jaku aku ari suba. Enti Mama seduai iya agi bisi. Enda pekara tu nyadi baka tu. Nama utai ti patut digaga aku diatu Mawar? Please Mawar.. Nulong aku mutarka penanggul tu. Huhuhu."

"Ooo.. Anisa. Aaa.. Baka ni aku deka madah nih.. Tuan Kasim kala nguji spend time enggau seduai iya? Baka bai bejalai ngelantangka ati ba pantai kini, ba shopping mall kini tauka bai meda wayang kini. Aaa.. Nya aja buah penemu ti manah ulih dirundingka aku diatu. Hehe."

"Errrmmm.. Manah diri ga buah runding nuan nya Mawar. Kelimpah ari nya dih Mawar?"

"Aaa.. Malu aku deka nyebut siti tu Tuan Kasim. Tang tau diujika nuan pelaba aku."

"Nama utai nya dih Mawar? Sebut aja.. Anang malu deka nyebut nya Mawar. Nadai orang bukai nemu randau tua ba dalam bilik opis aku tu. Resia tua aja.."

"Tanya ati Tuan Kasim nya. Selam dalam-dalam ba lubuk pengerindu nuan nya."

"Huh? Nama reti nya Mawar? Enda mereti ku enggau nama utai ti dipadah nuan nya.."

"Aiyooo.. Tuan Kasim tu. Lubah amat deka nangkap. Baka tu iya Tuan Kasim. Ngelama tu Tuan Kasim kala berunding deka bebini baru?"

"Huh?! Bebini baru?!"

Nyau melut mata tudah Kasim lebuh ninga Mawar bejaku munyi nya. Ba dalam ati iya din, bedau kala iya berunding deka bebini baru. Tang sekali tu Mawar udah muka runding ati iya sereta meri jalai ba pengarap ti baru dalam pengidup iya ti lama udah petang jauh ari penampak.

"Au Tuan Kasim. Bebini baru mih. Enda patut nadai calon indu ba luar din? Hehehe. Udah datai ba timpuh Tuan Kasim tau ngiga bini baru. Kada umur empai tuai endar, manah Tuan Kasim berunding enggau panjai ba senentang pekara tu."

-BETAMPUNG-