TUAI ARI AKU? -NO PROBLEM-

TUSUN 13 - KENANG LAMA

TUSUN 13

TUAI ARI AKU?
-NO PROBLEM-

GENRE: PENGERINDU ( LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

BA JAYA HOLDINGS. (BILIK OPIS)

Tuchum-tuchum kediri tudah Kasim tengah hari nya. Pemuaska tuchum nya tadi, jari kanan iya pan enggai jenuh ti majak ngetuk mija. Pia mega jari kiba iya majak ga murus bulu ragum ba dagu sambil iya tuchum.

Enda lama udah nya, dia dih iya angkat ari bangku opis lalu mansang ngagai cheremin ti bisi digantung ba dinding. Nyadi, cheremin nya enda jauh ari endur iya ti duduk nya tadi. Pemesai cheremin nya nyauka mesai tubuh iya sema jaku. Ari punjung pala dataika ujung kaki sigi ulih dipeda magang-magang ba cheremin nya.

"Tuai? Enda ga aku tu bangat tuai endar enti dipeda mata. Enti aku bebini baru. Errrmmm.. Engka agi ulih pelaba aku nih. Hehe." Pia ku Kasim bejaku kediri sambil nya iya meda gamal tubuh diri ba depan cheremin.

Udah puas ati meda gamal tubuh diri ba depan cheremin, dia dih Kasim lalu duduk ba bangku sofa ti enda jauh ari endur iya bediri nya tadi. Lalu berengkah mih Kasim tu tegenung jauh terebai ari dunya nyata sema jaku. Dia dih Kasim lalu ngenang cherita ti udah dipadah iya ba Rose pagi nya di One Cafe.

KENANG CHERITA PAGI NYA BA ONE CAFE.

Kasim datai ngemai dua buah gelas ai kupi ti agi angat. Dua buah gelas nya tadi lalu diengkahka iya ba mija. Segelas diberi iya ngagai Rose. Nyadi segelas agi ungkup Kasim.

"Kiruh amat Uncle tu. Anyway, thanks Uncle udah belanja segelas ai kupi tu. Hehe."

"It's okay Rose. You're welcome my dear. Uncle sigi rindu belanja orang. Jereki mesti kunsi enggau orang. Enda mayuh, mimit ga. Danji bisi dalam sehari nya. Baka nya pengidup Uncle sekumbang udah bulih pemujur dalam pengawa. Rose pan tau nguji nunda chara Uncle tu. Ni nemu engka tak bulih berekat agi kini udah tu ila. Amen."

"Amen. Ila Rose ngujika chara Uncle tu. Tang ukai diatu laban aku bedau bisi kereja tetap. Agi pan aku diatu benung ngiga pengawa puang. Engka empai bisi jereki ba pengidup aku mih nya Uncle."

"Belubah mih Rose. Anang berumban. Uncle besampi ngarapka nuan bulih pengawa enggau lengkas. Amen."

"Amen. Terima kasih Uncle. Manah amat Uncle tu. Enda bejaku tinggi sereta enda sumbung. Taja pan baru bekelala enggau aku. Baka ni Uncle tau pechayaka aku?"

"Ehemmm.. Pedis perut Uncle ngetatka diri ari enda ketawa ninga tanya nuan tu Rose. Rose. Aaa.. Sigi gaya Uncle nya Rose. Uncle pan enda nemu baka ni deka madah. Laban semua utai nya endang udah bisi ba dalam diri Uncle ari mit suba. Pasal pechaya tu sigi datai ari peda mata enggau sagam ari ati Uncle empu. Lebih ari nya Uncle sigi enda nemu baka ni deka madahka Rose. Hehe. Rose dih? Baka ni Rose tau tak pechaya deka begulai berandau enggau Uncle dih? Udah ga Uncle tu tuai ari Rose. Luya dipeda mata agi nya. Huhu."

"Aaa.. Ish! Mali munyi nya Uncle. Taja pan tuai tang ba mata Rose, Uncle tetap sigat. Ehemmm! Pedis amat rekung tu. Errrmmm.. Sama baka Uncle mega. Rose meda dulu baka ni gaya orang nya. Amat tauka enda iya deka begulai enggau kitai. Agi pan Uncle tu endang serius deka bekaban enggau aku. Ari chara ulah nuan ulih dipeda Uncle."

"Sigat pia? Hehe. Aih! Chara nama nya Rose? Enda mereti Uncle enggau nama utai ti deka dipadah nuan tu."

"Uncle tu peda mata aku enda milih kaban enggau begulai. Chunto iya, aku tu biak. Uncle nya tuai. Oppss.. Sorry.. Dah tentu bida umur tua jauh. Tang Uncle enda tentu kiruh enggau nya peda mata aku. Dia aku nemu Uncle tu endang serius deka begulai bekaban enggau aku. Siti agi, Uncle rindu belanja orang ti enda dikelala chunto iya baka aku. Hehe."

"Haha. Umur? Kapa kiruh enggau nya Rose. Tuai tauka biak ukai nyadi penanggul kitai begulai kemaya hari. Ehemmm.. Pia mega utai nya nadai ngachau nekul tua ari deka begulai bekaban. Betul enda? Siti agi, Uncle endang udah madah dulu tadi. Uncle enda milih orang enggau bekunsi jereki. Danji bisi dalam sehari nya. Mimit tauka mayuh nya ukai dikena kitai nyukat pemisi diri empu. Danji ati nuan amat-amat deka ngereja pengawa nya. Ba pengidup tu anang kelalu beciping. Ingat nya Rose."

"Au mih Uncle. Manah amat penemu nuan ba senentang nya. Rindu aku ninga jaku ari Uncle nya tadi. Eh, Uncle agi berutang ba aku siti cherita tadi. Ingat enda?"

"Cherita nama nya?" Tanya Kasim ti enda ingatka danji diri empu.

"Naaa... Enda ingat iya."

"Amat enda Uncle ingat. Cherita siti ni nya?"

"Uncle. Uncle. Uncle. Cherita bini Uncle nya."

"Ooo.. Cherita bini Uncle. Haha. Minta ampun Rose. Uncle tu udah tuai. Tusah runding tu deka ingatka utai. Makin tuai makin enda ingat. Hehe."

"Haha. Uncle tu ku aku. Ngasuh geli ati. Padah dia mih Uncle."

"Nyadi, Uncle tu sigi bisi bini dulu suba. Nama bini Uncle iya nya Sara. Kami duai udah jadi sepengelama 10 taun. Maya Uncle bedau bisi kereja tetap baka diatu. Nya pan agi kereja ari baruh orang. Kereja kompeni baka nya. Tiga taun udah nya, kami duai bisi siku anak indu. Takah dua taun udah nya, ada siku anak lelaki. Naka ke diatu kami duai Sara bisi dua iku anak aja. Tang nya mih.. Huhu."

"Uncle? Are you okay? Nah! Tu tisu Uncle. Lap ai mata Uncle nya. Enda sigat legi enti dipeda orang nyabak. Udah nya dih Uncle? Nama penyadi enggau rumah tangga seduai Sara dih?"

"Minta ampun Rose. Pedis amat Uncle deka nusi ngenang cherita lama tu. Pait chukup pait ba ati Uncle. Huhu. Nya mih Rose, sayau mih tudah Sara tu tadi bangat enda panjai umur. Enti enda ketegal penyakit kanser ti bisi tumbuh ba pala iya nya, sigi enda Sara tu midang lelang. Ketegal semua nya nyadi, Sara pan lalu mutuska seput iya lebuh maya beputung muai igi kanser ba pala iya. Lebuh ninga lutur madahka Sara tu udah nadai, bula madah kami tiga menyanak tu enda sinu nyabakka iya siku. Lima taun Sara udah ninggalka kami tiga menyanak. Sampai diatu mih Sara nya agi dikenang ba dalam ati Uncle. Pia mega, nya mih ngujungka Uncle lalu enda bebini nyentukka sehari tu. Huhu."

"Huhuhu.. Sinu amat cherita Uncle tu. Baka ni mih Uncle tu ulih tan nanggung rindu sepengelama lima taun nya. Errrmmm.. Kasih Uncle.." Enda berasai ai mata Rose neritik labuh ba atas mija maya nya.

"Udah teleba aku enggau pengidup baka tu Rose. Keterubah utai tu nyadi suba sigi pedis Uncle deka nerima semua nya. Nyau lama ke lama, semua nya udah nyadi tabar ba pengidup Uncle. Nyau nadai asai agi. Uncle tu kira ulih move on munyi ku jaku ribai. Agi pan ati Uncle udah lama sunyi puang nadai orang merindang. Tang nya mih, pintu ati Uncle tu lalu enda telenga. Chukup pedis Uncle deka nerima indu nyadikka pengganti Sara nya. Errrmmm.. Nya mih.. Enti nyema Uncle diberi awak bebini baru. Sigi aku milih nuan Rose nyadika ambai asi. Eh! Salah.. Eh! Salah.. Eh! Seredah udu mulut tu nyebut utai.."

-BETAMPUNG-