نصفي المفقود

تكمله بارت ٥٧

بس احس روحـي مرتاحـه شـويه
خلـصت صلاه وقـرت قران ونزعت ثوب الصـلاه التفتلي وحجـت بدون مقدمات
ام رؤى.النسـوان الجـن العصـر خطـابـه الـج
وهنـه جـايات علـيج مخصوص وكالت شايفهاا لـولد من جـانت داوم بالمعهد يـوصل اخته وشايفـج
لولـد خـوش ولد حسب حجـيهن يشتغـل بمعــرض مالت سـيارات مو ملك اله بس الحمدلله كـادر يطلع مصـرفه ومصرف بيـته وهم جـاي يشتغـل بـ بيتهـم يبنـي بـي
وهو لـوحيـد لـ اهله يعني سنـد النسـاوين كلـها ومـرت عمج كالت الهن نشـور عمهاا ونرد الكـم خـبر
رؤى.مااريده ماما
ام رؤى.ليش روايـه خوش قسمه حبيبتي بلكـي لله كاتبـلج الخـير بي وراه هذا التعب الشفتـي
رؤى.لله يخلـيج مـاما مااريده ولله
ام رؤى.ماتريدين تـزوجيـن لوما تريدنه هـو الشخـص نفـسه
رؤى.الاثنين
ام رؤى.غير اكو شي ليش انطيني سـبب خليني اقتنع
رؤى.مااريد اعـوفج
ام رؤى.وانه يماما ماارضه تعطلين حياتـج علمودي وحتى حـرام علـيه هيج
رؤى.مااريد ماما لله يخليج
ام رؤى.ولج ماما مو كل يوم تجـيج هيج قسمه ولله انه مـرتاح كـلبي من ناحيـه هلـ رجال رغم انه لا شايفته ولااعـرفه بس لله مطمن كلـبي
رؤى.ماما... قاطعتني
ام رؤى.لا تحجـين هسه فكـري زين ماما لا تضعين هاي الفرصه من ايـدج حبيبتي
رؤى.هـزيت راسي بـ اي هيه لفت شالها عدل وطلـعت
صـراع ومعـارك دور بين عقـلي وكلـبي نقـاش ما منـه فايده الحـيره بعدهـي موجوده
كمـت قفلت الباب وطلـعت تلفـوني
فتحتـه اخر خمس مكالمات العصر وراه ما قفلتـه
خلـيته بيدي منتظرته يتصـل بس الصـار عكس توقعي توقعت بس توصله رساله تم فتح الخـط يتصل بس ماكوو مرت عشر دقايق والربع ساعه والنـص وهـو ماكـوو
خليت بين الغراض وكمـت بره الغرفه اذ اضل بيهاا ليـوم نهايتي طلعت للمطبـخ لكـيت مـرت عمـي كاعـده بالمطبخ تكـلي كبـه

فتحت الثلاجـه اخذ منه دولكـه الـماي وهيه عيـونهاا علـيه اول مره اشوفهاا تباوعلـي هيج
احس شرهاا بعيونها وينقـره مو بس نظرات منها
جـاي اشـرب وحجيهاا خلانـي اغـص بالماي غصـه مـوت من صـدك

ام رامـي.تـزوجي ست رؤى وعيـشي حياتج بس عسـااج بحق هااي المغربيه لا تهنيتي ولا شفتي ليله حلـوه بحيـاتج عسااها كلها ظلمه بظلام لـيل وكـون تكسحينه للنجـف مثل كسحتـي ابنـي بكـصتج الفگـر علـي
طفـت الطباخ وطلـعت

بقـت عيوني تبـاوع لخطـواتهاا وتيزااب ينزل منهاا موو دمـوع حـركتني حـرك بحجيهاا مثل كوومه قـش وتشعل بي عود شخاط ماايبقه منـه شي حتى الرماد الباقي منه يتناثر بالهـوه وما يبقه اله كل اثـر  هذا حـالي ورا حجـيهاا
شعـلت نـار بصـدري كعـدت عالكـرسي اجـر نفـسي كووه من حـركه حجـيهاا ومن الكحـه الخـذتني فـرد مـره
صـرت ماادري شنـو اسكت وعالشنو اصبر على دمـوعي لو على النـاار شعلتها بصـدري بدعائها علـي وهيه مااتعـرفه ولا شـايفته
لوو بحجـيها عليـه مثل الكاتل واحد من اهلها