نصفي المفقود

بارت ٧

نصفي_المفقود
بارت7
bato_l
Ahmaed11الناشر=

{انت
ياحرقتي
يا اخي
يا جليسي في وحدتي
وانتظاري
ياصورتي
أنت يا وجه هذا الجليس
كن انيسي في وحشتي
كن دليلي في حيرتي
وحضوري وغيبتي
يا اخي
أنت يا صمت صوتي
يا قائلي
يا مجيبي
يا سائلي
اكشف سر الي
أرني في المرايا معانيك
علي اصبر عما ذرته الجراحات
في قمه الونشريس
أنت
يا توبتي
يا خليلي
يا صمت هذا الانيس }♡
___________________________________________
خالد.آدم شبيك
آدم، مووو انه ووولك شايفلك واحددد يطلع وما يدررري بروحه هااااي حالتي هسه موووو انه والكاظم مووو انه
خالد،عندك اخوو
آدم،لللك منين يجييني الاخو وامي ماتت وراه ولادتي
خالد.روح هسه للبيت ارتاح وانه أمر عليك بليل واخذك لبيته لأن لبارحه لاحكته ونشوف شنو صله الاقرابه بينكم
آدم.عفت تلفون على طاوله وطلعت عبرت شارع ما حسيت بس على شمره قويه  والألم برأسي عيوني بيهن ثكل صياح رجال
الرجال،ياااااعمي شبيك ما تكليي أعمى خو مو أعمى اكووو بشر هيج يذب روحه كدام سياره
آدم، اتضحت الرؤيه عندي تجاني كعدني على رصيف وجاب ماي
الرجال،أخذ غسل بعد ابوك
آدم،غسلت وجهي حسيت بحركه قوويه على حاجبي لزمته دم
نفضت الدم لصار بحلكي
الرجال،شلونك هسه
آدم ،يرحم الله والديك حجي مابيه شي ومادري ما انتبهت تعذرني
توكل
الرجال، امشي بويه آخذك للصيدليه اخيط الك يم حاجبك
ادم،ما بيه شي ولله توكل وسهمك الله العافيه
الرجال،دمشي يا بويه شنو ناس قابل تكاطعت
آدم، صعدت بسياره ويمي جاهل صغيرون يسولف وي رجال ويضحك وياه
ابنك حجي
الرجال، لا ولله يا بويه ابن ابني وأبو هسه مسافر وبقه يمي ما يريد يروح وي  امه
آدم، يخلي الله الكم ويخليكم اله انشالله
الرجال.يحفظك بويه
وهل تشوفه مونسني بسوالفه
آدم، باوعتله وبسته بخده لله يحفظك لأهلك انشالله
الرجال،يوم لالك بويه
آدم، سالم ريتك
درت وجهي اباوع لشوراع هاي ناس ياااربي ليش بس انه
ربي وحق عزك وجلالك لو ميته ومخليني مقتنع بموتها ولا هاذا الدمار زين اذ شفته شكله شيكلي الربط ووين بينه ووين اذ اكو شبه بلاربعين بس موووهيج ولله مو هيج
سمعت صوت ضحكه جاهل شلون لزمت روحي وما بجيت ما أدري
أحس بنقص صدك أرحم من انه مقتنع ابوي مسافر وامي ميته
لحد ما  نزلت من سياره ودخلنه لصيدليه ما أحس بشئ مبنج تماما
حسيت رجال يحاجيني
الرجال،بويه تره بدون مخدر راح يسويها الك
آدم، هزيت راسي ايي مالي طاقه حتى أحجي خيطوها وطلعت
الرجال،بويه تعال اوصلك للبيت
ادم، مشكور حجي وجزاك لله خير اريد امشي شويه
الرجال،براحتك بويه ماتشوف شر
آدم،مشيت ومشيت بس وين ماعرف ارريد تبرد نار لبصدري
وصلت للكاظميه باوعت محل ملابس رجاليه دخلت اشتريت قميص وبدلته لأن قميصي ابيض متلف دم
دخلت زرت وصليت ارتاحيت شويه بجيت وما حسيت بذله كلشي نسيته
دموعي من نزلت جنت عاذرها
من دخلت بس صورته لشفتها بالموبايل كدامي
شحجيت وشكلت ما أدري صليت وكعدت ارقب ناس
عوائل واطفال ضحكات شباب
طلعت وراه ساعتين رجعت لشقه
لكيت جدودتي صلي المغرب
كعدت كدامها خلصت بسرعه ولطمت على صدرها
جدودتي، ييمه صخاام بويهيي شمالك ولللك ياهوو مفشخك
آدم.احلفج بداعتي اذ عندج واحد اعزز مني احلفج بي
بصلاتج بداعت الله ربج شكد تحبينه احلفج بي
جدودتي، ولللك طيرررت كلبي احجييي
أدم. اااميي وين
جدودتي،ولللك يا ام
آدم، اميي لتكولون عليها ميته
تكولون آدم ما عنده اخووان
شوو ليووم شفت تؤامي
اااحججيييي لا تسكتين اارررحميني نااررر بصدري طفيهااا واااحجييي
جدودتي، يمه على كيفك وي رويحتك ولله واحجيلك كلشي
ولله
آدم، احجيييي اسمع
جدودتي،كوم غسل وارتاح وانه حجيلك بعيوني يمه هو بس انته لباكيلي استر
آدم،انتيي عاجبج حااالي عاجبج
جدودتي،شوف يبعد أمك
ابوك من داوم بالجامعه يروح بدربه ويرجع بدربه وين لمرحلة الاخيره
لولد اشوفنه مدودها ويصفن هواي
ولله صبرت علي بعد وليدي واعرفه ماله بسوالف لموزينه
وهم جانت توها دايره سنة جدك لله يرحمه
اجاني كبل لا يتخرج بجم يوم
وكعدني وحجالي سالفه
منتظر.يمه رايدج بحجايه ويمكن هسه مو وكتها
جدودتي، أحجي يمه طيرت كلبي ولله محتاج فلوس شني
منتظر،لا يمه ما محتاج بس اكو طالبه ويانه هيه مرحله ثانيه وانه عاجبتني
ولصدك انه هاويها وماريد تروح لغيري
جدودتي،ساعت  مباركه يمه منين هيه اهلها منين فصلها اصلها
جا انته يمه مو يومين ويوم تعاشرها راح تعاشرها عمر انشالله
منتظر، اكيد يمه وانه سائل عليها وعارف اصلها وخوش
بنيه مربايه وبنت ناس اجاويد
لا يماي البنيه أخذت منها موافقه مبدئيه
وهيه مو منا من بغداد وجايه هنا طلع قبولها وساكنه هسه وي  خالتها
المهم يمه ما اطولها الك
رحنه وخطبناها
صدك أبوها راضي بس اخوانها همه خوالك ما راضين
كتلك إخوان  أمك معارضين وما جانو راضين بس هيه جانت مدلاله وما يردولها طلب تزوجو بس ضلو اهلها مكاطعينها
وعاشو هيه وأبوك سوه ولله يمه جانو لو
كعدو على الأكل واحد يباوع عالثاني
بس ربك كاتب هيج
وهم أمك جانت شايله البيت بصلوات وما تخليني اشيل العود هيه جلمه الحك تنكال أمك ورده مالت الله وحبوبه من لكاع وأبوك ما عارض تكمل دراستها كملتها
وعدت سنتين وهيه ماكو حمل بس وراه ما تخرجت ب3 أشهر حبلت
بس من طلعت حامل وطرحت ورجعت هم حبلت وطرحت وهم رجعت وراه سنة صارت حامل هالمره  كالت حوبه اهلي كافي طرحت اثنين خليني أسلم على ثالث
ودكت رجل اله تروح لأهلها وأبوك يحبها ما عارض طلبها هم كبل لا تتخرج شكد راحو لاخوالك ماقبلو يراضونها بس أبوها مستقبلهه
و راحو هيه وابوك لبغداد
علساس يراضون اهلها
وصلو هناك ولكو أبوها متوفي واخوانها محقرين وياها وكايلين أبوها متبري منها علساس كبل لا يموت
هنا أمك ما تحملت وطايحه على ابوك ببغداد  ورجعها بيومها
أمك ورده وذبلت ولله ياايمه إجت ايام ابوك مو يشوفها ما تأكل ما يأكل
ويودي منا ويجيب منا حد ما بسابع وما تحملت طلكت وجابتكم تؤام ولد
اخوانها مو سمعوو صار احنان واجو وراضوها بس بالهم غير سويلفه
تحسنت حالتها
بس صار عدها اهمال كثرت تسيورات
نسوان اخوانها هن اثنين بس صار عدها اهمال كثرت تسيورات
نسوان اخوانها هن اثنين وأخوات واخوهن عود كبل يريد أمك
بس أبوها ما راضي من شايفها هاويه ابوك
لمهم يوزن براسها منا لمن اهملت ابوك فرد مره
أبيك متعود على دلال كام يطب يطلع يصيح ومنا انتو اثنين
وانه ام ياايمه ما تحملت اشوفن ابوك هيج
كعدته وحجيت سالفه كتله تره نسوان اخوانها يوزنها
وانه مارايده اكطع صله الرحم بس خلي يخفن رجولهن
من شفتوهن ما شفتو خير
ولله كعد ابوك وكلها هيج سالفه وهاذا لاهمال منج ما يصير يا بنت ناس
وانه رجال اطلع لوظيفتي قميصي ما مكوي بنطروني
اهمالج الي وللبيت
حاجها لو نكلبت دنيه صياح وعياط سابع جار يسمع حسهم
هدها وطلع من البيت كعدت وياها وحجيت بس أمك مغسوله غسله معدله
صوت ابني يعلئ عليه
وهيه 4 سنوات صوتها ما سامعته وكله يوم ويوم
شو أمك نفضت بيه وتصيح
سما.شنووو انه خادمه لج ولابنج مااتكوولون ام لتؤام
ما تكولون عافت شهادتها وكعدت تكنس وتطبخ
جدودتي،لله يشهد عليه معزتها أكثر من معزه ابوك
كتلها بكيفج يمه ترا هذا خراب بيت وديربالج على رجلج لا يدور راحته بره
سما،قحط وهو ابنج ما يصير بعينه شي
جدودتي ،بعد رجال ومالكه راحته بالبيت دورها بره ولكها بموظفه وياه بدوام
ولجان ما ينسمع الهم صوت صار أصواتهم تلعلع بالمنطقة
لحد ما إجه ابوك ولكه لاخوات مجتمعات بغرفته وسامعهن يكولن الها
طلكي منه وتعاي يمنه نشيلج بماي العين
هو سمعهن وهد عليهن بذاك لغلط وطردهن وأمك عاندت اله تروح وياهن
عالج راد ابوك ماكو قفلت
منتظر، إذ طلعتي باب البيت تحرمين علي
سما،لعد شتريد تطرد اهلي واسكت
لا أنته أول رجال ولا اخر رجال بالدنيه
جدودتي، ابوك نسخه ثانيه عصبيتك كضها وكتلها وهو محمل عليها  حتى انه هم حصلتلي جم طكه ما هداها لمن دم يتخرر من حلكها
وسحل وربك اخوها اوكف بسيارته بره ذبها على اخوها
اخوها كيف ورادها من الله لاالله
ووابد ما حجه وي ابوك
اخذها وطلعو بقيتو انتو انه هم يله  تعيني رجليه من واحد لواحد بيكم
منا انته ومنا أدهم
بقت أمك شهر هناك وكلساع مودين خالتها الحك ينحجي خالتها ورده وحبوبه حتى تشوفكم لأن ابوك حرم عليها شوفتكم
أدم. اسمع وعقلي ما يعقل لسمعه
يعني شنووو
كملي
جدودتي، يمه ولله ريكي نشف
آدم، كمت جبت ماي خليته يمها
شربت ورجعت حجت
جدودتي،اي يمه خالتها كعدت وي ابوك ولحجي ولسان لحلو وذبت لوم كله على اخوانها
منتظر.لمطلوب مني شنوو بتكم عدكم مو هاذا لردتو وذبحتو اروحكم عليها
يمكم هسه وهيه هم ذبحت روحها على أهلها خليها بالعافيه عليها
نسوان اخوانها بس ولله شاربي ازينه و ادوس علي بقندرتي ومو زلمه من ظهر زلمه إذ ما خلوها تترحم على ايام لجانو مكاطعينها بيها
__،ولله يا أبو ادهم حال ضيم حالها على جهالها
واعتبرها جاهله وغلطت وانته بيك الخير وكبر عقلك وياها
منتظر،الله عليج يا زلمه يرضه مرته توكف بوجهه وتكله
مو أول رجال ولا اخر رجال
ولله لو ما اعرفها جا كلت شايفتلها شوفه
___-لا دادا على بختك شنوو شايفتلها ولله تبجي عليك دم
وأني جايتك ورايدتها منك وبشاربك
ترجعها
جدودتي، اي يمه بمعزتي عليك وهل تشوفني ولله مالي حيل
أركض وهم اثنين مو واحد مالحك انطي هاذا حليب اله صاح ثاني
___،شوف وهاي أمك دتشكي هم رحم بحالها
منتظر،خوش راح ارجعها بس لجهالها لخاطرهم لخاطرهم بس وصلو الها
الحجي
___،خوش لعد باجر اني متوكله ورايحه اجيبها
منتظر،أدري بيها يمكم
امشي هسه نجيبها
___،لعد توكلنه على الله
جدودتي.جابو أمك بس مكروصه اذنها
بس هل مره أبيك عاند وضل عده علاقه وي هاي لما تسمى وذا ميته الله لا يرحمها هاي الموظفه لوياه
ومرت سنة وأبوك وأمك زادو ما نقصو صارو واحد اذ شاف ثاني بالبيت عبالك شايف عدوه حجيت لمن طاحت وذره من الساني وماكو لا هيه ولا هوه
لحد ما طك بامك صبر لمن إجه ابوك وكال اريد ازوج
صياح ومعارك وحتاريت اسكت منو أنتم لو اهلكم لما شفتو منهم خير
واسبوع طك وعراك
بتالي ابوك كال لها ماكو بعد كعده بالبيت الج صبرت سنه وما تنعدلين
وأمك هم ايدت وتطلكو وأبوك كال ماكو دخله للمحكمه تأخذ واحد وانه أخذ واحد وصار لرادو ولد لحرام من نسوان اخوانها واخوانها لهاي ال....
لمصادقه ابوك
وهم ما اذب صوج بامك بس لا يمه ابوك غلطه أكبر وهم ما صبر وصار زلمه معدل وكضب مريته بيتها دور راحته بره والكها
وتفاركتو  وانتو الكم ذنب ولله يايمه من جنت اشوفك دور على اخيك وما تلكه وانته متعود علي  ينكسر كلبي ردت عالجت ولله حتى زعلت وطلعت من البيت بس ابوك وعاند هذا يوم وهذاك يوم لا شايفه أمك ولا أدري بيها
وابوك من شاف وضع العراق والأوضاع 2004
طلع ابوك من العراق وعافنه نكلبت حياتنه من اخذ فلوس البستان والباقي انته شاهد علي
أدم،وكفت على رجليه شلون ما أدري
يعني شنوو عندي اخو وما أدري
تؤؤامي زيين انه ليش مادري ليييش ما كتتتيلي
شنووو موووقعي شلووون اقنع روووحي هسه
جدودتي،يمه ولله انه مااا قبلت بس ابوك وامك يااااايمه فرقوووكم
شسوووي شبيدي عليكم
آدم،دخلت جوه اسبح اريد نااررر تطفينييي ما طفت ولا حسيت بشي نفس الحساس احتل شكو جزء بعيني طلعت وجان انصدم
بجدودتي. طايحه على لكاع والوجه اصفررر
ركضت كعدت يمها
آدم، يمممه الله عليج لا سوووين هيج بالقرااان أسف ولله ما اعيدها ووووولا اصيييح عليج الله
كلاص الماي يمي مسحت وجها بي كمزت جبت عطر قوي شممتها بدت تصحه
أحس ماي بارد ونزل على كلبي
بست رأسها وليدها
جدودتي، ولله يمه وعساها
بعافيتي
شكد ردت وحاجيتهم واتوسل بهذا وهاذا وماكوو
آدم،فدوة الج المهم سالمه انتي
كومي خلي اقيس الج كعدتها على القنفه  جبت الجهاز
أدم،قست الها يحتاج مغذي
لابستها عبايه
بدلت
جدودتي، ولله يمه مابيه شي لمن ماخذني بس شلعان كلب
آدم،مايصير مايصير لازم مغذي يلا ينزل
جدودتي،الله يرضه عليك ويلم شملكم
آدم، هزيت راسي ب ايي طلعنه للمستشفى شدينالها مغذي
خلص ورجعنه للبيت دخلتها لغرفتها انطيتها علاج وطلعت بصاله دايخ ومحتار منين ما ادور وجهي مسدوده
زين هسه لنفترض لكيته وطلع هو
شكله شيكلي
بسبب ام وأبو مهمالين هيج صار
بسبب ام وأبو مهمالين هيج صار حالنه
اعمارنه 20 سنة واحد ما يعرف ثاني
يتقبلني اخو ماعرفه ولا اعرف اطباعه
سمعت جرس ندك طلعت
خالد،الله بالخير
آدم، هلا فوت تفضل
خالد،لا يولد امشي مو اتفاقت وياك
آدم،عصرت وجهي أحس نفسي مو كد المواجهة صعبه عليه
لا خالد مشكور بس عوف سالفه انتهت
خالد،تحجي صدك جذب انته انتهت شنوو اكلك نسخه آدم يكلي انتهت
آدم،دخل جوه
واحجي براحتك
دخل بصاله
خالد،أحجي أسمعك
آدم.أول شي جدودتي هستوني رجعتها من المستشفى
ثاني شي انه مو كدها
خالد،شنوو مو كدها زين سئلت جدتك
آدم. ايي
خالد،اكلك شنووو اجدي الكلمه منك أحجي شنو كالت الك
آدم.ما أدري ما أدري لا تسئلني على شي
لفهمته أمي وابويه نفصلو واحنه تؤام ولد والولد المصون مافكر شيصير باجر عكبه نلتقي صدفه دم يحن لدم فرقونه واخذو كل واحد منهم واحد منه
خالد،صدك تحجي لو تجذب
لو شنوو موضوعك
وين اكو ام وأبو هيج زين كول ابوك جان ما هاوي أمك يعني معقوله أمك مافكرت بيكم ما حنت الك ما اشتاكتلك
ما خافو الله بيكم
وهسه شناوي تسوي
آدم،ماادري كلبي حان اله ولله ماعرفه ولا باقيه اله اي ذكره بالي
بس من شفته بتلفونك أحس كلبي يريده ولله محتار شسوي اخاف ما يتقبلني
وتصير الكسره مالته كسرتين
مالي حمل بعد لا ولله
خالد.تدري متزوج
آدم،رفعت راسي اله صددك
خالد،أي ولله وعنده ولد هستوه عمره  سنه ونص
آدم،ابتسمت يعني انه هسه عم
خالد،والد همين غير انته نص أبوه
ما كتلي هسه شنو تقرر
آدم.خليها على الله
خالد،زين تريد اجيبه للقاعة
ادم،تكدر
خالد،ااااافا أبو شهم مو تعرفني
انته
آدم،بين دمعه بعيني ماعرفتها دمعه خوف فرح  ودكه كلب سريعه أحس حتى بالعمارة اليمنه سمعوها  بين عقل يفكر نص قابل نص لا
بين دم يحن لاخوه
انتصر شكو شي نخلق للعاطفه
حياتي خلصت وانه أتمنى عندي اخوه أشد بي ظهري
نتقاسم انه وياه بكلشي
خالد،هيووو يولد وين رحت
آدم،خاايف أدري هل كلمه مو حلوه بحقي بس
موقف لا أحسد علي
خالد،لله يساعدك ويعينك ويجمعكم بالخير
هسه ما يهديك الله وتمشي تشوفه
أدم،ماكدر ولله كتلك خطر تبقه جدودتي بحدها
خالد،لله يشافيها ويعافيها
آدم. وصلته للباب
خالد صدك تجيبه للقاعه
خالد،شاربي انطيك موس وحلقه اذ ما جبته
بس يرادلها شغل صبر أسبوع أسبوعين يمك
آدم،تكله لو عامي
خالد،لا عامي خليها احسن
آدم،طلع سديت الباب ودخلت لفرفتي يمكن فرحان وخايف
صعبه ما تعرف أخوك كل حياتك وفجأة يطلع كدامك
لا ومو اي اخو تؤامك
اخخخ يالله
ساعدني
أفكار وتخيلات
بين سلبيه ما يتقبلني وكارهني على كره ابوي اله لأن بتأكيد يعرف شسوه
بين ايجابيه التقي بي يتقبلني اشيل ابنه بحضني نطلع انه وياه نجتمع سوه
بين هاي الأفكار كلها
كعدت على حيلي بسرعه
أمي معقوله ما إجت بالي بهاي الهوسه كلها
زين شلون اباوع بوجها اسامحها لا
منو يكول هيه تقبلني وما تمنع اخوي مني
هزيت راسي وكأني متيقن انفض الأفكار تروح
زين همه وين اذ على حجي خالد عايشين بنعمه
معقوله بعدهي بيت خوالي زين اذ مو بيت خوالي تزوجت
ليش لا وهيه من طلكت زغيره
وحلوه وكفت كدام المرايه أول مره أركز بشكلي
وأتذكر الحجي المخزون بيها من عمري 6 او 7 سنوات
جنت دائما اسمع ابوي وجدودتي يذكرون اسمها وما جنت واعي وافهم
بس العرفه احنه طالعين عليها
نشبها هواي لهيج ابوي مرات ما يطيق يباوع بوجهي بس هم مرات جنت افز من نوم الكه صافن بوجهي ومبتسم
معقوله لهلدرجه احنه نشبها ويحن الها يبقه يباوع بوجهي
يحبها ايي بس ليش هيج صار وليش تدمرت علاقتهم
ألف سؤال وماكو بس اثنين يكدون يكلولي الجواب والاثنين ماادري بيهم سؤا أمي أو ابوي
رفعت شعري لوراه أحس نفسي توترت زايد او تحمست زايد حتى أعرف أشياء الفضول كله صار بداخلي
أكيد راح اعرفها وراح الكه جواب
بس هاذا كله مايصير اذ مو الكه أدهم
اذ مو يتقبلني ما راح أعرف شي
مر أسبوع على نار
واجاني خالد
جنت بشغل
هاذا الأسبوع كله ما كدرت اشتغل شغله بيدي
خالد.لك مو كتلك ارتاح بالبيت
أدم.كعدت على جهاز
شتعرفني ولله اموووت اذ ابقه بالبيت راح آاطك
لميتها يجي
خالد،صلي على محمد واله
وتوكل على الله
آدم، اللهم صل على محمد وال محمد
متوكل ولله بس صبر ما عندي
خالد،زين اكلك شغله تذكر لولد لي جبته ذاك ليوم
وكتلك بس يحتاج اله تخسيس
آدم، ايي وطلع بسرعه
خالد،صديق أخوك من المتوسطه هاذا
آدم،لا تجذب الله عليك ومو وكت شقه
خالد،لا تصير حيوان كتلك صديق أخوك ولولد خطيه من طلع من يمي
يكلي خاف ناصبين عليه ولك تؤام أدري بس مو هيج يشابهون
آدم،وهسه شنووو أحجي بسرررعه
خالد،أصبر جايك بالحجي
خالد،اتفقت وياه وحاجيته وكتله سالفه كيت وكيت
واخو عرف ونريدهم يلتقون
لولد ما قبل اله يشوفك ومن شافك وتأكد أتفق وياه بس أخوك مبين حقنه
وكسول بحيث كل يوم ياجل شغل الجم
آدم، منعول الحظ ابن
خالد،هيووو لسانك ابوك هذا
آدم، بعدني ما كملت الغلطه
..........
بقلم
bato_l
الناشر =
@Ahmaed11
{حلوو موو 😍)