نصفي المفقود

بارت ٢٢

نصفي_المفقود
بارت
22
بقلم
bato_l
الناشر
Ahmaed11

{♡يم قسمج الطلاب هل ملتمين
ونصيح يا رزاق من تفوتين
الكعده من صبح ابد ما تنراد
بس جي انتي موجوده احنه مغبشين
الكارثه
مو بس عميد وطلاب
اهل المسائي من الفجر منتظرين
طولج
عيونج
شامتج
غمازات
كلهن هذن بس لبوه من تخزرين♡}
_______________________________________
سلسبيل
كاعدين كولنه نتغده
حجت ريام
ريام،ادهم اريد أخذ سلسبيل وياي لصالون
ادهم.رجعت لوراه
هاي كدامج تريد تطلع خليها انه ما مانعها
سلسبيل.يعني أروح
ادهم،بكيفج
ريام.لعد بسرعه خلصي خلينه
نلحك
ادهم،تره ساعه ب3 ونص شكوو مستعجله
ريام.لا ياا ابن عمتي اول شي احنه اثنين ثاني شي الصالون راح نروح إله
بلا حجز هم يله اذ قبلو ينطون دور النه
ادهم.جا تحظرن خلني اوصلجن
ريام.ما عدي روح سلسبيل جهزي نفسج
اني أغسل مواعين
سلسبيل،ماشي
صعدت بسرعه بدلت لرواد
واني بدلت
ادهم،ضيك لبسي شي غيره
سلسبيل.هااا
ايي هسه
رجعت طلعت فستان لبسته وهو يلعب وي رواد
سلسبيل.لبست حذائي وطلعت يمه خلصت
ادهم.يله بابه
نزلي كدامي
سلسبيل،زين نزلت ريام مكمله
ريام،ايي هيج تخبلين شكو قبل شويه عبالك طالعه من المكبره بكفاله
سلسبيل.مااا يحجي وياي
ريام،ميخالف حجيج صعب ولله خلي يبرد شويه وابدي احجي وياه
سلسبيل.هزيت رأسي ايي
ادهم.كملتن
ريام،يله انطيني رواد
ادهم.لا عوفي
اوصلجن بسيارتي
ريام.لا بسيارتي حتى نرجع مو لازم ننتظرتك
ادهم.وشيصير عليج ست ريام
لو انتظرتي
ريام،يمكن عندك شغل
ادهم.لا ما عندي صعدو
اني أجي عليجن
ادهم،ثبتت رواد بحضني
وطلعنه
ريام،اي ادهم ما كتلي
اذ اريد ابدل سيارتي
شنوو أخذ نوعيه
ادهم.تعالي واختاري وأنه اكلج الأحسن
ريام.صدك ليش ماتشتري لسلسبيل سياره واخليها تقضي شغلاتها احسن من ما تكعد تنتظرتك
ادهم،ريام اريد ارتاح راسي ما فارغ هم يله ارجع للبيت
نزلن يله
ريام،لله وياك
سلسبيل.نزلنه وهو بقه وياه رواد
ريام،اكولج رجلج صاير كبريت شلوون ليوم تتحملين ما تجين ويايه لبيتنه
سلسبيل،تريدينه ينجن أكثر
ريام،ولله مدري
سلسبيل،دخلنه واستقبلتنه العامله
بقيت صافنه شويه صار فترة م جايه
ومفتقده هيج أجواء
ريام،هااا وين صفنتي
سلسبيل.صار هواي ما جايه
ريام،حقج ولله كعدي يله
سلسبيل،كعدنه وريام صاحت البنيه وبدت تكلها وتاشر على وجهي
اني خذت دور الصمت بدت تشتغل بوجهي
غيرت رسمت حاجبي
وشعري فتحت الون مالته زايد
الماسكات لتخلي واحد وتشيل ثاني
احس نفسي تخدرت كمت ما احس بوجهي
التفت لريام
سلسبيل،وولج وجهي ما احس بي
ريام،ههههه
ولله تخبلين وكولش لايك الج لون الحواجب وشعر يخبل عليج
سلسبيل،اكولج خاف رواد يبجي هسه
ريام.ادهم يمه ما يخلي يبجي لاتخافين
سلسبيل،هزيت رأسي بخوف وبعد عناة 4 ساعات خلصنه اتصلت
على ادهم
وبقينه ننتظر ربع ساعه وصل
صعدنه بسياره
باوعلي بالمرايه ورجع دار وجهه
وصلنه ريام لبيت أهلي وكملنه لبيتنه
بس دخلت أخذت ملابس ودخلت اسبح
طلعت انشف بشعري
ادهم.ليش صخمتي شعرج
سلسبيل.التفتت علي ليش مو حلوو
ادهم.منين اخذتي إذن وكالج غيري لونه
سلسبيل،ماا أدري عبالي يعجبك
عافني ونزل كعدت على جربايه مسحت عيوني ماااريد ابجي
خرب مزاجي كله
غطيت رواد ونزلت اسوي عشه
لكيته يباوع لعبة
باوعلي من نزلت
المشكله احس بي هو قابل وعاجبه بس يعاند ويخرب مزاجي بالكوه
ادهم.جبت عشه لا تسوين
سلسبيل،هزيت رأسي
وكعدت يمه
سلسبيل،ادهم
ادهم.نعم
سلسبيل،أحبك
باوعلي ما رد
ونبي  احبك ادهم
ادهم،وشنو الستفاده تحبين تجرحين هوواي
سلسبيل.اسفه ولله فلا اعيدها بعد
ادهم،لسانج فالتو ما تكدرين
سلسبيل.تتحملني
ادهم.ليش
سلسبيل.لأن تحبني
ادهم،غلطانه انه احبج اي بس ما مجبور اتحملج
اكدر من عين باجر اجيبلج مره فوك راسج
واكسرج بس انه متحمل لحد هسه تجفصين بنص بطني وساكت
اكول تنعدل بس انتي ما جاي تقدرين نعمتج
بس ولله ساعت التخسريني أصير عليج اعز من الهوه
لا تخليني ادور راحتي بغير مكان لأن انه ما اريد هل شي يصير بينه
اتحمل مره مرتين ثالثه رابعه انفجر وانتي تعرفين كلش زين انه واحد لو نفجرت أعصابي اسوي شي لا على بالج ولا خاطرج
سلسبيل لا تخليني أندم بيوم على صبري عليج
لأن خلكي كلش كصير
اذ ما تفكرين بعشيتنه فكري بابنج اول المنضرين هوو وتعرفين شنو اقصد
سلسبيل،كام وعافني بس دموعي تنزل حتى صوتي أحسه اختفى
احس شي حار وي يمشي وي دمي
وكفت بس احس دنيه ما توسعني كد الخنكه البيه
سمعت الآذان توضيت وصليت ونمت على جربايه بس دموعي تنزل
اريد أطلع شهكه البداخلي مكتومه
ثلث ساعات بمكاني ولا تحركت
احس جسمي مبنج
وبس عيوني تحركني
حسيته دخل للغرفه وصار من جهتي
كعد على ركبه رجله
مسح عيوني بصابعه
ادهم.ماا عاش ادهم أن شاء الله واشوف عيونج هيج
اششش
كافي بجي
عيونج نخلقن حتى يعرفن شكو شي حلو بدنيه مو حتى يبجن ساعت ساعتهن
كومي
وياي يله
سلسبيل.مد ايده الي وكفت وياه
سحبني لحضنه
ادهم.عليمن هل بجي ما تكليلي
منوو يستاهل