TUAI ARI AKU? -NO PROBLEM-

TUSUN 8 - PEDIS ATI

TUSUN 8

TUAI ARI AKU?
-NO PROBLEM-

GENRE: PENGERINDU (LOVE)
LANGUAGE: MIX (IBAN, ENGLISH, MALAY)
DIKARANG: ALEXON JOHN (JOHN ALLEN)

BA RUMAH MAWAR.

Rose lalu tama ngagai bilik tinduk iya. Pintu ti ditukangka iya tadi nyau diempas penapat inat. Chukup pedis ati Rose lemai nya ti ngujungka iya enda ingatka danji iya ti deka ngambi Mawar pulai gawa pukul 5 lemai nya.

Bendar Rose nyabak ba atas katil iya. Nyau kesit-kesit enda nemu badu nyentukka mata iya bangkung sereta mirah laban puas digusuk ngena jari.

"Aku sigi nemu Gerald nya bula! Madah diri deka datai lalu enda ga datai! Call enggau Whatsapp pan nadai! Nemu diri enda ulih datai madah ga kitai! Ngelelak aku aja nganti antu nya ti udu mayuh pemula! Errrmmm.. Nasit bisi Anisa enggau begulai berandau tadi.. Ceh! Gerald perut buntas! Lelaki nadai guna! Semua lelaki sama aja! Benchi amat aku ke nuan nya Gerald! Arrrggghhh!" Muchau tudah Rose lalu pua enggau bantal ditikauka iya jauh ari katil.

Empa pemedis ati Rose mih nya. Enda kala Rose ngaga ulah baka nya. Kira nya mih keterubah iya ketegal asa ati bepangan enggau lelaki ti benama Gerald nya.

Empai lama udah ngenang tudah Gerald, dia dih telefon Rose bemunyi. Rose lalu nyaut telefon nya tadi.

Randau ba dalam telefon.

Rose: Hello. Nama utai dih?

Gerald: Honey. Minta ampun laban enda datai tadi. I'm so busy today. Pegila ulih tua betemu?

Rose: Ceh! To many excuses. Manah nibuh! Wasting my time! Okay bye!

(Telefon lalu padam tekala nya.)

Gerald: Hello! Hello! Hello!

****

BA DEPAN BEGUNAN JAYA HOLDINGS.

Mawar benung nganti penatai Rose ti udah bedanji deka ngambi iya pulai gawa lemai nya. Pemuas Mawar nganti nya tadi, dia dih Kasim lalu mansa iya ngena kerita.

"Mawar, bedau pulai?" Tanya Kasim.

"Eh, Tuan Kasim. Bedau Tuan. Agi nganti petunggal aku datai ngambi tu." Saut Mawar ti malu-malu deka madah ngagai Kasim.

"Pia. Diatu udah pukul 6 lemai. Udah laun jam endur iya ngambi nuan tu Mawar. Errrmmm.. Enti munyi nya, aku nganjung nuan pulaika rumah. Ulih kini?"

"Eh, anang kiruh Tuan Kasim. Enda lama agi datai iya legi dih. Udah aku call enggau Whatsapp iya tadi. Nganti iya malas aja tu."

"Amat nuan Mawar? Agi pan ukai selalu aku tu meri awak ti deka nganjung staff aku pulaika rumah. Ka enggai?"

"Uhhh! Keni enggau tu nih? Macham-macham Tuan Kasim tu. Aku tu malu endar ke iya. Huhuhu." Jaku Mawar ba dalam ati iya din.

"Hello.. Bisi ninga utai dipadahka aku nuan tu Mawar? Hello.." Sambil nya Kasim ngepai-ngepaika jari iya ngichaka Mawar sedar ari tegenung.

"Sorry.. Sorry.. Au mih Tuan Kasim."

Mawar lalu pulai enggau Kasim lemai nya. Malu-malu tudah Mawar tu tadi laban enda kala dianjung Kasim pulaika rumah. Ba dalam kerita semadi tudah Mawar deka berandau enggau Kasim laban malu.

****

BA RUMAH MAWAR.

"Terima kasih Tuan Kasim laban udah kiruh nganjung aku pulaika rumah." Pia ku Mawar.

"Au mih. Nadai salah aku nganjung nuan pulaika rumah dih. Sigi udah tanggung pengawa aku nyadi siku boss ti mentas enggau bala staff ti bisi gawa ba perabung kompeni aku. Okay Mawar. Aku mupuk pulai dulu. Mawar, see you tomorrow at the office."

"Okay Tuan Kasim. Take care." Lalu Mawar ngepaika jari ngagai Kasim ti lalu pegi sepengudah nyangkaika iya nya tadi.

BA AWAK TI SAMA.

Rose benung berapi bepandukka lauk ba dapur lemai nya. Enda iya nemu Mawar tu deka negah iya ari belakang. Dini mih Rose tu deka nemu laban iya tembu nyinuk netak manuk maya nya.

"Gahhh!" Tegah Mawar ti ngemendar nya iya nempap bau belakang tudah Rose.

"Ooohhh telu manuk pechah!" Nyau latah manah tudah Rose tu tadi lebuh ditegah Mawar.

Manuk ti ditetak Rose nya tadi nyau ambis tepelanting tama dalam singki. Pia mega duku ti dipegai Rose pan tepelanting tama dalam singki.

"Mawar! Badu negah aku baka nya. Ish! Kesal ati aku laban nuan tu. Kumbai iya enda tekenyit kitai tu ku iya. Kati enti aku bisi penyakit jantung lalu mati ngenyit tekala nya? Ka nuan meda? Uhhh!"

"Bah! Mangah amat iya tu ku aku. Nama main nuan mangah baka tu Rose? Aku semina nundi aja tadi. Ukai selalu aku nundi nuan baka tu. Huhuhu. Au ga Rose." Pia ku Mawar lalu iya tama ngagai bilik tinduk iya.

"Enda nemu jera nundi orang baka nya. Enda iya nemu aku tu benung tusah ati ba ditu. Kapa aku kiruhka nuan nya Mawar. Ringat mih nuan ba dia. Ukai salah aku nya tadi. Sapa ngasuh negah aku ari belakang. Errrmmm.."

****

URUNG PUKUL 8 MALAM.

"Mawar! Aram enggau aku makai. Mawar!" Pia ku Rose ngangauka Mawar ti deka ngemai iya begulai makai malam nya.

"Nai.. Kini mih penunga pending Mawar tu lalu enda nyaut kangau ari aku. Errrmmm.. Mesti ati iya agi ringat ba dia." Pia ku Rose ti lalu mansang ngagai depan pintu bilik tinduk Mawar.

"Tuk! Tuk! Tuk!" Munyi ketuk pintu bilik tinduk Mawar.

BA DALAM BILIK TINDUK MAWAR.

"Kapa aku kiruhka nuan nya Rose. Sapa ngasuh nganu-nganu tadi." Pia ku Mawar sambil nya iya gali merap bantal gulin.

****

BA BILIK TINDUK KASIM.

Kasim benung belelak gali ba atas katil King Size iya. Sayau mih katil besai tang nadai sulu ati enggau berimbai gali. Mata pan lalu dipejamka Kasim enda lama udah nya.

Bisi 15 minit udah nya. Dia dih mata Kasim lalu enchelak merening kipas ti benung bepusin bepeling ba atas siling.

"Ahhh! Baru aku ingatka indu sehari nya. Sapa enda indu nya nih? Beli endar ga aku maya nya enda ingat nanyaka nama iya. Ish! Ba nuan dih Kasim. Jugau udu nuan nya. Enda ngawa Kasim. Hari pegila kan bisi. Udah tentu indu nya bisi ba One Cafe pagi pegila." Pia ku Kasim sambil nya iya begaru pala lebuh ngenang utai ti udah nyadi ba One Cafe dua hari ti udah lalu.

"Tuk! Tuk! Tuk!" Munyi ketuk pintu penama bilik tinduk Kasim ari luar.

"Sapa nya? Masuk mih.." Pia ku Kasim lalu iya ngaga diri duduk sambil nya mata iya meda telefon.

"Papa. I miss you." Pia ku Alvin madah ngagai Kasim.

"Miss you too my son. How are you?" Tanya Kasim ti lalu merap tubuh Alvin nya tadi.

"I'm good Papa. How about you Papa? Baka enda okay aja Papa tu peda mata aku."

"Eh! Papa okay aja Alvin. Nadai ngawa tu. Semina nya aja mih, Papa chukup lelak dua tiga hari tu. Mayuh kereja Papa ba opis din. Papa benung handle new project ari Tuan Jemat. Nya ngasuh Papa nadai hari deka begulai enggau seduai Anisa. Agi pan Papa tu selalu laun belama pulaika rumah. Malam belama datai ba rumah. Papa minta ampun amat-amat. Ngarapka Alvin enggau Anisa mereti enggau chara idup Papa diatu. Nyauka enda ingat Papa, by the way Anisa bisi ba bilik tinduk iya?"

- BETAMPUNG-