Our Dads are Fudanshi (Season 2 of Love Area) [Completed]

ODAF - F I N A L 💛

Our Dads are Fudanshi Final Ep

"အငယ်လေး ရိရှောင်း၊ အထုပ်တွေအကုန်လုံးကားပေါ်တင်လိုက်ပြီလား''

ရှောင်းဝမ်ကပျော်ရွှင်နေတာကို ဖုန်းဖိလို့မရတဲ့လေသံနဲ့မေးတော့ ရိရှောင်းကလည်း သွက်သွက်လက်လက်ခေါင်းညိမ့်ပြတယ်။

"အကုန်ထည့်ပြီးပြီကိုကို Readyပဲ''

"ဟဲဟဲ ခရီးသွားရမယ်ဆိုတာ အခုချိန်ထိမယုံနိုင်သေးဘူး''

"ယုံလိုက်ပါတော့ တကယ်သွားရမယ့်ဟာကို''

ရိရှောင်းထက်ပိုပြီးကလေးဆန်တဲ့ရှောင်းဝမ်ကို ရိရှောင်းကပုခုံးပုတ်ပြီးတောင် ပြန်အားပေးနေသေးတယ်။

သူတို့ညီအစ်ကိုနှစ်ယောက်က စာမေးပွဲပြီးလို့ဆိုပြီး Daddyတို့က ကမ်းခြေကို ခရီးထွက်ဖို့လိုက်ပို့ပေးတာဖြစ်တယ်။

ဒီကမ်းခြေက အတော်လေးလှတယ်လို့ နာမည်ကြီးတဲ့ကမ်းခြေတစ်ခုပဲ။

ရှောင်းဝမ်တို့ညီအစ်ကိုနှစ်ယောက်လုံး တစ်ခါမှမရောက်ဖူးသေးဘူး။

မရောက်ဖူးဆို အခုသွားမယ့်ကမ်းခြေက သူတို့နေတဲ့မြို့နဲ့ တော်တော်လေးလှမ်းတာမို့ တကူးတကကြီး မသွားဖြစ်တာဆိုရင်လည်း ပါလိမ့်မယ်။

မြို့နဲ့သိပ်မလှမ်းတဲ့ ကမ်းခြေတွေကိုတော့ ရောက်ဖူးပေမယ့် ဒီကမ်းခြေက ပထမဦးဆုံးသွားမှာမို့ ရှောင်းဝမ်တို့ညီအစ်ကိုနှစ်ယောက်လုံး စိတ်လှုပ်ရှားနေတာပေါ့။

အဲ့ဒီအပြင်ပိုပြီးစိတ်လှုပ်ရှားစရာကောင်းတဲ့အချက်ကတော့ သူတို့နဲ့အတူ သူတို့ရဲ့ဘဲဘဲတွေပါ လိုက်ဖို့အတွက် Daddyတို့က ခွင့်ပြုထားလို့ပဲ။

စာမေးပွဲဆိုတဲ့ Stressကြီးလဲ မရှိတော့ဘူး၊ ချစ်ရတဲ့သူနဲ့နှစ်ယောက် ကမ်းခြေမှာဘယ်လိုတွေရိုရမလဲလို့ တွေးပြီးရှောင်းဝမ်တို့က ပါးစပ်မစိနိုင်တော့ဘူးလေ။

"ငယ်လေးရေ ရိရှောင်း၊ အိမ်ပြင်မှာ ကားသံကြားတယ် ချန်ယွီ လာတာထင်တယ်သွားကြိုလိုက်ဦးလေ ''

"ဟာ ဟုတ်လား ကျွန်တော်က မရောက်သေးဘူးထင်လို့ သွားလိုက်မယ်ပါးပါး''