TUAI ARI AKU? -NO PROBLEM-

TUSUN 14 - PEMENDAR

TUSUN 14

TUAI ARI AKU?
-NO PROBLEM-

GENRE: PENGERINDU ( LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

MALAM NYA BA RUMAH KASIM.

Kerita Kasim empai lama udah sangkai ba depan rumah. Laun diri tudah Kasim tu pulai ari opis sehari nya. Urung pukul 9 malam baka nya iya datai ba rumah.

"Rose. Rose. Malu amat asai ati aku pagi tadi ehhh.. Enggai enda terlanjur ga mulut tu nyebut utai munyi nya tadi. Errrmmm.. Tang ati tu.. Rindu amat aku meda iya tuchum baka nya. Chelap asai ati. Hhhmmm.. Love you Rose. Eh! Deka endar mulut tu nyebut utai ngapa. Seredah endar ku aku. Ish!" Pia ku Kasim bejaku kediri.

Enda berasai dia dih mulut lalu ditempap iya ngena jari ketegal salah sebut. Runding ti ngenang maya betemu enggau Rose pagi tadi lalu padam tekala nya. Enda lama udah nya, Kasim lalu pansut ari kerita ti deka tama ke dalam rumah.

Pintu penama rumah lalu ditukangka Kasim. Sebedau nya, kasut ti dikena iya gawa sehari nya lalu dipanggaika iya ba rak kasut. Empai lama udah tama, dia dih Kasim tekenyit lebuh tepedaka Anisa enggau Alvin ti benung nyinuk meda televisyen.

"Papa udah pulai tu. Eh! Agi meda TV seduai pia?"

"Enda Papa. Benung berapi tu. Hehe."

"Haha. Nemu nundi Papa Alvin diatu nih. Eee.. Cubit enggau kuyu geduk nuan nya. Gidan Papa meda. Eee.." Ambis kuyu tudah Alvin dipicit sereta digusak Kasim maya nya.

"Hahaha! Ouchhh! Pedis kuyu Alvin tu Papa."

"Alololo.. So cute anak Papa siku tu. Anisa.. Are you okay? Masam aja mua nya peda Papa. Enda rindu meda Papa pulai kereja pia?"

"Ish! Okay aja tu Papa. Ni bisi baka nya Papa. Anisa rindu enggau Papa. Lelengau deka spend time enggau Papa. Tang nya mih.. Papa nya selalu pulai laun malam. Peda diatu udah pukul berapa jam nya?"

"Anisa.. Papa minta ampun amat-amat laban selalu pulai laun ari opis. Udah tu Papa bedanji deka badu pulai laun. Okay?"

"Danji belama. Tang enda kala nyadi. Semampai baka nya belama. Papa suah bulaka danji. Errrmmm.."

"Okay anak Papa. Sigi salah Papa ga laban enda kala ngamatka danji ngelama tu. Errrmmm.. Diatu Papa deka minta ampun. Tang sebedau nya, sebut aja nama peminta Anisa. Alvin too aaa.. Anything.. Don't be shy.."

Labanka Anisa enggau Alvin tu berimbai duduk, dia dih seduai iya nyau beasuh-asuh pangan diri ti deka bejaku madah ngagai Kasim ba senentang pekara ti ngasuh apai seduai iya nya bebini baru.

"Alvin.. Alai padah ngagai Papa." Pansal tudah Alvin ba Anisa.

"Enggai.. Anisa aaa.. Agi pan Anisa jarang bejaku enggau Papa." Ngilik-ngilikka pala tudah Anisa sepengudah ninga Alvin munyi nya.