نصفي _المفقود
#بارت ٤٠
البارت الاخير من الجزء الاول
بقلم
user80208178
الناشر
Ahmaed11
(١_أحيانًا ألبسُ الصمت، وأحيانًا يتلبّسني.
٢_أعود - لما تبقّى من- رسائلنا معًا. أقرأ ما أحبّ و أتجاوز الرتيب و الممل منها، و يعتصر قلبي، يعضّني الحنين و يأخذني الحزن بعيدًا لغابات الوحدة، كم كنت عجولة، قليلة الحيلة لكن كل ما أعرفه أن لك يدًا في كل هذا الحزن، كل الأدلة تشي بتورّطك.♡)
_____________________________________♡
ادم
نوريه. زينه يمه انته شلوونك
ادم.مطوورين نونو غمزت الها بعيني شنيي صاايره ما زعلين
من نونو
نوريه.خاايب يمه انته مثل لولد الوحيد لـ اهله ومهبول شيسوون هيلته مجبوورين يتحملونه
عبنه هو لوحيد لـهم
وهسه انته عبنك عزيز وما احد يوصل معزتك مجبوره اتحملك انته وخبالاتك
ادم.مشكووره نونو ما تقصرين هيج سويتيني مخبل
نوريه.جا يمه هيه جلمه الصدك ليش تعور
ادم.بعد كلبي ودكاته ولله منج ما تعور وعلي
نوريه.الله يهدي كلبك يمه
صليت
ادم.هسه كايم
نوريه.يااا فللك ماا مصلي وتاكل
ادم.وعلي تعبان وميت جووع
نوريه.جاا يمه غير الصلاة وبعدين تاكل براحتك ما احد يكلك على عينك حاجب
ادم.خلصت هسه كايم
نوريه.عكبيش يمه
ادم.ما تنعاد وداعتج
نوريه.ايي نشووفك
ادم.يله اكومن اصلي وانامن لا احد يكعدني اروحلكم فدووه
نوريه.الله وياك
ادم.جريت كتبي من الكاونتر وطلعت
لغرفتي جريت نفس واشوف الغرفه مرتبه ونضيفه اكيد امي مسويتها لان صارلها شكد هيه وهوستها وحتى لملابس ما مطلعها من الجنط
بدلت وغسلت وتوضيت صليت ونمت والنومه نوومه لـ ٦ المغرب
كعدتني امي
مرجان.يله حبيبي بيبتك تكولك اكعد مو زين عليك نوم المغرب
ادم.نمت عالبطني يمه الله عليج سدي الضوه شنيي يركبني جني
مرجان.اسم الله ماما اكعد
يله حتى تكدر تنام بليل
ادم.وعلي انام ليمتها ما تردين جني ككاو بس خلوني اكمل نومتي كلشي ما عليه
مرجان.بس اكعد حاجيني كولي شصار ليوم وليش تاخرت بالرجعه من الكليه
ادم.حجيت وانه على نومتي
مريت على ابويه وقنعته لان حالته جاي تزيد وبعون الله باجر ماخذه
للمستشفى ونشوف شنو يحتاج
مرجان.جريت نفس واحس دكات كلبي تسابق وحده على الثانيه
يعني راح يتعالج
اكوو امل الف الحمد والشكر الك ياللهيي
طلعت من الغرفته ودمعه والبسمه على وجهي ما اعرف اخفي شنوو
نووريه.هاا يمه كعدتتي
يمه كعد
ولجج
مرجان موو احاجيج شماالج يمه ياا
مرجان.التفتت على صووت عمتي وبالي موو يمها
ها عمه رايده شي
نوريه.شمالج يمه صارلي سااعه احاجيج
وديتج تكعدين لوليد كعدتي
مرجان.هاا ايي هسه اكعده
رجعت لطريقه غرفه ادم خليت ايدي افتح الباب وتذكرت اني موو قبل شويه جنت يمه شكوو رجعت عليه
خليت ايدي على وجهيي ياااربي شنوو تخبلت من وراه منتظر
رجعت لصاله
نوريه.هاا شمالج
مرجان.عمه مديقبل كعدته يكول نعسان
نوريه.خايبه يمه موو زين عليه
مرجان.هاا ايي بس مديقبل
طلعت للمطبخ وبداخلي اردد تسبيحات الحمد
جاان بداخلي يائس من علاجه لان اعرفه اذ عاند شنوو
توضيت ودخلت اصلي ركعتين الشكر
وبداخلي فرحه واتمنى من الله تكمل
______________________♡ثاني يوم
ادم.طلعت من البيت باوعت سياره خالد واكفه كدام البيت ابتسمت وعرفته ماا يهدني لان امس من رجعت من الشغل بليل وسئلني على ابوي وحالته كال باجر وياك
فتحت باب السياره وصعدت
ادم.صباح الخير يالاخو
خالد.هله ولله صباح النور
شلونك
ادم.الحمدلله بغض نظر عن القلق البداخلي
خالد.كول يالله شنوو اول شخص يتمرض بهيج مرض الله وكيلك
واحد كرايبي وصل لموت بس بالعلاج الزين والعنايه
الحمدلله هسه زين وبحاله مثل الورد
وعايش و زوج وصار عده اطفال
ادم.جريت نفس بتنهيده ياالله دخيلك
خالد وياك للوحه حتى لوو ضطر الامر ناخذه للخارج ناخذه
ادم.ابتسمت وحمدت الله على هيج ناس بحياتي
رغم كلشي صار وياي موو زين بس الله سخرلي ناس واخوان تووكف بالشده الي سيف
وصلنه
للشقه لكيته مجهز نفسه
نزلنه للسياره سلم على خالد وتعارفو
وهم خالد اخذه بالكلام الطيب واليخلي نفس تهدئ
والاعصاب ترتخي
نزلنه للمستشفى
ورجع عاد التحاليل لان ما ياخذون بحجي وتقارير المستشفيات الالمانيه
كلنه ميخالف
رجعو عادو تحاليل
وطلعنه للشقه
اخذنه ويانه ريوك وغده لان ما تطلع بسرعه
لازم اقل شي ٥ساعات
كعدنه بين سوالف وضحك وي خالد
لـ من يومها سميته نعمه الصديق الصدوق فعلا
يستاهل
__________♡
سلسبيل
كاعده على القنفه وبالي سالفه ابو ادهم صارلها اسبووع ماا تروح من بالي ومحتاره اكول لـ ادهم او لا
عزت عليه اشوفهم مستغفلينه
واني هم ماتجرئت اسئل عمتي على رجعته
أنت تقرأ
نصفي المفقود
Roman d'amourايتها الحياة متى ستكونين عادلة معي وتهبيني #نصفي_المفقود فقد انهكني ترسب الحنين بأوردتي وفصل الجفاف الذي غرس مخالبه بجسدي
