TUAI ARI AKU? -NO PROBLEM-

TUSUN 7 - ENTUA

TUSUN 7

TUAI ARI AKU?
-NO PROBLEM-

GENRE: PENGERINDU (LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

BA KFC TENGAH HARI NYA.

"Aunty minta ampun sekali agi laban udah ngelantak nuan tadi. Tanda minta ampun, Aunty belanja makai sehari tu. Anang malu-malu. Enti nuan enggai, nyabak Aunty legi. Hehehe." Pia ku Rose nundi beduan tudah Anisa.

"Alaaa Aunty.. Malu aku au. Agi pan nya ukai salah Aunty tadi. Mata aku ke enda meda Aunty mansa ba dia. Hehehe." Saut Anisa enggau mua iya ti malu-malu deka berandau enggau Rose.

"Okay. Okay. Okay. Teju ketisi dulu nya. Ulih aku nemu nama nuan?"

"Au mih Aunty. Nama aku Anisa. Aunty dih?"

"Nama Aunty iya nya Rose. Hehehe."

"Ooo.. Rose.. Rindu ninga nama nya. Patut mua Aunty bajik ti baka bungai Rose. Hehehe."

"Ehhh.. Ni bisi bajik. Biasa-biasa aja tu Anisa."

"Naaa.. Mirah kuyu Aunty. Hahaha."

"Mirah? Ohhh.. Goshhh.. Dini Aunty deka ngelalaika mua malu tu.. Hehehe."

"Hahaha.. Aunty so funny. Rindu begulai enggau Aunty."

"Iya? Hehehe. Biasa aja Aunty tu. Eh, makai. Makai. Legi chelap manuk nya. Enda nyamai iya diempa enti udah chelap legi."

"Au mih Aunty." Anisa lalu nyengkau pah manuk udah nya.

30 MINIT UDAH NYA.

"Kenyang amat perut tu Aunty. By the way.. Thanks Aunty laban udah belanja makai KFC. Hehehe." Malu-malu tudah Anisa sambil iya mantaika tuchum ba depan Rose.

"Sama. Aunty pan kenyang tu. Eh, dini endur apai enggau indai Anisa dih? Enda nganu seduai iya enti Anisa bejalai kediri ba One Mall tu?"

"Errrmmm.. Mama lama udah nadai. Papa nya.. Errrmmm.. Baka ke ngelama tu mih. Kiruh enggau pengawa iya ba opis din."

"Ohhh.. Sorry Anisa.."

"Enda ngawa Aunty. Aku udah teleba enggau pengidup nadai Mama. Tambah mega Papa pan nyau enda tentu ibuhka kami duai Alvin diatu. Pedis pala aku enti lebuh berundingka nya Aunty."

"Aaa.. Enda tau munyi nya Anisa. Taja pan Mama udah nadai, Anisa mesti kering nempuh penguji. Ibun Alvin enggau manah-manah. Eh! Anisa enda sekula sehari tu?"

"Au mih Aunty. Thanks for your advice. Hehehe. Aku udah ambis pom 5. Diatu aku benung nganti pemutus peresa SPM. Tinggal sebulan agi endur iya deka pansut. Kesal asai ati tu Aunty. Pia mega aku ngarapka Papa ulih enggau aku ngambi pemutus peresa nya ila."

"You're welcome dear. Ooo.. Udah ambis pom 5. Amen. Aunty pan ngarapka Papa Anisa ulih enggau Anisa ngambi pemutus peresa pom 5 nya."

"Amen. Nyauka enda ingat nanya tadi. Aunty tu macham biak aja. Ulih aku nemu berapa umur Aunty?"

"Biak? Hahaha! Kira agi biak. Taun tu Aunty berumur 25 taun. Hehehe."

"Wow! Agi biak amat Aunty tu nih. Patut mua bajik baka kumang. Hehehe."

"Ish! Anisa tu ku aku. Rindu amat muji Aunty. Malu Aunty legi. Peda kuyu Aunty udah mirah baru tu. Hehe. Ohhh iya.. Kemaya tua ulih betemu baru kini? Udah tu ila mesti Aunty rindu deka hanging out with Anisa my dear."

"Haha. Sorry Aunty.. Aaa.. Sure Aunty. Sua kitu dulu telefon Aunty."

"Telefon? Kapa nuan telefon Aunty dih?"

"Alaaa.. Sua aja. Legi Aunty meda iya."

Rose lalu nyengkau telefon iya ba dalam handbag udah nya. Telefon nya tadi lalu disuaka iya ngagai Anisa. Enda lama udah nya, dia dih Anisa namaka lumur telefon iya ba dalam telefon Rose lalu lumur nya tadi disimpan iya ngena nama 'Anisa Cute'.

"Nah! Udah settle Aunty. Dalam nya bisi lumur telefon aku. Anang malu-malu enti deka call or Whatsapp au Aunty. Hehehe."

"Wahhh.. Laju perau tu.. Hahaha. Au mih dear. Enti bisi awak, ila Aunty telefon Anisa. So, Aunty diatu deka pulaika rumah. Sebedau nya, ulih mega Aunty nganjung Anisa pulaika rumah sekali. Hehehe."

"Enda ngawa Aunty. Aku pulai nepan Grab Car legi."

"It's okay Anisa. Aunty offer sekali aja tu. Hehehe."

"Alaaa.. Au mih Aunty."

****

BA DEPAN RUMAH KASIM.

"Okay. Udah datai. Wahhh.. Besai amat rumah Anisa."

"Hehehe. Biasa aja nya Aunty. Tu asil ari kereja Papa ngelama tu. Enti nadai Papa, enda besai tu rumah kami. Huhuhu. Tang nya mih, Papa nadai kala bisi awak deka begulai enggau kami duai Alvin ngelama tu. Errrmmm.." Pia ku Anisa lalu ai mata iya neritik niti dagu.

"Anang munyi nya Anisa. Papa sayauka Anisa enggau Alvin nya. Semina iya enda mantaika penyayau nya ba depan seduai. Maybe Papa benung busy or focus on his career right now. Sabar au mih Anisa."

Anisa semina ulih mantaika tuchum ba mulut iya aja maya nya. Anisa lalu nukangka pintu kerita Rose udah nya. Anisa pan lalu ngepaika jari iya ngagai Rose ari jauh. Pia mega Rose pan malas kepai tudah Anisa nya tadi.

****

BA JAYA HOLDINGS. (BILIK OPIS KASIM)

Pemuas Kasim duduk nya tadi, dia dih mata iya tepedaka surat ti diberi Mawar maya meeting kemari. Kasim lalu ngambi surat nya ari atas mija opis iya. Surat ari entua indu iya nya pan lalu dibacha iya.

Isi surat ari entua indu Kasim.

"Kasim, minta ampun laban udah nulis surat tu. Aku nemu Kasim enda ulih nerima pemati anak aku nya suba. Tang nya mih, aku deka minta ganti rugi ba nuan. Enti ulih, aku deka minta RM5 ribu sebulan. Nuan nemu berapa mayuh udah aku rugi ngelama tu ketegal anak indu aku nya udah lelang midang? Nadai nuan nemu penyampau iya. Pia mega nuan ukai nya nemu baka ni asai ati aku tu diatu. Udah mega Sara nya siku aja anak indu ti bisi dikembuan aku ngelama tu. Reta seput nyawa aku Sara nya. Diatu nama mih daya aku deka nagang atur petara. Ukai nya ulih ditikal ambi pulai baru pengidup anak aku Sara nya. Siti agi, nuan mesti ingat Kasim. Enti nyema nuan enda meri aku duit nyampau nya, uchu aku dua iku nya sigi diambi aku pulai ila. Runding-runding dia mih Kasim. Anang nuan enda ibuhka jaku aku ba dalam surat tu. Anang nuan berani deka ngelarika diri ari pekara tu. Nuan mesti ingat pemati Sara nya mesti diganti ngena mata wang. Nya aja ari aku. Terima kasih."

Surat nya tadi lalu dilipat sereta dicarikka Kasim sepengudah tembu macha nya. Kening Kasim nyau ngeriut dibai berunding. Pia mega pala iya majak tetengut pedis laban mayuh utai dirunding baka anak-anak, pengawa ba opis enggau ulah entua indu iya ti gila duit.

"Enda lama gila mih aku tu dih apai dih indai. Penguji nama mih diberi petara ba aku tu diatu? Kasim.. Kasim.. Sabar Kasim.. Ingat bala anak ba rumah din." Pia ku Kasim bejaku kediri sambil nya iya megai kening lalu diurut-urut iya tudah pala nya tadi.

-BETAMPUNG-