نصفي المفقود

بارت ٧٠

نِصّفُيَ آلَمًــفُقُوٌدٍ
بًآرتٌ ٧٠
بقلم
βÃŤỖỖĹ
آلَنِآشُرÃĤϻẸĎ
ويبكي صاحبي فأخالُ أنِّي
أنا الجاني وإن لم يتّهمني

فأمسح أدمعًا في مقلتيه
وإن حكتِ اللهيب، وإن كوتني

لأني كلما رفّهتُ عنهُ
طربتُ كأنَّني رفّهتُ عنّي
___♡
التفتت ادور علي لمحته كاعد بـ السطر الاول مغير مكانه  وكاعده مقابيله  بنيه ما شفت بس  ظهرها  عليه وشعرهاا مبين كاصته ولادي اسود فاحم
انتبه الي تقدم الي
وكف وانه حتى رجلـيه كمت ما احـس بيهاا
بس لا وراه هااي الطلعه شي
علماا اجه يمي وانه اباوعله
الف فكره وفكره اجت بالي
حبهاا بالجديد
ويريد يعرفني عليهاا
عنده علاقه سابقه بيهااا... وو عقلي يخبص بحده
اخذ مني الاجياس
مصطفى.تعالي رؤى
رؤى.وين
اشرلي بيده مشيت كدامه لحد ما وكفت يم الطاوله الجان كاعد عليها
دار وجهه عليه البنيه حلوه وشكلـهاا مئالوف الي موو غريب
مصطفى.مد ايده على تلفونه اخذه من الطاوله ولزم ايدي
وكفت كدامي حتى اطول مني لمن انتبهت الها لابسه كعب وبنطرون وقميص وفوكه ستره جينز
اريام.هاي زوجتك
مدت ايدها الها تصافحني
جاوبتهاا
اريام.من زمان جنت رايده اشوفج بس ما صحت فرصه بس مثل ما يكولون كل تاخيره بيها خيره وهاي شفتكم اليوم
رؤى.اكتفيت بـ ابتسامه وجن لساني نبلع
اريد حجاايه تطلع مني ماكدرت
اريام.فرصة سعيده بشوفتكم
مصطفى.احنه الاسعد يله  روايه
رؤى.انجريت وراه مثل الرحل الألي وكلهاا هذاا وما حجـيت شي
مصطفى.تونستي
رؤى.هزيت راسي بـ اي بدون ما حجي شي
مصطفى.هسه اناجر سياره بس اروح اشتري علب بقلاوه واجيج
رؤى.راح وانه ضليت واكفه بمكاني
ما طول شوي واجه
اجر سياره صعدنه وهاي المسافه كلهاا نحسبت عدي ساعات  مو ١٥ دقيقة نزلنـه
فتحت الباب قبلـه ودخلت للصالـه ذبيت العبايـة والشال نزلت شعري احس اختنكت واحتركت بيهن
مصطفى.رؤى
رؤى. التفتت اله عاف الاغراض البيده يم الباب
مصطفى.شبيج
رؤى.هزيت راسي بـ نفي وما اتجرت اسئل عليها منو هيه وليش كاعده وياه
وبكل صلافه تعرفني وبـاريحيه عدهاا
مصطفى.زيـن شنو اشتريتي
رؤى.ما جاوبته ضليت اباوعله اجـه كعد كدامي وشبه ابتسامـه على وجهه
مصطفى.ها روايـه
رؤى.عبست وجهي من حسيت دموعي راح تفضحني
بدون ما احجـي شي
مصطفى.شـ تعرفيني روايه اكـدر احجي واصادق وانتي وياي ومشاركتني بحياتي
وانه ما سويتها من جنت شاب اعزب
وماكو واحد يحاسبني
دنكـت راسي منه احس حافظني على الغيب
رؤى.بس هيه تكلك من زمان ردت اشوفها
مصطفى.ثقـي بالله حجي فاارغ مااعدها شي بنيه تجيـنه كل فتره تسوي سيارتها وبـس
وهيه اصلا كرايب ادم يعني اخوي
رؤى.بس
كرصني من خدي مبتسم
كال
مصطفى.وبس ولله
عافني وصعد ابتسمت بـنص دموعي
كمت شلت الاغراض دخلت على عمتي نايمه عفت الشيله يم راسها وغراض لبنات بغرفهن
دخلت على امي هم نايمة
عفت هديتها بستهاا وطلعت صعدت فوك
دخلت للغرفه مبدل وكاعد يدخن فاتح الشباك مالت الغرفة
طفه الجكااره بس دخلت
مصطفى.ماا عبالي تصعدين
هلـ ورثت الجكاره
رؤى.ما اتحسس منها
مصطفى.حتى لو... بعده ما مكمل حجيه
ودك تلفونه نزل بدون ما يجاوب
قربت يم الشباك مفتوح شفتهاا رسل وياها ادم
سديته ودرت وجهي صطفت الفستان وضميته بدلت ومشطت شعري انثر بس فليت الشال
ظفرتها ونمت بمكـاني حسيـت بي من دخل للغرفه بس ما جان الي حيل افتر واشوفه حتى
مصطفى.اكعـدج لسحـور
رؤى.هزيت راسي بـ ايي ونمت حرفياا اول مره امشي هيج مسافة وراه العرس واحس روحـي متكسره
تكسر
لحـد ماا فزيت على دكت الباب حيل
فتحت عيوني رفعت راسي بقايه لحيته صارت على وجهي سحبت ايدي من ركبته وسحبت روحي من الفراش واغم بـ نفسي شـدحسني بحضنـه
فتحت الباب ماكوو احد شغلت الكلوب الساعه توها بـ ٢
طلعت غسلت وجهي ورجعت للغرفه
اكعده لكيته توه فاتح عيونه
من فشلتي حتى ماا باوعت اله ولا حجيت وياه كبل اترجعت ونزلت لـجوه
كلها ملتمه
سلمت وكعدت يم امي
ام مصطفى.عاشت ايدج حبيبه على الشيله
رؤى.حلوه عمه
ام مصطفى.شحلاتهاا
رسـل.اشكرج لوو ما حاجة
رؤى.لا ماا حاجة ابد
رنـا.عاشـت ايدج قاط اسرر يجنن اضمه اله للعيد
رؤى.يستاهله
حسيت بـ ايد مسحت على راسي باوعتلهاا ابتسمت بوجهي وهزت راسهاا
بست ايدهاا
ونزل مصطفى
___♡
بسـام.هسه شلوون مصطفى شتسووي
مصطفى.مادري بسام والخلقك ماادري
الشباب كلهم وااصلين هنااك بس هوو ماكوو
ومحتاار بدنيتي اذ مااا راكب ويااهم وين رااح شنوو نشكت الكااع وبلعته
بسام.كلت لـ ادم
مصطفى.شكـله هذا يتخبل بس يسمع بـ اخوو ماكوو
وماا تنعرف اله ديره
بسام.يصير منقول لـغير مكان
مصطفى.ميخالف منقوول امنت بالله بس هوو الباص الينقلنه للحدود هوو ماراكب بيهن اصلا
دك تلفـون بسام باوعلي وحجه
بسـام.ادم مصطفى.يااللهي دخيلك
بسام.الوو هلا ادم
الحمدلله نسئل عنك
ايي موجود يمي
كل الهلا بـيك
سد تلفونه
بسام.ناسي تلفونك شنو
مصطفى.انه خليته بالبيت
بسام.كله مصطفى مااعدك غير حل لا يصير شي وانوب انته تنلام
مصطفى.خررب بغـيرتي بساام انه الدخلته بهااي السالفة ومااافكرت بوكتهاا هوو عدده اهل ورااه مره وبيت واطفاال
بسام.هووب يولد انته شعليك
هوو رجال كاامل عقله بـ راسه ويعرف شنو يتصرف يعني انت ماا طكيته على ايده
وكوول ان شاء لله يرجع ساالم ولا تلوم روحك
مصطفى.شلوون ماا الووم روحي وانه ساس البله
بسام.شبيك مصطفى تحجيي صدك انته شنوو هو طفل وكاايده من ايده انته وخليته يطوع
هو يعرف نفسه شنو واذ كد هااي الشغله لوو لا
دخل ادم
سلام عليكم
وعليكم السلام
ادم.شلونك بسام
بسام.كل هلا يابه شوو ماا تـبين
ادم.ملتهـي ولله
مصطفى مريت للبيت كالولي موو هناا وناسي تلفونه
مصطفى.اكعد ادم
حجـه بسرعة منفعل والحجاايه صاايره بـ راس لسانه
ادم.ادهم بي شيي مصطفى
مصطفى.اكعد هسه وافتهم السالفة
صااح
ادم.شكـعد و وجهك ماا يتفسرر
و اوول تاالي اددك عليك مااترد
وكف بصفه
بسام.ادم لا تاخذنه بصـياحك اسمع الحجي وبعدين اليحله الك سوي
كال بـ نفاذ صبر
ادم.احجوو يله اسمعكم
طبكت جفين اديه وحجيت وعيوني علـي كل حجاايه احس بيهاا ادم يتهـدم حيله
مصطفى.ادم خابرت الجماعة الراحو ورا روحتي
بس اخوك ماكوو بينهم
ادم.شني ماكو بينهم اعربهاا فهمني ياهااا
مصطفى.كلهم واصلين وملتحقين وبـوحدتهم هم بس ادهم ماكوو
ادم.چاا وينه وين رااح
بسام.ادم اهدى وخلي نعررف نتصرف حتى لو اانه اصعد لـ سوريا واسئل عنه بالوحدات العـراقيه
ادم.بساام اخوووي ماادري بي ووين وتكلييي اهدئ ياا هدؤء يلفـيي علـيه واانه نصيي ماادري بـي عاايش لو مـيتت
بسام.مصطفى خابر جمااعتك شوف الوجبه النزلت قبلك شوكت تلتحـق
مصطفى.باجر لو ليوم ملتحقين ليش شتـريد منهم
بسـام.
__♡رؤى
اقتـرب العيد وبدينه بالتنظيفات والتحضيرات صحيح ما  جان اكو واحد اله خلك  بس عمـتي ما قبلت كالت حرام ما يصير تخلون الحزن كبال وجوهكم
وتكعدون وهذا عيد الله ادعو اله يرجع سالم وسون مثل ما كل سنـة تشتغلن
جان اول شي اقرحنه البنات ملابس
لـمن التمينه على الفـطور كالت رنا
رنـا.مصطفى تكدر تاخذنه لـسوك
مصطفى.الروحه للعيد
رنا.مادري نشووف
مصطفى.سهله تحضرن ونروح
رسـل.اروح وياكم
مصطفى.كلي لـ ادم بالبدايه
رسل.موو انته قابل و راح تروح ويانه
مصطفى.ميخالف تكليله احسن
رنا.رؤى تروحـين
رؤى.لا عندي هواي ملابسه ما طالعه من الكنتور اصلا
رنا.ماا توصينه علـى شي
رؤى.لا ولله ما محتاجة شي
كفينه العشه و وكفت اغسـل المواعين
والبنات راحن يحضـرن حتى يطلعن لسوك
دخـل مصطفى جان بره عاف علاكه على الكاونتر
مصطفى.روايه اكوو جاي
رؤى.ايي اكو اصبلك
مصطفى.لا كملي البيدج انه اصب
رؤى.صب الجـاي وكعـد مكابلني ضليت ماا اعرف اغسل الماعون اتوتر من واحد يخلي عينه علـيه وانه اسوي حاجـه
التفتت الـه
شبيك مصطفى
ابتسم وجاوب
مصطفى.كل خير ياابه شبيه
رؤى.ماادري شو كعدت وتباوعلي
مصطفى.عاجبـتني
وكف خلـه الكلاص السنـك
صار قـريب لـدرجه ما تفصلنه بس حديده رفعيه على السنك
ميل راسه وعيونه مدققه بوجهي كل ظني راح يحجي شي مـهم
بدلـي وامشي ويانه
رؤى.رجعت خطوه لـوراه
ليش
مصطفى.ما تردين اطـلعين
رؤى.هـزيت راسي بـ رفض
مصطفى.زين يابه امشي ويانه بس ولا تشتريـن شي
رؤى.مادريت ليش انتـه تريد طلعني كوه
مصطفى.هاي هيه يابه ضلي بـ راحتج
نجيبلج شي لسحـور
رؤى.لا رنا عجنت عجينه بيتزا وراح تسويها
هز راسه بالموافقه و صـعد فـوك كملت المطبخ غسلت وصعـدت لكيته مبدل  وكـاعد يتابع  الاخبار
ما باوعلي جان مركز ومخلي باله كله وياها
فتحت الكنتور اخذت ملابس بدلت لبست شـالي والعباية وطلـعت
جان يريد ينزل جـوه التفتت الـي فك عينه وشبه ابتسامه اعتلت وجهه
مصطفى.هاا
رؤى.ما تريد اروح وياك
مصطفى.لا يابه انه الرايد نازل جـوه مو طولين
رؤى.دخلت للغرفه جبت جنطتي ونزلت وراه
البنات جاهزات
وهو بره اجر تكسي
رنا.زين اجيتي
رؤى.ليش
رنا.مو ما طالعة وراه عرسج بس مره وراه لسوك
وما جددتي المسواك
رؤى.اذ على الملابس عندي هواي
خليت ايدهاا على كصتها وهزت راسها
رنا.ولج موو ملابس الطلـعه لو البيت
رؤى.لعد ملابسيش
رنا.يااربي على الفهاوه نووصل لسوك واعلمج ملابسيش
صعـدنه السياره و وصلتنه يم مول
مصطفى.تريدون سوك لو مول
رسل.لا حبااب مول نتونس اكثرر
رنا.لا مصطفى نزلنـه يم السوك
مصطفى.نزلو لسوك ما عجبكم شي اخذكم للمول
رنا.اتفقنه نلتقي بمكان وياه ونـزلنه نفتر بالمحلات
جان مسواك عيد والسوك ازدحام مو طبيعي بالطلعان الروح كملنه مشترياتنه
سحلت رؤى لمحل بي مره
وكفت اخذ رايهاا لمـلابس نوم وبرمودات
رؤى.شسووي بيهن رنا
رنا.ولج شني شسوين بيهاا غير ما مشتريه من جهاز عرسج
رؤى.ما محتاجتهن
رنا.لا تشترين وغصباا عليج شنو يمه مطيتج اخوي فصليه
رؤى.ياا شبيج ليوم عليه
رنا.سئلي روحـج
رؤى.وكفت تشتري على ذوقها وكلما تسئلني اهز بـراسي طلعنه وهنه مكملت مسواكهن
دك رسل على مصطفى والتقينه بعد ساعتين
مصطفى.جان اخذيتن فراش ونمـتن فرد مره بالسوك
رسل.شفت انه ليش كتلك روح للبيت وتالي ارجع علينه حتى ما اسمع هاي الجمله
مصطفى.هسه كملتن لو عدجن بعد فره
رنـا.لا كملنه بس بقه محل واحد
مصطفى.يالله شني من محل هـذا
رنا.للعطار
مصطفى.امشوو هسه وارد اخذج مره ثانية
رنا.ماشي
اجر النه سياره وطلع بينه حد ما وصلنه للبيت بالف ياعـلي من السيارات التارسه الشوراع نزلنه
وبسطنه بالغراض اراويهن لـ امي وام رؤى وما نسيت حصتهن من جسوت العيد
مصطفى.يله تصبحون على خير
رؤى.لميت الاغراض وي البنات شمرتلي رنا علاكه
رنا.حصتج وحصة اخوي
رؤى.اخذتها وصعـدت فتحت الغرفة مظلمهاا خليت العلاكه بالكنتور حتى ما فتحتهاا
مصطفى.اشتريتي ملابس للعيد
رؤى.التفتت اله
لا ماا اشتريت
خليت ونزلت للمطبخ سوينه ميني بيتزا على كولت رنا
هيه بيتزا بس كلش قطعهاا صغار تصير
ذبتها بالفرن وتمعصرت وكالت
رنا.انه كلش قفلت وصرت اشوف الواحد اثنين اروح انام وكعدوني عالسحور
رؤى.ماشي
وانتي رسوول هم راح تنامين
رسل.لا منتظره ادم يجي
رؤى.هو مو كالج بـ١٢ وتوهاا بـ١١ ونص
رسل.اهفف مليت ولله
رؤى.ميخالف حتى من يجي الدوام ما تصتصعبين المواد
رسل.صعب كلش رؤى احس روحي لو شما ادرس ماجاي اسيطر
رؤى.احساس عادي واصلا السادس اله هيبه لان بيه تحديد مصير تشوفين الطلاب كلهاا تخاف منه وتحضر اله
رسل.ولله مادري رؤى ادعيلي لله يسهل عليه واطلع معدل عالي
رؤى.ان شاء لله طلعين معدل عالي وتفرحينه بس توكلي على الله رسل.ان شاء الله اروح اراجع شوي علماا يجي ادم تبقين انتي يم الطباخ
رؤى.اي روحي ماعدي شي
وكمـلت اليلة عالخير
حد ما صليـنه وكملنه وكلمن راح لغرفته وسد بابه
وكفـت امشطـ شعري ظفرته هنديه ونازل جوه ظهري صارت تتمايل وي مشيتي
خليت مرطب ولوشن وفتحت التلفزيون
اكو اعادة لمسلسلات ما متابعه مسلسل دائما على كد فراغي باوعـت لـ مصطفى توه صدق وكام
مصطفى.ليوم سهرانه
رؤى.التفتت اله جاي ينزع بالترواكه مالت التراك
مو نعسـانه
اطفي التلفزيون اذ تريد تنام
مصطفى.لا يابه موو يمج ضلي براحـتج 
رؤى.درت وجهي منه وما التفتت الـه بـعد
لـحد ما انتهت الحلقه كمت اطفي التلفزيون واشوفه مخلي مخدتي جوه ايده وعيونه بـ تلفونه
بعدك كاعد
مصطفى.توني كاعد مالي واهس بالنوم
وباجر ماعدي شغل
رؤى.كعدت عـ طرف الجربايه
صدك اشتريت ملابس
مصطفى.جبتلي قميص بس
رؤى.ليش مو كلت البس دشداشه
مصطفى.هاي السالفة مصباح العيد
ذب تلفونه من ايده ورفع نظره الي
مصطفى.تلفونج وين
رؤى.جاوبت بسرعة
ماا ادري والله
رفع تك حاجـب وكـام من مكـانه فتح كنتوره وسحبه من جيب الستره
مصطفى.جابه وخلاه كـدامي
ما اهتميت لتلفون بكد ما جنت مركزه وي حركـاته
مصطفى.اخذي
رؤى.هـزيت راسي بـ رفض
ما الي حاجـه بي
كعد بمكانه وكال
مصطفى.تتونسين بي وكت فراغج وهم يصير ما يصير وقت العازه عـدج تلفون
رؤى.خليته عندي من ثقـه لو تريد تجربني
جتف ادينـه
مصطفى.اجربج بـ شنوو
رؤى.اصونك... قاطعني من
مـ د ايده عالجرار البصفه طلع بطاقات وبيها رسومات انمي كال
مصطفى.تلعـبين
رؤى.ابتسمت من صدمتـي
ضيع الموضوع كلـه
مصطفى.تعرفين الها موو
رؤى.هزيت راسي بـ ايجاب
ايي اعرف الها
وزع الاوراق
مصطفى.تردين بيها فوز وخساره
رؤى.اكيد بدونهاا ما يحلى اللعب
مصطفى.شتردين طلبين من تفوزين
رؤى.ما اطلب اسئل
مصطفى.هم خوش حجي
رؤى.بديـنه نلعب وهيه لعبة تمشي عالحظ
فــزت علـي من اول داس سلمني اوراقه كلهن
مبتسم
مصطفى.احلى خسااره
رؤى.رفعت راسي مبتسمه اله
اسئل هسه
خلـه ايده جوه لحيته وارتكز بيده عالمخده وعيونه علـيه
مصطفى.جواب
رؤى.دنكـت راسي منـه بديت الم الاوراق و افر السؤال بعقلي
يصير بيوم من الايام تزوج مره ثانـيه
غمض عينه وفاتح الثانيه يفكـر
خليت ايدي على وجهي منتظره جوابه بس سكوته ما اله حد كلت يأسه
ما عدك جواب
مصطفى.لان سؤالج خارج عن الحدود
رؤى.ما فهمت
مصطفى.يعني الانسان جم مره يعيش بالدنيه
رؤى.مره وحده
مصطفى.وانه هيج زواجي
رؤى.شكت حلكي الضحكه وزعت الاوراق علينه
وفزت مره ثانيه
مصطفى.ماكوو حظ ليوم كلـش
رؤى.اسئل
مصطفى.سئلي ياابه
رؤى.منو اريام
عقج وجهه منزعـج جاوب
مصطفى.شـ تعرفين عنهاا
رؤى.بس شفتها من طلعنه انه وياك
مصطفى.هاي هيه حتى انه ما اعرفهاا غير هيه معميله عدنه
رؤى.متزوجه
مصطفى.ما اعتقد
رؤى.خليت الاوارق يمه وزعهن فاز عليه بالداس الثاني
مصطفى.باوعيلي رؤى
رؤى.رفعت وجهي اله
كال بهـدؤء تام على ملامحـه
مصطفى.مـرتاحة وياي
رؤى.ما فهمـت
غمض عيونه وجر نفس رجع كال
مصطفى.عاجبتج العيشه وياي
رؤى.ما عرفت الراحة بس من اجيت هنا شكد ما جنت حره بـ بيتنه احس سلاسل مقيدتني من ركبتي
لم الورق وجمعه بيده حجه بـ استفهام
مصطفى.ليش؟
رؤى.يمكـن لان هناك ماكوو موده بينه عايشين على الكره
مصطفى.نامي يله تعبتي
رؤى.لا ليش
مصطفى.عيونج صارن دم
رؤى.وانته
ضم الورق والتفت الي
مصطفى.هم انام
رؤى.تصبح عالخير
مصطفى.بوجهج يابه
رؤى.خليت راسي عالمخده مبتسمه طفه الكلوب واجه لمكـانه
علاقتنه تحسنت هاي الفترة
حتى السكوت والهدؤء الجان ساكن الغرفة اختفه
وصار هلـشي وراه ما سئلني عن زواجي
مصارحتي اله بهذاك ليوم حسيته بين الخلقي عذر
وبين الحـن كلبـه
ضليت مغمضه عيوني ومنتظرته مثل كل يوم لمن انام يخلي راسي على ايده يلمنـي بحضنه ورا تعب ليوم كلـه
عودني عليـهاا هاي الحركة وما صارت انام اذ مو عطره متلبس بيـه
وفعلا ما خيب ظني اخذني بحضنه وانه متصنعه النوم
وراهاا نمـت بـ راحة تامة
كعدت بـ ١١ هو طـالع غسلت ونـزلت
رنا منزله الورد والمزهريات تغسل بيهن
رؤى.هلاو رنوش
رنا.هلا رؤى
رؤى.هاا بديتي تعزلين
رنا.اي ولله معوده هم يالله نخلص ونلتفت لـ رواحنه حفافه وووو سوالف ماا تخلص وتجيج بعدين الكليجه
رؤى.اي ولله
رنا.وبالاخص انتي
رؤى.هلـ يومين انتي اكو واحد مسلطج عليه
رنا.تتفتين الكلب غير
رؤى.شمسويه ولله فقيره هسه شنو اساعدج
رنا.اي طلعي الدواسات اليم باب الصاله والديوان والغرف وتعاي غسليهن وياي
رؤى.زين بدت الرحلة مالت التنظيف ما خلصنه غير كبل الاذان بـ نص ساعة حتى فطور ما سوينه مصطفى جابه جاهز
لـ ثاني يوم
رنا خـابرت على بنـيه تجي للبيوت تاخذ خيط للوجه
كعدتني لازمتني رسل من جهة ورنا من جهة صلختني مو اخذتلي وجهي
عدلت حواجـبي وصبغتن قريب من لون شعري احس وجهي تغير ١٨٠ درجه
رنا.رووحي شوفي روحج هسه طلعتي مره صدك
رؤى.ولج وجهي نكلب عالبطانه ما توقعتهاا تسوي حواجبي هيج حلوات
رنا. اي وهسه تسويلج تنظيف تصيرين عروس ليوم
رؤى.طلعت البنيه من البيت ساعة بـ ٥ العصر وهيه جايه من لـ ١ الظهـر
سوينه الفطور برياني عالسريع وصعدت فـوك اريد اسبح
وكفت اختارلي ملابس ونفتح الباب
مصطفى.سلام عليكم
رؤى.مديت راسي من الخانه
وعليكم السلام
التفتت الـي وراه ذب قميصه على التعلاكه
مصطفى.راح انام روايه لحـد ٦ ونص كعديني
رؤى.ماشي
باوعلي وصفن بوجهـي حقه والله هو انه مصدومه من شكـلي وراه هاي الغسله المعدله
مصطفى.بـيج شي متغير لو انه اتخيل
رؤى.سديت الكنتور اريد افلت منه
لا
مصطفى.لزم ايدي ودارني اله وجهي بوجـهه وعيونه تفتـر على ملامحي رفع حاجبه بـ ابتسامه
لايكـه الج
رؤى.شنو هيه
مصطفى.كصت حواجبج
ملت راسي وي عيونه
رؤى.حلووات
هـز راسه مبتسم
مصطفى.مغيره وجهج كله
رؤى.انته مو تعبان مو ردت تنام
مصطفى.كلشي ماا بيه صحيت
رؤى.لا والله
مصطفى.وعيونج
رؤى.مو اريد اروح اغسل حتى اجي اكمل الختمة
فلت ايدي
مصطفى.يلـه روحي
رؤى.طلعت من يمه سحبت وكملت
ورجعت للغـرفه
جان كاعد وبيده سجل
رفع راسه باوعلي
مصطفى.نعيماا
رؤى.تسلم ما نمـت
مصطفى.لا ما تسووه
رؤى.وكفـت انشف شعري عالمـرايه شفته
كام طفه السبلت
رجع لمكانه وكال
مصطفى.لا تتمرضيـن
رؤى.الغرفه تصير حاره
مصطفى.شوي وشغلي بس لفي شعرج
رؤى.ماشي
لبست الحرام وكعدت اقره قران
صدقت لمـن سمعته يمجد
رفعت راسي كاسر المخده جوه ايده ويباوعلـي
نزعت المحرم وبداخلي اكول  الله يستر من هاي الصفنات المفاجاه
لزمت المشط اريد اظفر شعري
كال
مصطفى.اسويلج شعرج
رؤى.التفتت علي مبتسمه
تعرف
مصطفى.شيرادلهاا
رؤى.كعدت على كدام المرايه وهو وكف بظهري
لزم المشط يسرحه بيده
هو ناعم بس اظفره
مصطفى.مثل هاي السويتيهاا البارحه
رؤى.بكيفك حتى لو ظفيره عاديه
مصطفى.شلون تصير
رؤى.اقسمه ثلاث خصل وبعدين عبرهن وحده عالثانيه
كعدت انتظره واحس لعب شقلمبه بـشعري مو سواها ظفيره
خلص وانطانيها
ابتسمت وانـه اشوفها ما منظمه بس راخيه تريح الشعر
حجـيت مبتسمه 
شكرا
خله ايده بشعره من وراه ويحرك بيهاا
مصطفى.اتعلم ماا عليج
كالهاا وهوو ماا مقتنع بس احس دغدغه فرحة بكلبي من اشوف الاهتمام منه الـي بـ اصغر التفاصيل
رؤى.لا راخيه مريحه راسي
مصطفى.خوش مجامله يله ننزل
رؤى.خلـيت بوند ماروني على شعري  بلون فستاني
التفتت اله شفته يباوعلي وبيده تلفونه حـرك بـ راسه لباب بمعنـى يله 
ونزلنـه
حضر العصاير والبن والتمر سفره الفطور صارت علـي
يشتغلل بـهمه وماا اعترض بالعكس
صاار يرتب بيهاا بـ نظام كلاصات العصير بمكان والبن بمكـان واكتشفت جانب منه جان مخفي عليه كلش خدووم بشغل البيت وبالخص اذ شاف البنات تعبانات لو ملتهيات 
مر اليوم وجنه منتظرين يكولون اكمال الشهر
لو باجر عيد
انطوهاا اكمال  ارتاحت رنا
رنا.افف الحمدلله انطوها اكمال واله وين اكو عيد بدون كليجه
رسل.شوف هااي الناس تريد تعيد وهاي ميته على الكليجه
ام رؤى.تحجي صدك ماما هو العيد حلاته بالكليجه و
لمه الحبايب بالعجن والتشكيل
ام مصطفى.اي ولله لا عاب حلكج كبل اتذكر من جنه صغار نسوان المنطقه يلتمن بفرد بيت وكل وحده وياها صينيه العجين مالت الكليجه وكلها تشارك بتشكيل ويشوونها بتنور تطلع هلـكد طيبه وبيهاا بركة لو ماا شما تاكلين منها ما تخلص
مو هسه الجاهز ولمعلب تارس السوك
رؤى.... لـثاني يوم وراه صلاة الظهر بلشنه بالكليجه
امي وعمتي والبنات لمه حلووه
و وراه الفـطور وزعنه جم صاحون عالجيران و رردوها النه كليجه منهم
كعدت رسل تقيم بين طعم هاي وهاي
دخل مصطفى ساعة بـ١١
مصطفى.ياابه كل عام وانتم بخـير وصحة وسلامة وان شاء لله ما تتفارك هاي الجمعة
رؤى.دنك عايد على عمتي وامي والبنات وانه عيديتي من بعيد
رسل.يله اايدك على حمره
مصطفى.حمرتيش ولج
رسل.عيدية
مصطفى.بطوولي وانطيج شني ماا كبرتي
رسل.سوالفها عالدبه عيني اريد عيدية وما تنقبل لا خضره ولا زركه
هز ايده وضحك انطاها عشره
مصطفى.باجر انطيج الباقي
رسل.كول وداعتج انطيج باجـر
مصطفى.حجايه رجال
رسل.هسه تمام
رؤى.وزع عيديات على الموجودين وكعد بصفي
دنك راسه وقرب يمـي
مصطفى.عيديتج فـووك
رؤى.هزيت راسي مبتسمه وجـن عيون بدت طلع قلووب حب وانه صاافنه علـي شلون يحجي وي امي وعمتي وهايمه بي خربت عليه رسيل للحظة
لكـزتني رسل بخاصرتي
رسل.كاافي يمعووده صعدي فووك وشبعي بي عيوونج رااح يطلعن
رؤى.اسكتيي ما دام ماا منتبه الـي
رسل.اكص ايدي من شرجهاا اذ ماا منتبه الج اخيي واعرف فطن ويلكفهاا بسرعة بس مغلس
رؤى.دنيت يمهاا ودنكت راسي والمستحه اكلني
صخاام صخمني يعنيي يدريي بيه صاارلي ساعة صافنه بي جني ابوو صابر
وخليت بالي يمهم وبسوالفهم حتى بس لاا افكر بفشلتي خررب شلون حظ عدي
كعدو يسولفون عن مشاوير باجر ومنو يطلع ومنو لا
وبعدها كلها طشت صعدنه فـوك
فتحت تلفوني وكعدت على طرف الجربايه
بدل واجـه كعد كباالي
مصطفى.روايه
رؤى.رفعت وجهي اله احبه من يكول اسمي ويفصل
اله المن اباوعله يله يكمل حجيه بس هالمره ماا حجه قدم كدامي و
فتح بيده علبه مقدفه بـ احمر
بيهاا سلسله وفـراشه ناعمه بين جناتها اول حرف من اسمه
عكدت عااحبي والضحكه اعتلت وجهي
هااي الي
هز راسه مأكد
مصطفى.ما نصاغت لغيـرج
رؤى.ضليت صافنه بيي ماادري شحجي ثواني وعيونه ملتقياات يتحاضنن كسر الصمت وكال
مصطفى. كومي انه البسها الج
رؤى.وكفـت وهو وراي وخر ظفيرتي خلـاها على ركبتي واتلمسهاا بطرف اصبعي تجنن
خلـه راسه قريب من ركبتي صرت احس بدفو انفااسه