نصفي المفقود

تكمله بارت ٧٣

رنـا. يمه اليوم بسام حاجني علمود الخطبه وانه كتله راضيه وهو كال الأسبوع الجاي اجيب اهلي مشيه
ضحكت على حالي وحجت
ام مصطفى.وحيده وحيده يمه شبيج طايره هسه انتي راضيه بـ بسام
هزيت راسي بـ الموافقه
ام مصطفى.هاي هيه لله يقدم البي خير
انه اكومن انامن وانتي بس تخلصين شغلج ارتاحي مو تضلين  علـى فرد وكفه
رنا.صار
دخلت لغرفتهاا وانه جريت الصعداء بـعد مصطفى لو سئلني

كمـت طلعـته الكيك الموجود بالفرن وخليت وجـبه ثانيه قسمته نصين وخليته بالثلاجه يبرد للفجر اخلي الكريمه والحشو
لـ ساعـة بـ ٢ خلصت من التعب ذبيت روحي طريحه بالصاله
كعـدت
__مصطفى&رؤى
ورا حضـن طـوويل حجـه متنهد واتـذكر كـل اوجاعـه
مصطفى.شحـالج يبـعد حـالي كله
رؤى.زينه لا يضـل بالك
حاوط وجهـي بـجفين اديه يباوع بـعيوني وادري بي يقـراني
مصطفى.وجنـه ماا سمع الحجـايه منـي
شحالج هسه
رؤى.جريت نفـس مغمضه عيوني
مااريد احجـي شي لان غياابك عنـي وعن البيت نساني حالتـي كلهـاا وشوفتـك هسه بدايـة جديدة
الـي
مصطفى.هذا الاريـده روايتـي

صـوتك الـرجولي جـدا
ونبـرتك الحنـونة...
ترتب خرب قلبي... ياسيـد قلبي
قد وقعـت بك تماماً
بـ صمتي وكبـريائي و غروري
ها انا بين يديـك مرتبكة ولا اجـيد فعـل شيء سوا ان اردد اسمـك بشكـل مستمر استغاث بـك وانـا بين يديك 
____♡رسـل
خلـيت راسـي عالمخـده بعد تعـب يوم كامل هد حيلنه كلنه بس متناسين التعـب بفـرحتنه
حسيت بـ ايد ادم تنمـد جوه راسي ابتسمت وما انطيت اي ردة فعـل غيرهاا
غطيـت بنومـتس العميقه واحس استرخيت لكـن ماا دام هذا الـشي من سمعت صـرااخ سلسبـيل فـزينه سووه انه وادم
كووه واكف على حيله من الهبطـه
وانه لكيت روحي واكفه عالجـربايه
ركض هو  حتى بدون تيشرت بره طلعـت ورااه واشوف سلسبيل نـزلت تـركض عالـدرج مخترعه والدم ناازل من كصتهاا
صعدوو ادم وعموو واحد يسبق الثااني وعمتي تلكت سلسبيل بحضن خاايفه عليهاا
وماااحدد يدري شنو صااير
مرجـان.رسل ركـضيي جيبي علبه الاسعافات
رسل.اي صار
طفرت للمطبخ جبتهاا ورجعت انطيتهاا
وهيه تمسح الدم بالكطن وتحجي ويااها وتسئلهاا وسلسبيل لا حيااة لمن تنادي بس دموعهاا تنزل وصوت شهكاتهاا
ضمدت كصتهاا بـ بلاستر
وصوت صيااح ادهم من فووك يفزز الميـت
صاارت خبصه وهوسه وانه ماا فاهمه السالفة اذ هااي
بداية رجعة ادهم شنوو التـاالي
يالله
نزل عمـو ورا نص ساعـة وما حجـه شي بس هز راسه بـ يأس من شاف سلسبيل
ودخل لغـرفته لحكته عمتي
وسلسبيل نامت على رجل بيبي
كعدت على القنفه وايدي على راسي وجـن انه عاايزه والتمت علـيه
ام منتظر.حبوبه رسيله شماالج
رسل.ماكو شي بيبي
خليت ودخلت للغرفه عيوني صرت ماا افتحهاا من الم راسي
بس مااكدرت انام ضليت لـ صلاة الفجر طلعت توضيت وصليت يم بيبي جاي اقره قران
ونزل ادم كعد كبالنه يفرك بـ راسه
وشرايين اديه ناطاات
صدقت وعيوني علـي ما حجيت شي كمت جبت اله ترواكه مالت التراك ضال بدون فانيله
اخذها ولبسهاا
ادم.رسل كلاص جاي
رسل.بعيني
نزعت حرامي ودخلت للمطبخ
واسمعه يسولف وي بيبي الفهمته فااز يصرخ بعز نومته وراهاا سلسبيل تكول من فزت من عياطه
شمر عليها  علبه كزاز تخلي بيهاا فرش المكياج.
خليت كلاص الجاي كدامه
اخذ ويشرب بي التفت الي وحجه
ادم.ليش ما نايمه يابه
رسل. ما جـاني نوم وراسي موتني
ادم.لا اله الا الله بااجر لازم اوديج نشوف شنو السبب
رسل.رنوش كالت احتمال الضغط يعلك
ادم.نروح ونشـوف
رسل.تكوم تنام شووي
ادم.لا ياابه انه اصعد فوك
وانتي حاولي تنـامين حتى اخذج باجر لدكتور
رسل.هزيت راسي وكمت دخلت للغرفه 
ذبيت روحي عالفراش ونمت بس نوم معلعله كلساع يتيها الي صيااح ادهم وافز
ومـشه هيج اسبوع ادم ماا يلفي لـ غرفتنه بس وكت النوم وصاار صيااح ادهم بـ اي وكت مسموح
وما صرنه نستغرب
جاان معند وحتى الدكتور ماا يرضه يروح
وبس ادم اليكدر يهـدي شووي ومرات يكب علـي هم ويجيبه فشاار وغلط وسب شي ينفهم وشي لا
جااي نتغده ونزل ادم المواعين من فوك كمت اخذتهن عنـه
ادم.المن كمتي يابه انه اخذهن للمطبخ
رسل.اخلي الجاي بطريقي
اخذتهن منه خليت الجاي ورجعت اكمل غداي
منتظر.ادم حضر روحك باجـر مشيه وي بساام
رسل.رفعت راسي متفاجئه مشيه يعني زواج چاا و رنوش
بلعت ريكـي منتظرته يكمل كلامه
منتظر.هو حاجاني بيوم رجعه لولد
ادم.عليمـن يمشي
منتظر.على نسبيك
رسل.فكيت عيوني ماا كدرت اخفي ابتسامتي هااي شنو مطوره الاوضاع هنااك وانه ماادري
ادم.عالخير ان شاء لله
ﺟاا رسل حضري روحج اخذج العصر
رسل.هزيت راسي بـ موافقه والفرح ماا سايعتني
كفضت الشغل بسرعة ورحت سحبت وبدلت وكفـت اخـلي مكياج وصاارت بدخله ادم
باوعلي بعـدم رضا
نزلت المسكارا من ايدي ما لاحكت اخلي حتى حمره بس مسكارا وجفت
وعدلت لفت شالي
باوعت لـ انعكاس صورته بالمرايه واكف كدام الكنتور
مجتف ادينـه ابتسمت على وضعيته وتردد الحجـي بـ عقلي هذا الاريده
اريده يحتاار بـدوني
وما يلكـه راحته بس يمي تفكير اناني صحيح
بس يكفي هذا الشي مريحني ومريحه يحب يدلل  وانه على كلـبي مثل العسل
ادم.رسل ماا خلصتي ياابه
رسل.اي خلصت بس شوي
خليت تلفوني بجـنطتي
ومشيت يمه طلعت اله بدي  ماروني والحداد مالته اسود وبنطرون اسود
وكف يلبس علما طلعت اله الساعة
لبس المحبس
ادم.هاا كملنه
رسل.بس انته بقه شعرك
ابتسم.  و وكف عالمرايه مشط شعره عالسريع وطلعنه
لاكنه عموو بالباب شمر عـ ادم السويج
منتظر. روحو بيها بابه بس على كيفك من تسوق
ادم.ان شاء لله
صعدنه و وصلنه لبيت اهلي مستحيه منهم اول مره اوكف كدام بابنه خجلانه
من اجه مصطفى ولا رحت الهم ولا شايفته غير بس من اجه بـ بيت عيالي
انتبه علـي ادم
ادم.شبيج ياابه
رسل.مادري ادم مستحيه مااعرف شنو
ادم.علـ شنهي
رسل.مصطفى من اجـه ماا اجيت يمهم ولا رحت تحمدت اله بـ سلامة ومنهد شوفتي اله بـ بيتكم
هـز راسه و احنه كاعدين بالسياره كدام بيتنه
ادم. ماكوو داعي للخجـل حبيبي مصطفى يدري بكلشي الجاي يصير بيتنه يعني عااذرج
كولي يالله ونزلي
رسل.فتحت الباب ونزلنه سوه
دك الباب بالسويج وسمعت صوت ضحك اسر وصوت مصطفى يغلط علي وهذاك مكيف
فتح الباب
بس شااف ادم صاح
مصطفى.حيي الله الاخو السگط
دفعني ادم وخلاني ادخل كبله رد علـي
ادم.وجايبلك مرت السكط هم تستقبلونه لا
رسل.رفعت راسي باوعتله يباوعلي بحـنيه يمكن حس بـ ملامح وجهـي
فتح ايده الـي
مصطفى.عيوني تشيلكم
تقربت اله حضنته وشهكت بجيتت صاار شكد مفااركته رغم وجود ادم بس احس فرراغ بـ روحي ماا يكمله بس سندي واماني وابووي واخوي
مصطفى.لا لا السالفه موو خاليه رسوول تبجين
تعمه عيني ياابه  كون ولا اشووف دمعه من عيونج
هزيت راسي بنفي وهمست
اسم الله عليك
ووخرت عنه وايده مخليهاا على راسي يباوعلـي تحولت نظـراته لـ قلق
ادم.هسه شلوون ياابه نضل مشتولين بالباب
مصطفى.فوتوو ياابه تفضلو
سد الباب ادم ودخلنه لديوان
مصطفى.روحي رسول يم امي والبنات
طلعت منهم ودخلت للبيت وعيوني تفتر بي عبالك مفاركته سنة شافتني رؤى من المطبخ
صااحت
رؤى.اااعاا هاااي انتي رسيله اجيتي
واجت تركض شبكتني
حضنتهاا انه مشتااكه الهاا حيلل صدك اخابرهن بس موو مثل شوفتهن
طلعت رنوش و وراهاا امي همت سلمت عليهن وكل وحده احضنهاا اطوول بيهاا عبالك ماا شايفتنهن سنين مو اسبووع بس ولله ما متعوده
كعدت بنصهن وشاابكه امي حسبالك راح طير عني
جابت رؤى العصير والكيك
وكعدنه بسطنه بالسووالف وجني محمله هم اسوولف وماا تخلص
وهنه هم
ودرنه انوب على رنوش
كالت
رنا.انه كلت لمـ صطفى لـ بارحة
ماريد هوسه ولا عرس ولا طكطكه
اريد عقد بين الحرمين والله يحب المحسنين
ام مصطفى.شلوون حجي يمه هذاا وليد و اول فرحته تسلبينها منه ليش
رنا.يمه انه جربت العرس وصااير ينضرب المثل كد هوسته والناس الجـت بي بس شنوو فاادني هااي انه ترملت وصارلي سنتين وين العرس وين فلوس وين الناس الحاضره بي
وهم اريد اطرح البركة بحياتي بـ بالعقد لمن يصير بين الحـرمين
رؤى.عمه هم صدك حجيهاا وهو اذ راد يسوي عرس يسويله حفلة شباب كبل يوم من العقد
ام مصطفى.هاي هيه يمه كلي لـ اخيج وهو يوصله حجي
رسل.ماا اعتقد يعارض والعرفته من ادم بساام مايحب هاي الشكليات
رنا.لله يكتب البي خير
رسل.وابنج
ابتسمت وكالت
رنا.رؤى تحجي الج انه راايحه اسبح اسر
التفتت الهاا
رسل.كتيهن كلهن ولا تخلين حررف واحد
رؤى.اعع ولج غير انتي ماا تدرين
رسل.ايي كليلي خليني اادري
رؤى.ولج چاا غير طلع هذاا بساام دااهيه ولله
ولج مااخذ واحد على عرفه من هذوله الي رتبهم
طااكه ويمكن يعرف نسر ورايح اله لبيتهم بالسماوه
وهناك مستقبلهم وضالين من موضوع لـ موضوع لحد ماا وصلو لـ زبدة الروحه
يكلج هذاك ابو الرتب الـطاكه كايل لـ نسر
انته رجال واعي ومثقف ورجل قـانون والكل يشهد الك بـ اخلاقك وتعاملك الطيب ومن هذا التسفط
بالنهاية كايله
الاخ عود بسام ناوي يتقدم لـ زوجة المرحوم
وهيه رافضـه
والسبب خوفهاا منـكم من حرمانهاا ابنها
انته رجل قانون وكبل لا تدخل السلك العسكري انته رجل عشائر وتعرف الحق وتحكم بي  و تعـرف كلش هيه ما دام مؤهله لـ تربيـة طفلهاا
يحق الها تزوج وتعيش حياتهاا وي طفلهاا ورا ما تعهد ينكتب من قبل زوجها
واكيد انتم هم ما راح تنحرمون منه
والظاهر مشتد النقاش بينهـم
وخاتمهاا الاخ ابو الرتب الطاكه
احسبهاا اختك نسـر ترضه تعيش الرعب الجاي تعيشه المسكينه يعني تريدهاا تكعد وتسفط وماا تشوف حياتها
وخلي نكلب الادوار ونكول هيه الماتت تووكف بوجه اخوك وتكله ماايصير تزوج اكعد ربي ابنك
و جـر وعر بالسالفة لحـد مااا صاارت القسمة ونفكت الجبسه وابو الرتب كافل بـساام وكايل اله الك حق تشوفه بالشهر مرتين حسب فراغك يعني يجي ياخذه يوم بس بدون تبياته
حااط ايدي على حلكي وصاافنه بـ رؤى وهيه تحجـي
والابتسامة شااكه حلكـي
ولله وطلع بسيم موو هيـن ولا اختـي الهينه بحيث مخليته يتعنه من بغداد لـ سماوة خاطر يجيب موافقة عيالها
وضلينه راسي وراسهاا نسولف شنو نجهز باجر لحـد ما صااحت امي
ام مصطفى.وولجن شجاجن شنيي جوعانات سووالف كوومن الاذان يصيح
رسل.ايي يمه كاايمين
صددك ادم بعده هناا
ام مصطفى.كرتت عيني بيج يمه ايي ولله رااح احرملج خااف تنحسدين الرجال صاارله ساعتين ونص هناا وهيه تكوول بعده
رسل.ايي يمه شبيج ولله مشتاكتلجن ومشتااكه لـ سوالفجن
كمت لفيت شعري بخصله منه وبي وتوضيت صلينه ودخلنه كلنه للمطبخ نسووي العشه كلينه كباب وكبه على طمامه وبتيته  كل وحده لازمه الهاا طاوه
العشه المعتاد لـ كل عائلة عراقيه اصليـة
و وراهاا استلمنه نورش غسل وتشحيـم
و وجهاا وجسمهاا
رغم باجر ماكو شي بس مشيه زلم وتسليم المهـر
(تفـااعل بـداعت ابو الرتب الطـاكه حتى نزل الباارت الجاي باجـر)
كعـدنه من الصبح وماادري شعجـب الله هده ادم وخلاني ابات وراا توسيطاات من مصطفى 
غسلنه الديوان وبدلنه الجلساات ماالته
كملنه اخر شي رؤى وكفت تسوي الغده ورنوش تحضر ملابسها
وانه طلعت اغسل الممر مالت الديوان والطارمه
وندك البااب صحت منوو
ادم.اددم ياابه
رسل.تمشيت بـ ابتساامه حتى افتح الباب
جنت شااده شال رنوش على شعري
وحزام قمااش من رؤى شااده بيه ثوبي ورافعته
وبيده الماسحه
فتحته ورجعت لـورا
دخل هو
وسد الباب هيه سدت بااب هيه خـزره منه خلتني اتصنم بمكااني
جرني اله من معصم ايدي حجه وهوو صاك على سنونه
ادم.شسووين وولج
رسل.تحركت افك ايدي منه بس هيهاات اكسر عظمي رااح يطك جووه ايده
حجـيت وانه اكمز
اغسل اغسلل ولله
ادم.اادري تغسلين چااا تلعبين دعبل بس شلوون هيج طاالعه لطـاارمه
رسل.اددم ايدي حباااب فدووه ايدي
رخه قبضته ورجع عااد الحجـي وهو يجرني اله ويرجعني بمكااني
رسل.ايي ولله تاكدت ماكوو احد وبيتنه اعله البيووت ماا ابين منه ولله
ادم.شدرااج ماا تبين هااا صااعده فووك السطووح وشاايفه روحج تجيبين التايه
دفعني عالباااب
وحجه بـصيااح
ادم.فوووتي بدلي ملابسج بسرررعة
رسل.ايي ابدلهن ولله بس خلي اكمل الطاارمه
فك عيوونه واجه يحجييي ذبيت الماسحه من ايدي وطررت دخلت للمطبخ
بااوعت لـ رؤى كاالت وهيه تنكث حب التمن من الجفجير
رؤى.عاادي عادي رسوول تقبلي الوضع انه هم كبلج ترزلت رزاله غسل ولبس من ورا سالفت رفع الدشداشه ومصطفى كال راح اشتري سيقفه سندويش علموود ناخذ راحتنه
حجـيت مقهوره واباوع لـ ايدي عليهاا اثر صاابعه تلونت بسرعة للـ احمر
رسل.يكددر يحجي بدون ماا يزرل لوو ياذيني
وينبهه شـ يخسرر نصه مثلاا
رؤى.ميخاالف روحي بدلي هسه ثوبج مبلل
رسل.ااجه وحتى ماا افتهمت منه شيريد
رؤى.بدلي وطلعي اله
رسل.رحت للغـرفة
بدلت وطلعت اله لكيته يغسل ادينه على مغاسل الديوان انتبهت على الارضيه ماكوو ماي عرفته هو مااسحه
التفتت اله وبعدهي الحواجب معكووده
وماا فكت قاابلته بنفس عفسه الوجه كالت وهو ينكث المااي من ادينه عالوجهـي
ادم.جبت الـكيك والعصيرر تردون شي بعد
رسل.هسه ليش تعيل
فك عينه وتقرب يمي
ادم.بيمن عاايل
رسل.چاا شـ يسمونها تنكث الماي بوجهي ماكوو خاولي كلنكس مو هذاك كدامك
دار وجه وباوعله ورجع التفت الـي
ادم.اول شي صوتج لا يعله ثاني شي ماا نقص منج لا ايد ولا رجـل
رجعي للبيت خلي ادخل الكراتين
رسل.ضليت واكفه بمكاني على عـناده بده هو يدخل كيك جاهز مقطع وكراتين العصير
ماا حاجني حتى من شاافني واكفه بمكـاني ضل بس يستغفر خلص وسد الباب وضل واكفه بمكاانه متخصر
ادم.رسل
رسل.نعم
ادم.تريدوون شي بعد
رسل.لا
هـز راسه ومسح كصته بطرف ايده
ادم.تجـين تاخذين ملابس الج من بيتنه
رسل.هزيت راسي بـ رفض وعنااد
جبت ويااي من امس
باوعلي وجر نفس متنهد خله وطلع
ضرربت رجلـي بالكاااع شعووطني وراااح
خليت ودخلت للبيت مشيت ليوم شلون مااجان لحد ماا اجـو الزلم صعدت فوك السطح حتى اصور دخوليتهم والسيارات البره ترست الفرع
خطيه بساام يمكن من فرحته يمشي بالشـارع ويعزم بالناس
شوي وشفت ادم سطر الكراسي بـره وكعدو عليهاا الزلم
خلصت تصوير
ونزلت بااوعت لـ رنوش كااعده وملامحهاا طبيعيه واقل من الطبيعيه ولا جـن المشيه هااي كلهاا الها
دخلن نسوان من اهل العـريس واحنه اهل من زمان ما جانت بيناتنه هااي الكلافه
هلهلن وصفكن شغلت الديجـي وخليتهن يركص كلهن جاايات محضرات ومكيااج عبالهن يعقدون ليوم
علكـنهااا علك وكفنه انه و رؤى نوودي الضياافه وماا تخلص هسه افتهمت ليش جايبين هااي الكمية الحبيره يعني محسبين حسااب
وزعنه الضياافه وادم جان متكفل يااخذها وينطي لولد من جيرانه ياخذونهاا لـ زلم
وكفت احول اله من المطبخ رؤى دخلت جوه تستحي منه
ادم.رسل
التفتت الـه بدون جواب رجع كال
ادم.بليل اخذج
رسل.ماكدر اجي ويااك
فك عينه وكال
ادم.صارلج يومين هنا
رسل.واذ شنو يعني
ادم.موو وكتهاا هسه تروح الاوادم ونحجيي
طبك الباب وطلع
ابتسمت كووه ودخلت لصاله لـ ٥ العـصر
راحوو وكلها طشت ودخل مصطفى خله صندوق فضي وعلى الاطراف كرستـال
مصطفى.مهرج ام اسـر
رنا.بس انه كتلك ماريد مهري ما دام هو وافق عالشرطي
مصطفى.ما قبل وكال حكـهاا هاذه
وكال خلي تبدي تحضر ان شاء الله الاسبوع الجاي الاربعاء حنته والعرس بـكربله مثل ماتردين
هـزيت راسها بالموافقه واديني مشبكتهن سوه افرك بيهن
رنا.كتله ماتريد عرس وهوسه
مصطفى.وصلت اله حجيج كال يجرالهاا عقد بين الحرمين ومناك طلعون فندق
كام باس بـراسهاا مبتسم
مصطفى.لله يهنيج وياازين ماا ختاريتي بساام خوش بسام
روايه اذ خلصتي  صعدي وراي
رؤى.تمـام شلت اسر خليته بـسريره
ورجعت يم البنات
ام مصطفى.رسيله رجلج ووين....
بعدهي عمتي ماا كملت جملتهاا وندك البااب
رسل.هذه هوو فدووه روايه صعدي كلي مصطفى يجي
ام مصطفى.ولج شتردين من اخيج موو توه صعد تعيبان
رسل.بس شووي يمه
خلت رؤى وصعدت
فتحت الباب الغرفة مظلمه كالعاده لمن يريد يناام يظلمهاا يله يرتاح فتحت الكلوب رفع راسه من المخده عاكر وجهه
مصطفى.هاا ابويه
رؤى.اجه ادم ورسل كالتلي خلي ينزله مصطفى
كعد على حيله و وكف يلبس فوك فانيلته الداخليه قميص
مصطفى.متعاركين شني
ترددت احجـي الصار الصبح وتصير مشكله
رؤى.مادري
نزل كبالي وتبعته انه
شفته طلع كبل لديوان
ام مصطفى.شمالهاا هاي المكروصه صااحت اخيها
رنـا.عادي يجوز تريد تبات هناك ومصطفى دخل واسطه
ام مصطفى.شعددها بايته موو البارحة بايته عدنه  وعاافت رجلهاا بحده
رنا.شتردين منها يمه خطيه صارلها هو مجاايه
ام مصطفى.ولج يمه چاا انه استثگل من بزر بطني بس غير الزلمه ماا ينعااف بحـده
رنا.شيصير الهاا يمه خو ما السبعبع يجي علي
ام مصطفى.لا يمه تجـي وحده تاخذ مجانهاا وتخليهاا تدك وتلطم
رنا. ياا شالقصه ام مصطفى هيه ليلة باتت يمنه سويتيهاا قضية شكدهاا وشكبرهاا
ام مصطفى.خاايبات انتن شـفهمجن بهااي الطراكيع
لا تنصدن ولا تنردن جيل هـل وكـت
دخلت رسل الدمعة بعينهاا جرت عباايتها
لبستهاا والوجه مبين يحجي بدون ماا ينطق لسانهاا
رنا.هاا رسول تروحين
هزت راسها بدون صوت اخذت بس تلفونهاا حتى ملابسها عافتهاا هنا
خلت وطلـعت باوعلتهم من الشباك طلعو
دخل مصطفى اشرالي بيده
صعد قبلي التفتت على عمتي
رؤى.عمه محتاجة شي
ام مصطفى.لا يمه روحي ارتاحي تعبتي ليوم
رؤى.تصبحون عالخـير
وصعدت فوك دخلت للغرفة كاعده عالجـربايه وبيده تلفونـه سديت الباب وراي و وكفت فتحت شعري وبديت امشطـه وعيوني علـي ما رفع راسه من التلفون عفت شعري مفتوح ورحت طلعتلي ملابس
وكف بظهري وساد الكنتور بـ ادينه الاثنين
مصطفى.رؤى
رفعت عيوني بعيونه بدون ما اجاوبه
غمض عيونه ورد حجـه بهـدؤء
مصطفى.ارحمـي بحـال كلبي ولج مو كد عيوونج
رؤى.وانته ماا ترحـمني
دنك راسه الي مقرب روحه
مصطفى.انه ما ارحمج
هزيت راسي بـ ايي
مصطفى.لان خاف عليج ماا ارحمـج
رؤى.ماا علـيه شي مصطفى ولله ماا عليه شي
رد بـ اصرار وادينـه تحتل جتافي
مصطفى.ما مستعد اجاازف بيج
رؤى.ولا اانه مستعده ابقه ويااك بوسط خووفك عليه لان مااله كل داعـي
فـك عينه متفاجئ وحتى قبضه ادينه رخت
مصطفى.شني مگصد حجيج
هـزيت راسي ورديت بـ عزم
رؤى.الفهمته
مصطفى.بالله اانه حيووان وماا افهم احجي نوريني فهميني معنى حجيج
رؤى.ما حجـيت شي وبس عيوني بعيونه نظراته تحولت لـ غضب مكتووم
رد بـ نبره اقووه
مصطفى.ااحجيي يله فهميني
تردين تطلكين رووايه.......
(حبيت اختم بهذا البارت بس شفت هوواي احدث تنظلم منهاا رحلة علاج ادهم وزواج بسام ورنا)