نصفي المفقود

بارت ٥

نصفي_المفقود
بارت5
بقلم_bato_l
الناشر=@Ahmaed
{دليني بجرح ما لك عرف بي.
حتى من أحجي اكولن عندي صاحب.
وإذ عل ملح ماعوني يحاجيك .
مو بس تارسه سويته شايب.
نزلت بصدري سجينه اعلى مطلوب.
عليك ماي اعلى الحواجب .
عفت دكات كلبي فاتحه شاب.
من يتكابلن بيه الحبايب}
______________________________________________
مصطفى، شنووووو للللللك شتحجييي
ذبيت تلفون جريت القميص
أحس درج صار عمر
ما حسيت بنفسي شوكت صرت كدام المحل ناس وهوسه دخلت من بينهم
كعدت على ركبي وأنه أشوف حطام رماد ولطفايات مطفيته قبل لا تعبر النار لغير محل
ما بيه شي صاحي
تعبي وتعب أبويه راح هبأ منثورأ
اصلن تندمت بالحظتها ليش ليوم عزلت من وكت ليش ما بقيت الأفكار تجي على راح ما عرف منين
ناس تحاجيني ما اكدر أرد أيقنت أن سكوت أفضل شي الي لا بيه أرد واجامل ناس ولا بي حيل حتى اوكف
علي،كول يالله خوويه بالمال ولا بالعيال
مصطفى ونزلت ، هزيت رأسي اييي ماردت ابقه بنص الهوسه وناس التواسي طلعت
من بينهم امشي بشارع وذكريات كلها صارت كدامي حتى طفولتي تذكرتها وشلون أبوي يوصيني على رزقه ولله ما أدري صرت حتى استحي أفكر بابوي عمره لي ضيعه يشغل كله راح نثر ماكو شي بقه صفكت اديناتي
و
دخلت للبيت باوعت أمي مكعداتها بره و هدومها كلها ماي ورسل ورنا يمها
وكفت ورسل لازمتها من جهه ورنا من جهه وترجف رغم ساندينها.
مستحي اباوع بوجهه وشنو اكول الها
وكفت يمها مسحت دموعها بيدي
أم مصطفى،يمه الحمد لله انته سالم لا تضوج ولا تهتم بعد عمري عمرك
كله يروح فدوه لتراب رجليك
مصطفى،ما عرف احجي ابجي اضحك على حالي لوصلتله بس ارريد ارتاااح مليت بستها برأسها وصعدت فوك
بس ذبيت رأسي على مخده كل الأفكار توالت عليه
منين نصرف منين اعيشهن وماخليهن محتاجات
معقوله هيج رجال يكسره تفكير بأهله بعيشتهم
نمت وكن النوم مصدر هروب من الواقع راح يعدل لي صار راح أرجع اكعد صبح ومابي شئ راح ارتبه  واطلع بليل منه  لمحل ما احترك ولا صار شي بي
غمضت عيوني بلكي اكدر انسه وتتطاير الأفكار من رأسي ضوضاء احسها برأسي اصوات بجي وصراخ كلشي.على شكل صور أو افلام قبل  اسود وابيض تنعاد علي من طفولتي زي آدم من من دراستنه لدلل أبوي نجاحي للاعداديه لسفر آدم لوكعت رسل لوفاة أبويه لدفنه حد آخر صور كدامي المحل ونار ولدخن ناس تواسيني بس احسها جذب فرحانين بعتبار أبوي جان كلش شاطر بشغله وجان مزاحم على محله انتهت الأفكار مجرد ما حسيت نفسي رحت لعالم اسود هادئ
___________________________________________________.
آدم .خالد شتحجييي انته ليمتها وليشش ما أحدد كلي
خالد، مادري ولله بس وصلني خبر من بيت أختي
أدم، محمد ووين
احجييي شبيك انخرسيت محمد ووين
خالد،ماادري سافر صار فتره لتركيا
آدم،جريت شعري لوراه بقيت افتر بمكاني شسووي هسه
سحبت الباب بسرعه وطلعت ركض الشقه فتحت الباب باوعت جارتنه جايه يم جدودتي دخلت لغرفتي جريت شكو فلوس عندي بدلت وطلعت باوعت
جدودتي ،شمالك ولللك حتى ما سلمت عل  المره
آدم، يمه مصطفى مصطفى
مسحت وجهي بيدي أريد احجي أحس لساني نعكد
مصطفى محلهم محترك وأبوه مات هو هسه يريدني أنه أدري بي محتاج وكفتي وياه
ضربت على خدينها
جدودتي،ياععع صكد تحجي
آدم، ايي هسه أنه أروح وراح اوصي عليج الحارس وكلشي  يمج علاجج ومسواكج
طلعت من الشقه اجرت تكسي وصلت للكراج
صعدت سياره للسماوه
تمنيت عندي جناح واطير ولا ابقه هيج زين هو ليش ما سئل عليه
وهسه اذ رحت الكه بنفس المنطقه
يااررب دخيلك
خويه فدوه أسرع ولله مستعجل
سايق،خويه انه ما أطير وياي عوائل امشي حد لمسموح بي وصلت ساعه ب6 لمغرب بعد جر وعر مني ومن سائق علمود يصعد سرعه سياره
ورجعت أجرت سياره هم وصلتني لمنطقته  نزلت دكيت الباب فلشته ماكو واحد فتحه كعدت على دجه مالت الباب باوعت يم بيتنه ناس طالعين واطفال يلعبون
صحت واحد من جهال
شتريد عمو
آدم، بيت أبو مصطفى  وين
عمو ماعرفهم احنه جدد
وكفت نكثت بنطروني ما عندي غيرها بنت الكلب  رحت يم بيتهم دكيت الباب طلعلي ولد أكبر مني
خير شرايد
آدم، نهاد موجوده
هيووو احترام شنو نهاد زوجتي كول ام الفضل
آدم، باوعتله من فوك ليجوا  حظ ال.... تعرف شلون تكربسه
أعتذر ياب بس ولله أريدها اسئلها عن ناس عرف بهاي المنطقه
طلعت بنت ك.... لحد هسه ما ناسي دكتها بيوم سويت لفان إلها
سلمت عليها ودثو واكف جنه ثور أسترالي
آدم،ولله دكيت الباب على بيت ابو مصطفى وما طلعلي قاطعتني وهيه تضرب ايدها على وجهه
نهاد،يااا تحجي صدك ماتدري شصار بيهم
آدم ،دحجي ولله طيرتي كلبي
نهاد،لك ماما دخل جوه سالفه طويله ويرادلها كعده
آدم، هسه لوسائل محمد ولا هذا طلعان روح
نهاد،خيولي هذاا ساق... هو ساس المصايب
آدم .فركت وجهي بيدي تحجين لو اشلون
نهاد،اسمع انه ما عرف سالفه كلها بس السمعته محمد خاطب رسل
ومصطفى ما قبل وذاك مهدده وحارك محله ومصطفى عرف وراح هد على بيت محمد هذولك عدهم عرف بدوله فروها على مصطفى وأمه خطيه صابتها جلطه على حركان دمها على ابنها ولولد ما بقه اله شي بهلمنطقه وطلعو محد يعرف وين
آدم،وهسه شنوووو وووين الكه
نهاد،ولله يا آدم ماكو الهم اثر
آدم، زين لك.... محمد وووين
نهاد،حتى ذولك هم شالو خافو من مصطفى لا يغدر بواحد منهم
آدم، يغدر ههههه ولله يالله ماعرفو ذيب وما يغدر
استغفرالله درت ظهري ومشيت اخذتلي فره بالمنطقه تيهت حتى دربي وين أروح وين اسئل  اخخخ يالله ولله ترجع بي الأيام فلا ادخل لبيتج شكو شي صار بيه بسببج دمرتيني واخذتي نص مني
خليتيني اعوف شكو شي حلو بدنيه لا ولك.... متزوجه واحد أصغر من جهالها  انعل ابوج لأبو لدخل بيتج لأبو حظه وياج
آدم،صارت ب12 بليل وانه افتر محتار وين أروح وين الكه روحي بيا طريق
دخل لواحد من لمضايف لي موجودات هوايه بسماوه ينفتحن لضيوف ومنسوبات لشيوخ وساده
ومنسوبات لشيوخ وساده
دخلت ولكيت سيد معمم كاعد بالمضيف بحده
سلمت وكعدت وهو يباوعلي
كال،الله بالخير بويه
آدم،عدلت كعدتي
لله بالخير عليك سيد
السيد،بويه مصلي
آدم،لا ولله ما صليت جاي من بغداد ودخلت وكت الأذان
السيد،تعال بويه شبل أخذ لولد يتوضى ويصلي
آدم، رحت وي ولد صغير توضيت ورجعت لكيته ماد مصلايه صليت ودرت وجهي مخلين صينيه عشه
السيد،تعال بويه زاد أبو الحسن انشالله ما يردك
آدم، مالي نفس لدنيه مو للأكل أكلت لكمتين ورجعت لمكاني
السيد،شني لمحيرك بويه
آدم، سلامتك سيد دنيه ما تخلي واحد مرتاح
السيد، ليش بويه جا هيه دنيه دار راحه لو ردت ترتاح اعمل صالح ورتاح يم رب كريم
آدم، ونعم بالله سيد ونعم بالله
السيد،تدري بويه انته فاكدلك شي وشي جبير وماتعرفه
آدم، صادك سيد الفكدته حزام ظهري وخويي
السيد،لا بويه مو هجي كصدي
آدم،تربعت بكعدتي جا شنو كصدك سيد
السيد،ابوك وين
آدم،مسافر
السيد،أي بويه الفاكده من ابوك
آدم، هو وين ابوي شايفه اعرفه
ضحك وباوعلي
السيد،لفاكده من ابوك مو ابوك نفسه لا لفاكده من ابوك
آدم، ياهو سيد
السيد،جاي وكتها بويه ما طول عليك بس صبر ثم صبر ثم صبر
ادم،تحسرت وهو طلع وسد المضيف شويه وجاب ولد صغير غطه تغطيت بس يا عين تغفه أحس حتى جسمي يصيح الغوث من تفكيري ولتعب
للفجر بس صليت وطلعت ما اكدر ابقه أحس اختنك من الهوى
طلعت للكراج
كبل لبغداد
بحيث وصلت مرحله تايه وين أروح ماعرف شصار وياه
عقلي بس يفكر شصار بي وين هو بعازتي لا
نزلت ب10 لشقه
جدودتي كاعده متانيتني
كامت شبكتني بستها برأسها
جدودتي، ولك كلبي كله وياك وين جنت من البارحه لهسه
لكيته لا
آدم، كعدت رجعت شعري لوراه
ماكو كلبت لمنطقه كلها ماكو
جدودتي، فوت اسبح وريح وتعال احاجيك
آدم، ولله مالي خلك اريد اسبح وانام ومن اكعد نحجي عود ونوب اطلع اريد أشوف هلسكط محمد وينن ابن الك..... اخخخخخ لو بس يطيح بيدي وحق من حق الحق الي أخلي ينسه اسم امه وأبو
جدودتي،ايي يمه جا انته وذاك لمصركع مشهودتلكم بالعراك ولمصايح
كوووم يله بساع
آدم، كايم ولله
دخلت سبحت طلعت لغرفتي  تكلبت بالفراش ماكدرت أنام
طلعت شفت شنو بالجدوره فاصوليا ولحم وتمن صبيت وكعدت بصاله
جدودتي،أي يمه احجي
آدم، حجيت كلشي وختمتها هسه عقلي واكف شسوي مادري
ولله هسه كلبي مقبوظ وانه اعرف هاي ماتصير اله اذ صار شي وياه تذكرين من رسبت وحرمتيني الطلعه وبيوم كتلج كلبي يوجعني ولله ومخنوك وبيومها مصطفى ما شفته
وطلع بايت بالمستشفى يوم كامل
جدودتي، كول يالله يمه ما علي انشالله علي حافظه بجاه عد الله
آدم ،انشالله انشالله شلت لماعين غسلتهن
أنه طالع لا يضل بالج
جدودتي، خوش بس لا طول
آدم، يصير خير
طلعت افتر بشوراع اريد اعرف وين أروح ما أدري بس العرفه إذ رجعت للبيت اختنك
يااارب حتى لو ما التقي بي حتى لو ما تتلكه دروبنه سخر اله
ولد الحلال ولا تخلي بضيج
باوعت يمي ولد أصدقاء يضحكون سوه
شفت بيهم صداقتنه ما تفاركنه يوم بس اخخخخ من بلوتي
صفنت.على المجسر والماي شلون يتحرك
هسه عسول وياه هااااي شلون ما إجت بالي خرررب زين وين يوديهن بالله ذيج يجوز تزوجت بس هااي ووين يروح بيها زين اذ صار علي شي
عسول وين تروح اذ امهه ضاربتها جلطه
غميت كصتي ولله أكبر غبي وحيوان زين اخواته شلون ما اجن على بالي من خرررب بالحظ اي ولله كعدت على مصطبه شويه واشوف وليد صغيروني * طفل صغيرون* هستوه يمشي كلساع يريد ينجبح على وجهه
شلته وانه تلفت ماكو ناس قليلين
تؤؤ تؤؤ ياا عمو وين اهلك
استغفرلله يارب زين هو شيعرفه وين اهله
بقه يبجي
ادم،اشش هسه شسوينلك ابن الكلب فوك ما شايلك وينن اهلك متيهينك
بقيت واكف بمكاني وشايله باوعت لابس كلاده محفور عليها اسم (Rowa)
بوويايي غير مال بوس بسته بخده لك ياحلو اسمك رواد
رجع باسني بخدي فدووه يروحلك آدم هيج متستغرب انته
كعدنه على مصطبات يلا شعلينه ننتظر اهلك لك.....
ليمتها يفكدونك باوعت ولد يبيع شعر بنات اشتريت منه وكعدت اوكله
فدوه لشفه صار حمره وخدوده ورديات هلكد ما حلو بودك تبقه بس تباوعله
أخذت بطل ماي غسلت وجهه فتحت ادينه مكتوب اسم سلسبيل
شهل أسماء
كعدنه ننتظر ولله شويه باوعت بنيه تركض علينه وكفت خمشته من ايدي وتبجي
وتشم بيه
ريام، وولك يا روح خالتك شكول لأمك لو صاير بيك شي لك ماما بالمستشفى من وراه وكاحتك ووين تروح يا خالتوو ما تكولي وين
آدم، ما صار شي خيتي لحمدلله عل سلامته وانتبهو علي مرت ثانيه
رفعت رأسها الي باوعتلي
ريام،أدهم
آدم،نعم
إجت وحده ثانيه هم اخذته منه وتشبك بي وحده تواسي ثانيه ويحجن لفهمته امه لوليد بالمستشفى على هبطه ابنها  درت وجهي ومشيت شكلهن مو عراقيات بس لهجه عراقيه  جمالهن مو طبيعي
آدم، خااب انه بيا حال وادور بنات مسحت وجهي بجفين أيدي عطره باقي بيدي
ابتسمت لله يحفظه لاهله  ولو انه شبعتهم غلط بس ميخالف يستاهلون حتى ما يعوفونه مرت ثانيه
رجعت لشقه رجعت لشقه جاي يأذن دخلت صليت ونمت نومه أهل الكهف على تعب إرهاق نفسي بتفكير ما كعدت بس ثاني يوم ب10
الصبح
تريكت وبقيت بالبيت
كالت
جدودتي ،شني  يمه ما تروح لشغلك
آدم ،اطلع عاارر اذ اشتغلت عد خال هذا سكط
جدودتي،يمه ما يصير لا تخبط هذا على هذا شغلك وحد وصداقتك وحد أمي انته كووم
توكل على الله هو وينه شغل لله وكيلك هاي شباب هل تطلع تتباجه حال العراق بضيم ولله بضيم
آدم، خاله يمه خاله يصير خال هل ......
جدودتي.تكوم لوو شلون
آدم،ماكوم ولا أوصل ابد
جدودتي.خوش جا ما تبقه بالبيت امشي فوت دور شغل
باجر عكبه دوام بيش داوم هااا موو احاجيك منين تصرف
أنه عجوز يومين وبالكبر انته وين تولي ماتريد تزوج لو تبقه
مصنكل كبال وجهي دومك
آدم، لله كريم
جدودتي،اي يمه ونعم بالله ألف مره بس الله ما كالك كعد وأنزل عليك وحي بيده فلوس الله كالك أسعى يا عبدي وانه وياك
ولك يمه حط عقلك براسك لا تخلي عاطفتك تغلبك
آدم،وكفت مليت من هلموضوع-  بستها برأسها
هااا بووويايي نونو صايره تحجي بالعاطفه لاتكليلي حبيت شويب
جدودتي، لسانك ولك لا اكصه واخلي بيدك
آدم،اييي ياب أدري ماشوفين الشويب غاير مني وهل يترس براسج عليه
بعد آدم بربع دينار ما تشترينه الك الله
جدودتي، ووتتالي وي لسانك
آدم، ولله تعبان خليني ارتاح أشوف شسوي بعدين عقلي ما جاي يفسر شي
ومن غير شي هسه يلا ذكرت عسول شصاير بيها وهيه من الصوت تخاف
جدودتي، اييي هنا مربط الفرس رسيله ماخذه عكلك *عقلك*
آدم، ههههههه تغارين مووو اعترفي ولله حقج بووووياي
هو وين تلكين حفيد مثلي جمال أخلاق أدب
جدودتي، اي حبوبه دير بالك لا يطكلك عرج
آدم، خرررب خليني مصدك روحي شويه
لو انتي شايفه الشويب بس هوه ايي حقج جاهيه مكيوله
من الكه احبابه نسه أصحابه
جدودتي، ووالله يا آدم إذ ما تكوم عني لكسر هاي العصا على رأسك
أبو صماخ وين الكه حفيد مثله لحمدلله يا ربي العقل ودين بس
آدم، ولله غاسل مخج الشويب
طفرت للغرفه مداسها ضرب بالباب
تمددت ذكرت طفل لي لكيته أمس ولله يشبه هاي البنيه لضربت بيها بالكليه
أدري ربي من خلقتهم شنو مخلي بيهم عسل حلقوم
بقيت يومين مارايح لشغل بس اريد حل يوصلني لمصطفى ماكو مكان أهل عرف ماكو بس بالسماوه و ماكدر اروح جدودتي مسويه إعلان حرب عليه اذ رحت لسماوه حلفت تطلع من الشقه بقيت مصفن بحالتي وين وصلت
للعصر نزلت جوه ولله ولاكاني خالد
درت وجهي اريد امشي
خالد،تعال يوولد وينن
آدم، هلا
خالد،تعال اريد احاجيك
آدم، أحجي هنا وراي شغل
خالد،اييي حقك هم يلا تلحك على حفاظات ولحليب دامشي يااخوويي
آدم، مشينه كعدنه بكهوه
خالد،ليش ما تجي لشغل تدري هاي الأيام عطل وأكثر طلاب يجون يرتبون أجسامهم لأن عطله وبدوام دراسه وما يكدرون
آدم، سمعت بابن أختك شمسووي باخوووي لو ما سمعتتت هااا تدرري صار ثلاث ايام ولله نوم ما ضايكه من تفكير
خالد،هوووب يولد منوو كلك هو ابن اختي بويه تره انه أبوه ماعرفه الله وكيلك مو كرايبنه هيج عرف على طريق مرت اخووي
وانه ما دريت بس من سمعت شارد لتركيا ومن سئلت على سبب ما كالولي
آدم،جريت حسره صار الهم همين اذ رايد اوصل لمحمد من خالد هسه ايئست
خالد،كول يالله يولد كلاصين عصير
سولفلي سالفه انه أخوك جبير سولف لا تضل كاتم بكلبك
آدم،سولفت كلشي من لمن رحت لسماوه لحد ما طلعت منها
خالد،أنته تحجي صدك تره ماكو هيج شي وين دوله وين لقانون
آدم،،نعل عليهم وعلى قانونهم هو لما اله ظهر ينسد لو يطلع وراه واحد
ولد لكلاب........
خالد،اششش صوتك
باوع هسه انته عرفت انه مالي دخل لا من بعيد ولا من قريب بمحمد ولا أهل محمد
ترجع تشتغل لأن صراحه بدونك ما عرف شلون مشي الامؤر كلها مخربطه ترجع ولا تهتم انه راح أحجي وي معارفي بلكي ولعل نشوف صرفه لو حل يوصلنه لصديقك
آدم، يصير خير
خالد،تعال لشغل لهي نفسك لا تبقه بالبيت خانك روحك تره تفكير ياكل بعقلك ويشكل وياك مرض ماتدري منين يجيك
آدم،وراه صلاه بس أخلص أجي
خالد،خوش لعد منتظرك حتى ليوم نصفي القاعه ونشوف شنو نواقص شنو لعطل ومسهرك ليوم لل5 صبح
آدم.اووو مبين اليوم راح انصلب صلبه معدله
خالد،تستاهل بعد اخيك حتى مرت ثانيه لا تستعجل بقرارك
آدم،خوش طلعت من لكهوه بقيت امشي وصلت للمجسر لي لكيت يمه طفل بلكي ولعل الكه اذن المغرب وماكو بس عوائل تفتر واغلبها راحت لأن إذن
مليت من الانتظار لي ما بي خير ولا فايده رجعت لشقه
صليت وبدلت وطلعت
جدودتي وين يا مسهل طالع طاب بكيفك
آدم، راجع لشغل
جدودتي ،اي بعد أمك روح ورجع ولله اذ كاتبلك تتلكون انشالله ما تضيعون طريجكم*الطريق*
آدم،انشالله يلا دعيلنه
جدودتي، مسهل طريقك بجاه أبا عبدالله الحسين*عليه السلام* عد الله*عز وجل*
آدم،ياالله نزلت وطلعت للقاعه صدك لكيت نفسي اشتغلت بحيث أحس عقلي تبرمج بس على الاثقال والأوزان والأجهزة سدينه القاعه ب2 ونص ونضفنه الجوه الأجهزه نزلنه الأجهزه لي ما تشتغل لي كدرت اصلحه سويته ولي ما كدرت عفته
واهسي صار كله بالقاعة ومالكيت اي أثر لمصطفى حتى من دز  خالد واحد من جماعته ونطيت عنوان بيت نسايبهم ماكو ما احد يعرف وين جان بكل لحظه حاظر وياي لمكان اذ اكعد بي اخلي اله مكان هيه جنت واصل مرحله مو مبالغه بس انه عندي مصطفى بدنيه هو صارلي اخو وكت لي مالي اخو ومالي ظهر
جنت متاكد راح الكه بس وين ذابها على الله وخلصت على خير من
كملت السنة الاولئ وجنت من الأوائل جان فخر الي ما احتاجيت أحد وكفت بنفسي وسندت نفسي بدون مساعده بغض نظر عن صعوبات لي واجهتها بسنه الأولى من سديم لي ما خلصت منها وجنت عرف غايتها بس مصلحه وتريد تجرني لطريقها حتى أصير واحد من كروبها شبابي لي صفتهم على ايدها ودمرت حتى حياتهم ولي أتعجب علي ليش ما تنفصل بس بعدين عرفت هيه ايدها بيد واحد  استاذ ورغم هيه صار إلها سنتين بالمرحلة الأولى بس لا محال صلافه وعرامه ماكو مثلها جنت هواي اسمع عنها لي نفصل ولي أخذت سيارته وخلتها باسمها ووووو إلى ما نهايه جان هيه هاي عاقتي الوحيده
صرت مسؤل عن قاعه ثانيه بغير فرع كلها جوه ايدي هن قاعتين جان من أشهر القاعات ببغداد
والاثنين اشتغلت بيهن
جنت فرحان ومنعجب بنفسي
بكل هذا لي صار وسنه المرت شلون وبسرعه ما عرف
بقه شخص مأخذ حيز من تفكيري
البنيه الروسيه باربي لي نصدمت وياها بالكليه
فعلا جمالها باربي جانت
كمت اذ أتذكرها أحس يومي ناقص
مو حلو
نزلت من الشقه جانت ساعه ب3 العصر
فتحت باب القاعه ودخلت
سلمت على خالد وكعدت ماكو ناس هوايه قليل
خالد،خوويي طاك سوكك
أدم، ههههه سوكي طاك وادري ما بالحيف
خالد،منين تجيبهن ذني الحلويات ليمشن وياك
آدم،عمي بالعباس ما طلع وي بنيه
هو انه بحال بنات
خالد،بريئ منك العباس لكك أمس انته لابس بنطرون اسود مقلم وقميص أحمر وياك بنات 3 وجاهل صغير باابو نؤاس
آدم. لا اله إلا الله شلون سالفه هاي بشر تكله مو انه ما يقتنع
طلع من جيب البنطرون تلفون أبو لكامره.المس
صورتي
منو هذا
أدم، لزمت تلفون وكعدت عالكرسي ونبي هاذا انه بس مو انه
ليمتها طالع انه
جان آدم نسخه ثانيه بس هاذا مزين لحيته مخلي بس شوارب
خالد، كول منوخالد، كول منوو هذا هم أنكر وكول مو انه
_______________________________________________
مشاهد إلى المستقبل 🔥🔥
أدم،تؤؤامي زيين انه ليش مادري
جدودتي،يمه ولله انه مااا قبلت بس ابوك وامك يااااايمه فرقوووكم
_______
آدم، رجعتت الوراه أحس جسمي كله يرجف أشر بصبعي وصحت بيهمم
اشششش اننه أمي ميته
اااااامي ميته ميته فهمتييي شايفتلج واحد مييتت ويعدل ماكووو مووو انه هجي أمي ميته ميته
_________
آدم، صدمات عمري متخلص وحده وراه ثانيه
شفتها اي شفتها لصبح وليل اكعد اتحلم بيها اتخيلها بكلشي بحياتي مشاركتني حتى بملابسي بطلعتي بنومتي باكلتي
شفتها بحضن اخوووي وتبجيي تتوسله
العيون لغرمت بيهن ينزل دم مو دمع
___.ابووس إيدك لا تتتعوفني وولك ولله أحبك ونبيييي أحبك ارحمنييي
صوتها كبل لا يكسر ويدخل لاذاني كسر كلبي

________
بقلم_bato_l
الناشر_
@Ahmaed
لمن رسل عاتبت
آدم
كالت
*شنسه منك حده صوت وسمارك *
طولك ونبره ضحكتك *
لو الحجايات الحنينه*
لامنها صرت اعشك لهجتك*