TUAI ARI AKU? -NO PROBLEM-

TUSUN 9 - BETEMU BARU

TUSUN 9

TUAI ARI AKU?
-NO PROBLEM-

GENRE: PENGERINDU (LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

TUMU PAGI BA ONE CAFE.

Pagi nya tumu Kasim ngelawa One Cafe. Datai ba One Cafe, iya ngudar segelas ai kupi angat. Udah nya iya ngiga palan endur duduk. Enggau ati ti chukup andal, Karim ngarap amat-amat Rose bisi datai ba endur nya. Tang semua nya nadai nitihka atur ti kedeka ati iya.

Enggau mua ti chukup silu, dia dih Kasim angkat ari mija lalu ninggalka segelas ai kupi angat ti enda ambis diirup iya nya tadi. Pintu penama One Cafe lalu ditukangka iya. Enda mukai-mukai, dia dih Rose datai lalu ngelantak Kasim. Pala Rose tepantup ba dada Kasim maya nya.

*Silu (Sinu/Kecewa)

"Ouch! Eh! Uncle.. Eh! Abang.. Eh! Aki.. Sorry. Sorry." Pia ku Rose ti nyau teguran enda temu tunga dibai ati kesal.

"Eh! Nuan nya tadi pia Endu?" Tanya Kasim ti nyau tekenyit lebuhka dilantak tudah Rose ari depan.

"Eh! Uncle iya ke sehari nya. Eh! Malu amat aku tu. Ka endar salah sebut." Begaru pala tudah Rose laban agi saru enggau mua sereta umur Kasim nya.

"Hahaha. Nadai nya ngawa dih Endu. Uncle mih aku tu. Udah tuai sema jaku. Peda nuan dih buk Uncle tu udah tumbuh mayuh uban. Eh, aram enggau Uncle duduk ngirup kupi ba mija ti puang nyin."

"Aaa.. Au mih Uncle." Saut Rose ti agi malu-malu ke Kasim nya.

****

BA JAYA HOLDINGS.

"Aduh! Kini mih penunga Tuan Kasim tu lalu enda datai-datai. Sida Tuan Jemat udah datai ba opis tu. Keni enggau tu nih? Nama enda utai ti deka disaut aku tu legi nyema Tuan Jemat nya nanyaka Tuan Kasim?. Errrmmm.. Telefon pan lalu enda diangkat disaut iya ga. Anang agi Whatsapp dih. Jauh nya deka reply. Enti reply pan nyau laun sema jaku." Muchau tudah Mawar ba mija iya sambil mata iya nyeling-nyeling Tuan Jemat ti benung duduk nganti ba bangku sofa endur temuai selalu nganti.

BA AWAK TI SAMA. (BA ONE CAFE)

"Agi ingatka aku ga nuan nih Uncle. Hehehe." Rose ngepunka randau seduai iya Kasim pagi nya.

"Au Endu. Agi aku ingatka nuan. Sapa enda ingat enggau orang ti udah ngasuh baju Uncle tu basah jempuk ketegal siuh ari ai kupi maya nya. Hehehe." Saut Kasim lalu iya mantaika tuchum manis ba depan tudah Rose.

"Ohhh iya.. Amat ga nih. Hehehe. Au mih Uncle. Nama aku Rose. 25 taun. Aaa.. Ulih enda Uncle anang ngangauka aku ngena nama Endu nya? Please.. Lain asai iya. Sorry Uncle.."

"Ooo Rose.. Nama Uncle iya nya Kasim. Berumur 45 taun. Endu dih?"

"Naaa.. Aku udah madah tadi. Anang ngangauka aku ngena nama Endu nya. Just call me Rose. Uji sebut dulu.. Ro.. Se.."

"Ohhh.. My bad. Hehehe. I'm so sorry.. En.. Ohhh.. Rose!"

"Yes! Nya baru betul. Rose enda ulih lama ba ditu. Agi pan Rose deka ngelawa tamu sayur udah tu legi. Ngiga lauk ke dempa tengah hari legi."

"Sama mega Rose. Uncle pan enda ulih lama ba ditu. Sekreteri Uncle baru udah Whatsapp tadi madahka bisi client datai ba opis. By the way, pagi tu Uncle deka belanja Rose. Pilih aja ai siti ni ka Rose. Legi Uncle mayar."

"Enda ngawa nya Uncle. Anang kiruh nuan. Aku empu ulih mayar kediri."

"Enda tau kenya Rose. Please accept my offer."

"Alaaa.. Au mih Uncle. Tang aku bedanji sigi deka mayar duit Uncle nya pulai baru ila. Ulih nih Uncle?"

Ninga Rose munyi nya, Kasim lalu tuchum tanda gaga ati mih nya.

****

BA DALAM KERITA.

Ai ti dibeli Kasim nya tadi pan ambis diirup tudah Rose. Tambah mega Rose endang gila ngirup ai Chocolate Milk Shake nya. Enti ulih tiap pagi iya nurun ngelawa One Cafe nya.

Tang Rose diatu benung bejimat belanja laban iya nemu apai enggau indai iya nyau jarang-jarang meri belanja sepengudah iya diau enggau Mawar.

"Ah! Nyamai amat ai tu ehhh.. Sweet diri ga Uncle Kasim nya nih. Jarang-jarang lelaki tuai baka iya nya deka ngaga ulah sweet baka nya. Ukai semina sweet aja, tambah mega iya nya pan gentleman peda aku. Nemu endar iya ngambi ati. Errrmmm.. Uji baka nya Gerald. Huhuhu."

BA AWAK TI SAMA. (BA JAYA HOLDINGS)

"Terima kasih Tuan Jemat laban udah meri duit RM5 juta tu. Aku ngarapka projek baru tu bisi ngemai tuah ti jauh lebih manah agi ari iya ke udah. Amen." Pia ku Kasim sambil nya iya nyambut check duit ari jari Tuan Jemat.

"Amen. Adu manah-manah projek tu Tuan Kasim. Anang ngasuh ati aku tu silu. Ingat nya. Okay Tuan Kasim. Aku deka pulai ngagai opis. Berumban amat-amat tu laban tengah hari legi bisi meeting enggau bala client ti datai ari menua China. Minta ampun Tuan Kasim laban enda ulih lama ba ditu. Enti bisi nama-nama, nuan tau direct call ngagai aku au. Bah! Mupuk dulu aku."

"Au mih Tuan Jemat. Terima kasih sekali agi."

Check duit RM5 juta nya tadi lalu disuaka Kasim ba Mawar.

"Mawar, padah ngagai Azman legi au. Asuh iya ngaduka check duit tu. Udah nya asuh iya ngaga siti full report for our new total account ba projek baru nya. Ulih enda nuan Mawar madah ngagai iya legi?"

"Ulih Tuan Kasim. Legi aku meri check duit tu lalu madahka iya pasal full report nya."

"Okay good Mawar. Terima kasih."

"Sama-sama Tuan Kasim."

Kasim lalu tama ngagai bilik opis iya. Labanka bilik opis iya besai, dia dih bisi bangku sofa ti selalu endur iya duduk ngelantangka ati. Kasim lalu duduk ba bangku sofa nya. Iya lalu mejamka mata sereta pala iya dilempaika iya ba penyandih pegu ba bangku sofa nya. Pia mega jari iya lalu michit kening sereta seput makin besai dikesuhka iya ari idung enggau nyawa.

"Fuhhh... Rose.. Bajik.. Manah.. Mereti ti bebasaka orang tuai.. Rindu mata aku tu meda iya nya. Chelap ga asai ati tu. Runding ti tusut baka busut ulih lenyau tekala nya. Bisa udu jayau Rose tu nih. Aihhh.. Nama runding nuan tu Kasim? Enda patut udah labuh pengerindu enggau Rose nya? Kasim.. Kasim.. Kasim.. Rose nya enda sama umur enggau nuan nemu. Nuan nya tuai, iya nya biak. Kelalu jauh bida umur seduai. Sedar Kasim.. Anang nitihka peneka ati diri empu. Ingat enggau bala anak nuan.. Ohhh.. Petara.. Iring lalu embing mih aku tu ngagai jalai ti lurus sereta tunjukka mih jalai ni ti patut ditujah ditengah aku ba dunya injau tu. Dingaka mih leka sampi aku tu ohhh.. Petara.. Amen."

Benung Kasim mejamka mata sambil berunding nya tadi, dia dih telefon ba kambut tanchut iya bisi bemunyi. Kangau ari telefon iya nya tadi lalu disaut tekala nya.

Pengajar: Hello. Selamat pagi. Ini Tuan Kasim? Bapa kepada Alvin?

Kasim: Ya saya. Selamat pagi. Ada apa boleh saya bantu?

Pengajar: Sebenar nya begini Tuan Kasim. Anak Tuan iaitu Alvin telah mengalami kecederaan di bahagian kaki semasa bermain bola sepak tadi. Jadi, kami minta Tuan Kasim boleh tak datang ke sekolah sekarang?

Kasim: Huh?! Cedera?! Boleh cikgu. Nanti saya pergi ke sana.

Pengajar: Ya. Terima kasih Tuan Kasim. Minta maaf kerana menganggu masa Tuan bekerja hari ini.

Kasim: Tidak apa cikgu. Terima kasih kerana memberitahu saya.

-BETAMPUNG-