TUAI ARI AKU?
-NO PROBLEM-
GENRE: PENGERINDU (LOVE)
LANGUAGE: MIX (IBAN, ENGLISH, MALAY)
AUTHOR: ALEXON JOHN (JOHN ALLEN)
MAIN CHARACTERS: ROSE & KASIM
OTHER CHARACTERS: MAWAR, ANISA, ALVIN, etc.
GENTERAN CHERITA:
"Mommy enggai meda Rose jadi enggau...
"Lelak amat aku sehari tu Honey. Tadi nganjung Mawar ngagai opis ga. Pulai tua ari Cafe tu legi lalu berapi ga ba rumah din. Udah nya legi, ngambi Mawar pulai gawa ga." Pia ku Rose ngepunka randau iya enggau Gerald.
"Sabar Honey. Sigi gaya kitai nyadi deriba. Hahaha!" Saut Gerald lalu iya engkakah ketawa nundi tudah Rose.
"Ish! Honey tu ku aku. Nundi aja-aja. Be serious Honey. I mean it." Balas Rose enggau kening iya ti lalu ngeriut sereta mata iya merening tudah Gerald.
"Okay. Okay. Sorry Honey. Nundi aja tadi. Anang mih ngambi ati. Au mih. Diatu nama utai ulih digaga aku dih Honey? Ka aku nulong nuan ngereja semua pengawa tu? Ulih aja aku tu Honey. Sigi orang kering empu. Hahaha!"
"Honey.. Be serious okay. Ah! Manah agi aku pulai. Bad mood aku laban nuan tu."
"Alaaa.. Please Honey.. Anang ringat. Okay, aku ke bendar iya bisi utai pinta ba nuan. Tang nya mih, aku malu deka madah."
"Nama utai nya dih Honey?" Tanya Rose sambil iya betungkat dagu meratika mua tudah Gerald ti beamat-amat lebuh bejaku.
"Ke bendar iya dih Honey. Aku deka minjau duit ba nuan. Enda mayuh. Mimit aja. Hehehe." Dia dih Gerald lalu rising-rising mantaika ngeli iya ba depan Rose.
"Duit? Kapa nuan duit nya? Berapa?" Tanya Rose ti agi kakang ati enggau peminta ari Gerald nya tadi.
"Keni ka madah nih? Pasal bedagang nya Honey. Dikena aku ngerembaika pengawa bedagang tu. Enda mayuh pinta aku Honey. Dalam RM5000 baka nya. Ulih kini?"
"RM5000?! Mayuh amat nya. Dini aku deka bulih duit ngemayuh nya? Pengawa bedagangka nama gaga Honey tu? Nama aku nadai kala nemu dih?"
"Alaaa.. Nadai nya mayuh dih Honey. Anang irau. Ila aku mayar pulai baru duit nuan nya. Danji! Amat aku Honey. I'm being serious for that business. I'm begging you for that. Please.."
Ninga Gerald munyi nya, lalu lemi ga ati Rose tu tadi. Nama agi dih, Rose enggau senang ati iya nyuaka duit RM5000 ngagai Gerald sepengudah seduai iya ngelawa CiMB Bank tengah hari nya.
BA DEPAN CIMB BANK.
"Thanks Honey. I really appreciated it. Anang irau Honey. Udah pengawa bedagang aku tu mujur ila. Nya baru aku mulaika duit ti udah dipinjau aku tu. Ulih Honey?" Pia ku Gerald enggau gaga ati iya madah ngagai Rose.
"You're welcome Honey. Anything for you Honey. Aku ngarapka nuan mujur ba dalam pengawa bedagang tu. Amen. Eh! Aku deka pulai dulu au. Deka belelak dulu ba rumah." Saut Rose.
"Amen. Thanks for everything Honey. Au mih Honey. Take care ba rantau jalai. Bye."
"Bye Honey. You too. Love you so much."
Gerald tuchum aja lebuh ninga Rose munyi nya. Lalu seduai iya sama bela mulaika diri tengah hari nya.
****
BA JAYA HOLDINGS.
"Baka ni enggau projek baru kitai nya? Okay enda iya empu proses?" Tanya Kasim ba bala pengerja pengawa iya ti bisi enggau maya meeting tengah hari nya.
Dia dih sida pengerja pengawa ba opis nya tadi sama bela merening pangan diri empu sepengudah Kasim munyi nya.
"Aih! Nama enda nyaut dih? Aku nanya tu. Jampat agi. Anang masau jam aku." Pia ku Kasim mejal ngasuh sida iya nyaut.
"Aaa.. Tuan Kasim. Pasal projek baru nya, proses iya bejalai enggau manah. Semina siti aja penanggul iya nya duit kena nampung projek baru nya bedau chukup. Semua udah dikira enggau manah Tuan. Kitai bisi 5 juta iya ke diatu. Tang nya mih Tuan, kitai mesti ngiga 5 juta agi kena nampung projek baru tu. Laban bala kuli ba tapak projek tu minta Tuan niki ke gaji sida iya. Baka ni enggau nya dih Tuan?" Pia ku siku lelaki ari begian pemegai duit kompeni.
"5 juta?! Errrmmm.. Pedis pala laban tu. Mawar, uji tanya nuan Tuan Jemat udah ambis meeting tu legi. Tanya nuan pasal duit nya. Ulih tauka enda kitai minta 5 juta agi ba iya dikena kitai nampung projek baru tu." Pia ku Kasim madah ngagai Mawar ti duduk ngerimbai iya ba tisi.
"Au mih Tuan Kasim. Legi aku nguji telefon iya. Ukai nama Tuan laban diatu Tuan Jemat benung peremisi seminggu enggau bini iya ba Pulau Bali. Enti nyema enda ulih legi, aku nguji telefon ngagai sekretari iya ga." Saut Mawar lalu iya meri siti surat ba Kasim.
"Au mih Mawar. Naka ke diatu meeting kitai diketuka aku dulu. Enti nyema bisi berita baru pasal projek baru tu, ila kitai meeting baru au. Okay. Meeting dismiss."
Udah nya bala staff lalu beguai angkat sereta pansut ari bilik meeting ti deka pulai ngagai bilik tauka mija opis diri empu.
"Eh, surat nama tu Mawar?" Pia ku Kasim ti lalu ngambi surat ari jari Mawar nya tadi.
"Surat ari entua indu Tuan. Aaa.. Aku deka pulai ngagai mija kin dulu au Tuan." Saut Mawar lalu iya angkat ti deka ninggalka bilik meeting.
"Au mih Mawar. Terima kasih."
Kening Kasim lalu ngeriut sepengudah macha isi ba dalam surat ari entua iya nya tadi. Entua indu Kasim iya nya indai niang bini iya suba.
****
BA RUMAH KASIM.
Anisa enggau Alvin sama bela ngenatika diri empu. Anisa benung kiruh ninga lagu ba telefon iya. Nyadi, Alvin benung belajar laban iya ba taun nya deka napi peresa pom 3 iya nya Pentaksiran Tingkatan 3 (PT3). Pia mega Linya benung kiruh berapi manduk lauk ba dapur.
Enda lama udah nya, Anisa lalu angkat ari bangku sofa ba bilik besai ti deka pulai ngagai bilik tinduk iya. Datai ba bilik tinduk, dia dih mata iya tepedaka gambar lama niang indai iya. Gambar niang indai iya pan lalu diambi sereta ditimpai iya sambil nya gali ba atas katil.
Gambar niang indai dipurus diberap iya. Enda berasai ai mata Anisa lalu neritik pemuaska meda gambar niang indai iya nya tadi.
"Mama.. Peda nuan Papa diatu. Jauh amat udah berubah. Ulah iya nyau enda baka ke dulu suba. Nyelaie endar ulah iya diatu Mama. Aku pan enda nemu baka ni deka bejaku berandau enggau Papa nya. Kadang-kadang dih Mama, Papa nya laun belama pulai ari opis. Enti iya pulai tumu legi, nadai mih iya deka nanyaka nama pengawa anak iya tu, berita anak iya tu enggau macham-macham agi kebukai mih Mama. Udah Mama ninggalka kami tiga, berengkah ari nya ulah Papa lalu berubah tekala nya. Pengidup kami duai Alvin pan nadai kala ditemu iya. Lebih-lebih agi pengawa ba sekula. Mama.. Baka ni mih aku tu deka ngatur semua tu? Please Mama.. I need you right now.. Huhuhuhu." Sebana ati tudah Anisa lebuh meda gambar niang indai iya.
Pia mega ai mata iya enda ngetu beteritik ari tadi ti enda alah dikendas ngena jari.
