TUAI ARI AKU? -NO PROBLEM-

TUSUN 15 - BETERUS TERANG

TUSUN 15

TUAI ARI AKU?
-NO PROBLEM-

GENRE: PENGERINDU ( LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

BA RUMAH MAWAR.

Rose agi gali meluku pagi nya. Taja pan hari udah tawas terang dipanchar mata panas tang iya agi bedau angkat ari katil. Ujung minggu sigi liat ati Rose tu deka angkat tumu ari katil. Rose nemu laban Mawar enda gawa sehari nya.

Enda ibuh iya deka angkat tumu laban iya nemu Mawar laun belama dani enti maya ujung minggu. Anang ke nya, Mawar ti nemu diri enda gawa maya ujung minggu pan sigi nyadi agi iya tinduk bebungkur ngena pua. Tambah mega bilik tinduk iya semampai chelap laban air-cond dipasang iya ari malam nyentukka pagi.

Rose ti agi gali ba katil nya tadi lalu nyengkau telefon ti diengkah ba atas mija sepiak kiba katil iya. Peda iya jam ba telefon udah nunjuk ke pukul 8 pagi maya nya.

"Udah pukul 8 pia? Errrmmm.. Enda berasai amat jam tu beputar. Nama pengawa ti deka digaga aku sehari tu nih?" Pia ku Rose ti lalu murus-murus dagu iya ti mandangka iya benung berunding mih nya.

Pemuaska berunding nya tadi, dia dih mata iya lalu tepedaka kantung endur iya nyimpan laptop ti disandihka iya ba tisi dinding semak endur jemari gari.

"Ohhh iya.. Baru aku ingatka siti pekara. Ngiga pengawa puang. Yes! Bisa endar jaku Uncle nya. Agi ulih diingatka aku ga nih.. Hehe." Pia ku Rose lalu iya angkat ari katil ti deka ngambi kantung laptop nya tadi.

Rose makin lama makin berubah lebih-lebih agi ba ulah iya sepengudah betemu enggau Kasim. Iya nyau nemu berunding baka ni deka ngidupka diri empu ti enda ngarapka penatai pemisi ari apai enggau indai iya. Agi pan Rose nyau jarang-jarang minta duit ba apai enggau indai iya sekumbang udah begulai enggau Mawar.

"Okay Rose. Diatu nuan berengkah ngiga pengawa puang ba laman web tu. Yes! Tu bisi dih. Accountant agi nya. Sigi juluk ati aku ari suba tu. Ngam amat enti aku bulih pengawa tu. Deka nguji ngisi tu dulu."

Mayuh pengawa puang bisi dibantaika kompeni ba laman web maya nya. Tinggal milih aja sema jaku. Rose endang sigi rinduka pengawa nyadi siku pemegai wang (Accountant) laban iya deka belajar baka ni ngatur sereta magi duit enggau manah.

****

BA AWAK TI SAMA. (RUMAH KASIM)

"Ish! Lama amat Papa tu lalu enda nurun-nurun. Nyau chelap ruti enggau mi nya. Ai kupi nya pan chelap. Huhu." Muchau tudah Anisa lebuhka nganti Kasim nurun ari tingkat dua.

"Sabar.. Enda lama agi Papa nya deka nurun ke baruh kitu. Nganti ditu dulu tua. Makai dulu enti nuan ka. Mesti iya tu lapar. Nya alai iya muchau. Amat enda?"

Ninga Alvin bejaku munyi nya, Anisa pan lalu betungkat dagu sereta mata iya melintat merening tudah Alvin ti semampai tuchum pagi nya. Enda lama udah nya, dia dih munyi rejat kaki Kasim bisi didinga nurun ari tingkat dua.

"Papa nya Anisa. Stop making your face like that. Smile Anisa." Pia ku Alvin sambil iya ngutaika jari iya ba mulut ti deka ngasuh Anisa nunda chara iya tuchum.

"Au. Au. Au. Nemu aku dih. Ish! Annoying amat mua nuan baka nya. Shhh! Stop it!" Saut Anisa lalu iya ngaga diri tuchum udah nya sambil meratika tangga rumah sida iya.

Enda lama udah nya, Kasim pan datai lalu mansang ngagai mija makai.

"Morning Alvin. Morning Anisa. Minta ampun laban Papa laun nurun. Lama udah nganti Papa ba ditu?" Kasim datai lalu duduk nunga Alvin enggau Anisa ba mija makai udah nya.

"Morning Papa. Umbas iya lama ga. Setaun udah nganti ba ditu. Hehe." Saut Alvin ti beduan tudah Kasim.

"Setaun pia. Alololo.. Kasih amat anak Papa tu dih. Makin tuai Papa enti munyi nya. Hehe. Anisa? Are you okay my sweetheart?" Ku saut Kasim lalu iya merening tudah Anisa ti enda ibuhka penatai iya pagi nya.

"Eh. I'm okay Papa." Tuchum Anisa lalu tebantai tekala nya ba depan Kasim.

"Amat okay nya dih? Tauka bisi pekara bukai ngasuh nuan enda puas ati enggau Papa?"

"Amat Papa. Anisa okay aja tu."

"Okay ga enti kenya. Bah! Aram kitai tiga makai. Alvin, ulih ngambika Papa ruti nyin? Kelalu jauh. Enda datai jengkau Papa nya."

"Sure Papa. Agi bisi? Ai kupi dih?" Alvin lalu nyengkau ruti ke Kasim udah nya.

"Nadai agi Alvin. Ai kupi agi bisi ba dalam gelas tu. Oh, iya.. Papa bisi pekara berat deka dipadah ngagai seduai pagi tu."

Alvin enggau Anisa sama bela tekenyit sereta kesal ati lebuh Kasim munyi nya. Alvin ti deka nyuap makai mi nya tadi lalu enda nyadi deka nyuap ti lalu dileka ke iya siduk ba atas pinggai udah nya. Pia mega Anisa ti benung ngirup segelas ai kupi lalu sedekan sereta batuk udah nya.

****

BA AWAK TI SAMA. (RUMAH MAWAR)

"Finally, I'm done. Mayuh pengawa puang udah diisi aku tadi. Enda patut nadai ngait siti. Errrmmm.. Nama agi nih?" Ku Rose lalu iya madamka laptop udah nya.

"Tuk! Tuk! Tuk!" Munyi ketuk pintu bilik tinduk Rose.

"Rose! Rose! Udah dani nuan?" Tanya Mawar ti empai lama udah angkat dani ari katil iya.

"Anang guai. Nganti aku ba dia dulu." Saut Rose ti lalu beguai deka nukangka pintu.

****

BA RUMAH KASIM. (NGIRUP PAGI)

"Papa udah ngaga pemutus jaku. Are you ready guys?" Ku Kasim sambil iya betungkat dagu merening Alvin enggau Anisa.

"Ready nama agi tu. Padah aja ba dia Papa." Ku Alvin mejal tudah Kasim ngasuh iya madah enggau lengkas.

"Okay. Okay. Sabar dulu. Baka tu iya anak.. Ngenang utai ti udah disebut Anisa malam tadi. Semalam-malam Papa berundingka nya. Ngujungka mata Papa enggai nyadi pejam. Enda tentu ulih tinduk Papa malam tadi. Mayuh macham sagam ati Papa ba senentang pekara nya. Pia mega , Papa takut deka melakangka anak-anak Papa. Nya alai Papa ngelama tu agi ngiga awak ti tinda endur deka madahka pekara tu ngagai seduai. Ke bendar iya lama Papa udah berundingka pekara tu. Tang nya mih.. Papa agi kakang ati deka bebini baru. Papa takut enggaika pengganti penuduk Mama nya enda manah sereta enda kiruhka anak-anak ti dikesayauka Papa tu ila. Errrmmm.."

*Tinda = Sesuai

Enda berasai ai mata Anisa pagi nya neritik lebuh ninga Kasim bejaku munyi nya. Sinu asai ati iya lebuh ninga jaku ti pansut ari mulut Kasim nya. Enda iya nyangka Kasim ti ngelama tu dipeda baka ke enda kiruh enda ibuh enggau seduai iya madi tau nemu bejaku munyi nya.

Amat mih Kasim tu dipeda baka ke enda kiruhka anak, tang ba dalam ati iya din Anisa enggau Alvin sigi lumur satu ba dalam pengidup iya ngelama tu. Tanggung pengawa iya nyadi siku apai sigi enda kala dilengka ke iya ngapa taja pan udah ditinggalka niang bini iya Sara sepengelama 5 taun ti udah lalu.

-BETAMPUNG-